Պարգևատրման արարողություն

Առանց ազատ աթոռի. Գյումրիում պարգևատրվեցին լավագույն արդյունքներ գրանցած մարզիկները

1085
(Թարմացված է 20:31 02.10.2019)
Եթե մրցաշրջանը հենց հիմա ավարտվի, հանրապետության 10 լավագույն մարզիկների 50 տոկոսը կլինեն գյումրեցիները։

ԵՐԵՎԱՆ, 2 հոկտեմբերի – Sputnik, Արմենուհի Մխոյան. Գյումրու քաղաքապետարանի նիստերի դահլիճն այսօր մարդաշատ էր: Բոլոր ներկաներին տեղավորելու համար նույնիսկ ստիպված եղան ավելացնել աթոռների թիվը. պարգևատրվում էին 2019 թվականի Եվրոպայի առաջնություններում և Համահայկական 7-րդ խաղերում, միջազգային այլ մրցաշարերում լավագույն արդյունքներ գրանցած մարզիկներն ու նրանց մարզիչները:

Церемония награждения лучших спортсменов (2 октября 2019). Гюмри
© Sputnik / Armenuhi Mkhoyan
Պարգևատրման արարողություն

61 մարզիկ և 33 մարզիչ արժանացան դրամական պարգևների: Սա այն դեպքում, երբ դեռ մարզական տարին չի ավարտվել, և առջևում դեռ մրցաշարեր կան: Եվրոպայի տարբեր մրցաշարերում գյումրեցի մարզիկներն արդեն 4 ոսկե և 7 արծաթե մեդալ են նվաճել:

Церемония награждения лучших спортсменов (2 октября 2019). Гюмри
© Sputnik / Armenuhi Mkhoyan
Պարգևատրման արարողություն

«Եթե հենց այսօր ավարտվի մրցաշրջանը, հանրապետության 10 լավագույն մարզիկների կազմում 50 տոկոսից ավելին կկազմեն գյումրեցիները: Առջևում դեռ մրցումներ ունենք, և եթե այսօր գյումրեցի 30 մարզիկներ Աշխարհի, Եվրոպայի առաջնություններում, եվրոպական խաղերում արդեն իսկ նվաճել են տարբեր մեդալներ, ապա դրանք դեռ կավելանան, և դրանով «վատ» վիճակում կդնեն ոչ միայն քաղաքային իշխանություններին, այլև հանրապետության, քանի որ դժվար կլինի որոշել մարզիկների լավագույն տասնյակը»,– ասաց Շիրակի մարզպետարանի կրթության, մշակույթի և սպորտի վարչության, մշակույթի և սպորտի բաժնի պետ Վաչագան Վարդանյանը։

Հենրիխ Մխիթարյանը կկարողանա՞ մասնակցել Ֆինլանդիա-Հայաստան խաղին. բժիշկը կարծիք է հայտնել

Պարգևատրվողների թվում և՛ փորձառու մարզիկներն էին, և՛ նորեկները:

Այս տարվա ապրիլին Եվրոպայի չեմպիոն դարձած ծանրամարտիկ Հակոբ Մկրտչյանը նոր է վերադարձել աշխարհի առաջնությունից, բայց հանգստանալ չի ուզում. նոր մրցաշարի է պատրաստվում:

Болельщики встречают армянских тяжелоатлетов в аэропорту Звартноц (1 октября 2019). Еревaн
© Sputnik / Asatur Yesayants
Հակոբ Մկրտչյանը` «Զվարթնոց» օդանավակայանում

«Ապրումներս ու զգացողություններս նկարագրել հնարավոր չեն: Իմ հաջորդ նշաձողը Օլիմպիական խաղերն են, պետք է փոխեմ քաշային կարգս, դա է գլխավորն ինձ համար, իսկ դրանից առաջ մինչև 23 տարեկանների Եվրոպայի առաջնությունն է»,- Sputnik Արմենիայի հետ զրույցում ասաց ծանրորդը` ավելացնելով, որ արդեն երեկվանից սկսել է մարզումները:

«Ջահելություն չանես». Գագիկ Ծառուկյանը Սիմոն Մարտիրոսյանից «տղայական խոստում» պահանջեց

Այս տարի առաջին անգամ Եվրոպայի պարալիմպիկ խաղերի չեմպիոն դարձած ծանրամարտիկ Արա Մարտիրոսյանն էլ նշեց, որ հաղթանակն իր համար անակնկալ էր, բայց այսքանով չի սահմանափակվի:

«Նոր եմ սկսել զբաղվել ծանրամարտով, շատ եմ սիրում ու մեծ ակնկալիքներ ունեմ՝ առջևում Աշխարհի առաջնությունն է, որին պատրաստվում եմ»,- ասաց մարզիկը:

Чемпион Европы по тяжелой атлетике, паралимпиец Ара Мартиросян на церемонии награждения лучших спортсменов (2 октября 2019). Гюмри
© Sputnik / Armenuhi Mkhoyan
Արա Մարտիրոսյան

Պարգևատրվողներից ամենակրտսերը Գյումրու քաղաքապետարանի պարի և սպորտային պարերի մանկապատանեկան մարզադպրոցի սաներն էին, ամենափոքրը` 8 տարեկան։ Նրանք լավագույնն էին ճանաչվել Համահայկական 7-րդ խաղերում:

Воспитанники спортшколы танца и спортивного танца при мэрии Гюмри на церемонии награждения лучших спортсменов (2 октября 2019). Гюмри
© Sputnik / Armenuhi Mkhoyan
Գյումրու քաղաքապետարանի պարի և սպորտային պարերի մանկապատանեկան մարզադպրոցի սաները

Նշենք, որ Գյումրու ավագանու որոշմամբ` պարգևատրումների համար հատկացվել է մոտ 17.4 մլն դրամ գումար: Այսօրվա պարգևատրվողների շարքում դեռ չկային Աշխարհի առաջնությունում լավագույն արդյունքներ գրանցածները: Նրանց կպարգևատրեն դեկտեմբերին:

1085
թեգերը:
պարգևատրում, մարզիկ, Գյումրի, Հայաստան
Ըստ թեմայի
Երևանում բասկետբոլի Եվրասիական լիգա կանցկացվի. ովքե՞ր են բարձր պահելու Հայաստանի պատիվը
Ծափ–երաժշտություն կամ ձեր ցավը տանեմ. ինչպես դիմավորեցին ծանրամարտիկներին. լուսանկարներ
Մրցավարները սխալներն անում են միտումնավոր, հանձնարարություն են կատարում. Չելոյանց