Кондитеры угощают гостей мероприятия Самая длинная гата 2019 (26 сентября 2019). Еревaн

Երևանում համտեսել են աշխարհի ամենամեծ գաթան. այն գերազանցել է նախորդ տարվա ռեկորդը

319
(Թարմացված է 15:50 26.09.2019)
Կարապի լճում գաթայի տոն է։ Արդեն երկրորդ անգամ քաղցրասերներն այստեղ կարող են համտեսել ամենամեծ հայկական քաղցրահամ գաթա. այս տարի այն իր երկարությամբ ու կշռով գերազանցել է նախորդ տարվա ռեկորդը։

ԵՐԵՎԱՆ, 26 սեպտեմբերի — Sputnik. 65 մ երկարություն և 410 կգ կշիռ. «Կարապի լճում» անցկացվեց «Աշխարհի ամենամեծ գաթա 2019» միջոցառումը։ Ռեկորդային գաթան համտեսեցին միջոցառման հյուրերը, երևանցիներն ու զբոսաշրջիկները:

Кондитеры угощают гостей мероприятия Самая длинная гата 2019 (26 сентября 2019). Еревaн
© Sputnik / Asatur Yesayants
Հյուրերը համտեսում են աշխարհի ամենամեծ գաթան

Միջոցառման կազմակերպիչը «Երեմյան փրոջեքթս» ընկերությունն է։ Ըստ կազմակերպիչների՝ այս միջոցառումը նախորդի շարունակությունն է, որը նվիրված էր Երևանի 2800-ամյակին:

«Նախորդ տարի մենք թխեցինք աշխարհի ամենամեծ գաթան, որը Գինեսի գրքում գրանցվեց, այն կշռում էր 368 կգ , իսկ գաթայի երկարությունը 60 մետր էր: Մենք որոշեցինք, որ այս միջոցառումը դարձնենք ամենամյա և կազմակերպենք այն մեր սիրելի քաղաքի տարեդարձին ընդառաջ »,- Sputnik Արմենիայի հետ զրույցում ասաց  «Երեմյան փրոջեքթս» ընկերության գլխավոր տնօրեն Դավիթ Երեմյանը։

Кондитеры угощают гостей мероприятия Самая длинная гата 2019 (26 сентября 2019). Еревaн
© Sputnik / Asatur Yesayants
Հյուրերը համտեսում են աշխարհի ամենամեծ գաթան

Երեմյանը նկատեց, որ ինչպես նախորդ տարի, այնպես էլ այս տարի հատկապես  զբոսաշրջիկները մեծ ոգևորությամբ են համտեսում հայկական գաթան և ի նշան հավանության, գոհունակությամբ ժպտում` չմոռանալով հայերենով ասել՝ «շնորհակալություն»:

«Երեմյան Փրոջեքթսի» հրուշակագործները ռեկորդային գաթան թխել են երկու օրում, իսկ նախապատրաստական աշխատանքները տևել են 10օր են։ Աշխարհի ամենամեծ գաթան պատրաստելու համար պահանջվել է 150 կգ կարագ, 100 կգ ալյուր, 500-ից ավելի ձու, 50կգ-ից ավելի շաքարավազ, նույնքան էլ նուշ ու չրեր:

Гость мероприятия Самая длинная гата 2019 (26 сентября 2019). Еревaн
© Sputnik / Asatur Yesayants
Զբոսաշրջիկները համտեսում են աշխարհի ամենամեծ գաթան

«Այս տարի գաթայի պատրաստման համար աշխատել ենք 6 հոգով: Միակ դժվարությունն այն էր, որ պետք է ամեն ինչ արագ անեինք, որպեսզի գաթան թարմ լիներ»,-նշեց «Երեմյան Փրոջեքթսի» գլխավոր հրուշակագործ Անահիտ Միքայելյանը և հավելեց, որ գաթայի բաղադրատոմսը նորացված է:

Ըստ Անահիտի՝ գաթան կարող է բավականացնել  ավելի քան 5000 մարդու:

Հավելենք, որ հայական  իրականության մեջ գաթան կարևոր խորհուրդ ունի. այն զարդարում է տոնական գրեթե բոլոր սեղանները,  հաջողություն և երջանկություն է խորհրդանշում:

Гости мероприятия Самая длинная гата 2019 (26 сентября 2019). Еревaн
© Sputnik / Asatur Yesayants
Զբոսաշրջիկները համտեսում են աշխարհի ամենամեծ գաթան

