Վայոց Ձորի մարզպետ Տրդատ Սարգսյան

Վայոց Ձորում տեղի ունեցած ծեծկռտուքին մարզպետի մասնակցությունը ստուգվում է. ՔԿ

145
(Թարմացված է 12:14 23.09.2019)
ՀՀ Քննչական կոմիտեի նախագահ Հայկ Գրիգորյանն անձնական վերահսկողության տակ է վերցրել հասարակական հնչեղություն ստացած այս գործը:

ԵՐԵՎԱՆ, 23 սեպտեմբերի – Sputnik. Վայոց Ձորի մարզային քննչական վարչությունում քննվող քրեական գործի շրջանակներում ձեռնարկվում են անհետաձգելի քննչական գործողություններ տեղի ունեցած միջադեպին Վայոց Ձորի մարզպետի մասնակցությունը ստուգելու ուղղությամբ:

Այս մասին իր Facebook-յան էջում գրել է  Քննչական կոմիտեի տեղեկատվության և հասարակայնության հետ կապերի դեպարտամենտի ղեկավար Նաիրա Հարությունյանը:

«Այս պահին առգրավվել են դեպքի հարակից տարածքում առկա տեսախցիկները՝ մարզպետի մասնակցությունը միջադեպին ստուգելու նպատակով»,-գրել է Հարությունյանը՝ հավելելով, որ գործը գտնվում է ՀՀ Քննչական կոմիտեի նախագահ Հայկ Գրիգորյանի հսկողության ներքո:

Վայոց Ձորում ծեծկռտուքից վնասվածքներ ստացած փոխգնդապետի վիճակը հույս չի ներշնչում. Տոնոյան

Հիշեցնենք, որ Վայոց Ձորի մարզի Եղեգնաձոր քաղաքում սեպտեմբերի 18-ի գիշերը զինվորականների և մարզպետարանի աշխատակիցների մասնակցությամբ տեղի էր ունեցել միջադեպ, որից հետո Վայոց Ձորի մարզպետի օգնականը սկզբում ձերբակալվել, հետո կալանավորվել էր։

ԶԼՄ–ների տեղեկություններով` ծեծկռտուքի հիմնական դերակատարը հենց մարզպետի օգնական Հարություն Գրիգորյանն է եղել, որը ծանր վնասվածքներ է հասցրել փոխգնդապետ Արա Մխիթարյանին։ Զինվորականն այժմ հիվանդանոցում է։ Որոշ հրապարակումներում նշվում էր, որ ծեծկռտուքին մասնակցել է նաև մարզպետ Տրդատ Սարգսյանը։

Եղեգնաձորում փոխգնդապետին ծանր վնասվածքներ հասցրած մարզպետի օգնականը կալանավորված է

Վայոց Ձորի մարզում տեղի ունեցած միջադեպի առթիվ հարուցված է քրեական գործ՝ ՀՀ քրեական օրենսգրքի 112-րդ հոդվածի 1-ին մասի հատկանիշներով (ծանր մարմնական վնասվածքներ հասցնել)։

145
թեգերը:
Նաիրա Հարությունյան, Մարզպետ, ՀՀ քննչական կոմիտե, Ծեծկռտուք, Վայոց Ձոր, Տրդատ Սարգսյան
Ըստ թեմայի
Վայոց Ձորի նախկին մարզպետը վարչապետին ներկայացրեց Ամուլսարի մասին իր դիտարկումները
Վայոց Ձորի մարզպետի տեղակալն աշխատանքից հեռացվել է դիպլոմը կեղծելու պատճառո՞վ
Վայոց Ձորի դպրոցներում իրավիճակի թեժացման փորձերը մտահոգիչ են. հայտարարություն
Վայոց Ձորում ծեծկռտուքի ժամանակ վնասվածքներ ստացած զինվորականի վիճակը ծայրահեղ ծանր է
Միխայիլ Գալուստյան. արխիվային լուսանկար

«Ժորիկ, մերոնքականներից չենք գողանում»․ Գալուստյանը «գրավել է» Քարդաշյանի բաժանորդներին

7
(Թարմացված է 00:00 11.07.2020)
Հայտնի երգիծաբան ու շոումեն Միխայիլ Գալուստյանը ծիծաղեցրել է սոցցանցի իր բաժանորդներին անհավանական հնարքով։

ԵՐԵՎԱՆ, 10 հուլիսի — Sputnik. Ամերիկահայ հեռուստաաստղ Քիմ Քարդաշյանի մեգաճանաչումը սոցցանցերում հանգիստ չի տալիս երգիծաբան Միխայիլ Գալուստյանին։

Նա նախանձել է Instagram-ում Քարդաշյանի բաժանորդների քանակին։ Ինչպես հայտնի է՝ մոդելն ավելի քան 178 միլիոն բաժանորդ ունի, իսկ Գալուստյանը՝ 12 միլիոնից մի քիչ ավելի։

Միխայիլը որոշել է գրավել Քարդաշյանի երկրպագուներին։ Նա տեսանյութ է հրապարակել ու «անհավանական հնարք» ցուցադրել։

