ԵԱՏՄ բարձրագույն տնտեսական նիստի մասնակից երկրների առաջնորդները

Սելֆի միկրոավտոբուսում. ԵԱՏՄ երկրների, Իրանի և Մոլդովայի առաջնորդների արձագանքը

361
(Թարմացված է 17:55 02.10.2019)
Փաշինյանի լուսանկարը, որն արվել է զրահապատ միկրոավտոբուսում, միանշանակ դուր է եկել ուղևորների մեծամասնությանը։

ԵՐԵՎԱՆ, 2 հոկտեմբերի — Sputnik. Երևանում Եվրասիական բարձրագույն տնտեսական խորհրդի նիստին հաջորդել են պետությունների ղեկավարների «ֆոտոհաշվետվությունները» սոցցանցերոըն։

Նիկոլ Փաշինյան

«Սելֆիակտիվության» անվիճելի առաջնորդը, իհարկե, Հայաստանի վարչապետ Նիկոլ Փաշինյանն էր։

Լուրջ, բայց ոչ պաշտոնական. ԵԱՏՄ գագաթաժողովի ուշագրավ դրվագները` լուսանկարներով

Սեպտեմբերի 30–ին, երբ ժամանեցին ԵԱՏՄ երկրների առաջնորդների մեծամասնությունը, Փաշինյանը հրապարակեց առաջին սելֆին Ղազախստանի, Սինգապուրի, Ղրղըզստանի, Մոլդովայի և ԵԱՏՀ ղեկավարների հետ։

Հոկտեմբերի 1–ի առավոտից Հայաստանի վարչապետը սկսեց ուղիղ եթեր դուրս գալ` ներկայացնելով Իգոր Դոդոնի և Կասիմ Ժոմարտ Տոկաևի հետ հանդիպումները, իսկ Լուկաշենկոյի և Ռոհանիի հետ հանդիպումների մասին գրառում արեց։

ԱՄՆ պետքարտուղարը Փակ շուկայից տանձ գնեց, Ազնավուրը «տաքսի» բռնեց. մեծերի այցերի փակ կողմը

Փաշինյանի էջում օնլայն ռեժիմով լուսաբանվեց նաև ԵԱՏՄ գագաթնաժողովի ամբողջ բաց ընթացքը։

Երեկոյան Փաշինյանը հրապարակեց Դոդոնի, Տոկաևի, Պուտինի, Ռոհանիի և Ժեենբեկովի հետ` արդեն մեմ դարձած լուսանկարը։

Լուսանկարը շատ արագ տարածվեց Facebook–ի հայկական տիրույթում և հայտնվեց մյուս երկրների սոցցանցային տիրույթում։

Իսկ Հայաստանում սկսեցին տարատեսակ մեմեր տարածել։ Օրինակ`

via GIPHY

Դրանից հետո Փաշինյանը Պուտինի հետ հանդիպումից տեսանյութ և լուսանկար հրապարակեց։

Մյուս առաջնորդները

putinofficial.ru էջի վերջին հրապարակումներից մեկը Փաշինյանի հետ սելֆին է, որի տակ գրված է «Բարի լույս»։

Посмотреть эту публикацию в Instagram

Публикация от Путин Владимир Владимирович (@putinofficial.ru)

Մյուս հրապարակումների շարքում լուսանկարներ են Փաշինյանի, Ռոհանիի հետ և ԵԱՏՄ նիստից։

ՀՀ վարչապետի հրապարակած սելֆիի տարբերակներից մեկը (Պուտինը և Տոկաևը չեն նայում հեռախոսին) հրապարակեց Մոլդովայի նախագահ Իգոր Դոդոնը։

Մոլդովայի նախագահը հրապարակեց նաև Փաշինյանի` սեպտեմբերի 30–ին արված սելֆին, իսկ Եվրասիական բարձրագույն խորհրդի ընթացքը և երկկողմ հանդիպումները հիմնականում ներկայացվեցին պաշտոնական լուսանկարներով։

Լուսանկար

Ալեքսանդր Լուկաշենկոն սոցցիալական ցանցերում գրանցված չէ, բայց որպես «փոխհատուցում»` սա պարզապես թողնենք այստեղ.

Ուրախ կոլաժի տակ գրված է. «Իսկ որտե՞ղ է Լուկաշենկոն։ Ղեկի՞ն է»։ Դատելով ԶԼՄ–ների հրապարակումներից` այդ ընթացքում Լուկաշենկոն հանդիպել է օլիգարխ ու քաղաքական գործիչ Գագիկ Ծառուկյանի հետ։ Ծառուկյանը հանդիպման փաստը հաստատել է։ Գաղտնիք չէ, որ Բելառուսի նախագահը և Ծառուկյանը մտերիմ ընկերներ են։

Տեսանյութ

Ղրղըզստանի առաջնորդ Սոորոնբայ Ժեենբեկովի ֆեյսբուքյան էջը հիմնականում ներկայացնում է պաշտոնական ժամանակագրությունը` լուսանկարներ ԵԱՏՄ գագաթնաժողովից և երկկողմ հանդիպումներից։ Օրինակ`

Twitter–ում Կասիմ Ժոմարտ–Տոկաևի էջը նույնպես բավական մինիմալիստական է։ Արարողակարգային կադրեր, լուսանկարներ ԵԱՏՄ նիստից ու հանդիպումներից։

​Հետաքրքիր է, որ Փաշինյանի սելֆին դուր է եկել նույնիսկ Իրանի նախագահ Հասան Ռոհանիին։ Նա սելֆին հրապարակել է Twitter-ի իր էջում։

​Նշենք նաև, որ Սինգապուրի վարչապետ Լի Սյան Լունը հոկտեմբերի 1–ին կարճ տեսանյութ հրապարակեց նախօրեին Էջմիածին կատարած ուղևորությունից, կաթողիկոսի, ՀՀ նախագահի ու խոսնակի հետ հանդիպումներից։

361
թեգերը:
Վլադիմիր Պուտին, Երևան, սելֆի, ավտոբուս, Մոլդովա, Նիկոլ Փաշինյան, Հասան Ռոհանի, Եվրասիական Տնտեսական Միություն (ԵԱՏՄ), Հայաստան
Ըստ թեմայի
Ոչ մի խափանում չի եղել. Պուտինը շնորհակալություն հայտնեց ՀՀ վարչապետին
Բյուրոկրատիա, կեղծ ապրանքներ. ինչի դեմ են ԵԱՏՄ–ում պայքարելու երևանյան գագաթնաժողովից հետո
Որտեղ են հանդիպել Վլադիմիր Պուտինն ու Բելլա Քոչարյանը և ինչ են քննարկել
Փաշինյանն ու Պուտինն օդանավակայանում առանձնազրույց են ունեցել, ի՞նչ են խոսել. տեսանյութ