Արմեն Ջիգարխանյան

Արմեն Ջիգարխանյանի և Տատյանա Վլասովայի ընտանեկան նոր լուսանկարները հիացրել են շատերին

304
(Թարմացված է 00:04 28.09.2019)
Արմեն Ջիգարխանյանի կնոջ որդին` Ստեփանը, սոցցանցում նոր նկար է հրապարակել, որտեղ Ջիգարխանյանն ու իր մայրը միասին մի սեղանի շուրջ են։

ԵՐԵՎԱՆ, 19 սեպտեմբերի — Sputnik. Արմեն Ջիգարխանյան և Տատյանա Վլասովա` վերամիավորված երջանիկ ընտանիքի լուսանկարը Instagram–ի իր էջում զետեղել է Տատյանայի որդին` Ստեփանը։

View this post on Instagram

A post shared by Steve (@s_jigro) on

«Ավելացնելու բան չկա։ Հասկանալի է`կես դար ամուր կառուցածը ոտքով չի փլուզվի, այն էլ պատահական մարդկանց պատճառով»,–այսպես է մակագրել իր լուսանկարը մոր և խորթ հոր վերամիավորումից ուրախացած Ստեփանը։

View this post on Instagram

A post shared by Steve (@s_jigro) on

Լուսանկարը բազմաթիվ մեկնաբանությունների է արժանացել. «Ձեր մայրը արժանի կին է. իմաստնության օրինակ», «Առանց մեկնաբանության...առողջություն ձեր ծնողներին» և այսպես շարունակ։

«Որոշել ենք միասին ծերանալ». Արմեն Ջիգարխանյանն ու նախկին կինը միացել են

Հիշեցնենք, որ Արմեն Ջիգարխանյանը դերասանուհի Տատյանա Վլասովայից բաժանվել էր 2015թ. սեպտեմբերին: Դրանից անմիջապես հետո մամուլում հայտնվեց Վիտալինա Ցիմբալյուկ Ռոմանովսկայի հետ հարցազրույցը, որում կինը պատմել էր Արմեն Ջիգարխանյանի հետ հարաբերությունների մասին:

2017 թվականի հոկտեմբերին լրատվամիջոցները սկսեցին քննարկել Ջիգարխանյանի ու Վիտալինայի բաժանման թեման, որը հանգուցալուծվեց 2018 թվականի նոյեմբերին, երբ նրանք պաշտոնապես ամուսնալուծվեցին։

304
թեգերը:
ինստագրամ, Լուսանկար, Կին, տղա, Արմեն Ջիգարխանյան
թեմա:
Արմեն Ջիգարխանյանի ընտանեկան դրաման (121)
Ըստ թեմայի
Արմեն Ջիգարխանյանի նախկին կինը պատրաստ է պատժել բոլորին. «սերիալը» շարունակվում է
Արմեն Ջիգարխանյանի նախկին կինը կարևոր խոստովանություն է արել
Արմեն Ջիգարխանյանի նախկին կնոջը ծեծել են
ԱՄՆ ոստիկանություն, արխիվային լուսանկար

Թուրքիայի գլխավոր հյուպատոսին սպանած Համբիկ Սասունյանը կմնա անազատության մեջ. որոշում

98
(Թարմացված է 21:57 28.05.2020)
Սասունյանի փաստաբանները հիասթափված են նահանգապետի որոշումից։ Նրանք հույս են հայտնել, որ գոնե այս անգամ նահանգապետի որոշման մեջ Թուրքիայի մատը խառը չէ։

ԵՐԵՎԱՆ, 28 մայիսի - Sputnik. Կալիֆոռնիայի նահանգապետ Գևին Նյուսոմը մերժել է Թուրքիայի գլխավոր հյուպատոսին սպանած Համբիկ Սասունյանին ազատ արձակելու որոշումը: Այս մասին հայտնում է Կալիֆոռնիայի հայկական «Ասպարեզ» պարբերականը։

2019 թվականի դեկտեմբերին բանտարկյալների ներման դիմումները քննող խորհուրդը որոշել էր ազատ արձակել Սասունյանին։

Իր որոշման մեջ նահանգապետը նշել է, որ անցած տասնամյակների ընթացքում Սասունյանը զգալի ջանքեր է գործադրել իր պահվածքը շտկելու համար: Այնուամենայնիվ, դեռ դժվար է հավատալ, որ նա ազատ կարձակվի:

«Ես բարձր եմ գնահատում Սասունյանի ջանքերը, բայց կան ավելի համոզիչ հանգամանքներ, որոնք խանգարում են նրան ազատ արձակելուն: Իմ կարծիքով՝ Սասունյանը շարունակաբար թերագնահատում է իրենից պահանջվող աչալրջությունը, ներկայում և ապագայում՝ հետևողականորեն գործելու օրենքի պահպանելու և նույնիսկ անուղղակիորեն բռնություն հրահրելուց խուսափելու վարքագծով:Այդ պատճառով նա հասարակության համար մնում է վտանգավոր»,–նշված է նամակում։

Սասունյանի փաստաբանները հիասթափված են նահանգապետի որոշումից: 

«Բանտում անցկացրած տարիներին Համբիկն արել է ամեն ինչ իր վարքագիծը լավացնելու համար և դարձել է օրինակելի բանտարկյալ: Դա փաստ է, որն անգամ նահանգապետն է ընդունել: Հուսանք, որ ինչպես նախկինում, նահանգապետը տեղի չի տվել թուրքական կառավարության ճնշումներին՝ Սպիտակ տունն օգտագործելով իր նպատակների համար»,-ասել են նրանք:

Амбик Сасунян
© Photo : Agos
Համբիկ Սասունյան

Ըստ փաստաբանների՝ բանտարկյալների ներման դիմումները քննող խորհուրդը պետք է շարունակի աշխատանքը և փորձի այլ ճանապարհներ գտնել Սասունյանին ազատ արձակելու համար:

Հիշեցնենք, որ Համբիկ Սասունյանը ցմահ ազատազրկման էր դատապարտվել 1982 թվականին Լոս Անջելեսում Թուրքիայի գլխավոր հյուպատոսի սպանության համար:

Հյուպատոս Քեմալ Արըքանը սպանվել էր Լոս Անջելեսում իր մեքենայի մեջ կարմիր լույսի տակ գտնվելու ժամանակ: Նրա վրա կրակած երկու անձանցից մեկը Սասունյանն էր: Սպանությունից հետո «Հայոց ցեղասպանության արդարության մարտիկներ» խումբը զանգահարել էր տեղի լրատվամիջոցներին ու ստանձնել սպանության պատասխանատվությունը:

Սպանության հետաքննության ժամանակ դատախազները նշել էին, թե Սասունյանը սպանությունն իրականացրել է՝ ի նշան վրեժի օսմանյան թուրքերի կողմից հայերի նկատմամբ գործած ցեղասպանության: 1984 թվականին դատարանը վճռել էր նրան դատապարտել ցմահ ազատազրկման՝ առանց պայմանական ազատ արձակման իրավունքի՝ ընդգծելով, որ սպանությունն իրականացվել է Արըքանի ազգային պատկանելության պատճառով:

Թուրքիան ԱՄՆ–ին կոչ է արել ազատ չարձակել Հայոց եղեռնի համար վրեժ լուծած Համբիկ Սասունյանին

Սասունյանն ի սկզբանե մերժում էր հյուպատոսին սպանելու փաստը և միայն սպանությունից 20 տարի անց՝ 2002 թվականին, նա բանտից ազատվելու հնարավորության դիմաց խոստովանել է իր դերակատարությունը Արըքանի սպանության գործում՝ նշելով, որ կիսում է վերջինիս ընտանիքի կորստյան ցավը:

Հանցանքը խոստովանելու դիմաց դատախազները համաձայնեցին նրա մեղադրականից հանել «սպանությունն ազգային հողի վրա իրականացնելու» դրույթը, ինչը նրան պայմանական ազատ արձակելու հնարավորություն է ընձեռում:

98
թեգերը:
փաստաբան, որոշում, Թուրքիա, Կալիֆոռնիա, ԱՄՆ, Դատարան, Սպանություն, Համբիկ Սասունյան
Ըստ թեմայի
Դինքի սպանությունը լիովին չի բացահայտվի, քանզի ընդգրկված են պետական կառույցներ. Մելքոնյան
Աբովյանում 40–ամյա տղամարդու սպանությունը բացահայտվել է. կա ձերբակալված
Ծակ կոշիկներով հարուստը. ինչպե՞ս են հիշում Հրանտ Դինքին
Հրանտ Դինքին սպանած Օգյուն Սամասթը կարող է ազատ արձակվել
Երկնաքար. արխիվային լուսանկար

Բյուրականի աստղադիտարանի տնօրենն ասել է` երբ երկրի մոտով կանցնեն հսկայական աստղակերպեր

240
Հայկական աստղագիտական ընկերության համանախագահ, Բյուրականի աստղադիտարանի տնօրեն Արեգ Միքայելյանը Sputnik Արմենիայի եթերում անդրադարձել է այն տեղեկությանը, ըստ որի` մայիսի 27-ի երեկոյան ՀՀ Կոտայքի մարզի Հրազդան-Հանքավան հատվածում խոշոր երկնաքարի անկում է նկատվել։ 

ԵՐԵՎԱՆ, 28 մայիսի - Sputnik. Ոչ թե երկնաքար է ընկել երկրի մակերևույթին, այլ նկատվել է դրա առկայծումը։ Sputnik Արմենիայի հետ զրույցում այսպիսի համոզմունք հայտնեց Հայկական աստղագիտական ընկերության համանախագահ, Բյուրականի աստղադիտարանի տնօրեն Արեգ Միքայելյանը, անդրադառնալով մայիսի 27-երեկոյան ՀՀ Կոտայքի մարզի Հրազդան-Հանքավան հատվածում խոշոր երկնաքար ընկնելու մասին լուրին։

Բյուրականի աստղադիտարանի տնօրենն ասել է, թե երբ երկրի մոտով կանցնեն հսկայական աստղակերպեր

«Իրականում մենք տեսնում ենք մանր երկնաքարերի հետքը, որովհետև նրանք շատ արագ շարժվելով (մի քանի կմ/վ արագությամբ), մթնոլորտի հետ շփման հետևանքով իսկույն այրվում են ու չեն հասնում երկրի մակերևույթին։ Տվյալ դեպքում երկնաքարը քիչ ավելի մեծ է եղել, դրանց կոչում են բոլիդներ, որոնք ավելի մեծ առկայծում են տալիս, բայց որպես կանոն` նույնպես չեն հասնում երկրի մակերևույթին», – նշեց Բյուրականի աստղադիտարանի տնօրենը։ 

Ըստ Միքայելյանի` անհնար է հետևել բոլոր երկնաքարերին կամ հետևել նրանց շարժին, որովհետև իրականում դրանք շատ փոքր են, իսկ եթե խոշոր երկնաքար ընկնի երկրի վրա, կառաջացնի մեծ ավերվածություն, մինչդեռ փոքր չափի հարյուրավոր, հազարավոր երկնաքարեր կարելի է տեսնել, երբ առկա է ասուպային հոսք կամ, ինչպես ժողովուրդն է ասում` «աստղային անձրև»։

 

Նրա փոխանցմամբ` բոլոր աստղագետները հետևում են ցուցակագրված ամենախոշոր երկնաքարերի շարժին` ամիսներ, տարիներ շարունակ դիտելով դրանց հետագիծը, ու եթե մոտենում են երկրին, այդ մասին անմիջապես հաղորդվում է զանգվածային լրատվամիջոցներով։

Նման դեպքում խոսք է գնում տասնյակ հարյուրավոր մետրանոց կամ կիլոմետրանոց երկնաքարերի մասին, որոնք ավելի վտանգավոր են։ Ըստ Միքայելյանի` եթե, Աստված մի արասցե, նույնիսկ 100 մետրանոց աստղակերպն ընկնի տասնյակ կիլոմետրերի հասնող տրամագիծ ունեցող քաղաքի վրա, ապա այդ բնակավայրից ոչինչ չի մնա, քանի որ մեծ արագության պատճառով հարվածի ուժը չափազանց մեծ է։ 

