Депутат от фракции “Процветающая Армения” Геворг Петросян на заседании Парламента (18 января 2019). Еревaн

«Թովմասյանն ինձ հետաքրքրել է այնքան, ինչքան թռչնագրիպը` Խորենացուն». Պետրոսյան

95
(Թարմացված է 16:49 03.10.2019)
Գևորգ Պետրոսյանը կարծում է` որ քավոր–սանիկական հարաբերություններն իրավական կատեգորիա չեն, հետևաբար, ինչ նշանակություն ունի, որ Ռոբերտ Քոչարյանի պաշտպանը Արամ Օրբելյանը ՍԴ նախագահ Հրայր Թովմասյանի սանիկն է։

ԵՐԵՎԱՆ, 3 հոկտեմբերի — Sputnik. Եղել է ժամանակ, որ ՍԴ նախագահ Հրայր Թովմասյանը ԲՀԿ–ական պատգամավոր Գևորգ Պետրոսյանին հետաքրքրել է այնքան, ինչքան թռչնագրիպի վարակը կարող էր հետաքրքրել Մովսես Խորենացուն։ Այս մասին ԱԺ–ում Պետրոսյանն ասաց «Իմ քայլը» խմբակցության ներկայացրած` Թովմասյանի լիազորությունները դադարեցնելու նախագծի քննարկման ժամանակ։

«Ավելորդ է ասել` Հրայր Թովմասյանը մեր կուռքը չէ, պետք չի մեզ կապել նրա հետ։  «Իմ քայլի» պատգամավոր Միքայել Զոլյանը մեզ ասում է` կողմ քվեարկեք, որ ԲՀԿ վարկանիշը բարձրանա`  բա դա ասելո՞ւ բան է։ Դուք, իրոք, մտածում եք` սրա հե՞տ է կապված ԲՀԿ–ի վարկանիշը։ Մոլորության մեջ եք։ Հետո կխոսենք, ես դրա համար չեմ եկել ամբիոնի մոտ, որ ասեմ` դուք ինչի մեջ եք»,–ասաց նա։

Նրա խոսքով` թշնամանքի մթնոլորտ է ԱԺ–ում, սակայն խնդիրն այն է, որ ոչ ոք չի եկել ԱԺ` միմյանց վիրավորելու։ Պետրոսյանն ասաց, թե ում որտեղ պետք է վիրավորել` առիթ կլինի դեռ։

Ըստ նրա` եթե ՍԴ նախագահի խնդիրն ունի իրավական բնույթ, ինչի՞ համար են ուզում անուղղակի ակնարկներով հոշոտել իրար։

Հրայր Թովմասյանը հայտարարություն է տարածել

«Ասում են` քավոր–սանիկական հարաբերություններ կան Թովմասյանի ու Ռոբերտ Քոչարյանի պաշտպան Արամ Օրբելյանի միջև։ Մենք ավանդական ժողովուրդ ենք, ձեր ցավը տանեմ։ Քավոր–սանիկն իրավական կատեգորիա չէ, օրենսգրքերում իրավական կատեգորիա է համարվում զոքանչը, հարսը, փեսան, բայց ոչ քավոր–սանիկը։ Կարող է վաղը կյանքն այնպես դասավորվի` մենք էլ քավոր–սանիկ դառնանք»,–ասաց նա։

Մակունցի համար ընդունելի չէ քաղաքական դիսկուրսը անձնական տիրույթ տեղափոխելը

Հիշեցնենք, որ սեպտեմբերի 16–ին «Իմ քայլը» խմբակցության նիստում որոշում էր կայացվել  Սահմանադրական դատարանի անդամներից մեկի` Հրայր Թովմասյանի նկատմամբ սկսել լիազորությունները դադարեցնելու գործընթաց։ «Իմ քայլը» խմբակցության հեղինակած նախագծին ԱԺ պետաիրավական հանձնաժողովը դրական եզրակացություն էր տվել։

Վերջնական որոշում պետք է կայացնի ՍԴ–ն։

«Սատանայի փաստաբան» Հրայր Թովմասյանը գնալու է Սերժ Սարգսյանի հետևից. Ալեն Սիմոնյան

