Լիլիթ Հովհաննիսյան

«Անհարմար է, մի՛ արեք նման բաներ». շոու բիզնեսի ներկայացուցիչները վճարո՞ւմ են հարկերը

912
(Թարմացված է 16:17 24.09.2019)
Հայկական շոու բիզնեսի որոշ ներկայացուցիչներ մեկնաբանել են իրենց` հարկեր չվճարելու մասին մամուլում հայտնված լուրերը։

ԵՐԵՎԱՆ, 24 սեպտեմբերի — Sputnik. Հայտնի երգչուհի Լիլիթ Հովհաննիսյանը Instagram-ի իր էջում հրապարակել է ամուսնու՝ Վահրամ Պետրոսյանի (նա նաև երգչուհու պրոդյուսերն է) մեկնաբանությունը, որը վերաբերում է ՊԵԿ-ի հայտարարությանը հաջորդած աղմուկին։

«Անհարմար է, պարոնա՛յք, մի՛ արեք նման բաներ»,-լուսանկարին կից գրել է երգչուհին:

View this post on Instagram

A post shared by Lilit Hovhannisyan (@lilithovhannisyan) on

Նշենք, որ ՊԵԿ նախագահ Դավիթ Անանյանը օրերս հայտնել էր, որ շոու բիզնեսի 9 ներկայացուցչի կոնկրետ նամակ են ուղարկել` հորդորելով հայտարարագրել եկամուտները։ Նա հստակ անուններ չէր նշել, և դրանից հետո ԶԼՄ–ներում ու սոցցանցերում սկսել էին տարբեր անուններ քննարկել, այդ թվում` Լիլիթ Հովհաննիսյանի։

Վահրամ Պետրոսյանը հերքել է երգչուհու հասցեին հնչած բոլոր մեղադրանքները:

«Ծանոթացել եմ ՊԵԿ-ի տարածած հայտարարությանը, և դրա մեջ չկա Լիլիթ Հովհաննիսյանի անունը: Վստահ եմ` այդ հայտարարությունը չի վերաբերում Լիլիթին, քանի որ այս տարի գրեթե Հայաստանում չենք եղել՝ Լիլիթի համաշխարհային շրջագայության պատճառով: Իսկ 2018-ին Լիլիթը որևէ համերգ չի ունեցել՝ ո՛չ Հայաստանում, ո՛չ արտերկրում»,- պարզաբանել է Պետրոսյանը և հավելել, որ վերջին երկու տարիներին ստիպված են եղել մերժել համերգների բազմաթիվ առաջարկներ, որպեսզի բոլոր այդ համերգներն ընդգրկեն 2019 թվականի «Dream world tour» համերգային շրջագայության մեջ:

Վահրամ Պետրոսյանը նշել է, որ իրենք 2019 թվականի համերգային շրջագայության համար վաղուց վճարել են, չնայած որ կարող էին դա անել մինչև 2020-ի ապրիլը:

«ՊԵԿ-ի անանուն հայտարարությունը Լիլիթի անվան հետ կապելը պարզապես լրագրողի երևակայության արդյունքն է: Իհարկե, վատ չէր լինի, որ այդպես լիներ, նման եկամուտից հետո, սիրով թոշակի կգնայինք»,- կատակել է Պետրոսյանը:

Հիշեցնենք, որ վերջին օրերին Պետական եկամուտների կոմիտեն հաղորդագրություն էր տարածել, որ  հայկական շոու բիզնեսի ներկայացուցիչներից մեկը, 2017-2019 թվականների ընթացքում, ունենալով շուրջ 384 միլիոն 600 հազար ՀՀ դրամի ձեռնարկատիրական եկամուտ, չի հայտարարագրել այն, ինչի արդյունքում ՀՀ պետական բյուջե չի վճարել ավելի քան 21 միլիոն դրամ հարկ: Մամուլում սկսեցին շահարկել երգչուհի Լիլիթ Հովհաննիսյանի անունը, որը վերջին տարիներին ակտիվ գործունեություն է ծավալում և  համարվում է ամենապահանջված երգչուհիներից մեկը։

Ավելի վաղ ՊԵԿ-ը վերջին նամակն էր ուղարկել  շոու բիզնեսի 9 ներկայացուցչի: Մամուլում շահարկվում է Սոնա Շահգելդյանի, Իվետա Մուկուչյանի, Սիլվա Հակոբյանի, Լիլիթ Հովհաննիսյանի, Թաթայի, Անդրեի և Արման Հովհաննիսյանի անունները:

ՊԵԿ–ում խնդիրներ են առաջացել. հարկ վճարողները չեն կարողանում հաշվետվություն ներկայացնել

Երգչուհի Սիլվա Հակոբյանի հայրն ու պրոդյուսերը՝ Հակոբ Հակոբյանը,  Sputnik Արմենիայի հետ զրույցում նշեց, որ իրենք արդեն հարկային դաշտում են:

«Ավելի շուտ էլ կլինեինք հարկային դաշտում, բայց հարկվելու մեխանիզմներին ծանոթ չէինք, հետաքրքրվեցինք և տեղեկացանք, որ ԱՁ է պետք բացել: Այժմ ամեն ինչ կարգին է և օրինական: Նախորդ տարվա` պետությանը  հասանելիք գումարը  պատրաստ ենք վճարել, երբ կտեղեկացնեն, թե որքան է այն կազմում»,-ասաց Հակոբյանը:

Թաթայի պրոդյուսեր Գրիգոր Նազարյանն էլ Sputnik Արմենիայի հետ զրույցում նշեց, որ Թաթան հարկեր վճարում է ոչ թե որպես անհատ ձեռներեց, այլ ՍՊԸ-ի միջոցով, հետևաբար, հնարավոր է, այդտեղից էլ առաջացել է շփոթմունքը։

«Մենք միշտ վճարել ենք և հիմա էլ վճարում ենք հարկեր և դա կարող ենք ապացուցել»,-ասաց պրոդյուսերը և հավելեց, որ շոու բիզնեսի շատ ներկայացուցիչներ դեռ հարկվելու մեխանիզմներին չեն տիրապետում:

Ավելի վաղ Sputnik Արմենիայի հետ զրույցում երգիչ Արման Հովհաննիսյանը նշել էր, որ առաջին տարին չէ, որ հարկ է վճարում։

«Իմ գործունեության առաջին օրվանից սկսած ես պատշաճ կատարում եմ հարկային պարտավորությունները: Արդեն 10 տարի է հարկ եմ մուծում, ինչի՞ են մեր անունը կեղտոտում: Եթե ես հայրենասեր եմ, ապա իմ գործունեության  հենց առաջին օրվանից պետք է հարկ մուծեմ»,-ասել է երգիչը

Հիշեցնենեք, որ սեպտեմբերի 5-ին Պետական եկամուտների կոմիտեի նախագահ Դավիթ Անանյանը շոուբիզնեսի ներկայացուցիչների անուններ չէր տվել՝ նշելով միայն, որ եղել են հորդորներ՝ ներկայացնել հայտարարագրերը, մինչդեռ դրանք չստանալուց հետո ՊԵԿ-ը վերջին նամակն է ուղարկել շոու բիզնեսի ներկայացուցիչներին, իսկ եթե այս նամակն էլ մնա անպատասխան, ապա Անանյանի խոսքով՝ ՊԵԿ-ը նախնական հաշվարկ կիրականացնի ու կփոխանցի հետաքննիչներին, որոնք էլ կորոշեն, թե ինչ պատասխանատվության նրանք պիտի ենթարկվեն:

912
թեգերը:
Սիլվա Հակոբյան, Արման Հովհաննիսյան, Լիլիթ Հովհաննիսյան, եկամտահարկ, հարկեր, Դավիթ Անանյան, ՀՀ պետական եկամուտների կոմիտե
Ըստ թեմայի
«Ես ինձ երեխա եմ զգում». Նազենի Հովհաննիսյանը՝ լողազգեստով. լուսանկար
Ղրղըզ երգչուհին կատարում է Սիլվա Հակոբյանի երգը. վարչապետը տեսանյութ է հրապարակել
«Շրջապատված եմ սիրով». Սիրուշոն նոր լուսանկար է հրապարակել
Ծիծեռնակաբերդի հուշահամալիր, արխիվային լուսանկար

Պատահականությո՞ւն, թե՞․․․ Սպիտակ տանն առաջին անգամ հնչեց «Հայոց ցեղասպանություն» տերմինը