«Դիմավորեք յուրահատուկ փողոցային մոգությունը ժամանակակից մեծագույն իլյուզիոնիստ մաեստրո Գալուստինիից։ @kimkardashian-ի բաժանորդներին գողանալու ֆոկուսը։ Հնարքը լավ պատրաստություն է պահանջում ու մի՛ փորձեք դա տանը կրկնել», - մեկնաբանել է Գալուստյանն իր տեսանյութը։

Կադրերում երևում է, որ նա «կախարդում» է երկու հեռախոսները, ինչի արդյունքում բոլոր բաժանորդներն անցնում են Գալուստյանին, իսկ Քարդաշյանին ոչինչ չի մնում։

View this post on Instagram

A post shared by Михаил Галустян (@m_galustyan) on

Նրա ընկերներն ու երկրպագուները միանգամից արձագանքել են տեսահոլովակին։

Առաջիններից է մեկնաբանել հայտնի շոումեն Գարիկ Մարտիրոսյանը։

«Ժորիկ, ի՞նչ ես անում, Վասյա։ Մերոնքականներից չենք գողանում», - գրել է Մարտիրոսյանը։

«Դարի  առևանգումը», «Հզոր է», «Ես կգողանայի ոչ թե Քիմի բաժանորդներին, այլ հենց Քիմին», «Հայերն ամեն դեպքում իրար մեջ կպայմանավորվեն», «Քիմը շուտով նախագահի կին է դառնալու, այնպես որ, նման կատակները վտանգավոր են», - գրել են Գալուստյանի բաժանորդները։

Հիշեցնենք, որ Գալուստյանը հայտնի է դարձել ՈՒՀԱ-ում խաղալու ընթացքում, որտեղ ներկայացնում էր «Утомленные солнцем(«Արևից քշվածերը») թիմը։ Միխայիլը նկարահանվել է բազմաթիվ ֆիլմերում՝ «Թեթևաբարո տատիկը», «Ուժեղ բնավորությամբ նվերը» և այլն։ Գալուստյանի ունեցվածքը, ըստ Forbes ամսագրի՝ կազմում է տարեկան 2,2 միլիոն դոլար։

«Զաչեմ ռեսնիցամի մախալա». Միշա Գալուստյանը Ժորիկի կերպարում տեսահոլովակ է նկարահանել

7
թեգերը:
տեսանյութ, ինստագրամ, Քիմ Քարդաշյան, Միխայիլ Գալուստյան
Ըստ թեմայի
«Միշան ամեն ինչ փչացնում է»․ Գալուստյանը պատրաստվում է նոր շոուի
«Թու, խայտառակություն է». Միշա Գալուստյանը նոր տեսահոլովակ կթողարկի
Միխայիլ Գալուստյանն Ուրգանտի հետ զրույցում բացահայտել է իր «սուպեր» ծրագրերը. տեսանյութ
Ճանապարհային ոստիկանություն, արխիվային լուսանկար

Գիշերային ֆորսաժ Երևանի փողոցներում. ինչ խախտումներ է հայտնաբերել ՃՈ–ն

24
(Թարմացված է 21:32 10.07.2020)
Ուժեղացված ծառայության ժամանակ հայտնաբերված խախտումների հեղինակների նկատմամբ կազմվել են վարչական իրավախախտման վերաբերյալ արձանագրություններ:

ԵՐԵՎԱՆ, 10 հուլիսի – Sputnik. Մեկ օրում Ճանապարհային ոստիկանության պահպանվող հատուկ տարածք է տեղափոխվել 33 մեքենա, որոնցից երեքի վարորդները կեսգիշերային մրցավազք են իրականացրել մայրաքաղաքի փողոցներում։ Տեղեկությունը հայտնում է ոստիկանության մամուլի ծառայությունը։

«Նրանք անհարգալից վերաբերմունք դրսևորելով երթևեկության մյուս մասնակիցների նկատմամբ` ստեղծել են վթարային իրավիճակներ։ Մեքենաներից մեկի վարորդը սթափ չէր», - նշված է հաղորդագրության մեջ։

Դեղատների կանաչ խաչերն այլևս չեն շփոթեցնի վարորդներին. դրանցով կզբաղվի տեսչական մարմինը

Հուլիսի 9-ին ճանապարհային ոստիկանության ծառայողները ուժեղացված ծառայություն են իրականացրել Երևանում։ Հայտնաբերվել են տարբեր խախտումներ կատարած վարորդներ, որոնց նկատմամբ կազմվել են վարչական իրավախախտման վերաբերյալ արձանագրություններ:

Ճանապարհային ոստիկանությանը զգուշացնում է, որ ուժեղացված ծառայությունները պարբերաբար են իրականացվելու։

Ողբերգական դեպք Արմավիրում. մեքենան հայտնվել է ձորում, վարորդն ու կին ուղևորը մահացել են

24
թեգերը:
վարորդ, ավտոմեքենա, Ճանապարհային ոստիկանություն(ՃՈ), Հայաստան
Ըստ թեմայի
60 կմ/ժ և ոչ ավելի. Երևանում երթևեկության կանոնների փոփոխությունը՝ ՀԿ խոշորացույցի տակ
Առանց դիմակի, խմած ու բորբոքված. ինչ է եղել իրականում Ստեփանավանում
Երևանում ՃՏՊ–ների 10%-ից ավելին գրանցվել են բարձր արագությամբ երթևեկելի փողոցներում. ՃՈ