Մեր տատիկները գաթայի վրա յուրահատուկ նախշեր են պատկերել դանակի կամ պատառաքաղի օգնությամբ, այդ թվում՝  խաչ: Ըստ ավանդազրույցի` դա արվել է չար աչքից ազատվելու համար:

Որոշ մասնագետներ պնդում են, որ գաթան նաև ընտանիքի ամրություն է խորհրդանշում։ Այդ պատճառով էլ հարսանիքների ժամանակ պարում են` գաթան ձեռքում բռնած։

319
թեգերը:
Կարապի լիճ, գաթա, հայեր, հայ, Հայաստան
Ըստ թեմայի
Որտեղ հանգստանալ աշնանը. գրպանին հարմար 5 լավագույն ուղղություն
Հայերի պատրաստած գաթան կարող է հայտնվել Գինեսի գրքում
Սեպտեմբերի 21-ը զորամասում. Փաշինյանը ցույց է տվել զինվորի տոնական սննդակարգը. տեսանյութ
Երևանում աշխարհի ամենաերկար գաթան են թխել. զբոսաշրջիկներն արդեն հասցրել են համտեսել այն

Իրականում քանի՞ հայ է ապրել Շուշիում

76
(Թարմացված է 16:00 23.01.2021)
Վարչապետ Նիկոլ Փաշինյանի աղմկահարույց հայտարարության հետքերով, թե մինչև 90-ականներին հայերի կողմից Շուշիի ազատագրումը նրա բնակչության 90%-ն ադրբեջանցիներ էին, ներկայացնում ենք ինֆոգրաֆիկա։ Դրանում ակնհայտ է, որ քաղաքի հայ բնակչությունը տարբեր տարիներին գերակշռել են։
Իրականում քանի՞ հայ է ապրել Շուշիում
© Sputnik / Shushanik Avdalyan

Փաստերն անողոք բան են։ Շուշիում միշտ գերակշռել են հայերը։ Շուշիում ադրբեջանական բնակչության ավելի քան 90%-ը բաժին եղել է միայն երկու շրջանում (երկուսն էլ հայերի ջարդերից հետո)՝ 1920 և 1988 թվականներին։ Փորձագետներն արդեն Փաշինյանի հայտարարությունն անվանել են Շուշիի կորուստն արդարացնելու փորձ։

Փաշինյանը շրջանցում է մի ոչ պակաս կարևոր փաստ՝ Շուշիի կարգավիճակը հայկական վերահսկողության տակ (անգամ ադրբեջանական բնակչության 90% –ի դեպքում) մի բան է, իսկ քաղաքի կարգավիճակը Ադրբեջանի ձեռքում՝ բոլորովին այլ։

Դրանք իրարից տարբերվող սցենարներ են ՝ աշխարհաքաղաքական տարբեր հետևանքներով, ինչի մասին Հայաստանի վերնախավում առանձնապես չեն սիրում խոսել։

«Գիտակցված ենք եկել այստեղ». Թաթուլը նստեց տեղն ու... Շուշիի մշակույթի տունը հրթիռակոծեցին

76
թեգերը:
ադրբեջանցի, Նիկոլ Փաշինյան, հայեր, Շուշի
Ըստ թեմայի
Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը
Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին
Դա կարող է Ալիևի պատվերը լինել. Կարապետյանը` Շուշիի վերաբերյալ Փաշինյանի ասածի մասին
Ինչո՞ւ է «ադրբեջանականացվում» Շուշին. փորձագետները` Փաշինյանի հայտարարության մասին
Եվգենի Պետրոսյան. արխիվային լուսանկար

«Մոր քթից է թռած». Եվգենի Պետրոսյանի կինը որդու լուսանկարն է հրապարակել

93
(Թարմացված է 12:31 23.01.2021)
Նրա հետևորդները չեն թաքցրել փոքրիկ Վահանի հանդեպ իրենց հիացմունքը` ասելով, որ պետք է հաճախ փոքրիկի լուսանկարը տեղադրի իր էջում։

ԵՐԵՎԱՆ, 23 հունվարի – Sputnik. Երգիծաբան Եվգենի Պետրոսյանի կինը` Տատյանա Բրուխունովան, իրենց փոքրիկի հերթական լուսանկարն է տեղադրել Instagram–ի իր էջում։

«Երկար ժամանակ այս տղային իմ էջում չեմ ցուցադրել»,–որդու լուսանկարին կից գրել է Տատյանան։

