ԵՐԵՎԱՆ, 30 սեպտեմբերի – Sputnik. ՀՀ պաշտպանության նախարար Դավիթ Տոնոյանն այցելել է բանակային կորպուսի զորմասեր, որտեղ շարունակվում են զորավարժությունները, իր Facebook-յան էջում գրել է ՀՀ ՊՆ խոսնակ Արծրուն Հովհաննիսյանը՝ կից տեղադրելով Տոնոյանի այցելությունից լուսանկարներ:
«Շրջայց կատարելով Դաշտային զորավարժարանում նախարարը առանձին առանձին անցավ պահեստազորայինների վրանային ավանով, ուսումնական կետերով ու կրակային ուղեգծերով։ Պահեստազորայինները կրակային խնդիրներ էին կատարում հրաձգային գումարտակի բոլոր զինատեսակներից։ ԲԿ հրամանատար, գնդապետ Ժիրայր Պողոսյանը նախարարին ներկայացրեց պահեստազորայինների տարբեր ստորաբաժանումների բարձր ներդաշնակվածությունը»,–գրել է Հովհաննիսյանը։
«Փորձում էին սահմանը հատել, ոչնչացվեցին». հակաահաբեկչական զորավարժություններ. տեսանյութ
Հիշեցնենք, որ ՀՀ–ում սեպտեմբերի 24-ից հոկտեմբերի 5-ը ռազմավարական զորավարժություններ են անցկացվում։
Սեպտեմբերի 28–ին վարչապետ Փաշինյանն այցելել էր Սիսիան, ծանոթացել զորավարժությունների ընթացքին։
Նա նկատել է, որ զորավարժությունների մասնակիցները բարձր մարտական տրամադրություն ունեն։ Վարչապետը մաղթել է, որ բոլոր կրակոցները՝ ուղղված պայմանական հակառակորդին, խոցեն պայմանական թիրախները:
