Աղջիկը փողոցում

Ինչ պետք է հագնեն հայուհիներն աշնանն ու ձմռանը. որ գույներն ու ոճը կհամարվեն նորաձև

659
(Թարմացված է 11:08 28.09.2019)
Սեզոնի իսկական հիթը կդառնան երկաթյա դետալներով բանակային կոշիկները, դրան զուգահեռ` բարձրակրունկները վերջապես դուրս կգան պահարանից... Հայ նորաձևության բլոգերը պատմել է աշնան և ձմռան հիմնական միտումների մասին։

Լիլիթ Հարությունյան, Sputnik Արմենիա.

Աշնան առաջին ամիսը մոտենում է ավարտին: Նույնիսկ արևոտ Հայաստանում օրերը ցրտում են, և հիմա ժամանակն է մտածելու զգեստապահարանը տաք ու նորաձև իրերով համալրելու մասին։

Նորաձևության տներն այս սեզոնին շատ տարբեր կերպարներ են առաջարկել կանանց, Sputnik Արմենիայի թղթակցի հետ զրույցում պատմեց նորաձևության բլոգեր, «Հայկական ապրանքանիշեր» նախագծի և Mashroom բլոգի հիմնադիր Մարիաննա Քաբաբյանը։

Модный блогер, руководитель проекта Армянские бренды Марианна Кабабян
© Photo : Albina Vardanyan / provided by Marianna Kababyan
«Հայկական ապրանքանիշեր» նախագծի և Mashroom բլոգի հիմնադիր Մարիաննա Քաբաբյանը

Դրանցից մեկը կանացի կերպարն է, որը, Մարիաննայի խոսքով, հիշեցնում է մանկության տիկնիկները` ծալքավոր զգեստներով։ Երկրորդ կերպարն ավելի ուրբանիստական է։ Այն համապատասխանում է վերջին միտումներին և ինչ–որ առումով հիշեցնում է 90–ականների էսթետիկան։

«Առաջարկված կերպարներին համապատասխան, կտրուկ տարբերվում է նաև 2019-2020 աշուն–ձմեռ սեզոնի գունային գամման։ Մի կողմից` նորաձև կլինեն նեոնային երանգները` ավելի բնորոշ ամռանը, այլ ոչ թե աշնանը»,–ասում է բլոգերը։

Основатель бьюти-блога Mashroom Марианна Кабабян
© Photo : provided by Marianna Kababyan
«Հայկական ապրանքանիշեր» նախագծի և Mashroom բլոգի հիմնադիր Մարիաննա Քաբաբյանը

Նրա խոսքով` մյուս ծայրահեղությունը միատոնությունն է, երբ ամբողջ կերպարը կազմված է նույն գույնից։

«Դա կարող է լինել մարմնագույնը, կանաչաշագանակագույնը, զինվորական կանաչը, բայց հատկապես տարածված կլինի սպիտակը, քանի որ հիմա շատ նորաձև են սպիտակ կոշիկները։ Բացի դրանից, արդիական կլինեն բաց երանգները։ Դրանք կարելի է օգտագործել կանացի կերպարներ ստեղծելու համար` հատկապես 19-րդ դարի վերջի ու 20–րդ դարի սկզբի ոճով»,–հավելեց Քաբաբյանը։

Девушка на улице
© CC0 / Josh Stewart
Աղջիկը փողոցում

Ինչ վերաբերում է դրոշմանախշերին, ապա պայուսակների, գոտիների և կոշիկների վրա հատկապես նորաձև կլինեն լոգոտիպերի պատկերները։ Շատ ապրանքանիշեր նույնիսկ փոխել են իրենց լոգոները` դրանք ավելի մեծացնելով, բայց հավատարիմ մնալով մինիմալիզմի սկզբունքին։

2019 թվականի հիմնական նորաձև միտումներն ու գույները. մասնագետի խորհուրդները

Կանանց զգեստապահարանում իր արդիականությունը չի կորցնում նաև տղամարդու կոստյումը։ Բլոգերի կարծիքով` գեղեցիկ սեռի ներկայացուցիչները հավանում են այն մի քանի պատճառներով։ Առաջին հերթին, այն շահավետ ընդգծում է կազմվածքը, երկրորդ` դա զգեստապահարանի շատ հարմար հիմնական բաղադրիչ է. ուրբաթ երեկոյան այն կարելի է համադրել վերնաշապիկի և սպորտային կոշիկների հետ, իսկ գործնական հանդիպման համար հիանալի կնայվի սպիտակ վերնաշապիկի և բարձրակրունկ կոշիկների հետ։