135
(Թարմացված է 21:54 07.07.2020)
Ամենայն հավանականությամբ Սպիտակ տանը որոշել են փորձարկել Թուրքիայի նյարդերը, միաժամանակ դրական ուղերձ հղելով հայկական սփյուռքին։ Բայց արդյո՞ք ամեն ինչ այդքան պարզ է, պարզաբանում են հայ փորձագետները։

ԵՐԵՎԱՆ, 7 հուլիսի – Sputnik, Լաուրա Սարգսյան․ Սպիտակ տան մամուլի քարտուղար Քեյլի Մաքէնանիի հայտարարությունը որևէ ազդեցություն չի ունենա Հայոց ցեղասպանության հարցում ԱՄՆ իշխանությունների դիրքորոշման վրա։ Sputnik Արմենիայի թղթակցի հետ զրույցում նման կարծիք հայտնեց քաղաքագետ Սուրեն Սարգսյանը։

Ավելի վաղ Սպիտակ տան մամուլի քարտուղարը, քննդատելով Black Lives Matter շարժման մասնակիցների կողմից հուշարձանների պղծման հետևանքները, ճեպազրույցի ժամանակ օգտագործել էր «Հայոց ցեղասպանության հուշարձան» տերմինը։

«Փաստը մնում է փաստ․ Սպիտակ տան որևէ բարձրաստիճան պաշտոնյա, որևէ մամուլի քարտուղար նախկինում այդ իրադարձությունները նկարագրելու համար «ցեղասպանություն» բառը չէր օգտագործել։ Այս համատեքստում դա նորություն է»,-ասաց Սարգսյանը։

Փորձագետը վստահ է՝հայտարարությունը, սակայն, չի կարող որևէ կապ ունենալ Հայոց ցեղասպանության հարցում ԱՄՆ-ի պաշտոնական դիրքորոշման հետ։

Նա չի բացառում, որ Մաքէնանին կարող էր «փորձագնդակ նետել»՝ հետագա հետևանքները և իրադարձությունների զարգացումը, մասնավորապես՝ Թուրքիայի արձագանքը վերլուծելու համար։

«Ես Սև քոչարին եմ», կամ ինչ կապ ունի Ցեղասպանությունը «Black lives matter» շարժման հետ

Ամերիկյան մամուլում այս թեման առավել ակտիվորեն լուսաբանեցին ավանդաբար դեմոկրատական թևը ներկայացնող պարբերականները, մասնավորապես խոսքը The Washington Post թերթի մասին է։ Փորձագետը կանխատեսում է, որ հիմա ԱՄՆ-ում կփորձեն մոռանալ այս թեման և չզարգացնել այն։

 «Այնուամենայնիվ, ՀՀ արտգործնախարարությունը պետք է արձագանքեր, շնորհակալություն հայտներ այդ իրադարձություններին պատմականորեն ճիշտ գնահատական տալու համար»,-ընդգծեց Սարգսյանը։

Մեկնաբանելով Ուեսթ-Քարդաշյան զույգի ազդեցությունը, քաղաքագետը նշեց, որ հռչակավոր ռեփ-արտիստը նախագահ դառնալու ոչ մի շանս չունի, քանի որ բաց է թողել իր թեկնածությունը ներկայացնելու բոլոր վերջնաժամկետները։

Ավելի վաղ Ուեսթը հայտարարել էր, որ մտադիր է առաջադրվել ԱՄՆ նախագահական ընտրություններում։

Փորձագետի խոսքով՝ տեսականորեն Ուեսթը կարող էր Սպիտակ տան համար պայքարել որպես անկախ թեկնածու, սակայն այստեղ էլ հնարավորությունները գրեթե զրոյական են։ Միակ բանը, ինչին Ուեսթը կարող է հասնել՝ Ջո Բայդենի ընտրազանգվածի մի մասը խլելն է։

Իր հերթին ԵՊՀ արևելագիտության ֆակուլտետի դեկան Ռուբեն Մելքոնյանը կարծում է, որ Մաքէնանիի հայտարարությունը չարժե ֆետիշացնել։ Հարկավոր է սպասել ԱՄՆ իշխանությունների պաշտոնական բացատրությանը, որը անկասկած կլինի, երբ Թուրքիան հանդես գա համապատասխան ագրեսիվ արձագանքով։

