Էդմոն Մարուքյան

ԼՀԿ-ն կողմ կքվեարկի Հրայր Թովմասյանի լիազորությունները դադարեցնելու մասին նախագծին

97
(Թարմացված է 21:20 23.09.2019)
Հրայր Թովմասյանի լիազորությունները դադարեցնելու մասին նախագծի քննարկումներն ԱԺ-ում դեռ չեն սկսել, սակայն խմբակցությունում արդեն իսկ որոշում են կայացրել` կողմ կքվեարկեն։

ԵՐԵՎԱՆ, 23 սեպտեմբերի – Sputnik. ԱԺ ԼՀԿ խմբակցությունը որոշել է կողմ քվեարկել Հրայր Թովմասյանի լիազորությունները դադարեցնելու մասին նախագծին: Այս մասին Facebook-ի իր էջում գրել է խմբակցության ղեկավար Էդմոն Մարուքյանը:

«ՀՀ ԱԺ «Լուսավոր Հայաստան» խմբակցությունն այսօր գումարած նիստում որոշում է կայացրել, որ կողմ է քվեարկելու «Իմ քայլը» խմբակցության կողմից առաջարկված «Սահմանադրական դատարանի դատավոր Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին» ՀՀ ԱԺ որոշման նախագծին»,- իր գրառման մեջ նշել է նա:

Վարդևանյան. «Հրայր Թովմասյանի դեպքում չենք կարող խոսել էական կարգավարական խախտման մասին»

Հիշեցնենք, որ «Իմ քայլը» նախաձեռնել էր ՍԴ նախագահ Հրայր Թովմասյանի լիազորությունները զրկելու վերաբերյալ նախագիծ:

Նշենք, որ որոշման նախագիծն արդեն հրապարակված է ԱԺ պաշտոնական կայքում։ Այն պետք է քննարկվի ԱԺ Պետաիրավական հանձնաժողովի առաջիկա նիստում, ապա ներառվի Աժ հերթական նիստի օրակարգում։

ՍԴ նախագահ Հրայր Թովմասյանի պաշտոնանկության նախագիծը «երեխայական» է. ԲՀԿ պատգամավոր

ԱԺ–ում հաստատվելուց հետո միայն դիմումը կուղարկվի ՍԴ։ ՍԴ–ում դիմումը բավարարելու համար դրան պետք է «կողմ» քվեարկեն ՍԴ դատավորներից առնվազն 6-ը։

97
թեգերը:
նախագիծ, Էդմոն Մարուքյան, Սահմանադրական դատարան, Հրայր Թովմասյան, Հայաստան
թեմա:
ՍԴ նախագահ Հրայր Թովմասյանին պաշտոնանկ անելու գործընթացը (85)
Ըստ թեմայի
«Քաղաքական ճնշում գործադրելու առիթ ունեցել ենք, բայց չենք արել». ԱԺ նախագահը` ՍԴ–ի մասին
«Մուլտի Գրուպի» տնօրենը 20 մլն դրամ գրավի դիմաց ազատ է արձակվել
Պաշտոնյան քաղաքացիներին ստիպել է «Խութ» հիմնադրամին գումար փոխանցել. քրգործ է հարուցվել
Ի՞նչ է ասել Խաչատուր Սուքիասյանը մարտի 1-ի գործով քննիչին. գործարարը խոսել է 2008–ի մասին