ՀՀ քննչական կոմիտե

Վանաձորում 27–ամյա տղային կրակել են որսորդական հրացանից. կրակողի ինքնությունը հայտնի է

64
(Թարմացված է 19:59 19.09.2019)
Վանաձորում հնչած կրակոցների դեպքի վայրի զննությունից հայտնաբերվել է որսորդական հրացանից կրակված երեք պարկուճ, եղել են արնանման հետքեր, վերցվել են փորձանմուշներ։

ԵՐԵՎԱՆ, 19 սեպտեմբերի — Sputnik. Վանաձորում սեպտեմբերի 19–ին 27–ամյա երիտասարդի սպանության փորձ կատարողի ինքնությունը հայտնի է։ Այս մասին հայտնում է ՀՀ քննչական կոմիտեն։

«Այսօր առավոտյան, ենթադրյալ հանցագործություն կատարած անձն իր ծանոթի ավտոմեքենայով գնացել է 27-ամյա երիտասարդի հետ հանդիպման: Տեսնելով, որ վերջինս իրենց է մոտենում, ապօրինաբար կյանքից զրկելու դիտավորությամբ, իր պայուսակում պահվող որսորդական հրացանից կրակոցներ է արձակել 27-ամյա երիտասարդի ուղղությամբ և դիմել փախուստի»,–նշված է հաղորդագրության մեջ։

Полиция Армении, Ванадзор
© Sputnik / press office of the Police of RA

Ձեռնարկված միջոցառումների արդյունքում պարզվել են դեպքի մի շարք հանգամանքներ, այդ թվում՝ միջադեպին մասնակից անձանց ինքնությունը, որոնք նույնպես Վանաձոր քաղաքի բնակիչներ են: Նրանցից մեկը՝ ավտոմեքենայի վարորդը, հայտնաբերվել և ձերբակալվել է: Հայտնաբերվել է նաև հանցագործության գործիք հանդիսացող գործիքը՝ որսորդական հրացանը:

Նախաքննության ընթացքում կատարվել է դեպքի վայրի զննություն, որի ժամանակ հայտնաբերվել է որսորդական հրացանից կրակված երեք պարկուճ, արնանման հետքեր, վերցվել են փորձանմուշներ։

Փաստի առթիվ ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 1-ին մասով, այն է` սպանությունը:

Թթու վարունգ են կերել ու հիվանդանոց տեղափոխվել. Արտենիսում բոտուլիզմի դեպք է արձանագրվել

 

Նախաքննությունը շարունակվում է:

64
թեգերը:
Ձերբակալում, Մեղադրանք, ՀՀ քննչական կոմիտե, Քննություն, Վիրավոր, կրակոց, Վանաձոր
Ըստ թեմայի
Փորձել են կոսմետիկան ու մուշտակները «կոպեկներով» ներկրել Հայաստան. ՊԵԿ–ը կանխել է
Արթուր Վանեցյանն ընտանիքի հետ Վրաստան է մեկնել
«Բաքվից դեռ խաղաղասիրական ոչինչ չենք լսել». Էնֆիաջյանի ելույթը Թուրքիայում