Պատմությունը չես փոխի․ ինչպես հայերը փրկեցին հրեական ընտանիքը

Մելքոնյանի դիտարկմամբ՝ Սպիտակ տան մամուլի քարտուղարի խոսքերը կարելի է տարբեր կերպ մեկնաբանել։ Բանն այն է, որ հուշարձանը կոչվում է հենց «Հայոց ցեղասպանության զոհերի հուշարձան», և հնարավոր է, որ Մաքէնանին պարզապես կարդացել է տեքստը՝ նշելով անունը։

«Մյուս կողմից՝ բարձրաստիճան պաշտոնյայի հայտարարությունները տեսականորեն չեն կարող պատահական լինել։ Դա դիվանագիտական տեքստ է, որում կարող են թաքնված ուղերձներ լինել»,- պարզաբանեց Մելքոնյանը։

Նա չի բացառում, որ «Հայոց ցեղասպանություն» տերմինն օգտագործվել է Թուրքիայի, Հայաստանի և հայկական շրջանակի զգոնությունը ստուգելու, ինչպես նաև հայկական սփյուռքին դրական ազդակներ հաղորդելու համար։

Մելքոնյանի համոզմամբ՝ եթե խոսքն, այնուամենայնիվ, անխոհեմ արտահայտության մասին է, ապա դա միայն հերթական անգամ հաստատում է, որ միջազգային գիտակցության մեջ 1915 թվականի իրադարձությունները ասոցացվում են Ցեղասպանության հետ:

«Հայաստանը պետք է սպասի հետագա զարգացումներին, որպեսզի հասկանա, թե ինչպես կարելի է օգտագործել իրավիճակը՝սեփական շահերից ելնելով»,- շեշտեց փորձագետը։

Էրդողանն ընդդեմ Հայոց ցեղասպանության, կամ ինչից է այդքան վախենում Անկարան

1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1,5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։

Հայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ 50 նահանգներից 44-ը պաշտոնապես ճանաչել և դատապարտել են Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։

Ամուսնություն ծերուկի հետ. մի աղջկա սարսափելի պատմություն, որը Ավրորա Մարդիգանյան չդարձավ

135
թեգերը:
Սուրեն Սարգսյան, Սպիտակ տուն, Հայաստան, Թուրքիա, ԱՄՆ, Հայոց ցեղասպանություն
թեմա:
Հայոց ցեղասպանություն
Ըստ թեմայի
«Պետք է կանխվեն ռիսկերը` նոր ցեղասպանությունների ականատես չլինելու համար». Մնացականյան
Սարդարապատ. ինչ գիտենք հայերին երկրորդ ցեղասպանությունից փրկած ճակատամարտի մասին
Ի՞նչ կա դրա մեջ, ցեղասպանությունը ճանաչելը նաև քաղաքական քայլ էր. Աբաս Ջումա
Նահատակներին «մեր» ու «ձեր»-ի չբաժանենք, կամ Ֆրանսիան կընդունի՞ ասորիների ցեղասպանությունը
Արսեն Թորոսյան, արխիվային լուսանկար

Սկսվել է Մարտունու բուժկենտրոնի շինարարությունը. Թորոսյանը լուսանկարներ է հրապարակել

68
(Թարմացված է 20:59 07.07.2020)
Ժամանակակից հիվանդանոցը ախտորոշիչ և բուժական ծառայություններ կմատուցի Մարտունի քաղաքի և տարածաշրջանի բնակիչներին։

ԵՐԵՎԱՆ, 7 հուլիսի - Sputnik. Մարտունու բժշկական կենտրոնի կառուցման շինարարական աշխատանքների մեկնարկը տրված է։ Facebook-ի իր պաշտոնական էջում լուրը հաղորդել է ՀՀ առողջապահության նախարար Արսեն Թորոսյանն ու կառուցվող բուժկենտրոնի նախագծման լուսանկարները հրապարակել։

Հայաստանում արտադրված կորոնավիրուսի թեստերը շուտով կհայտնվեն հիվանդանոցներում

«2022թ-ի հուլիսից 65 մահճակալ հզորությամբ նորակառույց բազմաֆունկցիոնալ բժշկական կենտրոնը՝ միջազգային արդի բոլոր չափանիշներին համապատասխան, ախտորոշիչ և բուժական ծառայություններ իրականացնելու լայն հնարավորություններով կսպասարկի Գեղարքունիքի մարզի Մարտունի քաղաքի և տարածաշրջանի ազգաբնակչությանը»,- գրել է նախարարը։

