ՀՀ նախագահը հանդիպել է Հենրիխ Մխիթարյանին

Ի՞նչ են զրուցել ՀՀ նախագահը և Մխիթարյանը հանդերձարանում. Սարգսյանը լուսանկար է հրապարակել

144
(Թարմացված է 16:33 29.09.2019)
ՀՀ նախագահն իր ներկայությամբ ոգևորել է Հայաստանի ֆուտբոլի ազգային հավաքականի ավագ, իտալական «Ռոմա» ակումբի կիսապաշտպան Հենրիխ Մխիթարյանին:

ԵՐԵՎԱՆ, 29 սեպտեմբերի — Sputnik. ՀՀ նախագահ Արմեն Սարգսյանը Instagm-ի իր էջում նոր լուսանկար է հրապարակել Հայաստանի ֆուտբոլի ազգային հավաքականի ավագ, իտալական «Ռոմա» ակումբի կիսապաշտպան Հենրիխ Մխիթարյանի հետ:

Հենրիխն ու 13 լեգեոներները․ ովքեր են հրավիրվել Հայաստանի հավաքական

«Ամեն ինչ առջևում է, հանդերձարանում Հենրիխի հետ զրուցեցինք Ռոմայի և Հայաստանի հավաքականի առաջիկա հաղթանակներից»,-լուսանկարին կից գրել է նախագահը:

View this post on Instagram

A post shared by Armen Sarkissian (@president_armensarkissian) on

Հիշեցնենք, որ ՀՀ նախագահ Արմեն Սարգսյանը, որն աշխատանքային այցով Իտալիայում էր, հենց մարզադաշտում դիտել էր  Իտալիայի ֆուտբոլի առաջնության «Ռոմա» - «Ատալանտա» հանդիպումը։

Մխիթարյանի ֆանտաստիկ նորամուտը «Ռոմա». մարզիչը գոհ է, երկրպագուները` նույնպես

Մխիթարյանի թիմն Իտալական Ա սերիայի 5-րդ տուրի շրջանակում 0։2 հաշվով պարտվեց «Ատալանտային»:

Հայաստանի հավաքականի ավագ Հենրիխ Մխիթարյանը դաշտ էր դուրս եկել 65-րդ րոպեին:

144
Ըստ թեմայի
«Դու փայլում ես երջանկությունից». Հենրիխ Մխիթարյանը նոր լուսանկար է հրապարակել «Ռոմայից»
Սալվադորի նախագահը հենց ՄԱԿ-ի ամբիոնում սելֆի է արել և տեղադրել է թվիթերյան իր էջում
Արմեն Սարգսյանը մեկնել է Իտալիա. նախագահը միջազգային համաժողովի գլխավոր բանախոսն է
Специальная следственная служба Армении

Հերթը հասավ ՀՀԿ-ին․ մեղադրանք է առաջադրվել թոշակառուին ընդրակաշառք տալու համար

13
(Թարմացված է 12:43 15.07.2020)
Կենսաթոշակառուն խնդրել է աչքերի վիրահատությունը պետական միջոցների հաշվին իրականացնել, իսկ պաշտոնյան որոշել է օգտվել առիթից և կայանալիք ընտրություններում ՀՀԿ-ի օգտին ձայներ հավաքել:

ԵՐԵՎԱՆ, 15 հուլիսի - Sputnik. Հայաստանի հատուկ քննչական ծառայությունը մեղադրանք է առաջադրել Ա. Բաբայանին՝ 2017 թվականի խորհրդարանական ընտրություններում ՀՀԿ-ի օգտին քվեարկելու դիմաց կաշառք տալու համար։ Տեղեկությունը հայտնում է ՀՔԾ մամուլի ծառայությունը։

«ՀՀ հատուկ քննչական ծառայությունում ձեռք բերված բավարար ապացույցներով հիմնավորվել է, որ Ա. Բաբայանը 2017 թվականի ապրիլի 2-ին կայացած ՀՀ Ազգային ժողովի ընտրությունների նախընտրական փուլում ընտրողին տվել է կաշառք՝ Հայաստանի Հանրապետական կուսակցության համապետական ընտրական ցուցակում ընդգրկված պատգամավորի թեկնածուի օգտին կողմ քվեարկելու համար»,- նշված է հաղորդագրության մեջ:

