3D մոդելավորում

Հայ ուսանողներին վստահում են եվրոպական շենքերի 3D դիզայնը

68
(Թարմացված է 15:14 19.09.2019)
Նիդեռլանդցի ներդրողները Վանաձորում բացել են 3D մոդելավորման դուստր ձեռնարկություն։ Նրանք պատրաստվում են

ԵՐԵՎԱՆ, 19 սեպտեմբերի — Sputnik. Հայաստանի բարձր տեխնոլոգիաների ոլորտում Նիդեռլանդներից նոր ներդրող է հայտնվել` 3D մոդելավորման Archidutch ընկերությունը։ Ընկերության հայկական գրասենյակի մենեջեր Սարգիս Հակոբջանյանը Sputnik Արմենիայի հետ զրույցում ասաց, որ ընկերությունն աշխատանքն սկսելուց մեկ տարի անց արդեն հավաքել է ավելի քան 20 աշխատակից, ընդ որում, ոչ թե Երևանում, այլ Վանաձոր քաղաքում։

«Մեր աշխատակիցներից շատերն ուսանողներ են, նրանք հասցնում են թե՛ սովորել, թե՛ աշխատել։ Եվրոպացի մասնագետները կարճաժամկետ դասընթացներ են անցկացրել նրանց համար, նրանք քննություն են հանձնել և սկսել աշխատել», – հավելեց Հակոբջանյանը։

Ներդրողների ներկայացուցիչներից մեկը` Նատաշա Միրզոյանցը ծնվել է Վանաձորում։ 13 տարեկանից ապրում է Նիդեռլանդներում։

«Մենք պատահական ենք հանդիպել նրան, բայց աշխատանքի նկատմամբ մոտեցումներում շատ ընդհանուր բաներ ունենք։ Այդ ժամանակ էլ ծնվեց նրա հայրենի Վանաձորում մասնաճյուղ բացելու գաղափարը։ Նա կարողացավ համոզել Նիդեռլանդների ղեկավարությանը, և մենք սկսեցինք աշխատել», – հավելեց նա։

Թվում էր` մասնագետներ գտնելը հեշտ չի լինի։ Վանաձորում արդեն հայտնվել են լավ ծրագրավորողներ, իսկ, ահա, 3D մոդելավորողներ գրեթե չկան. նրանք աշխատելու տեղ չունեն։

«Ծրագրավորողները նույնպես աշխատելու տեղ չունեին, բայց հետո, երբ հայտնվեցին ՏՏ ընկերություններն, այդ ժամանակ էլ ի հայտ եկան մասնագետները։ Վստահ եմ`  նույնը կլինի նաև այստեղ»,– հավելեց նա։

Այժմ ընկերության հայկական մասնաճյուղն արդեն պատվերներ է ընդունում Եվրոպայից` շինարարական և ճարտարապետական նախագծերում 3D մոդելավորում անելու համար։ Այստեղ կազմել են «ավելացված իրականության» հեռախոսային հավելվածը, որի օգնությամբ հեռախոսի էկրանից կարելի է շենքի վիրտուալ մակետը «տեղադրել սեղանին» և այն զննել տարբեր անկյուններով ու խոշորացմամբ։

Ուզու՞մ եք իմանալ, թե ինչպիսի օր է ունեցել Ձեր ամուսինը. արհեստական բանականությունը կպատմի

Իսկ սեպտեմբերի վերջին հայկական գրասենյակը Երևանում շինարարության և ճարտարապետության մեջ 3D մոդելավորման հարցերով միջազգային համաժողով կանցկացնի։

Հայաստանում էլ խուրմա կա. հայ մասնագետների նոր համակարգը կօգնի գյուղացիներին

Նշենք, որ նիդեռլանդցի ներդրողներին կազմակերպչական աջակցություն է ցուցաբերել Վանաձորի տեխնոլոգիական կենտրոնը։ Այն կառավարում է «Ձեռնարկությունների ինկուբատոր» ոչ կոմերցիոն հիմնադրամը։

68
թեգերը:
Վանաձոր, Ներդրում, Ուսանող, Երիտասարդ, համակարգիչ, դիզայներ, Նիդեռլանդներ, Հայաստան
Ըստ թեմայի
«Ծննդյան վկայական» և 1000 տարվա պատմություն ունեցող գյուղը. Թեղենիքի զարգացման ծրագիրը
Ալեքսիս Օհանյանը Երևանում կմասնակցի իր բեսթսելերի հայերեն թարգմանության շնորհանդեսին
Մակնիշը՝ HOME-MADE, կամ ինչպես Ջրվեժում մաթեմատիկայի ուսուցիչը «մուտանտ» մեքենա ստեղծեց
«Արմենիա տուրիստիչեսկայա- 2019». այս տարվա լավագույնները հայտնի են. լուսանկարներ
Ֆիրդուսի

Սրճարաններ, թանգարաններ և ոչ միայն․ ինչպիսի՞ն է իրականում լինելու Ֆիրդուսի թաղամասը

52
(Թարմացված է 00:12 11.08.2020)
Իշխանությունը կարծում է, որ աշխատանքներն ավարտելուց հետո Երևանում ևս մեկ զբոսաշրջային գոտի կբացվի։

ԵՐԵՎԱՆ, 10 օգոստոսի – Sputnik․ Մշակույթի ու արվեստի անվանի գործիչների թանգարան, հուշանվերների խանութներ և փայտե պատշգամբներով քարե շենքեր․ ահա այն հիմնական կետերը, որոնք նախատեսված են Երևանի Ֆիրդուսի թաղամասի վերականգնման ու կառուցապատման նախագծով։ Sputnik Արմենիայի հարցմանն ի պատասխան հայտնեցին ՀՀ փոխվարչապետ Տիգրան Ավինյանի գրասենյակից։

Ավելի վաղ ՀՀ գրասենյակի Տիգրան Ավինյանի աշխատակազմի ղեկավար Վարագ Սիսեռյանը ցույց էր տվել՝ ինչ տեսք է ունենալու Ֆիրդուսին վերականգնումից ու կառուցապատումից հետո, նա քաղաքի այդ հատվածի 3D մոդելը հրապարակել էր Facebook-ում։

Կառուցապատման ընդհանուր մակերեսը 58 հազար քառակուսի մետր է, աշխատանքներն իրականացվել են 49 հազար քառակուսի մետրում, իսկ մնացած 9 հազարը դեռ իրականացման փուլում են։

Օրերս ՀՀ վարչապետ Նիկոլ Փաշինյանի մոտ տեղի ունեցած խորհրդակցության ժամանակ նշվել է, որ արդեն իսկ փոխհատուցվել է 378 ընտանիք (60 միլիոն դոլարի չափով), ընթացքի մեջ է 50 ընտանիքի փոխհատուցման գործընթացը։

«Ֆիրդուսում այժմ ընթանում են քանդման աշխատանքներ։ Շինարարության մեկնարկը ծրագրվում է 2020 թվականի վերջին, ավարտը՝ 2024 թվականի սկզբին», - նշված է գերատեսչության պատասխանում։

Այս պահին 70 միլիոն դոլար է ներդրվել նախագծում։ Ծրագրված է ևս 200 միլիոն դոլար ներդնել։ Ենթադրվում է, որ 6-ից 8 հազար աշխատատեղ է բացվելու։

Կառուցապատման հատակագծի հեղինակը Նարեկ Սարգսյանն է (Երևանի նախկին գլխավոր ճարտարապետը – խմբ․), գլխավոր ճարտարագետը՝ Հովհաննես Մութաֆյանը։ Տարածքը բաժանվել է 18 լոտերի, յուրաքանչյուր լոտ ունենալու է իր ճարտարապետը։

Նշվում է, որ հուշարձանային տարածքում գտնվող Հանրապետության և Տիգրան Մեծ փողոցներին հարակից հուշարձանները պահպանվելու են իրենց տեղերում, և վերարժևորվելու են շենքի բակային ճակատները։ Այս հուշարձանային շենքերին հաջորդելու են 2-4 հարկանի շենքերը՝ փայտե պատշգամբով։

«Արդյունքում տվյալ տարածքում կստեղծվի նոր, համահունչ զբոսաշրջային միջավայր։ Այս տարածքը կեզրագծվի 250 մ հետիոտնային ճանապարհով, որից այն կողմ արդեն կլինեն նորակառույց շենքեր», - նշված է պատասխանի մեջ։

1–ին և 2–րդ հարկերում նախատեսվում է սրճարաններ ու հուշանվերների խանութներ բացել։ Քննարկվում է նաև պատմական միջավայրի տարածքում 2–րդ և 3–րդ հարկերում ստեղծել մշակույթի հայտնի գործիչների թանգարաններ։

Ֆիրդուսին, որտեղ ժամանակին բավականին մեծ շուկա կար և մի քանի տասնյակ բնակելի տներ, Երևանում վերջին «հյուղակների թաղամասերից» էր։ Շուկան բազում դարերի պատմություն ունի, սկզբում այստեղ մեծ մասամբ իրանցիներն էին առևտուր անում։ Հենց այդ պատճառով էլ այդ հատվածը պահպանել է պարսիկ բանաստեղծ Ֆիրդուսիի անունը։