Նա նաև տեղեկացրել է, որ բուժկենտրոնի՝ տիպային նախագծով կառուցման աշխատանքներն իրականացվում են Համաշխարհային բանկի կողմից ֆինանսավորվող «Հիվանդությունների կանխարգելում և վերահսկում» ծրագրի շրջանակներում:

Նախագծման փուլից մինչև բժշկական կենտրոնի հագեցման բոլոր աշխատանքները համակարգվում են Առողջապահության նախարարության ծրագրերի իրականացման գրասենյակի կողմից։

68
թեգերը:
Գեղարքունիքի մարզ, հիվանդանոց, Արսեն Թորոսյան
Ըստ թեմայի
Մահճակալային ֆոնդը ծանրաբեռնված է. Թորոսյանը խոսեց ծանր ու ծայրահեղ ծանր հիվանդների մասին
Եթե կորոնավիրուսով վարակվել ու լավացել ենք, երաշխիք չէ, որ այլևս չենք վարակվի. Թորոսյան
«Դեղերն արդեն կիրառում ենք, իսկ պատվաստանյութ գնելու համար քայլեր կսկսենք անել». Թորոսյան
«Արմատա» Տ-14

«Արմատան» կարտահանվի․ ով առաջինը կստանա Տ-14 նորագույն ռուսական հզոր տանկը

51
(Թարմացված է 23:52 07.07.2020)
Ռուսաստանը շարունակում է զենքի միջազգային շուկայում «նեղել» մրցակիցներին և աշխարհում նմանը չունեցող նմուշ է առաջարկում՝ 2-րդ սերնդի «Արմատա» Տ-14 տանկը։ Դա վկայում է ռուսական պաշտպանաարդյունաբերական համալիրի հաջող զարգացման մասին։

Ալեքսանդր Խրոլենկո, ռազմական վերլուծաբան

Ռազմատեխնիկական համագործակցության գծով դաշնային ծառայության ղեկավար Դմիտրի Շուգաևը հուլիսի 6-ին ասել է, որ Մոսկվան մտադիր է արտահանել «Արմատա» Տ-14 նորագույն տանկերը։ Ռուսաստանը բացառապես վստահելի ու արդյունավետ զենք է վաճառում, որը պահանջարկ է ունենալու և առաջ է անցնելու մրցակիցների արտադրությունից։  

Танки Т-14 Армата
© Sputnik / Евгений Одиноков
«Արմատա» Տ-14

Հետաքրքրական է, որ սա հետպատերազմյան երրորդ սերնդի ստեղծած միակ տանկն է աշխարհում։ Նույնիսկ ՌԴ պաշտպանության նախարարությունն այս եզակի զրահատեխնիկայի դեռևս 132 միավոր ստանալու պայմանավորվածություն ունի։ Ակնկալվում է, որ դրանք կմատակարարվեն մինչև 2021 թվականի ավարտը։ Արտասահմանյան վաճառքը կսկսվի այն բանից հետո, երբ կկատարվի ՌԴ պաշտպանության նախարարության պատվերն ու կհաստատվի մեքենայի արտահանման տեսքը (մասնագետները որոշում են՝ ինչը կարող է արտասահման գնալ, իսկ որ տեսակներն են օգտագործելու բացառապես ռուսաստանյան զորքերը)։

Բարձր տեխնոլոգիական տանկը էժան չէ՝ մինչև 7 միլիոն դոլար մեկ միավորի դիմաց, ընդ որում՝ «Արմատայի» հանդեպ արդեն հետաքրքրություն են ցուցաբերել Եգիպտոսը, Հնդկաստանը, Չինաստանը։ Ի դեպ, հայտնի արտասահմանյան տանկերը ՝ Ամերիկյան «Աբրամսը», ֆրանսիական «Լեկլերկը», գերմանական «Լեոպարդը», Իսրայելական «Մերկավան», վաճառվում են 6 – 12 միլիոն դոլար գնային դիապազոնում։

Հավանական պատվիրատուները

Ավելի վաղ Եգիպտոսը որոշել էր 400 – 500 հատ նորագույն ռուսական Տ-90ՄՍ տանկ պատվիրել ու հավանաբար հետագայում Տ-14 կպատվիրի։ Հնդկաստանը պատրաստվում է մինչև 1770 ժամանակակից տանկ ձեռքբերել ու դիտարկում է նաև «Արմատան»․ նախնական գործարքի գումարը 442 մլրդ ռուբլի է գնահատվում։ Հաստատ անտարբեր չի մնա նաև Չինաստանը։