«Իհարկե, կանանց մոտ տղամարդու կոստյումի տարածված լինելը պայմանավորված է նաև սոցիալական գործոններով։ Հասարակությունում փոխվել է թույլ սեռի ներկայացուցիչների դերը, և հենց այդ պատճառով կանանց հագուստի մեջ գործնական ոճը շատ ընդունված է», – ասում է Մարիաննան։

Ինչ վերաբերում է կոշիկին, ապա, ինչպես նշում է մեր զրուցակիցը, բարձրակրունկ կոշիկներն աստիճանաբար վերադարձնում են իրենց դիրքերը, որոնց երկար ժամանակ պատշաճ ուշադրություն չեն դարձրել (կրկին կապված հասարակությունում կնոջ դերի փոփոխության հետ)։ Քանի որ կանացի կերպարը սեզոնի գլխավոր միտումներից է, բարձրակրունկները «բարձունքում» են։ Ըստ էության, սուր քթերով ու ոչ բարձր կրունկներով կոշիկները երբեք էլ չեն կորցրել արդիականությունը։ Հիմա էլ այն հիանալի կնայվի։

Девушка на улице
© CC0 / sobhan joodi
Աղջիկը փողոցում

Եվս մեկ նորաձև միտում են տարբեր դետալներով բանակային կոշիկները, որոնք արդեն երկար ժամանակ չեն զիջում դիրքերը։ Մարիաննայի կարծիքով` դա 2019-2020 աշուն–ձմեռ սեզոնի ամենանորաձև կոշիկն է։

Նա նշում է, որ ոչ բոլոր նորաձև իրերը և միտումներն են կիրառելի հայկական իրականությունում։

«Ամբողջ աշխարհում շատ տարածված է տրենչը, սակայն Հայաստանում սեզոնների միջև ընկած ժամանակահատվածը կարճ է տևում, ուստի զգեստապահարանի այդ տարրն ուղղակի կորցնում է մեզ համար իր արդիականությունը։ Կամ էլ` այն պետք է պատվիրել տեղի դիզայներների մոտ` շատ բարակ, թափանցիկ կտորից։ Նույնը վերաբերում է հագուստի բազմաշերտությանը, ինչպես նաև համատարած սպիտակին։ Ցավոք, Երևանը շատ փոշոտ քաղաք է և ամեն տեղ չէ, որ կարող ես քեզ լավ զգալ սպիտակով»,–ասում է բլոգերը։

Ցուրտ ձմռանը կարելի է նախապատվություն տալ օվերսայզ ոճի (լայն) բաճկոներին։ Ի դեպ, անցած տարի դրանք լավ գովազդել են հոլիվուդյան աստղերը։

Ի՞նչն է նորաձև այս ամառ․ խորհուրդներ Արամ Նիկոլյանից

Դե, իհարկե, ցրտից փրկում է նաև մուշտակը։ Եթե ինչ–որ մեկը խուսափում է բնական մորթուց` ելնելով էթիկական պատկերացումներից, ապա կարելի է արհեստական մուշտակ, առավել ևս, որ տարբեր գույների մուշտակները շատ նորաձև են այս սեզոնում։

Девушка на природе
© CC0 / Tamara Bellis
Աղջիկը բնության մեջ
659
թեգերը:
նորաձևություն, աշուն, Հայաստան, աղջիկ, հագուստ, կոշիկ
Ըստ թեմայի
Գրիգոր Ջաբոթյանը խելքահան է անում նորաձևությանը հետևող կանանց, անգամ`թագուհիներին
«Այո, սա հայկական է». ինչպե՞ս է զարգանում հայկական նորաձևությունը. պատմում են մասնագետները
«Նորաձևության և արվեստի» ցուցահանդես Երևանում. ինչ կտա այն հայ դիզայներներին
Անամոթ, բայց շքեղ. Etam ներքնազգեստի շոուն` Փարիզի նորաձևության շաբաթում
Թափանցող կրծքեր ու մերկ ոտքեր. ուկրաինական նորաձևության շաբաթվա ամենավառ կերպարները
Գյումրու 102–րդ ռազմաբազա

ՔԿ–ն նյութեր է նախապատրաստում ռուս զինծառայողի հանկարծամահ լինելու փաստի առթիվ

26
(Թարմացված է 12:52 27.11.2020)
Ռուսաստանի Հարավային ռազմական օկրուգի ռուսական ռազմակայանի հրամանատարության հանձնաժողովը հետաքննություն է անցկացնում իրավապահների հետ համատեղ։

ԵՐԵՎԱՆ, 27 նոյեմբերի - Sputnik. Քննչական կոմիտեի Շիրակի մարզային քննչական վարչությունում նյութեր են նախապատրաստվում Գյումրու 102-րդ ռուսական ռազմաբազայում ծառայող ռուս զինվորականի հանկարծամահ լինելու փաստի առթիվ։ Այս մասին Sputnik Արմենիայի հետ զրույցում ասաց ՀՀ քննչական կոմիտեի մամուլի խոսնակ Ռիմա Եգանյանը։