Հայաստանի նախկին իշխանությունը նախատեսում էր քանդել թաղամասի բոլոր հին շենքերը և մոտ հինգ հեկտար տարածքում նոր թաղամաս կառուցել, որում կլինեին բնակելի շենքեր, բիզնես կենտրոններ ու հյուրանոցներ։

Նոր Ֆիրդուսիի նախագիծը բուռն քննարկումների թեմա դարձավ, հատկապես երբ 2020 թվականի հունիսի 10-ին քանդեցին «կարմիր շենքը»։ Հունիսի 13-ին Երևանի ավագանին արտահերթ նիստ հրավիրեց։ Քաղաքապետարանի առջև Ֆիրդուսիի պաշտպանությանն ուղղված ակցիա անցկացվեց։

Ավելի ուշ ակտիվիստները բաց նամակ հղեցին վարչապետ Նիկոլ Փաշինյանին ու Երևանի քաղաքապետ Հայկ Մարությանին` պահանջելով անհապաղ դադարեցնել շինարարական աշխատանքները Ֆիրդուսիում, չեղարկել Նարեկ Սարգսյանի  նախագիծը, մայրաքաղաքի կենտրոնում նախատեսվող ցանկացած նոր շինարարության համար հանրային քննարկումներ անցկացնել ու այդ հին թաղամասի համար պատմամշակութային տեսքի պահպանությամբ նախագիծ մշակել։

Նամակը ստորագրել էին մի շարք հայտնի մարդիկ` գրողներ Նարինե Աբգարյանն ու Արամ Պաչյանը, օպերային երգիչներ Հասմիկ Պապյանն ու Աննա Մայիլյանը, ռեժիսորներ Աշոտ Ադամյանը, Լևոն Աթայանը, Սեդա Գրիգորյանն ու Դավիթ Մաթևոսյանը, նկարիչներ Զարուհի Մուրադյան ու Մարինա Դիլանյանը, ճարտարապետներ Արմեն Աբրոյանն ու Աշոտ Սիմոնյանը, լրագրողներ Արտավազդ Եղիազարյանն ու Լուսինե Հովհաննիսյանը, հասարակական գործիչ Հրանուշ Խառատյանը և ուրիշներ։

52
թեգերը:
Ֆիրդուսի, Երևան, Հայաստան
Ըստ թեմայի
Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան
Սթրիթ արտ սահմանամերձ գոտում. ինչպես Բալայանի «բլոճիկները» զվարճացրին Բերդի տղաներին
Սահմանամերձ Բերդավանի և Այգեպարի փողոցները հիմնանորոգվում են
Ի՞նչ աշխատանքներ են կատարվում Լոռիում. Փաշինյանը հերթական տեսանյութն է հրապարակել
NordStar

Հայաստանից ևս 400 մարդ է մեկնել Ռուսաստան

85
(Թարմացված է 20:57 10.08.2020)
ՌԴ քաղաքացիություն ունցող անձինք Հայաստանից մեկնել են Մոսկվա, Կալուգա և Սանկտ Պետերբուրգ։

ԵՐԵՎԱՆ, 10 օգոստոսի – Sputnik. Օգոստոսի 10-ին 3 չարտերային չվերթ է կայացել, և ՌԴ քաղաքացիների հերթական խումբը Հայաստանից մեկնել է Ռուսաստան։ Տեղեկությունը հայտնում է Հայաստանում Ռուասաստանի դեսպանությունը։

««NordStar ավիաընկերության (Գյումրի - Մոսկվա) և «Արմենիա» ավիաընկերության երկու հատուկ չարտերային չվերթերով (Երևան-Կալուգա և Երևան-Սանկտ Պետերբուրգ) Ռուսաստան է վերադարձել ևս 339 մարդ »,– նշված է հաղորդագրության մեջ։

Արտակարգ դրությունից հետո Հայաստանից ՌԴ է մեկնել 4440 մարդ։

ՌԴ քաղաքացիություն ունեցող անձանց վերադարձը կազմակերպելու աշխատանքը շարունակվում է։

85
թեգերը:
Ռուսաստան, չվերթ, Հայաստան
Ըստ թեմայի
Ի՞նչը կարող է փրկել ավիացիան․ ավիաընկերություններն անհամբեր սպասում են օգոստոսի 12-ին
«Աերոֆլոտը» չեղարկել է մի շարք քաղաքներ, այդ թվում՝ դեպի Երևան կանոնավոր չվերթերը
Մոսկվայից Երևան ևս մեկ չարտերային չվերթ նախատեսված է օգոստոսի 11-ին