Ոռոգման ջուր

Արարատյան դաշտի ջրերն այսուհետ Թուրքիա չեն հոսի

130
(Թարմացված է 12:42 19.09.2019)
Կառավարությունը միջոցներ է ձեռնարկում Արարատյան դաշտի ստորգետնյա ջրերի վերահսկողության ու խնայողական օգտագործման նպատակով։

ԵՐԵՎԱՆ, 19 սեպտեմբերի - Sputnik. Ոռոգման սեզոնի ավարտից հետո Արարատյան դաշտի ոռոգման նպատակով օգտագործվող խորքային հորերը կփակվեն։ Այսօր կառավարության նիստում հայտարարեց ՀՀ շրջակա միջավայրի նախարար Էրիկ Գրիգորյանը։

«Փաստացի, հոկտեմբեր ամսից մինչև մայիս ամիսն այդ ջրերն ուղղակի հոսում էին ու գնում հարևան երկրներ»,– ասաց Գրիգորյանը։

Սա, նախարարության հաշվարկով, տասնյակ հազարավոր խորանարդ մետր ջրի խնայողության կհանգեցնի։

Մեկ այլ խնայողական ծրագիր էլ կառավարությունը մտադիր է իրականացնել նախկինում գործող ձկնաբուծարանների տարածքում բացված խորքային հորերում, որոնցից ջուրն այսօր անխնա հոսում է ու ոչ մի նպատակի չի ծառայում։

Սահմանված չափանիշներին չհամապատասխանող ձկնաբուծարանները պետք է փակվեն. վարչապետ

«97 հորի կոնսերվացվում է, այսինքն` բերվում է այն վիճակի, որ անհրաժեշտության դեպքում կարողանանք օգտագործել, և 8 հոր լուծարվում է։ Օգոստոսի 5-16–ն ընկած ժամանակահատվածում դաշտային աշխատանքներ են իրականացվել և ֆիքսվել են այն հորերը, որտեղ կա՛մ լուծարում պետք է իրականացվի, կա՛մ կոնսերվացում»,–հայտնեց Գրիգորյանը։

Այդ նպատակի համար կառավարության պահուստային ֆոնդից կհատկացվի 37 954 700 դրամ։

Հիշեցնենք՝ 2006թ.-ից սկսած՝ Արարատյան դաշտում սկսեցին գործել մեծաթիվ ձկնաբուծարաններ: Կարճ ժամանակահատվածում ձկնաբուծությունը դարձավ Արարատի ու Արմավիրի մարզերի ջրօգտագործման ամենահզոր ռեսուրսը։

2013թ.-ին ձկնաբուծարանների կողմից օգտագործվող ջրի քանակը գերազանցեց կայունության շեմը։ Արդյունքում արտեզյան ստորերկրյա ջրերի ճնշումը կտրուկ նվազեց` հանգեցնելով ստորերկրյա ջրերի քանակի կտրուկ նվազմանը: Կտրուկ նվազեց խորքային հորերի ջրատվությունը, որոշ աղբյուրներ ընդհանրապես ցամաքեցին:

Ձկնաբուծարանների սահմանափակման հարցում կառավարությունը լուրջ քայլեր է անում. «Փաստ»

Նախկինում գործող ձկնաբուծարաններից շատերն այսօր չեն գործում, իսկ դրանց տարածքում բացված հորերից ջուրն անխնա հոսում է դեպի Արաքս գետը, որի միջոցով էլ` Թուրքիա։ Մինչդեռ Արարատի ու Արմավիրի մարզերի հազարավոր հեկտարների հողատարածքներ արտեզյան ավազանի անկման պատճառով զրկվել են ոռոգման ջրից։

130
թեգերը:
Թուրքիա, որոշում, ՀՀ կառավարություն, ոռոգման ջուր, Արտեզյան ջրեր, Արարատյան դաշտ
Ըստ թեմայի
Հայաստանում կարելի է բանջարեղեն աճեցնել առանց պարարտանյութի և ջրի գերծախսի. ռուս գործարար
ԲՀԿ–ն առաջարկում է վերջ տալ ստվերային բիզնեսին և ոռոգման ջրի գումարները վճարել բանկով
Ձնամբար` Արագածի գագաթին. ոռոգման ջուր ստանալու առաջարկին իշխանավորներն ասում են` փող չկա
Եվգենյա Մեդվեդևա–Բաբասյան