Հիշեցնենք, որ Գյումրու 102-րդ ռուսական ռազմաբազայում հայտնաբերվել էր զինվորականի մարմին։

Մարմինը հայտնաբերել էր զինվորականի ծառայակիցը։ Sputnik Արմենիայի հետ զրույցում ՌԴ Հարավային ռազմական օկրուգի մամուլի ծառայությունից փոխանցել են, որ Ռուսաստանի Հարավային ռազմական օկրուգի ռուսական ռազմակայանի հրամանատարության հանձնաժողովը իրավապահների հետ համատեղ հետաքննություն է անցկացնում պայմանագրային զինծառայողի մահվան փաստով։

Զինծառայողի մարմնի վրա բռնության հետքեր չեն հայտնաբերվել։

102-րդ ռազմաբազայի զինծառայողի մահվան մեջ կրիմինալ տարրեր չկան. ՌԴ դեսպանատուն

26
թեգերը:
Մահ, զինծառայող, Գյումրու 102–րդ ռազմաբազա
Ըստ թեմայի
Գյումրիում տեղակայված ռուսական 102-րդ ռազմաբազան արդիականացվում է. նախարար
Հայաստան ժամանած նորակոչիկները կփոխարինեն Գյումրու 102-րդ ռազմաբազայի անձնակազմին
Ռուսական ռազմաբազան Հայաստանի անվտանգության կարևոր բաղադրիչ է․ Փաշինյան
Արման Թաթոյան

Ադրբեջանն արհեստական ձգձգում է գերիների փոխանակումը. ՄԻՊ–ը դիմել է միջազգային հանրությանը

29
(Թարմացված է 12:28 27.11.2020)
Արման Թաթոյանը կարծում է, որ ստեղծված պայմաններում գերիների ազատ արձակումը և նրանց անվտանգ վերադարձի ապահովումը, դիերի փոխանակումը դարձել է րոպե առաջ, հրատապ լուծում պահանջող խնդիր։

ԵՐԵՎԱՆ, 27 նոյեմբերի – Sputnik. ՀՀ մարդու իրավունքների պաշտպան Արման Թաթոյանը հրատապ դիմել է միջազգային հանրությանը` հայտնելով, որ Ադրբեջանն արհեստական ձգձգում է գերիների ու դիերի փոխանակման գործընթացը և շարունակում դաժան վերաբերմունքը։

«Դիմում եմ միջազգային հանրությանը և հատկապես մարդու իրավունքների պաշտպանության մանդատ ունեցող արտերկրյա կառույցներին. անհրաժեշտ է առավելագույն հնարավորություններով ու իրական քայլերով հրատապ լուծել այս խնդիրը՝ պատերազմական ամենածանր հանցագործություններից ու անմարդկային, դաժան գերությունից մարդկանց ազատելու նպատակով»,–նշված է հաղորդագրության մեջ։

ՄԻՊ–ն ասում է` ադրբեջանական իշխանությունները որպես պատճառաբանություն մի կողմից նշում են, թե գերիների փոխանակումն իրականացվելու է դիերի փոխանակման գործընթացի ավարտից հետո, մյուս կողմից, ինքնին դիերի փոխանակման գործընթացը ձգձգվում է առանց պատճառաբանության։ Այս ամենով Ադրբեջանը կոպտորեն ոտնահարում է Ժնևյան կոնվենցիաներով երաշխավորված հիմնարար պահանջները։

Ըստ Թաթոյանի` ակնհայտ է, որ Ադրբեջանն այս ամենով նպատակ ունի դիտավորությամբ հայ հասարակությունում ստեղծել անորոշության ու լարվածության մթնոլորտ, հոգեկան տառապանքներ պատճառել մահացած զինծառայողների ու գերիների ընտանիքների անդամներին:

Լրատվամիջոցների ու հատկապես սոցիալական մեդիայի ադրբեջանական աղբյուրներից անընդհատ հրապարակվում են տեսանյութեր ու լուսանկարներ, թե ինչպես է ադրբեջանական ԶՈւ–ն անարգում հայկական կողմի զինծառայողների դիերը, խոշտանգում ու նվաստացնում գերեվարված զինծառայողներին ու քաղաքացիական անձանց։ Թաթոյանը կարծում է, որ պատերազմական գործողությունների ողջ ընթացքում ակնհայտ էր, որ ադրբեջանական իշխանությունները խրախուսում են այս դաժանություններն ու նվաստացումները՝ նպատակ ունենալով Ադրբեջանում բորբոքել էթնիկ հայերի նկատմամբ ատելություն ու թշնամանք, հերոսացնել դրանք կատարողներին:

«Իշխանություն չունենք». գերիների հարցով հայ արվեստագետները կդիմեն միջազգային կառույցներին

ՄԻՊ–ի խոսքով` ստեղծված պայմաններում գերիների ազատ արձակումը և նրանց անվտանգ վերադարձի ապահովումը, դիերի փոխանակումը դարձել է րոպե առաջ, հրատապ լուծում պահանջող խնդիր։

Հիշեցնենք, որ այս օրերին անհետ կորած զինծառայողների ծնողները բողոքի ակցիաներ են անում կառավարության առջև` պահանջելով, որ իրենց զավակներից որևէ լուր տան, գերիների փոխանացման գործընթաց սկսեն։

29
թեգերը:
Արման Թաթոյան, Ադրբեջան, գերի, Մարդու Իրավունքների Եվրոպական դատարան (ՄԻԵԴ)
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Մարուքյանը հայ գերիների հարցով դիմել է ԵԽ Խոշտանգումների կանխարգելման կոմիտեին
Փաշինյանն ահաբեկիչների ու գերիների հարցը քննարկել է Մուշիկիվաբոյի հետ
Նախկին նախարարը կոչ է անում փրկել Ադրբեջանի ստրկության մեջ հայտնված հայ գերիներին

Տարածքի բնակչության 30 %-ն աշխատում է հանքում. Սոթքի բնակիչները շվարած են. տեսանյութ

0
(Թարմացված է 13:19 27.11.2020)
Sputnik Արմենիայի նկարահանող խումբը Սոթքում զրուցել է բնակիչների, հանքավայրի աշխատակիցների և համայնքի ղեկավարի հետ։

Սոթքի ոսկու հանք տանող ձյունապատ ճանապարհները փակ են։ Սոթք գյուղի վերջնամասում, դեպի Քարվաճառ ու հանքի տարածք գնացող ճանապարհին այս պահին կանգնած են ՀՀ ոստիկանության ու ռազմական ոստիկանության աշխատակիցներ, որոնք բացի զինվորականներից ու հանքի աշխատակիցներից, այլ անձանց թույլ չեն տալիս շարունակել ճանապարհը դեպի ոսկու հանք:

«Համայնքում խուճապ չկա, քանի որ մինչև ամսի 25–ը ժամանակ էր տրված, մեր զորքը պետք է հանվեր, իրենք գային։ Երեկ ընդամենը այդ գործողություններ են արել։ Հիմա եկել են էնտեղ` մի քիչ հետ, մի քիչ առաջ` չգիտեմ։ Կոնկրետ դեռ չեն դիրքավորվել»,–ասում է Գեղամասար համայնքի (որի կազմի մեջ է նաև Սոթքը) ղեկավար Հակոբ Ավետյանը։

Նա հավելում է, որ այս պահին բոլորի մոտ, անգամ` մարզպետի, սպասողական վիճակ է, թե հետո ինչ զարգացումներ կլինեն` անհայտ է։ Բայց նրա տեղեկություններով` հանքն այսօր աշխատում է։

«Այս տարածքի բնակչության շուրջ 30-40%-ն աշխատում է էս հանքում, ապրում դրա շնորհիվ։ Հիմա որ էդ մարդիկ աշխատանքից զրկվեն, ապրուստի այլ միջոց չեն ունենա»,– Sputnik Արմենիայի հետ զրույցում ասում է Սոթքի բնակիչ Վարդան Հայրապետյանը, ում որդին հանքավայրի աշխատակից է։

Նա պատմում է, որ երեկ ադրբեջանցիները եկել են՝ տանկով, կամազներով, ջարդել են դարպասը, անցել են մեր տարածք: Նրա խոսքով` հիմա Սոթքի հանքի ամբողջ տարածքն իրենց տիրապետության տակ է։

Անմիջապես Սոթքի հանքի մոտ հայկական կողմը դիրք ունի, Ադրբեջանն էլ արդեն 3 դիրք է տեղադրել

Հիշեցնենք, որ երեկ մամուլում լուրեր էին շրջանառվում, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքել էր այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնել էր, որ ադրբեջանցիները Սոթքի հանքի տարածքում են` բանակցություններ են վարում։

0
թեգերը:
Ադրբեջան, աշխատանք, Սոթք-Քարվաճառ ավտոճանապարհ, Սոթքի հանքավայր
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ադրբեջանցի զինծառայողները Սոթքի ոսկու հանքի մատույցներում են. տեսանյութ
Քարվաճառում դարպասը ժամանակավոր էր. սահմանազատում է արվում Սոթքի հանքավայրի տարածքով. ՊՆ
Քարվաճառ մտնելուց հետո պահանջել են դուրս գալ Սոթքի հանքի տարածքից. ԳՇ պետի առաջին տեղակալ