Բենզալցակայան

Ովքեր են բենզին ներկրում Հայաստան, և ինչու են իջել գները

350
(Թարմացված է 14:33 03.10.2019)
ՏՄՊՊՀ նախագահ Գեղամ Գևորգյանը լրագրողներին հայտնել է այն ընկերությունների անունները, որոնք Ռուսաստանից քվոտավորված բենզին ներկրելու իրավասություն ունեն։

ԵՐԵՎԱՆ, 3 հոկտեմբերի — Sputnik. Տնտեսական մրցակցության պաշտպանության հանձնաժողովն արդեն 3 ամիս է` ուսումնասիրություններ է իրականացնում բենզինի, դիզվառելիքի, ավիավառելիքի շուկայում, բայց դա կապ չունի բենզինի գնի նվազման հետ։ Այսօր լրագրողների հետ ճեպազրույցում այս մասին ասաց ՏՄՊՊՀ նախագահ Գեղամ Գևորգյանը` նշելով, որ ուսումնասիրությունն ավարտելուց հետո եզրակացությունները կներկայացնեն հանրությանը։

«Դա ավելի շատ շուկայում կատարված փոփոխությունների արդյունք է։ Բենզինի ներկրման ու գնի վրա մի քանի հանգամանք է ազդում` միջազգային գները, տրանսպորտային ծախսերը»,– ասաց նա։

Ընդ որում, բենզինը Հայաստան է ներկրվում հիմնականում ՌԴ–ից, որտեղից որոշակի ծավալի ներկումները հայ–ռուսական համաձայնագրով ազատված են մաքսատուրքերից։ Հայաստանի քվոտավորված բենզինի տարեկան ծավալը կազմում է 150 000 տոննա և բաշխվում է ՀՀ երեք խոշոր ներկրողների միջև։

«Հիմնական ծավալը ձեռք է բերվում «Ռոսնեֆտ» ընկերությունից, որի դուստր ընկերությունը` «Ռոսնեֆտ Արմենիան», զբաղվում է մատակարարման հարցերով։ Բայց կա նաև այլ ընկերություն, որը ևս մատակարարում է անում»,– ասաց Գևորգյանը։

Բենզինի գինը վերջին օրերին նկատելի նվազել է, օրինակ` «ռեգուլյար» տեսակի բենզինի 1 լիտրը նախկին 420 դրամի փոխարեն այսօր որոշ բենզակայաններում վաճառվում է 400 դրամով։

Ռուսները կգնան, բայց չինացիները չեն գա. ինչ կտա Հայաստանին ՀԿԵ–ի շուրջ ծավալված աղմուկը

Հիշեցնենք` հոկտեմբերի 2-ին ԱԺ–ում կառավարության հարցուպատասխանի ժամանակ ՀՀ փոխվարչապետ Տիգրան Ավինյանը հայտարարել էր, որ Տնտեսական մրցակցության պաշտպանության պետական հանձնաժողովը ստուգումներ է իրականացնում բենզինի, դիզվառելիքի ու ավիավառելիքի ոլորտներում։ Ավինյանն ասել էր, որ ուսումնասիրության մանրամասներին տեղյակ չէ, բայց վստահեցրել էր, որ դրանց ավարտից հետո ՀՀ կառավարությունը ոլորտի կարգավորման նպատակով անհրաժեշտ քաղաքականություն կմշակի։

Պարսյան. «Կա լուրջ ստվեր, ինչը զգալի է բենզալցակայանների և դիզվառելիքի շուկայում»

350
թեգերը:
բենզին, Հայաստան
Ըստ թեմայի
Օգտակար հաբեր. ինչպես են վառելիք արտադրում Հայաստանի ատոմակայանի համար
Որպեսզի էլեկտրականությունը չկորչի. հայ–գերմանական նոու–հաուն կկիրառեն Նորվեգիայում
Փոխգնդապետը դիզվառելիք ու բենզին է հափշտակել. նա կալանավորվել է