Եվգենյա Մեդվեդևա–Բաբասյանն իր մասին 5 փաստ է ներկայացրել

53
(Թարմացված է 23:01 23.01.2021)
Մեդվեդևան խոստացել է սոցցանցերում հրապարակել իր փայլուն քարերով զգեստը, հենց այն պատրաստ լինի։

ԵՐԵՎԱՆ, 23 հունվարի – Sputnik. Հայտնի ռուսաստանցի գեղասահորդ Եվգենյա Մեդվեդևա–Բաբասյանը Olympic Channel-ի հետ զրույցում իր մասին հինգ արտասովոր փաստ է ներկայացրել։

Աղջիկն ասել է, օրինակ, որ ընդամենը երկու օր առաջ է կանաչ ձիթապտուղ համտեսել։

​«Առաջին բանը, որ անում եմ առավոտյան՝ ստուգում եմ սոցցանցերը։ Նայում եմ լայքերը, բայց միշտ չէ, որ կարդում եմ մեկնաբանությունները, թեև միևնույնն է` հետևում եմ։ Նաև շանս փորը համբուրելու սովորություն ունեմ։ Կարմիր շրթներկի հետքը մնում է», - ասել է Մեդվեդրան Olympic Channel-ի հետ զրույցում։

Նա նաև խոստովանել է, որ յոթ անգամ դիտել է «Շերկոկ» սերիալը, քանի որ շատ է սիրում այն։

«Ես ու մայրս փայլուն քարերով նկարներ ենք անում։ Դա ասես արվեստի գործ լինի, բայց փայլում է ինչպես գեղասահքի համար նախատեսված զգեստ։ Instagram-ում կհրապարակեմ, երբ պատրաստ լինի»,–հավելել է նա։

Նշենք, որ գեղասահորդուհի Եվգենյա Մեդվեդևան հայկական արմատներ ունի: Աղջիկը 2018 թվականի Օլիմպիական խաղերի արծաթե մեդալակիր է, Աշխարհի կրկնակի չեմպիոն (2016, 2017), Աշխարհի գավաթի (2019) բրոնզե մեդալակիր, Եվրոպայի երկակի չեմպիոն (2016, 2017), Եվրոպայի առաջնության արծաթե մեդալակիր։

«Ատոմային զենք ես». Գոհար Ավետիսյանը փայլել է իր շքեղ կազմվածքով

53
թեգերը:
ինստագրամ, Եվգենյա Մեդվեդևա–Բաբասյան
Ըստ թեմայի
Բաժանում և ոչ միայն. Եվգենյա Մեդվեդևա–Բաբասյանն ասել է`ինչպես է պայքարում դեպրեսիայի դեմ
Եվգենյա Մեդվեդևան նկարել է ճապոնացի ընկերոջը
Մեդվեդևան կփոխի՞ քաղաքացիությունը, կամ ինչպես են հայ մարզիչներն օգնում այլոց գեղասահքում
Արխիվային լուսանկար

Լարսը փակել են. ռուսական կողմում 760 բեռնատար է կուտակվել

50
ՀՀ տարածքում նույնպես կան փակ ավտոճանապարհներ, իսկ Սյունիքի ավտոճանապարհներին տեղ-տեղ առկա է մերկասառույց։

ԵՐԵՎԱՆ, 23 հունվարի – Sputnik. Արտակարգ իրավիճակների նախարարությունը տեղեկացնում է, որ Ստեփանծմինդա-Լարս ավտոճանապարհի ռուսական կողմում կուտակվել է 760 բեռնատար ավտոմեքենա:

«Ստեփանծմինդա-Լարս ավտոճանապարհը փակ է միայն բեռնատար ավտոմեքենաների համար»,–նշված է հաղորդագրության մեջ։

Հայաստանի Հանրապետության տարածքում նույնպես կան փակ ավտոճանապարհներ. փակ են Արագածոտնի «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները, իսկ Վարդենյաց լեռնանցքը փակ է միայն կցորդիչով բեռնատարների համար։
Արագածոտնի մարզի Ապարան-Արագած, Վայոց ձորի մարզի Սարավան-«Զանգեր» հատվածում, դեպի Ջերմուկ քաղաք տանող, Աղավնաձոր-