Ավելի մեծ է, քան Չելյաբինսկի մոտ ընկածը. 2 օրից Երկրին հսկա երկնաքար կմոտենա

«Կա ծառայություն, որը մեծ աստղակերպի շարժման կամ դրանից բխող հնարավոր վտանգի մասին իմանում է շատ ավելի վաղ, նույնիսկ տարիներ առաջ։ Օրինակ` հայտնի է, որ 2029 և 2049 թվականներին երկրի մոտով կարող է անցնել հսկայական աստղակերպ։ Դրանց հետևելու նպատակը ուղեծրերի ճշտումն է, որովհետև մեծ երկնաքարերը երբեմն ենթարկվում են խոտորումների։ Միշտ չէ, որ ճշգրտորեն պահպանվում է ուղեծիրը, դա կախված է այն հանգամանքից, թե ինչ խոշոր մարմնի կողքով կանցնի, հետևաբար, տիեզերագրավիտացիոն ազդեցության ներքո կարող է մի փոքր շեղվել»,– ասաց աստղագետը։ 

Աստղադիտարանի տնօրենի տեղեկացմամբ` մի քանի տարի առաջ եղավ շատ ավելի մեծ առկայծում։ Դա պարսկական հրթիռ էր, որն անհաջող արձակման պատճառով կործանվեց, և նրա շարժման հետագծից երևում էր, որ սիմետրիան խախտված է, ինչը բնորոշ է արագ պտտվող արհեստական մարմիններին։ Աստղագետի եզրակացմամբ` կարող են լինել և՛ բնական, և՛ արհեստական առկայծումներ։ 

Արմագեդոն կամ Սուպերմեն. Դետրոյթի մոտ երկնաքար է ընկել

Հիշեցնենք` ՀՀ ԱԻՆ Հիդրոմետ ծառայության օդերևութաբանական կենտրոնի պետ Գագիկ Սուրենյանն այսօր Facebook–ի իր էջում տեղադրել էր օգտատերերից մեկի տրամադրած տեսանյութը և հայտնել, թե մայիսի 27-երեկոյան ՀՀ Կոտայքի մարզի Հրազդան-Հանքավան հատվածում խոշոր երկնաքար է ընկել։

240
թեգերը:
Արեգ Միքայելյան (Բյուրականի աստղադիտարանի տնօրեն), Բյուրականի աստղադիտարան, Կոտայք, երկնաքար
Ըստ թեմայի
Երկիր մոլորակի կողքով հսկայական աստերոիդ է անցել. տեսանյութ
Հրա՞շք, թե՞ իրականություն. Խաղաղ օվկիանոսի ալիքները երկնագույն լույսով են պատվել
ԱՄՆ-ում սերֆերները սահել են նեոնային ալիքների վրայով. տեսանյութ
Վրաստան, շտապօգնություն

«Մենք ձեր կողքին ենք»․Վրաստանը կօգնի Հայաստանին կորոնավիրուսի դեմ պայքարում, եթե դիմեն

211
(Թարմացված է 00:03 29.05.2020)
Հայաստանն ու Վրաստանը աջակցում են միմյանց շատ հարցերում, և COVID-19-ի դեմ պայքարը բացառություն չի լինի։

ԵՐԵՎԱՆ, 28 մայիսի – Sputnik. Եթե Հայաստանին որևէ օգնություն պետք լինի, այդ թվում նաև նոր տիպի կորոնավիրուսով վարակված պացիենտների բուժման հարցում, Վրաստանը պատրաստ է օգնել։ Այս մասին ճեպազրույցի ժամանակ ասել է Վրաստանի Հիվանդությունների վերահսկման ազգային կենտրոնի տնօրեն Ամիրան Գամկրելիձեն։

