Արսեն Թորոսյան, ՀՀ առողջապահության նախարար

Թորոսյանը Սանասարյանին խորհուրդ է տալիս ապագան պլանավորելիս դասեր քաղել կատարվածից

58
(Թարմացված է 17:14 02.10.2019)
Առողջապահության նախարար Արսեն Թորոսյանը արձագանքել է Վերահսկողական ծառայության պետ Դավիթ Սանասարյանի` իր հասցեին հնչած հայտարարություններին։

ԵՐԵՎԱՆ, 2 հոկտեմբերի — Sputnik. Իմ ցուցմունքները կեղծ չեն և հիմնված եմ իմ ունեցած տեղեկության վրա։  Այսօր ԱԺ–ում լրագրողների հետ ճեպազրույցում ասաց Առողջապահության նախարար Արսեն Թորոսյանը` անդրադառնալով Վերահսկողական ծառայության պետ Դավիթ Սանասարյանի հայտարարությանը, թե իր նկատմամբ քրեական գործը հարուցվել է նախարարի կեղծ ցուցմունքների հիման վրա։

«Եթե գործով անցնող անձանցից  որևէ մեկը կարծում է, որ իմ ցուցմունքներում կա հանացակազմ, կարող է դիմել իրավապահ համակարգին։ Սա իրավական պրոցես է, և եթե գործող անձինք կարծում են, որ մեկի իրավունքը խախտվել է, կարող են դիմել իրենց իրավունքը վերականգնելու համար։ Ի վերջո, կա հսկող դատախազ, դատախազություն»,– ասաց Թորոսյանը։

Նախարարը նաև շեշտեց, որ իրեն հասանելի ողջ տեղեկությունը ներկայացրել է ԱԱԾ և հիշեցրեց, որ դրա ապացուցման բեռն իր վրա չէ, այլ քննչական ու դատական մարմինների։

Արսեն Թորոսյանը լրագրողների հետ զրույցում  նաև հեռակա կոչ ուղղեց Դավիթ Սանասարյանին` ասելով. «Դավիթ Սանասարյանին խորհուրդ կտայի դատողություններ անել վերջին կես տարվա գործողություններից` իր ապագան պլանավորելու հարցում»։

Ուրախ եմ, որ Սանասարյանը քննությանը տրամադրել է իմ ու իր նամակագրությունը. Արսեն Թորոսյան

Իր արտահայտությունը մեկնաբանելու մասին լրագրողների խնդրանքը Թորոսյանն անպատախան թողեց` չցանկանալով բացել փակագծերը։

Հիշեցնենք, այսօր` հոկտեմբերի 2-ին կայացած ասուլիսում Դավիթ Սանասարյանն ու իր փաստաբանները Արսեն Թորոսյանին մեղադրել էին Սանասարյանի դեմ կեղծ ցուցմունք տալու մեջ և նշել էին` այն բառացի համընկնում է Ադյանի ցուցմունքին. տպավորություն է ստեղծվում, թե դրանք գրված են նույն սենյակում։

Հիշեցնենք` պետական վերահսկողական ծառայության գնումների վերահսկողության վարչության պետ Սամվել Ադյանը և ՊՎԾ մեկ այլ աշխատակից՝ բժշկական սարքավորումների մասնագետ Գևորգ Խաչատրյանը, փետրվարի 26-ին ձերբակալվել էին բժշկական հաստատությունների հայտարարած հեմոդիալիզի պարագաների մրցույթներին ենթադրյալ միջամտության դեպքով հարուցված քրեական գործի շրջանակում։

ԱԱԾ–ում քննվող քրեական գործի շրջանակում մեղադրանք էր առաջադրվել նաև Դավիթ Սանասարյանին` ՀՀ քրեական օրենսգրքի 308-րդ հոդվածի 1-ին մասով (պաշտոնեական լիազորությունները չարաշահելը)։

Դավիթ Սանասարյանի նկատմամբ քրեական հետապնդումը դադարեցնելու միջնորդություն կներկայացնեն

Նրա նկատմամբ խափանման միջոց էր ընտրվել չհեռանալու մասին ստորագրությունը։ Ժամանակավորապես դադարեցվել էր նաև նրա պաշտոնավարումը։

58
թեգերը:
Քրեական գործ, Դավիթ Սանասարյան, Պետական վերահսկողական ծառայություն (ՊՎԾ), Արսեն Թորոսյան, Հայաստան
Ըստ թեմայի
Արսեն Թորոսյանը պատրաստ է ներկայանալ դատարան
Դավիթ Սանասարյանի քրեական գործի նախաքննությունն ավարտվել է
Դավիթ Սանասարյանի դեմ Արսեն Թորոսյանն է ցուցմունք տվել. «Ժողովուրդ»
Դավիթ Սանասարյանի նկատմամբ քրեական հետապնդումը դադարեցնելու միջնորդություն կներկայացնեն