Աստղեր

Ինչպես են պայթում աստղերը. հայ աստղագետն ուսումնասիրում է «բուռն տիեզերական ծերությունը»

647
(Թարմացված է 00:05 01.10.2019)
Երկու «այրվող» աստղերը` սպիտակ գաճաճները, սկզբից հեռու են միմյանցից, բայց հետո սկսում են մոտենալ։ Դրանց միաձուլումից տեղի է ունենում հզոր պայթյուն։

ԵՐԵՎԱՆ, 28 սեպտեմբերի – Sputnik. Ընդհանուր առմամբ, պարզ է, թե ինչպես են ծնվում և մահանում աստղերը, բայց դեռ չեն պարզվել կարևոր մանրամասներ։ Աստղերի մեծամասնությունը կյանքն ավարտում է մեծ պայթյունով, որը գիտական բառապաշարում հայտնի է որպես «գերնոր աստղի պայթյուն», թեև իրականում այստեղ ոչ թե աստղ է առաջանում, այլ հակառակը` քայքայվում է։

Իրական ժամանակում չի կարելի հետևել գերնոր աստղերի պոռթկումներին. դրանք մեզանից հեռու են տեղի ունենում, և մենք տեսնում ենք դրանք հազարավոր կամ նույնիսկ միլիոնավոր տարիներ անց։ Եվ դա լավ է. գամմա ճառագայթումը կարող է կործանարար լինել մեզ համար։

Ուստի գերնոր աստղերի ծնվելուն հետևելու համար աստղագետներն ուսումնասիրում են ոչ միայն դրանց, այլ նաև դրանց նախորդների պայթյունների հետևանքները։ Այդ աշխատանքով զբաղվում է Երևանի պետական համալսարանի շրջանավարտ Գագիկ Թովմասյանը, ով ներկայում Մեխիկոյի Ազգային համալսարանի Աստղագիտության ինստիտուտի գիտաշխատող է (Instituto de Astronomia, UNAM)։

Ներկայում ամենատարածված վարկածներից մեկի համաձայն` Ia (SN Ia)  տեսակի գերնոր աստղը ձևավորվում է երկու աստղերից, որոնք մոտ են իրար, այսինքն` կրկնակի աստղերից։ Դրանք այնքան էլ շատ չեն. աստղագետների ուսումնասիրությունների համաձայն` կրկնակի համակարգերին է պատկանում մեր գալակտիկայի աստղերի մոտ կեսը։

Ի վերջո, երբ երկու աստղ ծերանում են` կարող են համեմատաբար մոտ գտնվել միմյանց։ Դրանցից մեկը կամ երկուսն էլ սպիտակ գաճաճներ են, որոնց շուրջը, որպես հիշեցում իրենց անցյալից` մնում է կարմիր հսկայի ցրվող պատյան սկզբից մի աստղից, հետո` մյուսից։

«Երբ գաճաճը և դրան ուղեկցող աստղը հայտնվում են ընդհանուր պատյանի մեջ, դրանք սկսում են մոտենալ։ Դեռևս անհասկանալի է, թե ինչպես է դա տեղի ունենում, բայց մենք հետևում ենք մի շարք նման օբյեկտների»,–ասում է գիտնականը։

Պարզեցնելով` կարելի է ասել, որ աստղերի պտույտը միմյանց շուրջ դանդաղում է, և դրանք սկսում են մոտենալ։ Բայց նման օբյեկտների համար և նման հեռավորությունների վրա գրավիտացիայի ուժերը բավարար չեն։ Այստեղ հնարավոր են տարբեր բացատրություններ։

Առավել տարածված է մագնիսային արգելակման մասին վարկածը. գիտնականները ենթադրում են, որ մի աստղի մագնիսական դաշտը, որն ավելի ուժեղ է, փոխազդում է մյուսի դաշտի վրա` ներգրավելով այն իր «ազդեցության ոլորտ»։ Իսկ երբ աստղերը չափազանց շատ են մոտենում միմյանց` երկու ժամվա թռիչքի հեռավորության վրա, այդ ժամանակ տեղի է ունենում պահի կորուստ` գրավիտացիոն ալիքների ճառագայթման հաշվին։