Հրայր Թովմասյանը ՍԴ նախագահ էր ընտրվել 2018–ի փետրվարին։

95
թեգերը:
հարս, Սահմանադրական դատարան, ԱԺ, Գևորգ Պետրոսյան, Հրայր Թովմասյան, Հայաստան
թեմա:
ՍԴ նախագահ Հրայր Թովմասյանին պաշտոնանկ անելու գործընթացը (104)
Ըստ թեմայի
Տեխնիկական վրիպակ էր, ինչի մասին զանգով տեղեկացրել ենք. Գրիգորյանը` ի պատասխան Թովմասյանի
Պատճառը փաստերն են. ԱԺ–ն քննարկում է Թովմասյանի լիազորությունները դադարեցնելու հարցը
Քոչարյանը ներողություն չի խնդրի, բայց պատրաստ է հանդիպել Արփինե Հովհաննիսյանի հայրիկին
ՍԴ-ն Թովմասյանի լիազորությունները դադարեցնելու իր կարծիքը պետք է հիմնավորի. Գրիգորյան
Վահե Հակոբյան

Նախկին մարզպետին ՔԿ են կանչել որպես վկա. փաստաբանը դա քաղաքական հետապնդում է համարում

21
(Թարմացված է 12:50 26.01.2021)
Քրեական գործի հիմքում դրված փաստերը հայտնի են եղել 2017-18թթ–ին, բայց դրանց մասին բարձրաձայնվում է միայն այն բանից հետ, երբ Վահե Հակոբյանն ակտիվություն է դրսևորում քաղաքականության մեջ։

ԵՐԵՎԱՆ, 26 հունվարի – Sputnik. Սյունիքի նախկին մարզպետ Վահե Հակոբյանի նկատմամբ հարուցված քրեական գործը նրա փաստաբան Ժիրայր Ղարագյոզյանը քաղաքական հետապնդում է որակում` այն կապելով Հակոբյանի քաղաքական ակտիվության հետ։

«Եթե այդ փաստերը հայտնի են եղել 2017-18թթ–ին, ինչո՞ւ է այդ մասին բարձրաձայնվում միայն այն բանից հետ, երբ պարոն Հակոբյանը ինչ–որ ակտիվություն դրսևորել քաղաքականության մեջ»,– Sputnik Արմենիայի հետ զրույցում մեկնաբանելով քրեական գործը, ասաց փաստաբանը։

Բանն այն է, որ քրեական գործը հարուցվել է 2019թ. օգոստոսին Սյունիքի մարզպետարանում և ենթակա հիմնարկներում Հաշվեքննիչ պալատի իրականացրած ստուգումների արդյունքում հայտնաբերված չարաշահումների փաստով` քրեական օրենսգրքի 179-րդ հոդվածի 2-րդ մասի 1-ին կետով(յուրացում կամ վատնում) և 314-րդ հոդվածի 1-ին մասով (պաշտոնեական կեղծիք):

Քրեական գործի նյութերի համաձայն, նախկին մարզպետ Վահե Հակոբյանը, նրա երկու օգնականներն ու վարորդը 2017-2018թթ. ընկած ժամանակահատվածում աշխատանքի չեն հաճախել, բայց աշխատավարձ են ստացել։

Հակոբյանի փաստաբանը հայտնեց, որ իր պաշտպանյալն այս պահին վկայի կարգավիճակ ունի։ Մեղադրանք չի առաջադրվել, նա ազատության մեջ է։ Վահե Հակոբյանը հունվարի 29-ին հրավրվել է քննչական մարմին` վկայի կարգավիճակով հարցաքննության։

«Սակայն քննչական գործից մենք այնպիսի ենթադրություն ենք անում, որ Վահե Հակոբյանը միայն վկայի կարգավիճակով չի անցնելու։ Մենք գրեթե վստահ ենք, որ նրա կարգավիճակը փոխվելու է»,– ասաց փաստաբանը։

Քրեական գործում հիշատակվող նախկին մարզպետի օգնականների ու վարորդի իրավական կարգավիճակի, քրեական գործում ներգրավված լինել–չլինելու մասին տեղեկություններ Ժիրայր Ղարագյոզյանը չունի։

«Մենք ներկայացնում ենք Վահե Հակոբյանի շահերը։ Վարորդի և օգնականների մասով տեղեկություններ չունեմ։ Այս պահի դրությամբ իրենք մեր վստահորդը չեն հանդիսանում»,– ասաց փաստաբանը։

Հիշեցնենք` Վահե Ալբերտի Հակոբյանը Հայաստանի Հանրապետության Սյունիքի մարզպետ էր նշանակվել 2016 թվականի հոկտեմբերի 6-ին։

2017 թվականի հունվարի 3-ին ընտրվել է ՀՀԿ Սյունիքի տարածքային կազմակերպության խորհրդի նախագահ։

2018թ–ին Հայաստանում տեղի ունեցած իշխանափոխությունից հետո Վահե Հակոբյանը հայտնել էր, որ չի պատրաստվում հրաժարական տալ` չնայած այն հանագամանքին, որ Փաշինյանը հայտարարել էր, որ բոլոր մարզպետները պետք է փոխվեն։

2018թ–ի հունիսին, ՀՀ կառավարության որոշմամբ, Վահե Հակոբյանը պաշտոնանկ արվեց մարզպետի պաշտոնից։

Նիկոլ Փաշինյանը խոստացավ` անցանկալի մարզպետը հրաժարական կտա

21
թեգերը:
փաստաբան, Քննչական կոմիտե, Մարզպետ
Ելենա Մալիշևա

Մալիշևան ասել է՝ ովքեր պետք է «գլխապատառ» գնան COVID-19-ի դեմ պատվաստում ստանալու

14
(Թարմացված է 12:17 26.01.2021)
Բժիշկը թվարկել է այն գործոնները, որոնք վկայում են մարդու մոտ պատվաստում ստանալու անհրաժեշտության մասին։

ԵՐԵՎԱՆ, 26 հունվարի — Sputnik. Ռուս հաղորդավարուհի, բժիշկ Ելենա Մալիշևան ռուսական «Առաջին ալիքի» եթերում ասել է` որ խմբի ներկայացուցիչները պետք է անպայման պատվաստում ստանան կորոնավիրուսի դեմ։

«Պետք է գլխակորույս վազել պատվաստում ստանալու, քանի որ կորոնավիրուսով ծանր հիվանդանալու ու մահանալու ռիսկերը միլիոն անգամ ավելի մեծ են, քան պատվաստման ցանկացած ռիսկերը», - նշել է Մալիշևան՝ դիմելով ռիսկային խմբերի մարդկանց։

Բժիշկը թվարկել է այն գործոնները, որոնք վկայում են մարդու մոտ պատվաստում ստանալու անհրաժեշտության մասին։ Այդ գործոններն են՝ 65-ից բարձր տարիքը, ճարպակալությունը, երիկամների խրոնիկ հիվանդությունները, թոքերի հիվանդությունները, քաղցկեղային հիվանդությունները (ոչ սուր փուլում), սրտանոթային հիվանդությունները։

«Կաթվածաբեր» պատվաստանյութը. Հայաստանը պատրաստվո՞ւմ է կորոնավիրուսի դեմ պայքարել Pfizer–ով

Worldometer համաշխարհային վիճակագրական կայքի համաձայն` հունվարի 26-ի դրությամբ աշխարհում կորոնավիրուսի հաստատված դեպքերի ընդհանուր թիվը հասել է 100,2 միլիոնի։ Համավարակի զոհ է դարձել ավելի քան 2,1 մլն մարդ։

Առողջապահության համաշխարհային կազմակերպությունը (ԱՀԿ) 2020 թվականի մարտի 11-ին նոր COVID-19 կորոնավիրուսի բռնկումը հայտարարել էր համավարակ։

14
թեգերը:
պատվաստումներ, կորոնավիրուս, Ելենա Մալիշևա
Ըստ թեմայի
Ֆրանսիայում պատվաստվելուց հետո 9 մարդ է մահացել, սակայն կապը պատվաստման հետ ապացուցված չէ
Կալիֆոռնիայում հորդորել են հրաժարվել Նուբար Աֆեյանի ընկերության պատվաստանյութի խմբաքանակից
Ո՞րն է այլ պատվաստանյութերի համեմատ «Սպուտնիկ V»-ի «ինովացիոն» տարբերությունը