Գամկրելիձեն պատասխանում էր հարցին, թե արդյո՞ք Վրաստանը կարող է ծայրահեղ ծանր վիճակում գտնվող հիվանդներ ընդունել Հայաստանից, ինչպես Գերմանիան էր ընդունում հարևան երկրներից։

«Գիտեք, անցած շաբաթ փոքրիկ թյուրիմացություն տեղի ունեցավ։ Մենք եղբայրական ժողովուրդներ ենք, միշտ աջակցում ենք միմյանց և լավ հարաբերություններ ունենք Հայաստանի Հիվանդությունների վերահսկման և կանխարգելման կենտրոնի հետ»,-ասաց Գամկրելիձեն։

Նա ընդգծեց, որ երկու կենտրոնները հաճախ են տարբեր դեղամիջոցներ, պատվաստանյութեր փոխանակել, երբ ունեցել են դրա կարիքը։

Վրաստանի անկախության տոնին Հայաստանն անակնկալ է մատուցել հարևանին

«Եթե հայկական կենտրոնը մեզ դիմի օգնության խնդրանքով, ապա մենք մեր իրավասությունների շրջանակում ամեն ինչով պատրաստ ենք օգնել․նաև թեստավորման կամ այլ հարցերով»,-ասաց Գամկրելիձեն։

Պացիենտների բուժման հարցում էլ, եթե Հայաստանն այսօր դրա կարիքն ունենա, Գամկրելիձեի խոսքով, Վրաստանի կառավարությունն ու առողջապահության նախարարությունը ոչ միայն պատրաստ են օգնել, այլև կանեն ամեն հնարավոր բան։

«Այդ հարցը առաջին հերթին Հայաստանի Առողջապահության նախարարությունը պետք է բարձրացնի։ Վստահ եմ, որ Վրաստանը պատրաստակամությամբ կընդունի առաջարկը»,-ասաց Գամկրելիձեն։

Նա հիշեցրել է, որ 1988թ․-ի երկրաշարժից հետո վրացիներն առաջինն են եղել, որ հասել են օգնության։ «Մենք միշտ ձեր կողքին ենք»,-եզրափակել է նա։

Ավելի վաղ ՀՀ առողջապահության նախարար Արսեն Թորոսյանը Հանրային Խորհրդի նիստում խոստովանել էր, որ Վրաստանում ընդունված և դեռևս գործող սահմանափակումներն ավելի խիստ և արդյունավետ են եղել։ Սակայն միաժամանակ նա կասկած էր հայտնել վարակակիրների հաշվարկի մեթոդաբանության վերաբերյալ,` նշելով, որ Հայաստանում հակահամաճարակային համակարգն ավելի լավ է զարգացած, քան հարևաններինը։

Թորոսյանի խոսքերը մեծ իրարանցում էին առաջացրել Վրաստանում, բժշկական հանրությունը պահանջում էր ներողություն խնդրել։ Ավելի ուշ ՀՀ Առողջապահության նախարարությունը դիվանագիտական ճանապարհով պաշտոնական Թբիլիսիին փոխանցել էր, որ ափսոսում է արված հայտարարության համար։

Տևական ժամանակ Վերին Լարսում գտնվող քաղաքացիները տեղափոխվել են Հայաստան

Մայիսի 28-ի դրությամբ Հայաստանում կորոնավիրուսով վարակման դեպքերի թիվը հասնել է 8216-ի։ Մեկ օրվա ընթացքում վիրուսի բարդացումներից մահացել են 7 տղամարդ և 8 կին։ Մահացածներից ամենաերիտասարդը 43 տարեկան էր, ամենատարեցը՝ 92։ Այդպիսով, կորոնավիրուսից մահացածների թիվը Հայաստանում կազմում է 113 մարդ։

211
թեգերը:
թեստ, համավարակ, վարակ, կորոնավիրուս, Վրաստանի Հանրապետություն, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Բերդի կարի արտադրամասում կորոնավիրուսի օջախ է հայտնաբերվել. 80 հոգի թեստավորվել է
Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան
Կոլապսն անխուսափելի է. կորոնավիրուսն Ամերիկայի «մեջքը կոտրեց»