Աստղագետներ. փոքր աստերոիդը շատ է մոտեցել Երկիր մոլորակին

Եթե սպիտակ գաճաճը հնարավոր սահմանային զանգվածը հավաքում է (հայտնի հնդիկ ֆիզիկոսի անունով` Չանդրասեքարի սահման), նման աստղը պայթում է որպես գերնոր։ Դա կարող է տեղի ունենալ ինչպես ակրեցիայի (աճանստվածք) հետևանքով, երբ աստղի զանգվածն աճում է շրջապատող տարածությունից ձգողության միջոցով նյութն իր շուրջը հավաքելու ճանապարհով, այնպես էլ աստղերի միաձուլման դեպքում։

«Այդ գործընթացը կարող է ընթերցողին կարճ թվալ, բայց այն տևում է հարյուր միլիոնավոր տարիներ։ Իսկ մեր կյանքը կարճ է»,–ժպտում է աստղագետը։

Նրա խոսքով` հենց այդ պատճառով էլ ստիպված են հետևել աստղերին դրանց կյանքի տարբեր փուլերում։

Գիտնականն իր զեկույցը ներկայացրել է Մենդելեևի պարբերական աղյուսակի 150–ամյակին նվիրված համաժողովի շրջանակում։ Դրա կազմակերպմանը մասնակցել է Երևանում Գիտության և մշակույթի ռուսական կենտրոնը։

647
թեգերը:
տիեզերք, Գագիկ Թովմասյան (աստղագետ), աստղադիտակ
Ըստ թեմայի
Այլմոլորակայինի գոյության առեղծվածը կամ ինչպես կարող է երկրից կյանք փոխանցվել այլ մոլորակ
Մեծ հայի «մոլորակներով զբոսանքը» կամ ինչպես էր կատաղած Քեմուրջյանը լուսնագնացը լիցքավորում
Աստերոիդը կարող է ատոմային ռումբից ավելի վտանգավոր լինել Երկիր մոլորակի համար
Ապամոնտաժվել է Աժդահակի խառնարանալճում տեղադրված բենզապոմպը

Քաղաքացին արդեն երկրորդ անգամ է տուգանվում Աժդահակի խառնարանալճից ջրառ կատարելու համար

65
Լճում տեղադրված բենզապոմպը հեռացվել ու առգրավվել է, հարուցվել է վարույթ։

ԵՐԵՎԱՆ, 12 օգոստոսի - Sputnik. Ապամոնտաժվել է Աժդահակի խառնարանալճում տեղադրված բենզապոմպը։ Լուրը Facebook-ի իր էջում է հայտնում է Շրջակա միջավայրի նախարարի մամուլի խոսնակ Դավիթ Գրիգորյանը:

«Շրջակա միջավայրի նախարար Ռոմանոս Պետրոսյանի ցուցումով՝ Բնապահպանության և ընդերքի տեսչական մարմնի, հարակից համայնքի ղեկավարի և ոստիկանության ծառայողների ներկայությամբ ապամոնտաժվել, հեռացվել և առգրավվել է Աժդահակ խառնարանալճում տեղադրված բենզապոմպը։ Հարուցվել է վարույթ»,- գրել է Գրիգորյանը։

ՀՀ Բնապահպանության և ընդերքի տեսչական մարմնի մամուլի ծառայությունն ապօրինի ջրառի հետ կապված մանրամասներ է հաղորդում։

«Կոտայքի տարածքային բաժնի աշխատակիցները ս/թ օգոստոսի 7-ին հայտնաբերել են ապօրինի ջրառ իրականացնող Արմավիրի մարզի Արտաշատ համայնքի բնակիչ Թ․Խ-ին, որի նկատմամբ կազմվել է վարչական իրավախախտումների վերաբերյալ արձանագրություն»,- տեղեկացնում են տեսչական մարմնից ու հավելում՝ նույն անձը դեռևս 2019 թվականին նույն արարքի համար ենթարկվել է վարչական պատասխանատվության։

