Сбор руководителей антитеррористических подразделений органов безопасности (25 сентября 2019). Еревaн

Երևանում քննարկում են ԱՊՀ–ում ահաբեկչության դեմ պայքարի վտանգները

29
(Թարմացված է 11:11 25.09.2019)
Փորձագետների կարծիքով, հնարավոր ահաբեկչական հարձակման հիմնական թիրախներից մեկը վառելիքի և էներգետիկ համալիրի օբյեկտներն են (FEC): Հետևաբար, նրանց անվտանգությանը պետք է հատուկ ուշադրության արժանանա:

ԵՐԵՎԱՆ, 25 Սեպտեմբեր — Sputnik. Վերջին տարիների իրադարձությունները վկայում են աշխարհում ահաբեկչական ակտիվության աճի մասին։ Սա ժամանակակից ամենամեծ սպառնալիքներից է, մասնագետների գնահատմամբ, առաջիկա տարիներին այդ ակտիվությունը չի պակասելու։ Այս մասին այսօր ասաց ՀՀ ԱԱԾ տնօրենի պարտականությունների ժամանակավոր կատարող, գնդապետ Էդուարդ Մարտիրոսյանը ԱՊՀ մասնակից պետությունների անվտանգության մարմինների և հատուկ ծառայությունների հակաահաբեկչական ստորաբաժանումների ղեկավար կազմի հավաքի ժամանակ։

Сбор руководителей антитеррористических подразделений органов безопасности (25 сентября 2019). Еревaн
© Sputnik / Aram Nersesyan ,
Էդուարդ Մարտիրոսյան, ՀՀ ԱԱԾ տնօրենի պարտականությունների ժամանակավոր կատարող, գնդապետ

Մարտիրոսյանի խոսքով` Հայաստանի տարածքում ահաբեկիչների ակտիվություն չի արձանագրվել, սակայն հաշվի առնելով երկրի աշխարհագրական դիրքը, չի կարելի բացառել, որ ահաբեկչական կազմակերպությունները որպես թիրախ կընտրեն հանրապետությունը։

Նրա խոսքով` այսօր ԱՊՀ մասնակից պետությունների հակաահաբեկչական կենտրոնի (ԱՊՀ ՀԱԿ) հետ համագործակցությամբ սպառնալիքների վերլուծություն ու գնահատում է իրականացվում։ Հատկապես ուշադրություն է դարձվում առանցքային ենթակառուցվածքների, այդ թվում` վառելանյութային արդյունաբերության օբյեկտների պաշտպանությանը։ Գաղտնիք չէ, որ ահաբեկիչները հաճախ հենց դրանք են որպես թիրախ ընտրում։

«Հակառակորդի ագրեսիայի դիմագրավումը». զորավարժությունները մեկնարկել են

«Օրինաչափ է, որ մեր զորավարժությունների ընդհանուր մտահաղացման մշակման ժամանակ հենց այդ թեմային  է նախապատվություն տրվել, որի նպատակն է` մշակել համատեղ օպերատիվ–հետախուզական միջոցառումների ալգորիթմ, ստեղծել հակաահաբեկչական գործողություն մշակող օպեպարտիվ կայան»,– ասաց Մարտիրոսյանը։

ԱՊՀ ՀԱԿ ղեկավար, ոստիկանության գեներալ-գնդապետ Անդրեյ Նովիկովն իր հերթին ընդգծեց, որ ԱՊՀ երկրները զգալի վառելանյութային ու էներգետիկ  պաշարներ ունեն։ Դրանից ելնելով` մեծ ուշադրություն է դարձվում էներգետիկ ենթակառուցվածքը ահաբեկիչների ոտնձգություններից պաշտպանելու հարցին։

Сбор руководителей антитеррористических подразделений органов безопасности (25 сентября 2019). Еревaн
© Sputnik / Aram Nersesyan ,
Անդրեյ Նովիկով, ԱՊՀ ՀԱԿ ղեկավար, ոստիկանության գեներալ-գնդապետ

«Էներգետիկայի գլոբալ բնույթն ու դրա ազդեցությունը տնտեսության մյուս ոլորտների վրա պահանջում են, որ այդ օբյեկտների պաշտպանության վրա առանձնահատուկ ուշադրություն դարձվի»,– նշեց Նովիկովը։

Նշենք` ս.թ. սեպտեմբերի 9-ից 13-ն ընկած ժամանակահատվածում 7 պետությունների՝ Հայաստանի, Բելառուսի, Ղազախստանի, Ղրղըզստանի, Ռուսաստանի, Տաջիկստանի և Ուզբեկստանի տարածքներում ԱՊՀ ՀԱԿ-ի համակարգմամբ անցկացված ԱՊՀ մասնակից պետությունների իրավասու մարմինների «Արարատ-Անտիտեռոր-2019» համատեղ հակաահաբեկչական վարժանքի (այսուհետ` վարժանք) առաջին փուլի արդյունքները կամփոփվի այսօր` սեպտեմբերի 25-ին։

«Ապրիլյան +». 6 ժամվա ընթացքում մի քանի հազար զինապարտ է հավաքակայան ներկայացել

Նախատեսվում է նաև վարժանքի երկրորդ և երրորդ փուլերի անցկացում, որոնք ներառում են՝ ՀՀ ԱԱԾ ստորաբաժանումների կողմից վառելիքաէներգետիկ համալիրի օբյեկտում («Գազպրոմ Արմենիա» ՓԲԸ) պատանդների ազատագրմանը և ահաբեկիչների չեզոքացմանն ուղղված հակաահաբեկչական գործողության անցկացում և ՀՀ զինված ուժերի, ոստիկանության, ԱԻՆ, ԱԱԾ սահմանապահ զորքերի ստորաբաժանումների ներգրավմամբ ապօրինի զինված կազմավորումների և ահաբեկչական խմբերի շրջափակմանը և ոչնչացմանը, ահաբեկչական գործողության հետևանքների վերացմանն ուղղված հատուկ գործողության անցկացում ։

29
թեգերը:
Ղրղըզստան, Ռուսաստան, Ղազախստան, Բելառուս, ՀՀ արտակարգ իրավիճակների նախարարություն (ԱԻՆ), Անկախ պետությունների համագործակցություն (ԱՊՀ), Էդուարդ Մարտիրոսյան, ՀՀ Ազգային Անվտանգության ծառայություն. ԱԱԾ, Հայաստան
Ըստ թեմայի
Ինձ մտահոգում է Մանվել Գրիգորյանի կարգավիճակը. Դավիթ Տոնոյան
Միգուցե մոլորվել էր. Տոնոյանը` չեզոք գոտում հայտնված ադրբեջանցի զինծառայողի մասին
Հետևողական ենք լինելու, որ ամեն ինչ պարզվի. Տոնոյանը` փոխգնդապետի հետ կատարվածի մասին
Դավիթ Տոնոյանն ընդունել է Ալեքսանդր Կշիմովսկիին