Երևան

Տարեցների կյանքը լիովին կփոխվի՞. ինչ է խոստանում սոցապ նախարարությունը 420 000 տարեցներին

533
(Թարմացված է 15:55 30.09.2019)
Հայաստանում տարեցների արժանավայել ծերացմանը նպաստող նոր ռազմավարություն է մշակվել, որը նախատեսվում է կյանքի կոչել 2020-2024 թվականներին։

ԵՐԵՎԱՆ, 30 սեպտեմբերի — Sputnik. Առաջիկայում տարեցներին առնչվող նոր ռազմավարություն շրջանառության մեջ կդրվի, որով նախատեսվում է նրանց ցերեկային ժամանցի կազմակերպում, փոքր` 6-10 հոգանոց տների կառուցում տարեցների համար, առողջ ծերացման համար դպրոց ակումբների հիմնում և այլն։ Այս մասին լրագրողների հետ հանդիպման ժամանակ ասաց ՀՀ աշխատանքի և սոցիալական հարցերի փոխնախարար Գեմաֆին Գասպարյանը:

«Այս պահին ՀՀ բնակչության 14 տոկոսը՝ 420 000 մարդ, 63-ն անց են. նրանցից 48 000-ն աշխատում են: Հայաստանի հինգ տուն-ինտերնատներում կա 1210 տարեց, որոնց խնամքը կազմակերպելու համար այս տարի, օրինակ, հատկացվել է 2 մլրդ 148 մլն դրամ: Բացի այդ, 4900 տարեցների համար էլ տնային խնամք է տարվում»,-ասաց նա:

Գասպարյանի խոսքով` նախարարությունը նոր ռազմավարությամբ իր քաղաքականության ուղղությունը կփոխի, և եթե նախկինում հիմնականում տարեցների սոցիալական պայմանների վրա էր ուշադրություն դարձվում, այսուհետ, դրան զուգահեռ, տարբեր ծրագրերի միջոցով նաև տարեցների արժանավայել ծերացմանը կնպաստեն։ Ծրագիրը նախատեսվում է կյանքի կոչել 2020-2024 թթ.։

Sputnik Արմենիան հետաքրքրվեց, թե ինչ քայլեր են արվում տարեցներին, ինչպես նաև ընդհանրապես մեծահասակներին աշխատանքով ապահովելու համար, քանի որ գաղտնիք չէ` գործատուների պայմաններից մեկն այսօր տարիքային սահմանափակումն է։ Ի պատասխան Գասպարյանը հայտնեց, որ նախարարությունը 10–ից ավելի զբաղվածության ծրագրեր է մշակել։

«Օրինակ` ունենք ծրագիր, ըստ որի` գործատուին գումար ենք տրամադրում, որպեսզի վերապատրաստեն տարեցներին։ Փորձը ցույց է տալիս, որ վերապատրաստվողների մեծ մասը մնում է աշխատելու այդ ընկերություններում։ Բացի այդ, առաջիկայում կբացենք սերունդների համերաշխության ակումբներ, որտեղ տարեցներն իրենց փորձը կփոխանակեն երիտասարդներին»,–ասաց նա։

Գասպարյանի հավաստմամբ` տարեցների զբաղվածության ապահովման համար պարբերաբար ծրագրեր է մշակում նախարարությունը։

Տարեցների ՇՈՈւ-ն. ի՞նչ գին ունի ԽՍՀՄ-ում կոփված հայ կենսաթոշակառուների աշխատանքը

Նա հիշեցրեց, որ վերջին 3 ամիսներին ՀՀ աշխատանքի և սոցիալական նախարարությունը փոփոխություն էր նախատեսել, ըստ որի` տարեցներն իրենք են վերահսկում իրենց մատուցվող ծառայությունների որակը։ Օրինակ` տարեցներն ընդգրկված են տուն–ինտերնատում մատուցվող սննդամթերքի որակի վերահսկման գործում։

Նշենք, որ վաղը՝ հոկտեմբերի 1-ին, Տարեցների միջազգային օրն է:

Հայաստանում կանայք ավելի երկար են ապրում. ինչի՞ համար են հերթ կանգնում տարեցները

533
թեգերը:
Գեմաֆին Գասպարյան, տարեց, Հայաստան
Ըստ թեմայի
Արաքսի տատի «պայմանն» Աստծո հետ, կամ նրա ցանկությունը միայն թուրքերը կարող են իրագործել
Նվազագույն կենսաթոշակի խնդիրը. Հայաստանի իշխանություն ուզում է սովից փրկել տարեցներին
Տարեց բրիտանուհին կանխել է երիտասարդ կնոջը ավազակային հարձակումը. տեսանյութ
Արխիվային լուսանկար

Հայաստանի 101 դպրոցում կան առարկաներ, որոնք չեն դասավանդվում ուսուցիչներ չլինելու պատճառով

7
(Թարմացված է 18:30 23.01.2021)
ԿԳՄՍ փոխնախարարը հայտնել է, որ 101 դպրոցներում էլեկտրոնային դասավանդման կանցնեն որոշ առարկաների մասով։