Ավելի վաղ Facebook-յան օգտատերեր Կարինե Փանոսյան իր էջում լուսանկար էր տեղադրել և ահազանգել, որ Աժդահակ բարձրանալիս՝ Կարմիր Կատարի Խառնարանային լճում պոմպը է նկատել, որով ջուրը դուրս են մղում՝ օգտագործելով կենցաղային նպատակների համար։ Շրջակա միջավայրի նախարարությունը պաշտոնական հաղորդագրություն էր տարածել՝ շեշտելով՝ բնական ճանապարհով ձևավորված այս լճից ջրառ իրականացնելու համար նախարարության կողմից ջրօգտագործման թույլտվություն չի տրամադրել։ Հետևաբար, որևէ քաղաքացի նման իրավունք չունի։

Նախարարությունը տեղեկացրել էր, որ նշված վայր են մեկնել տեղական ինքնակառավարման մարմինների, նաև Բնապահպանության և ընդերքի տեսչական մարմնի ու ոստիկանության ներկայացուցիչները։

65
թեգերը:
Հայաստան, Տուգանք, Ռոմանոս Պետրոսյան, Դավիթ Գրիգորյան, բնապահպանական, ջրառ
Ըստ թեմայի
«Ալեքս Հոլդինգը» տուգանվել է. շաքարավազի շուկայում խախտումներ են բացահայտվել
Խախտումները շատ են ատամնաբուժարաններում, գեղեցկության սրահներում, դեղատներում. ԱԱՏՄ խոսնակ
Արմավիրում հանրային սննդի կետերում խախտումներ չեն գրանցվել անգամ «խոշորացույցով»
Կոպիտ խախտումներ Ծաղկաձորի հյուրանոցներում. պարետին միջնորդություններ կներկայացնեն
Ֆիլիպ Կիրկորովն ու Դավան

«Հիմարություն է»․ Կիրկորովի ու Դավայի տեսահոլովակն ալեկոծել է համացանցը

83
(Թարմացված է 20:29 12.08.2020)
Օգտատերերը կոշտ քննադատության են ենթարկել նաև տեսահոլովակի տեսարաններից մեկը, որում «փոփ արքան» ոտքով հարվածում է լրագրողին։

ԵՐԵՎԱՆ, 12 օգոստոսի - Sputnik. Ռուսաստանցի երաժիշտ և բլոգեր Դավիթ Մանուկյանն (Դավա) ու երգիչ Ֆիլիպ Կիրկորովը համատեղ տեսահոլովակ են թողարկել: Երգը կոչվում է «Ռոլեքս»։ Տեսահոլովակում կատարողները կրում են թանկարժեք ժամացույցներ և շղթաներ, ինչպես նաև գրիլզներ՝ ատամների համար հատուկ զարդեր։ Առհասարակ, կադրերում տարբեր շքեղ, թանկարժեք, շողշողուն իրեր են երևում՝ քարերով զարդարված բաճկոններ, ավտոմեքենա և այլն։ Հայտնի է, որ միայն գրիլզի համար Կիրկորովը հինգ միլիոն ռուբլի է ծախսել:

Посмотреть эту публикацию в Instagram

Публикация от Филипп Киркоров (@fkirkorov)

Ժամեր առաջ հրապարակված տեսանյութն արդեն կես միլիոն դիտում է ունեցել: Համացանցում,  մեղմ ասած, հիացած չեն երկու հայերի ստեղծագործությամբ։

«Ֆիլիպ, ինչու՞ եք մասնակցում այս աղբին։ Դա ժողովրդական արտիստի մակարդակ չէ», « հիմարություն է», «նողկալի է»,- գրել են օգտատերերը արտիստների անձնական էջերում։

