Պեկին

Չինաստան մեկնելու հրաշալի հնարավորություն. պետք է պատասխանել ընդամենը 30 հարցի

317
(Թարմացված է 17:51 23.09.2019)
Հայաստանում Չինաստանի դեսպանը ներկայացրեց «Ճանաչիր Չինաստանը» մրցույթը, որի մասնակիցներն արժեքավոր նվերներ ստանալու հնարավորություն կունենան։

ԵՐԵՎԱՆ, 23 սեպտեմբերի — Sputnik. Չինաստանի պատմությանը, քաղաքականությանը, մշակույթին և այլ ոլորտներին վերաբերող 30 հարցի ճիշտ պատասխանելով` հայաստանցիները թանկարժեք մրցանակներ շահելու հնարավորություն կունենան։ Հայաստանում Չինաստանի դեսպանատունը Երևանի Կոնֆուցիոսի ինստիտուտի և «Արմենպրես» լրատվական գործակալության հետ համատեղ մշակել է «Ճանաչիր Չինաստանը» խորագրով հարցաշարը, որին մասնակցելու իրավունք ունի Հայաստանում բնակվող յուրաքանչյուր ոք։ Հարցաշարի մասին այսօր լրագրողներին հայտնեց Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Թիան Էրլունը։

Чрезвычайный и полномочный посол Китая в Армении Тянь Эрлун на торжественном открытии школы с китайским обучением (22 августа 2018). Ереван
© Sputnik / Aram Nersesyan
Թիան Էրլուն

«Երկու օր առաջ մենք Գյումրիում էին` բոլորիդ հետ միասին նշելու Հայաստանի անկախության 28–ամյակը։ Մի քանի օր անց էլ` հոկտեմբերի 1-ին, չին ժողովուրդը նշելու է Չինաստանի Ժողովրդական Հանրապետության կազմավորման 70-ամյակը։ Մեզ համար դա շատ կարևոր ամսաթիվ է, որովհետև 70 տարի առաջվա աղքատ ու հետամնաց պետությունից այսօր կերտվել է բարգավաճող, զարգացող ու հզոր պետություն։ «Ճանաչիր Չինաստանը» խորագրով հարցաշարը նվիրված է հենց այդ իրադարձությանը», – հայտնեց դեսպանը։

«Ճանաչիր Չինաստանը» հարցաշարը հասանելի է china70.am կայքով։ Ամենաարագ ու ճիշտ պատասխանած մասնակիցները կստանան նվերներ` համակարգիչներ, սմարթֆոններ, լիցքավորման սարքեր։ Գլխավոր մրցանակակիրն էլ կկարողանա այցելել Չինաստան։

Էրլունն անդրադարձավ նաև Հայաստան–Չինաստան հարաբերություններին։ Նրա խոսքով` դեռևս Մետաքսի ճանապարհի ժամանակաշրջանից երկու ժողովուրդները բարեկամական կապեր են հաստատել։

«Չինաստանը շարունակում է մնալ Հայաստանի` թվով երկրորդ առևտրային գործընկերը։ Ձնագնդի էֆեկտով աճում է Հայաստան եկող չին զբոսաշրջիկների թիվը։ Եթե իմ` դեսպան նշանակվելու տարում` 2014–ին, Հայաստան էր այցելում 2000 չինացի զբոսաշրջիկ, այս տարի իմ հաշվարկներով` նրանք 10000-ից շատ էին», – ասաց դեսպանը։

Նա նաև հույս հայտնեց, որ կշատանան Հայաստանի հետ համատեղ իրականացվող ծրագրերը։ Դեսպանի խոսքով` մոտ ապագայում սպասվում են ծրագրեր Գյումրի և Սիան քույրացած քաղաքների միջև։

Հիշեցնենք, որ այս տարվա մայիսին վարչապետ Նիկոլ Փաշինյանը պաշտոնական այցով մեկնել էր Պեկին։ Դրանից երկու շաբաթ անց Երևան էր եկել Չինաստանի արտգործնախարար Վան Ինը։ Երկու երկրների միջև մուտքի վիզայի ազատականացման համաձայնագիր ստորագրվեց։ Ղեկավարները նաև խոսել են Հայաստանից Չինաստան օդային ուղիղ կապ հաստատելու մասին։

317
թեգերը:
հարցաշար, Չինաստան, Հայաստան
Ըստ թեմայի
Չինական ընկերությունն ուզում է Հայաստանում կենցաղային տեխնիկա հավաքելու գործարան բացել
«Հրավիրում ենք Հայաստան». Փաշինյանը` Temasek Holdings-ի հետ համագործակցելու մասին
Որ երկրների հետ Հայաստանը պետք է զարգացնի հարաբերությունները․ ԱԳ նախարար