Նրա հետևորդները չեն թաքցրել փոքրիկ Վահանի հանդեպ իրենց հիացմունքը` ասելով, որ պետք է հաճախ փոքրիկի լուսանկարը տեղադրի իր էջում։

«Մամայի քթից թռած է»,–մեկնաբանել է մեկ ուրիշ հետևորդ։ Սակայն այս մեկնաբանության առնչությամբ հնչել են նաև հակառակ կարծիքներ, թե ավելի շատ Պետրոսյանին է տղան նման։

Բրուխունովայի հետևորդների աչքից չի վրիպել նաև փոքրիկի ոճային հագուստը, և նրանցից մեկը մեկնաբանել է.

«Ի՜նչ ոճային է` լրիվ մամային ու պապային է քաշել»։

Հիշեցնենք, որ Եվգենի Պետրոսյանն ու Տատյանա Բրուխունովան ամուսնացել են 2019-ի դեկտեմբերին։ Մինչ այդ 33 տարի Պետրոսյանն ամուսնացած էր հումորիստ Ելենա Ստեպանենկոյի հետ։

Քանի՞ ամսական է երեխան. Եվգենի Պետրոսյանի երիտասարդ կինը պատասխանել է օգտատերերի հարցերին

93
թեգերը:
Տատյանա Բրուխունովա, երեխա, Կին, Եվգենի Պետրոսյան
Ըստ թեմայի
Ուրիշ կին կա՞ կողքին․ Եվգենի Պետրոսյանը նոր օգնականի հետ է միջոցառումներին այցելում
«Ահա և նա` Վահանը». Եվգենի Պետրոսյանը ցույց է տվել իր և Բրուխունովայի որդուն. լուսանկար
«Հզոր է». Եվգենի Պետրոսյանի կրակոտ պարը. տեսանյութ
Ստեփանակերտ. հունվարի 23

Աշխատուժի պակաս կա, ձնամաքրման տեխնիկայի մի մասն էլ մնացել է Ադրբեջանին. Արցախի խնդիրները

0
(Թարմացված է 17:56 23.01.2021)
Չնայած Ստեփանակերտում ձնամաքրման մեքենաներն աշխատում են և փորձում անցանելի դարձնել փողոցները, սակայն քաղաքապետարանն ավելի լավ արդյունքի հասնելու համար քաղաքացիների աջակցության կարիքն ունի։

ԵՐԵՎԱՆ, 23 հունվարի – Sputnik. Ստեփանակերտի քաղաքապետարանը տեղեկացնում է, որ պատերազմից հետո ձնամաքրման աշխատանքներում որոշակի խնդիրներ են առաջ եկել։ Քաղաքապետարանը Facebook–ի էջում գրառում է արել` հորդորելով քաղաքացիներին աջակցել` ինչով կարող են։

«Պատերազմից հետո աշխատուժի պակաս է զգացվում: Եղած մարդկային ռեսուրսները բավարար չեն հրատապ խնդիրներին լուծում տալու համար: Տեխնիկական միավորների մի մասը պատերազմի հետևանքով կա՛մ մնացել է Ադրբեջանի վերահսկողության տակ, կա՛մ էլ գտնվում է անսարք վիճակում: Արդյունքում մեքենատրակտորային բազան լրջորեն համալրելու կարիք կա»,–նշված է հաղորդագրության մեջ։

Ստեփանակերտի քաղաքապետարանից հայտնում են, որ վերջին մեկ ամսում քաղաքում երթևեկող փոխադրամիջոցների թիվը զգալիորեն մեծացել է, ինչը նույնպես խոչընդոտում է ձնամաքրման աշխատանքներին։ Բացի այդ, աջակցության ծրագրերից օգտվելու նպատակով քաղաքի տարբեր վայրերում հերթեր են գոյանում, և որոշ տարածքներում գրեթե անհնար են դառնում ձնամաքրման աշխատանքները:

Իրականում քանի՞ հայ է ապրել Շուշիում

Քաղաքապետարանը հայցում է արցախցիների ներողամտությունը` նշելով, որ ձնամաքրման մեքենաները մաքրում են փողոցները` ունեցած հնարավորություններն առավելագույնս օգտագործելով:

Հիշեցնենք` ՀՀ ԱԻՆ–ը հայտնել է, որ հունվարի 23-27-ը սպասվում է առանց տեղումների եղանակ։

0
թեգերը:
Պատերազմ, Արցախ, ձյուն, Ստեփանակերտ