Արջ. արխիվային լուսանկար

Պետական պաշտոնյան իրավապահների աչքի առաջ կարմիրգրքյան 2 արջ է պահում. «Դինգո թիմ»

147
(Թարմացված է 19:05 04.10.2019)
Մասնագետները համոզված են, որ երեխաներին դեռ փոքրուց անհրաժեշտ է կենդանասեր դաստիարակել, որպեսզի նրանք ագրեսիվ չմեծանան: Հոկտեմբերի 4-ը կենդանիների պաշտպանության միջազգային օրն է:

ԵՐԵՎԱՆ, 4 հոկտեմբերի — Sputnik. «Դինգո թիմը» նոր նախագիծ է իրականացնում, որի շրջանակներում երեխաներին հեքիաթների միջոցով ներկայացնելու են փրկված կենդանիների պատմությունները:

Пресс-конференция, приуроченная к Всемирному Дню животных в мультимедийном пресс-центре Sputnik Армения (4 октября 2019). Еревaн
© Sputnik / Andranik Ghazaryan
Կենդանիների պաշտպանության միջազգային օրվան նվիրված ասուլիս` Sputnik Արմենիա մուլտիմեդիոն կենտրոնում

Հայաստանում կենդանիների պաշտպանությամբ պետությունը չի զբաղվում, փոխարենն այդ պարտականությունն իրենց վրա են վերցրել բարեգործական կազմակերպություններն ու կենդանասերները: Այս մասին այսօր Sputnik Արմենիա մուլտիմեդիոն մամուլի կենտրոնում ասաց «Դինգո թիմ» ՀԿ հիմնադիր, Երևանի ավագանու անդամ Օվսաննա Հովսեփյանը:

Овсанна Овсепян на пресс-конференции, приуроченной к Всемирному Дню животных (4 октября 2019). Еревaн
© Sputnik / Misha Chernyakovsky
«Դինգո թիմ» ՀԿ հիմնադիր, Երևանի ավագանու անդամ Օվսաննա Հովսեփյան

«Բարեգործների և կենդանասերների շնորհիվ Հայաստանում կենդանիների հանդեպ վերաբերմունքը  10 տարի առաջվա համեմատ փոխվել է դեպի դրականը, բայց այս հարցին պետք է պետական մակարդակով լուծում տրվի՝ օրենք գործի և ոստիկանությունն էլ հավուր պատշաճի զբաղվի խնդրով»,-ասաց նա:

Հովսեփյանը նշեց, որ իրենց կազմակերպությունը հաճախ է կենդանիների նկատմամբ դաժան դեպքերի ականատես լինում:

«Դեպքեր եմ հիշում, երբ կրակել էին կենդանու 4 ոտքին և թողել, որ նա տանջամահ լինի: Կացնահարել էին շանը, կրակել էին մեկ ամսական ձագուկներին, ինչն առհասարակ ինքնապաշտպանության հետ աղերս չունի»,-ասաց նա և հավելեց, որ առանձին դեպքերով դիմում են ոստիկանություն, որպեսզի քաղաքացիները քաշքշուկի մեջ ընկնեն, հայտնվեն ոստիկանությունում և գոնե այդպես մի փոքր զգաստանան:

Ասուլիսին ներկա կենդանապաշտպան Նարե Արամյանի խոսքով՝ այժմ Հայաստանում ոչ միայն իսպառ բացակայում է օրենսդրական դաշտը, այլև չկան այն ռազմավարական ծրագրերը, որոնք առանձին կենդանիների դեպքում հնարավոր կդարձնեն խնդրի կարգավորումը:

Наре Арамян на пресс-конференции, приуроченной к Всемирному Дню животных (4 октября 2019). Еревaн
© Sputnik / Misha Chernyakovsky
Կենդանապաշտպան Նարե Արամյան

«Գրեթե բոլոր նախարարություններն առնչվում են կենդանիների բարեկեցությանը, ուստի պետք է ունենանք կառավարությանն առընթեր՝ կենդանիների վերահսկողության հանձնաժողով, որը կկարողանա կանոնակարգել կենդանիների նկատմամբ պատասխանատու վերաբերմունքի ոլորտը և կարգավորել յուրաքանչյուր նախարարության գործունեությունը»,-ասաց նա:

«Դինգո թիմ». «Յունիգրաֆ իքսի» շներին ոչ ոք չի գողացել

Ասուլիսին ներկա՝ Վայրի բնության և մշակութային արժեքների պահպանման հիմնադրամի /FPWC/ բնապահպանական ծրագրի ղեկավար Արևիկ Մկրտչյանն էլ խոսեց մեկ այլ խնդրի մասին. նա նշեց, որ չկան հստակ տեղեկություններ այն մասին, թե որսորդը, որին թույլատրում են որս անել, սպանում է կարմիրգրքյա՞ն, թե՞ այլ կենդանի:

Аревик Мкртчян на пресс-конференции, приуроченной к Всемирному Дню животных (4 октября 2019). Еревaн
© Sputnik / Andranik Ghazaryan
Վայրի բնության և մշակութային արժեքների պահպանման հիմնադրամի /FPWC/ բնապահպանական ծրագրի ղեկավար Արևիկ Մկրտչյան

«Կան թռչունների տեսակներ, որոնք ընդամենը մեկ գծով են տարբերվում կարմիր գրքում գրանցված թռչուններից: ՀՀ օրենսդրությունը թույլատրում է նման որսորդներին պատասխանատվության ենթարկել, բայց որքանո՞վ են այդ օրենքները կիրառվում»,-ասաց նա:

Մկրտչյանն օրինակ բերեց, որ իրենք տեղեկություն ունեն, որ Մալաթիա-Սեբաստիա վարչական շրջանում պետական պաշտոնյան հանրային տարածքում պահում է կարմիրգրքյան 2 գորշ արջ, որոնց առգրավելու համար առկա են բոլոր իրավական հիմքերը, բայց դա չի արվում:

Նա շեշտեց, որ այստեղ խնդիրն արդեն ոչ թե արջերի, այլ հանրային անվտանգության մասին է, որովհետև այդ արջերին պահում են ինքնաշեն վանդակներում, և նրանք ցանկացած պահի կարող են փախչել: Այդ դեպքում արդեն հայտնի չէ, թե դժբախտություն լինելու պարագայում ով է պատասխանատվություն կրելու:

147
թեգերը:
օրինագիծ, Օրենք, երեխա, կենդանի, Նարե Արամյան (իրավապաշտպան, կենդանիների պաշտպան), «Դինգո թիմ» ՀԿ
Ըստ թեմայի
Էկոաղետ Գյումրիում. ի՞նչ վնաս կհասցնի կենդանիների բացօթյա գերեզմանոցը. լուսանկարներ
«Պետք է վերջ տալ սպանություններին». ակտիվիստները պահանջում են պաշտպանել կենդանիներին
«Մեզ մոտ կենդանիներին մասնավոր պայմաններում պահում են օրենքի կոպիտ խախտումով». Մանվելյան
Գյումրու 102–րդ ռազմաբազա

ՔԿ–ն նյութեր է նախապատրաստում ռուս զինծառայողի հանկարծամահ լինելու փաստի առթիվ

11
(Թարմացված է 12:52 27.11.2020)
Ռուսաստանի Հարավային ռազմական օկրուգի ռուսական ռազմակայանի հրամանատարության հանձնաժողովը հետաքննություն է անցկացնում իրավապահների հետ համատեղ։

ԵՐԵՎԱՆ, 27 նոյեմբերի - Sputnik. Քննչական կոմիտեի Շիրակի մարզային քննչական վարչությունում նյութեր են նախապատրաստվում Գյումրու 102-րդ ռուսական ռազմաբազայում ծառայող ռուս զինվորականի հանկարծամահ լինելու փաստի առթիվ։ Այս մասին Sputnik Արմենիայի հետ զրույցում ասաց ՀՀ քննչական կոմիտեի մամուլի խոսնակ Ռիմա Եգանյանը։

Հիշեցնենք, որ Գյումրու 102-րդ ռուսական ռազմաբազայում հայտնաբերվել էր զինվորականի մարմին։

Մարմինը հայտնաբերել էր զինվորականի ծառայակիցը։ Sputnik Արմենիայի հետ զրույցում ՌԴ Հարավային ռազմական օկրուգի մամուլի ծառայությունից փոխանցել են, որ Ռուսաստանի Հարավային ռազմական օկրուգի ռուսական ռազմակայանի հրամանատարության հանձնաժողովը իրավապահների հետ համատեղ հետաքննություն է անցկացնում պայմանագրային զինծառայողի մահվան փաստով։

Զինծառայողի մարմնի վրա բռնության հետքեր չեն հայտնաբերվել։

102-րդ ռազմաբազայի զինծառայողի մահվան մեջ կրիմինալ տարրեր չկան. ՌԴ դեսպանատուն

11
թեգերը:
Մահ, զինծառայող, Գյումրու 102–րդ ռազմաբազա
Ըստ թեմայի
Գյումրիում տեղակայված ռուսական 102-րդ ռազմաբազան արդիականացվում է. նախարար
Հայաստան ժամանած նորակոչիկները կփոխարինեն Գյումրու 102-րդ ռազմաբազայի անձնակազմին
Ռուսական ռազմաբազան Հայաստանի անվտանգության կարևոր բաղադրիչ է․ Փաշինյան
Արման Թաթոյան