Դավա Մանուկյանն ու Ֆիլիպ Կիրկորովը խոստանում են «լեգենդար» տեսահոլովակ ստեղծել

Նրանք կոշտ քննադատության են ենթարկել նաև տեսահոլովակի տեսարաններից մեկը, որում «փոփ արքան» ոտքով հարվածում է լրագրողին։ Հարվածելու ընթացքում Կիրկորովը երգում է, թե ինքն առաջինն է, և բոլոր պապարացիները վազում են նրա հետևից։ Տեսարանը շատերին հիշեցրել է 2004 թվականին երգչի մասնակցությամբ սկանդալային միջադեպը։ Այդ ժամանակ Կիրկորովը վիրավորել էր լրագրող Իրինա Հարոյանին՝ իրեն հարցեր տալու համար։

Օգտատերերից ոմանք էլ գովեստի խոսքեր են շռայլել «փոփ արքայի» հասցեին՝ նրա էպատաժության և խիզախության համար:

«Ստեղծագործական նորանոր նվաճումներ Ձեզ, Ֆիլիպ Բեդրոսովիչ», «եթե սա լիներ միայն Կիրկորովի տեսահոլովակը, ապա իսկական պայթյուն կլիներ», - գրել են նրանք:

Ի տարբերություն Կիրկորովի՝ բլոգեր-պարող Դավան վերջերս է սկսել երգարվեստով զբաղվել։ Վերջերս նա տոնում էր իր և  հեռուստահաղորդավարուհի, երգչուհի Օլգա Բուզովայի հետ հարաբերությունների տարեդարձը։

Բլոգերը նկարահանվել է ճանաչված երգիչ Եգոր Կրիդի Love is երգի տեսահոլովակում։

Ֆիլիպ Կիրկորովը (Կրիկորյանը) բուլղարահայ է, խորհրդային և ռուսական էստրադային երգիչ, դերասան, կոմպոզիտոր և պրոդյուսեր, Ռուսաստանի, Ուկրաինայի և Մոլդովայի ժողովրդական արտիստ:

83
թեգերը:
օգտատեր, տեսահոլովակ, Դավիթ (Դավա) Մանուկյան, Ֆիլիպ Կիրկորով
Ըստ թեմայի
Ֆիլիպ Կիրկորովը հերքում է. նա չի փորձել Դի Կապրիոյի հետ սելֆի անել
Դավա Մանուկյանն ու Ֆիլիպ Կիրկորովը խոստանում են «լեգենդար» տեսահոլովակ ստեղծել
Ինչպես է Ֆիլիպ Կիրկորովը հետևում Քիմ Քարդաշյանի և նրա ամուսնու «սիրախաղին». լուսանկար
Ինչպես են աստղերը «փոխել սեռը». Կիրկորովի հետ ինչ–որ բան այն չէ
Խախտում Lexus–ով. Կիրկորովի հայրը վեց հազար ռուբլի տուգանք է պարտք պետությանը
Օրիոն-է ԱԹՍ

ՌԴ ռազմատիեզերական ուժերը 2021-ին մեծ հեռահարության հարվածային դրոններ կթողարկեն

76
(Թարմացված է 01:36 13.08.2020)
Ռուսական բազմաթիրախային անօդաչուները 2021 թ․-ից սկսած՝ կկարողանան  ինքնուրույն օդային հետախուզություն վարել և «խոցել հակառակորդի օբյեկտները բարձր ճշգրտությամբ»:

Ալեքսանդ Խրոլենկո, ռազմական վերլուծաբան

Ռուսաստանի  Օդատիեզերական ուժերը 2021թ․-ից կսկսեն բազմաթիրախային հարվածային ԱԹՍ-ներ ստանալ։ Այս մասին հայտարարել է ՌԴ ՕՏՈՒ գլխավոր քարտուղարի տեղակալ Սերգեյ Դրոնովը «Красная звезда» թերթին տված հարցազրույցում: Զորահրամանատարը նշել է. «Անօդաչու ավիացիայի կիրառման արդյունավետությունը հաստատվել է Սիրիայի Արաբական Հանրապետությունում հատուկ գործողության ընթացքում։ Անօդաչու թռչող սարքերի օգտագործումը ապահովել է ապօրինի զինված կազմավորումների օբյեկտներին հասցված հարվածների բարձր ճշգրտությունը»:

Беспилотный летательный аппарат (БПЛА) Орион-Э
© Sputnik / Алексей Филиппов
ԱԹՍ

 

Ռուսաստանի օդատիատիեզերական ուժերի մերձավոր և միջին հեռահարության ԱԹՍ համալիրները դեռևս «երկրորդական դերեր» են խաղում՝ ծառայելով ավիացիայի հնարավորությունների ընդլայնմանն ու խնդիրների լուծմանը։ Աճում է անօդաչու թռչող սարքերի ինտեգրումը ռազմական օդաչուների հետ միասնական տեղեկատվական տարածքում, և հեռանկարում «խելացի» դրոնները կհասնեն ավելիին: Ռուսական բազմաթիրախային անօդաչուները 2021 թ․-ից սկսած՝ կկարողանան  ինքնուրույն օդային հետախուզություն վարել և «ռազմավարական խորքերում խոցել հակառակորդի օբյեկտները բարձր ճշգրտությամբ»:

Գեներալ Դրոնովը չի նշել այն դրոնների «անունները», որոնք շուտով կընդգրկվեն օդատիեզերական ուժերի մարտական կազմում: Սակայն հայտնի է, որ ծանրաքաշ «Охотник»-ը օպերացիոն պատրաստվածության կհասնի 2024 թվականին, իսկ մեծ հզորություն ունեցող ռուսական մյուս երկու անօդաչու թռչող սարքերը՝ ՌԴ Պաշտպանության նախարարության կողմից 2019 թ․-ին պայմանագրված «Ալտիուսը», ինչպես նաև  «Օրիոնը, Սիրիայում հաջող փորձարկումներից հետո գտնվում են ՌԴ օդատիեզերական ուժերի փորձագիտական-մարտական շահագործման փուլում:

Առաջատար «Օրիոնը»

Անօդաչու «Օրիոնը» գործում է մինչև 8000 մետր բարձրության վրա, առանց լիցքավորման կարող է օդում գտնվել ամբողջ 24 ժամ՝ մինչև 250 կգ օգտակար բեռնվածությամբ (սարքի քաշը՝ 1100 կգ): Ունի 8 մետր երկարություն, թևերի բացվածքը 16 մետր է։ Հագեցած է АПД -110/120 մխոցային շարժիչով՝ 1,9 մետր տրամագիծ ունեցող AB-115 երկթիակ պտուտակով։

«Օրիոնի» (և ռուսական այլ ծանրաքաշ դրոնների) հրթիռա-հրետանային սպառազինությունը բաց աղբյուրներում  նվազագույն չափով է արտացոլված: Սակայն փետրվարին «Մարտավարական հրթիռային սպառազինություն» կորպորացիայի գլխավոր տնօրեն Բորիս Օբնոսովը լրագրողներին պատմել է անօդաչուների համար թեթևացած զինանոցի՝ 50-100 կգ քաշով հատուկ փոքրածավալ զինամթերքի մշակման մասին, որոնք նախատեսված են նպատակների լայն տեսականու համար:

Խոցված դրոնների ուժեղ և թույլ կողմերը. արժե՞ վախենալ թուրքական ԱԹՍ-ներից

Հաշվողական տեխնիկայի հզորության աճի և արհեստական ինտելեկտի բարդ ալգորիթմների զարգացմանը զուգահեռ առաջիկա տարիներին թեթևացված բարձր ճշգրտությամբ սպառազինության արդյունավետությունը կարող է կտրուկ աճել:

«Օրիոն» ԱԹՍ-ն հետազոտությունների և զարգացման զգալի ճանապարհ է հաղթահարել, հաջողությամբ շահագործվում է։ «Օրիոն» նախագիծը ՌԴ ՊՆ-ի պատվերով մեկնարկել է 2011թ․-ին, թռիչքային փորձարկումները սկսվել են 2016թ․-ին, ռումբային սպառազինությամբ՝ 2018թ․-ից սկսած։

«Օրիոն» միջին բարձրության անօդաչու սարքի սերիական արտադրությունը մեկնարկել է 2019 թվականի օգոստոսին: Նախատեսվում է տարեկան մինչև 30 նման մեքենաներ թողարկել (յուրաքանչյուր համալիրի կազմում ՝ երեքից վեց դրոն, կախված դրված խնդիրներից՝ հետախուզական կամ հարվածային):

Արտադրող ընկերությունը («Քրոնշտադտ» Գրուպը) ավելի վաղ հայտարարել էր, որ «Օրիոն» ԱԹՍ-ի արտահանվող տարբերակը կլինի հարվածային: Այս տեղեկությունն արդեն հետաքրքրել է ռազմատեխնիկական համագործակցության ոլորտի ռուս գործընկերներին։ Իհարկե, «Օրիոնի» հաջող մեկնարկը նկատել են նաև Ռուսաստանի թշնամիները։

Ատոմային «Ալտիուսը»

Մեծ հեռահարության «Ալտիուս» ծանրաքաշ տուրբոպտուտակային անօդաչուն առաջին ավտոմատ ռեժիմով թռիչքը կատարել է 2019 թ․-ի օգոստոսին՝ 28,5 մ թևի բացվածքով և 11,6 մ երկարությամբ կորպուսը կարող է 2 օր  մինչև 2 տոննա մարտական բեռ կրել՝ ընթանալով 250 կմ/ժամ արագությամբ, 12 հազար մետր բարձրությամբ և հաղթահարել մինչև 10 հազար կիլոմետր հեռավորություն: Կոմպոզիցիոն նյութերի օգտագործմամբ կառուցված անօդաչու սարքի սեփական քաշը տարբեր տվյալներով կազմում է հինգից վեց տոննա:

Беспилотный летательный аппарат Альтиус-У
Министерство обороны РФ
«Ալտիուս»

 

ՌԴ օդատիեզերական ուժերի «խելացի» հետախուզական-հարվածային անօդաչու ավիացիայի գերակա զարգացումը թույլ կտա զգալիորեն բարձրացնել ավիացիայի գոյություն ունեցող և հեռանկարային խոցող միջոցների արդյունավետությունը, նվազեցնել անձնակազմի հավանական կորուստները:

Իներցիալ նավիգացիոն СП-2 համակարգը նվազեցնում է օդում սարքի հայտնաբերման հնարավորությունները, ապահովում լրացուցիչ կայունություն հակառակորդի կողմից ռադիոէլեկտրոնային հակազդեցության նկատմամբ: Այն ունի արհեստական բանականություն (ամբողջ «ուղեղը» խոստանում են ներդնել մինչեւ 2020 թվականի վերջը), անօդաչու «Ալտիուսը» կարող է ինքնուրույն, առանց օպերատորի մասնակցության փոխգործակցել օդաչուավոր ինքնաթիռների հետ:

Ինչ կլինի այն երկրների հետ, որոնք կուշանան ԱԹՍ-ների մրցավազքից. Վրթանեսյանի տեսակետը

Ռազմածովային նավատորմի և ռազմաօդային ուժերի Գլխավոր շտաբի աղբյուրները հայտնեցին, որ «Ալտիուսի» հետախուզական արդիականցումը կստանա գերձայնային ռադիոլոկատոր և նորագույն օպտիկա-էլեկտրոնային սարքավորումներ, իսկ հարվածային ԱԹՍ-ն կարող է հականավային հրթիռներ կրել։

Ենթադրվում է, որ խոսքը մինչև 260 կմ հեռահարությամբ և մոտ 500 կգ զանգվածով, արբանյակային նավիգացիայի համակարգով և ինքնանշանառության ակտիվ-պասիվ ռադիոլոկացիոն գլխիկով (այս դեպքում «Ալտիուս»-ին կարելի է մինչև 4 հականավային հրթիռով) x-35 ցածրադիր հրթիռի մասին է:

Беспилотный летательный аппарат «Альтиус-У».
Министерство обороны РФ
«Ալտիուս»

 