Հիշյալ ընտրություններին մասնակցելու համար ՀՀԿ-ից առաջադրված է եղել Երևան քաղաքի Նոր Նորք վարչական շրջանի ղեկավար Արմեն Ուլիխանյանի եղբայրը՝ Ղուկաս Ուլիխանյանը: Վերջինիս օգտին առավելագույն քվեներ ապահովելու և ընտրություններում ցանկալի արդյունք արձանագրելու խմբային շահերից ելնելով` այդ ժամանակահատվածում Նոր Նորք վարչական շրջանի ղեկավարի աշխատակազմի քարտուղարի պաշտոնը զբաղեցրած Ա. Բաբայանը մտադրվել է նյութապես շահագրգռել ընտրողներին, այդ թվում` յուրաքանչյուր քվեի համար նրանց որպես կաշառք տալ պետության կողմից երաշխավորված անվճար և արտոնյալ պայմաններով բժշկական օգնության ու սպասարկման ուղեգրեր:

«Մասնավորապես, տեղեկանալով, որ Երևան քաղաքի բնակիչներից մեկը որպես թոշակառու վարչական շրջանի ղեկավարի աշխատակազմ է դիմել աչքերի վիրահատությունը պետական միջոցների հաշվին իրականացնելու խնդրանքով, Ա. Բաբայանը նրանից պահանջել է ընտանիքի մյուս անդամների հետ մասնակցել կայանալիք ընտրություններին և կողմ քվեարկել իր ներկայացրած անձի` պատգամավորի թեկնածու Ղուկաս Ուլիխանյանի օգտին՝ խոստանալով այդ դեպքում որպես կաշառք տալ առավելություն, այն է՝ ապահովել պետության կողմից երաշխավորված անվճար և արտոնյալ պայմաններով բժշկական օգնության ու սպասարկման ուղեգրի տրամադրումը:

Ընտրություններին մասնակցելուց հետո վերը նշված անձը ուղեգրի հիման վրա բժշկական կենտրոնում ենթարկվել է աչքի անվճար վիրահատության, ինչի դիմաց պետության կողմից հիշյալ բժշկական կենտրոնին փոխանցվել է 77.200 ՀՀ դրամ»,- մանրամասնում է ՀՔԾ-ն։

Ա. Բաբայանին մեղադրանք է առաջադրվել ՀՀ քրեական օրենսգրքի 154.2-րդ հոդվածի 2-րդ մասով (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը): Քրեական գործի նախաքննությունն ավարտվել է: Գործը մեղադրական եզրակացությամբ հանձնվել է հսկողություն իրականացնող դատախազին` այն հաստատելու և դատարան ուղարկելու միջնորդությամբ:

13
թեգերը:
Մեղադրանք, թոշակառու, Հատուկ քննչական ծառայություն (ՀՔԾ), ընտրակաշառք, Հայաստանի Հանրապետական կուսակցություն (ՀՀԿ)
Ըստ թեմայի
Ամբիոնի վարիչը կաշառքով գնահատականներ է նշանակել. նրան կալանավորվել են
Կաշառք ստանալու պահին ձերբակալվել է Ազգային արխիվի մարզային մասնաճյուղի տնօրենը. տեսանյութ
Կինը, գազն ու հոսանքը. ՌՈ–ն կաշառքի ու պաշտոնեական դիրքի չարաշահման դեպքեր է բացահայտել
Ռուս պաշտոնյան կաշառք է ստացել ռազմական արտադրանքն Ադրբեջան ուղարկելու «հավանության» դիմաց
Հարվածային անօդաչու սարք

Հարվածային անօդաչու սարքերը կկատարելագործենք․ Հովհաննիսյան

34
(Թարմացված է 12:09 15.07.2020)
Արծրուն Հովհաննիսյանը նշել է, որ հայ ինժեներներն ամբողջությամբ յուրացրել են հետախուզական անօդաչու թռչող սարքերը։

ԵՐԵՎԱՆ, 15 հուլիսի - Sputnik. Հայ ինժեներները փակել են հետախուզական անօդաչու թռչող սարքերի էջը և սկսել են կատարելագործել հարվածային սարքերը․ Տավուշում կայացած ճեպազրույցի ժամանակ ասաց ՀՀ պաշտպանության նախարարության ներկայացուցիչ Արծրուն Հովհաննիսյանը:

Նա նշեց, որ չի կարող շատ մանրամասներ հայտնել հատկապես ստեղծված իրավիճակում: Սակայն, Հովհաննիսյանի խոսքով՝ հայ ինժեներներն ամբողջությամբ յուրացրել են հետախուզական անօդաչու թռչող սարքերը։

«Մարտական ԱԹՍ-ների էջը նույնպես յուրացնում ենք և դուք տեսնում ենք դրանց արդեն իսկ գործողության մեջ։ Բնականաբար, առաջիկայում շարունակելու ենք կատարելագործել դրանք, զարգացնել և առաջ գնալ», - ընդգծեց Հովհաննիսյանը։

Հիշեցնենք, որ ավելի վաղ Հովհաննիսյանը հայտնել էր՝ հուլիսի 13-ը պատմության մեջ կմտնի որպես հայկական արտադրության անօդաչու թռչող սարքերի մարտական կիրառման օր:

ՀՀ զինված ուժերի կողմից խոցված ադրբեջանական Elbit Hermes 900-ը մարտավարական խոշոր անօդաչու թռչող սարք է և արժե ավելի քան 30 մլն ԱՄՆ դոլար, ընդ որում՝ այս տիպի ԱԹՍ-ի աշխարհում առաջին հայտնի խոցումն է:

34
թեգերը:
ինժեներ, անօդաչու, Արծրուն Հովհաննիսյան, Հայաստան
Ըստ թեմայի
Հայկական զինուժը ադրբեջանցիների 10 անօդաչու թռչող սարք է խոցել. Հովհաննիսյան
Հայկական ուժերն ադրբեջանական մի քանի անօդաչու են խոցել, այդ թվում՝ կամիկաձե
Հայկական արտադրության անօդաչու թռչող սարքը բարեհաջող փորձարկվել է. տեսանյութ
Ահա թե ինչ է մնացել Արցախում խոցված ադրբեջանական անօդաչու թռչող սարքից. լուսանկարներ
Ոստիկան. արխիվային լուսանկար

«Ոստիկանի լրիվ նոր կերպար». ինչ փոփոխություններ են իրականացվում ոստիկանությունում

12
(Թարմացված է 12:37 15.07.2020)
Պարեկային ծառայությունը կմիավորի և կփոխարինի պարեկապահակային ծառայությանը և ճանապարհային ոստիկանությանը։ Մինչև 2022-ի մարտը նոր ծառայությունը կգործի ամբողջ Հայաստանում։

ԵՐԵՎԱՆ, 15 հուլիսի – Sputnik. Ոստիկանությունում ստեղծվող նոր՝ պարեկային ծառայությունը Երևանում կգործի մինչև 2021-ի մարտը։ Տեղեկությունն այսօր՝ հուլիսի 15-ին, հրավիրված ասուլիսում հայտնեց ոստիկանության պետի տեղակալ Տիգրան Եսայանը։

«Սա երկար սպասված բարեփոխում էր ոստիկանական համակարգում։ Ծառայությունը կգործարկվի երկու փուլով՝ առաջին փուլով այն կգործարկվի Երևանում մինչև 2021 թվականի առաջին եռամսյակը, այնուհետև ամբողջ հանրապետությունում՝ մինչև 2022 թվականի առաջին եռամսյակը», - ասաց Եսայանը։

Պարեկային ծառայությունը կմիավորի և կփոխարինի պարեկապահակային ծառայությանը և ճանապարհային ոստիկանությանը։ Եսայանի խոսքով, սակայն, նոր՝ պարեկային ծառայությունը չի լինինելու պարզապես երկու ծառայությունների սիմբիոզը։ «Այնպես չէ, որ ընդամենը միացնում ենք իրար երկու ծառայություն։ Նոր ստեղծված ծառայությունը աշխատելու է նոր գաղափարներով», - ասաց Եսայանը։

Մասնավորապես՝ պարեկային ծառայությունը ունենալու է առանձին նոր լոգո, նոր համազգեստ, զենքի հատուկ միջոցների, տրանսպորտային միջոցների և տեխնիկական սարքավորումների լրիվ նոր հագեցվածություն։ Պարեկային ծառայության ծառայողների նվազագույն աշխատավարձը կկազմի 320 հազար դրամ, նրանք ունենալու են նաև սոցիալական երաշխիքներ։

Արդարադատության նախարարի տեղակալ Քրիստինե Գրիգորյանը ներկայացրեց, թե ովքեր կարող են դառնալ պարեկային ծառայողներ։ «Մենք նոր ծառայությամբ ոստիկանի լրիվ նոր կերպար ենք ստանալու, որը հարիր է ժողովրդավարական պետությանը։ Ծառայության կարող են անցնել 18-35 տարեկան քաղաքացիներ և ոստիկանության ծառայողներ՝ համապատասխան պատրաստվածություն անցնելուց հետո», - նշեց Գրիգորյանը։

ՀՀ ոստիկանության պետը նոր տեղակալ ունի

Պարեկային ծառայության հիմնական գործառույթներն են հանդիսանալու հասարակական կարգի և հասարակական անվտանգության ապահովումը, ճանապարհային երթևեկության անվտանգության ապահովումը, քաղաքացիներին անհետաձգելի օգնության և հոգեբանական աջակցության ցուցաբերումը։
Պարեկային ծառայությունը ոստիկանական համակարգի բարեփոխումների՝ Հայաստան-ԵՄ Համապարփակ և ընդլայնված գործընկերության համաձայնագրի պահանջներից է:

12
թեգերը:
ոստիկան, ՀՀ Ոստիկանություն, Հայաստան