Ադրբեջանն արհեստական ձգձգում է գերիների փոխանակումը. ՄԻՊ–ը դիմել է միջազգային հանրությանը

22
(Թարմացված է 12:28 27.11.2020)
Արման Թաթոյանը կարծում է, որ ստեղծված պայմաններում գերիների ազատ արձակումը և նրանց անվտանգ վերադարձի ապահովումը, դիերի փոխանակումը դարձել է րոպե առաջ, հրատապ լուծում պահանջող խնդիր։

ԵՐԵՎԱՆ, 27 նոյեմբերի – Sputnik. ՀՀ մարդու իրավունքների պաշտպան Արման Թաթոյանը հրատապ դիմել է միջազգային հանրությանը` հայտնելով, որ Ադրբեջանն արհեստական ձգձգում է գերիների ու դիերի փոխանակման գործընթացը և շարունակում դաժան վերաբերմունքը։

«Դիմում եմ միջազգային հանրությանը և հատկապես մարդու իրավունքների պաշտպանության մանդատ ունեցող արտերկրյա կառույցներին. անհրաժեշտ է առավելագույն հնարավորություններով ու իրական քայլերով հրատապ լուծել այս խնդիրը՝ պատերազմական ամենածանր հանցագործություններից ու անմարդկային, դաժան գերությունից մարդկանց ազատելու նպատակով»,–նշված է հաղորդագրության մեջ։

ՄԻՊ–ն ասում է` ադրբեջանական իշխանությունները որպես պատճառաբանություն մի կողմից նշում են, թե գերիների փոխանակումն իրականացվելու է դիերի փոխանակման գործընթացի ավարտից հետո, մյուս կողմից, ինքնին դիերի փոխանակման գործընթացը ձգձգվում է առանց պատճառաբանության։ Այս ամենով Ադրբեջանը կոպտորեն ոտնահարում է Ժնևյան կոնվենցիաներով երաշխավորված հիմնարար պահանջները։

Ըստ Թաթոյանի` ակնհայտ է, որ Ադրբեջանն այս ամենով նպատակ ունի դիտավորությամբ հայ հասարակությունում ստեղծել անորոշության ու լարվածության մթնոլորտ, հոգեկան տառապանքներ պատճառել մահացած զինծառայողների ու գերիների ընտանիքների անդամներին:

Լրատվամիջոցների ու հատկապես սոցիալական մեդիայի ադրբեջանական աղբյուրներից անընդհատ հրապարակվում են տեսանյութեր ու լուսանկարներ, թե ինչպես է ադրբեջանական ԶՈւ–ն անարգում հայկական կողմի զինծառայողների դիերը, խոշտանգում ու նվաստացնում գերեվարված զինծառայողներին ու քաղաքացիական անձանց։ Թաթոյանը կարծում է, որ պատերազմական գործողությունների ողջ ընթացքում ակնհայտ էր, որ ադրբեջանական իշխանությունները խրախուսում են այս դաժանություններն ու նվաստացումները՝ նպատակ ունենալով Ադրբեջանում բորբոքել էթնիկ հայերի նկատմամբ ատելություն ու թշնամանք, հերոսացնել դրանք կատարողներին:

«Իշխանություն չունենք». գերիների հարցով հայ արվեստագետները կդիմեն միջազգային կառույցներին

ՄԻՊ–ի խոսքով` ստեղծված պայմաններում գերիների ազատ արձակումը և նրանց անվտանգ վերադարձի ապահովումը, դիերի փոխանակումը դարձել է րոպե առաջ, հրատապ լուծում պահանջող խնդիր։

Հիշեցնենք, որ այս օրերին անհետ կորած զինծառայողների ծնողները բողոքի ակցիաներ են անում կառավարության առջև` պահանջելով, որ իրենց զավակներից որևէ լուր տան, գերիների փոխանացման գործընթաց սկսեն։

22
թեգերը:
Արման Թաթոյան, Ադրբեջան, գերի, Մարդու Իրավունքների Եվրոպական դատարան (ՄԻԵԴ)
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Մարուքյանը հայ գերիների հարցով դիմել է ԵԽ Խոշտանգումների կանխարգելման կոմիտեին
Փաշինյանն ահաբեկիչների ու գերիների հարցը քննարկել է Մուշիկիվաբոյի հետ
Նախկին նախարարը կոչ է անում փրկել Ադրբեջանի ստրկության մեջ հայտնված հայ գերիներին