Նորագույն անօդաչուի սերիական արտադրությունը ծավալվում է Քաղավիացիայի Ուրալի գործարանում («УЗГА» ԲԸ), որի հետ Ռուսաստանի Պաշտպանության նախարարությունը 2019 թվականի դեկտեմբերին պայմանագիր է կնքել «Ալտիուս-ՌՈւ»(այսպես են կոչել ԱԹՍ-ի վերջնական տարբերակը, որին հասել են նախկինում թողարկված բոլոր նախատիպերի՝ «Ալտաիր» տեսակի ԱԹՍ-ների փորձարկումների արդյունքում) անօդաչու թռչող սարքի փորձնական-կոնստրուկտորային աշխատանքների կատարման վերաբերյալ: Միաժամանակ կատարելագործվում է հեռանկարային ավիացիոն համալիրների տեղակայման համակարգը, իսկ դա ավելի քան հարյուր օդանավակայան է։

Բարձր թռիչք ապահովող, մեծ հեռահարության և թռիչքի համար երկար ժամանակ ունեցող դրոնների օդային գերիշխանության աճը, հարվածային հետախուզական անօդաչուների ակտիվ օգտագործումն ու «ինտելեկտուալացումը», ռազմական մասնագետների և մարտական ռոբոտների համատեղ գործողությունները դառնում են անշրջելի միտում: ՌԴ Զինված ուժերի զանգվածային զինումը ԱԹՍ-ներով թույլ կտա նկատելիորեն բարձրացնել դրանց մարտական պատրաստության արդյունավետությունը, անհաղթահարելի խոչընդոտներ կստեղծի հավանական ագրեսորի ճանապարհին՝ օդում, ջրում և ցամաքում:

Մինչդեռ Ռուսաստանը նախատեսում է 2022թ․-ին թողարկել ևս մեկ ծանրաքաշ ԱԹՍ։ Դա «Սիրիուսն» է, որն ի վիճակի է օդում մնալ մինչև 40 ժամ, հաղթահարել մինչև 10 հազար կմ՝ 295 կմ/ժ արագությամբ, 12 հազար մետր բարձրությամբ և մեկ տոննա օգտակար բեռնվածությամբ։

ՌԴ օդատիեզերական ուժերի «խելացի» հետախուզական-հարվածային անօդաչու ավիացիայի գերակա զարգացումը թույլ կտա զգալիորեն բարձրացնել ավիացիայի՝ գոյություն ունեցող և հեռանկարային խոցող միջոցների արդյունավետությունը, նվազեցնել անձնակազմի հավանական կորուստները:Այդ մասին հայտարարել է ՌԴ օդատիեզերական ուժերի «խելացի» հետախուզական-հարվածային անօդաչու ավիացիայի գլխավոր վարչության ղեկավար Սերգեյ Լեբեդևը:

Ոչ այնքան հեռավոր ապագայի պատերազմների ընթացքն ու ելքը կախված կլինի արհեստական բանականությամբ մարտական ռոբոտների արդյունավետությունից, որն այսօր ինտենսիվ ձևավորվում և կատարելագործվում է բոլոր ոլորտներում։ Անխռով և «անխոցելի» ռոբոտացված դրոնները օրինաչափորեն իրենց վրա են վերցնում օդաչուավոր ավիացիայի ավելի ու ավելի շատ գործառույթներ:

 

76
թեգերը:
Զենք, Ռուսաստան, անօդաչու թռչող սարք
Ըստ թեմայի
Ռուսական զենք․ «Տյուլպանն» աշխարհի ամենահզոր ականանետն է
Հայաստանը ռուսական նոր զենք ունի. լուսանկարներ
Հրապարակվել է կուրացնող և հալյուցինացիաներ առաջացնող ռուսական զենքի փորձարկումների վիդեոն
Ռուսական նոր զենք. «Ստրելա» զրահամեքենան շարժվում է աննկարագրելի արագությամբ
Դաշնային խորհուրդը բացառել է New START պայմանագրում ռուսական նոր զենքի ներառումը