Ռուսական նորագույն տանկի արտահանման ծավալները դեռ որոշված չեն։ Անկասկած Տ-14-ը կծառայի նաև ԱՊՀ երկրների ամրապնդմանը։ Ավելի վաղ ակտիվորեն ռուսական արտադրության զրահատեխնիկա էին գնում Հայաստանը, Ադրբեջանը, Բելառուսը, Ղազաստանը, Ուզբեկստանը։

Ռուսաստանը խաղաղ քայլերով գրավել է զենքի համաշխարհային շուկայի մոտ մեկ երրորդը։ «Ռոսոբորոնէքսպորտը» 55 միլիարդ դոլարի պատվեր ունի (ԱՄՆ-ից հերո աշխարհում երկրորդ տեղն է)։ Ռուսական զենքի արտահանման մոտ 15%-ը ցամաքային տեխնիկա է։ ՌԴ-ն կարողացել է նոր տանկերի շուկայում չճանաչված առաջատար դառնալ։ Պատահական չէ, որ Արւմուտքում Տ-90 տանկն անվանել են «ռուսական պաշտպանական մահաբեր հիթ»։ Առաջիկա տարիներին «Ուրալվագոնզավոդը» մոտ 2500 Տ-90ՄՍ տանկ կուղարկի պատվիրատուներին։ Նորագույն Տ-14-ը խոստանում է արտահանման հաղթարշավի արժանի շարունակողը դառնալ։

Տեխնոլոգիական գերազանցությունը

Տ-14-ը նախատեսված է հակառակորդի հետ անմիջական շփմամբ մարտի, մոտոհրաձգային ստորաբաժանումների հարձակմանն աջակցելու, հակառակորդի ամրաշինական կառույցների, թաքստոցներում ու բաց տարածքում կենդանի ուժի վերացման համար։ «Արմատա» տանկը հաջողությամբ փորձարկվել է Սիրիայի Արաբական Հանրապետության տարածքում մարտական պայմաններում։

Միայն Ռուսաստանը նման զենք ունի, բայց առանց լուրջ պատճառի երբեք չի գործարկի

 «Արմատան» աշխարհում  նորագույն կառուցվածք ունեցող առաջին տանկն է, որ ստացել է ամբողջ էլեկտրամագնիսական սպեկտրում նկատելիության նվազեցման «սթելս-տեխնոլոգիաները»։ Մեքենան ունի հատուկ համակարգ, որի շնորհիվ մարտի դաշտում Տ -14-ի յուրաքանչյուր անձնակազմ գործում է ոչ թե առանձին, այլ մարտավարական օղակի կառավարման միասնական համակարգում։

Առաջատար երկրների մասնագետները երկու տասնամյակ է մտածում են կառուցվածքով Տ-14-ին նման տանկ ստեղծելու գաղափարի շուրջ։ Առաջխաղացում կա, սակայն միայն Ռուսաստանը կարող է սերիական արտադրություն սկսել։

Танки Т-14 Армата
© Sputnik / Михаил Воскресенский
«Արմատա» Տ-14

«Արմատան» աշխարհում ուղիղ մրցակիցներ կամ անալոգներ չունի։ Նախորդ տարի Տ-14-ն ամենազարգացած երկների 12 մեքենաների շարքում լավագույնն է ճանաչվել։ Ռուսաստանը միայնակ է ստեղծել այն։ Առանց չափազանցության սա կարելի է համարել տանկաշինության ոլորտի տեխնոլոգիական հեղափոխություն, այն իրավամբ կարող է զգալի տնտեսական ու ռազմաքաղաքական դիվիդենտներ բերել։

51
թեգերը:
ԱՄՆ, արտադրություն, Զենք, արտահանում, Ռուսաստան, տանկ
Ըստ թեմայի
Տեղում դոփելով․ ամերիկյան Patriot ՀՕՊ համալիրների հերթական ձախողումը
Մարտական համակարգերի «մարդասպանը». ՌԴ-ում 10 կմ հեռահարության թնդանոթներ են ստեղծել
«Մոնթե» ջերմատեսիլներ և ՀՀ–ում արտադրվող «Կալաշնիկով». Փաշինյանն այցելեց գործարան