ԵՐԵՎԱՆ, 23 հունվարի – Sputnik. Հանրապետության 9 մարզերի 101 դպրոցներում կան առարկաներ, որոնք չեն դասավանդվում ուսուցիչների բացակայության հետևանքով։ Տեղեկությունը Facebook-ի իր էջում հայտնել է ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը:

«Չդասավանդվող առարկաների թիվը 18 է, նախնական հաշվարկներով` առկա է շուրջ 695 ուսուցչի կարիք։ Այս խնդրի կարգավորման նպատակով բացի գործուղման կարգի և տրանսպորտային ծառայությունների փոխհատուցման փոփոխություններից, սկսել ենք դպրոցների մենթորական աջակցության և էլեկտրոնային ուսուցման կարողությունների զարգացման ծրագիրը»,-գրել է փոխնախարարը։

Նրա խոսքով` վերոհիշյալ դպրոցներում ստեղծվել են անհրաժեշտ սարքավորումներով հագեցված դասասենյակներ, որտեղ հնարավոր է կազմակերպել հեռավար ուսուցում։

Մինչև այս տարվա մարտի 30-ը նախատեսվում է արագ աջակցության դասընթացների մշակում և առցանց հարթակներում դրանց բաց հասանելիության ապահովում։ Այնուհետև կմշակվեն և կհավաքագրվեն էլեկտրոնային դասավանդող դպրոցների ընտրության չափանիշները. յուրաքանչյուր դպրոցի համար նախատեսվում է պատրաստել առնվազն մեկ մենթոր։

Ավագ մենթորները ապրիլ-մայիս ամիսներին կպատրաստեն ընտրված դպրոցների ուսուցիչներին՝ զարգացնելով նրանց էլեկտրոնային դասավանդման կարողությունները։

Յուրաքանչյուր դպրոցական մեկ տարում կկարողանա անվճար հաճախել 3 մշակութային հաստատություն

Էլեկտրոնային դասավանդման կարողությունների որակի ապահովման նպատակով մինչև օգոստոսի 30-ը նախատեսվում է մշակել և ներդնել որակի ապահովման մեխանիզմներ։

Ծրագրի միջոցով 2021 թվականի սեպտեմբերից բոլոր 101 դպրոցներում կապահովվի ներքոնշյալ առարկաների ուսուցումը:

Հաղթում ենք նաև միջազգային օլիմպիադաներում. հայ դպրոցականները 4 մեդալ են նվաճել

7
թեգերը:
Մարզ, Ուսուցիչ, Աշակերտ, դպրոց
Ըստ թեմայի
Ինչպես դասի հանձնարարությունը դարձավ բիզնես, կամ Չինարիի աշակերտների խելահեղ մտքերը
Ինչ են պատմում Ստեփանակերտում վերաբացված թիվ 2 դպրոցի աշակերտները. տեսանյութ
Ո՞ր դեպքում են ուսուցիչներն ու աշակերտներն ազատվում դիմակ դնելու պահանջից. նոր կանոններ

Իրականում քանի՞ հայ է ապրել Շուշիում

91
(Թարմացված է 16:00 23.01.2021)
Վարչապետ Նիկոլ Փաշինյանի աղմկահարույց հայտարարության հետքերով, թե մինչև 90-ականներին հայերի կողմից Շուշիի ազատագրումը նրա բնակչության 90%-ն ադրբեջանցիներ էին, ներկայացնում ենք ինֆոգրաֆիկա։ Դրանում ակնհայտ է, որ քաղաքի հայ բնակչությունը տարբեր տարիներին գերակշռել են։
Իրականում քանի՞ հայ է ապրել Շուշիում
© Sputnik / Shushanik Avdalyan

Փաստերն անողոք բան են։ Շուշիում միշտ գերակշռել են հայերը։ Շուշիում ադրբեջանական բնակչության ավելի քան 90%-ը բաժին եղել է միայն երկու շրջանում (երկուսն էլ հայերի ջարդերից հետո)՝ 1920 և 1988 թվականներին։ Փորձագետներն արդեն Փաշինյանի հայտարարությունն անվանել են Շուշիի կորուստն արդարացնելու փորձ։

Փաշինյանը շրջանցում է մի ոչ պակաս կարևոր փաստ՝ Շուշիի կարգավիճակը հայկական վերահսկողության տակ (անգամ ադրբեջանական բնակչության 90% –ի դեպքում) մի բան է, իսկ քաղաքի կարգավիճակը Ադրբեջանի ձեռքում՝ բոլորովին այլ։

Դրանք իրարից տարբերվող սցենարներ են ՝ աշխարհաքաղաքական տարբեր հետևանքներով, ինչի մասին Հայաստանի վերնախավում առանձնապես չեն սիրում խոսել։

«Գիտակցված ենք եկել այստեղ». Թաթուլը նստեց տեղն ու... Շուշիի մշակույթի տունը հրթիռակոծեցին

91
թեգերը:
ադրբեջանցի, Նիկոլ Փաշինյան, հայեր, Շուշի
Ըստ թեմայի
Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը
Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին
Դա կարող է Ալիևի պատվերը լինել. Կարապետյանը` Շուշիի վերաբերյալ Փաշինյանի ասածի մասին
Ինչո՞ւ է «ադրբեջանականացվում» Շուշին. փորձագետները` Փաշինյանի հայտարարության մասին