Արենիի ավտոճանապարհներին և Սյունիքի մարզի ավտոճանապարհներին տեղ-տեղ առկա է մերկասառույց։

Վարորդներին խորհուրդ է տրվում երթևեկել բացառապես ձմեռային անվադողերով։

Հիշեցնենք` այսօր առավոտյան Լարսը բաց էր բոլոր տիպի տրանսպորտային միջոցների համար։

50
թեգերը:
ՀՀ արտակարգ իրավիճակների նախարարություն (ԱԻՆ), բեռնատար, Վերին Լարս
թեմա:
Եղանակը Հայաստանում
Ըստ թեմայի
Հայկական բեռնատարներն այլևս կանգնած չեն մնա․ Լարսի ճանապարհի շինարարությունը կավարտվի
Վերին Լարսի այլընտրանք. ռուսական ընկերությունը հայկական բիզնեսին լաստանավ է տրամադրել
Արդիականացումը չի՞ փրկի․ որն է Վերին Լարսի անցակետի խնդրի լուծումը
Մարիա Զախարովա. արխիվային լուսանկար

«Դա միջամտություն է ներքին գործերին». Մարիա Զախարովան պատասխանել է ԱՄՆ դեսպանատանը

84
(Թարմացված է 23:23 23.01.2021)
Ավելի վաղ Ռուսաստանի ԱԳՆ-ն նույնպես արձագանքել էր ԱՄՆ դեսպանատան հայտարարությանը, նշելով, որ դա կանդրադառնա ռուս-ամերիկյան հարաբերությունների վրա։

ԵՐԵՎԱՆ, 23 հունվարի - Sputnik. Ռուսաստանի ԱԳՆ ներկայացուցիչ Մարիա Զարխարովան պատասխանել է Ռուսաստանում չարտոնված միտինգների վերաբերյալ ԱՄՆ դեսպանատան հայտարարությանը։

«Ահա տեսեք՝ ամերիկյան դեսպանատունը տեղեկություն է հրապարակում։ Սա իսկական միջամտություն է ներքին գործերին», - ասել է Զախարովան «Սոլովյով LIVE»-ի եթերում։

Ավելի վաղ ԱՄՆ դեսպանատունը Ռուսաստանում չարտոնված ակցիաների մասին հաղորդագրությունների ֆոնին հայտարարել էր, որ հետևում է «ռուսական 38 քաղաքներում բողոքի ակցիաների մասին հաղորդագրություններին»։ ԱՄՆ դեսպանատնից ավելացրել էին, որ «սատարում են խաղաղ բողոքի բոլոր մարդկանց իրավունքն ու կարծիք արտահայտելու ազատությունը», իսկ ռուս իշխանության քայլերն, իբրև, «ուղղված են այդ իրավունքը ճնշելուն»։

Մոսկվայում չարտոնված միտինգի ժամանակ 39 ուժայիններ են տուժել

ՌԴ ԱԳՆ-ն արձագանքել է այդ հայտարարությանը, ընդգծելով, որ ծայրահեղական տարրերին սատարելու փորձերը երկկողմանի հարաբերությունների համար բացասական հետևանքներ են ունենալու։ Գերատեսչությունում հիշեցրել են, որ դեսպանատունն առաջին անգամ չէ, որ արհամարհական վերաբերմունք է ցուցադրում դիվանագիտական նորմերի ու կանոնների նկատմամբ ու սոցիալական ցանցերում ակտիվ հաղորդագրություններ է հրապարակում՝ աջակցելով ռուսական քաղաքներում չարտոնված բողոքի ակցիաներին։

Ռուսաստանում քրեական պատիժ կսահմանվի դեռահասներին հանրահավաքներում ներգրավելու համար

84
թեգերը:
Բողոքի ակցիա, դեսպանություն, ԱՄՆ, Ռուսաստան, Մարիա Զախարովա
Ըստ թեմայի
Լավրովն ու Զարիֆը Մոսկվայում կքննարկեն Ղարաբաղի հարցը․ Մարիա Զախարովա
Եռակողմ հայտարարության իրականացման համար համալիր աշխատանք է սպասվում․ Զախարովա
Եթե Բաքուն ու Երևանը ցանկանան․ Զախարովան՝ հայերի ու ադրբեջանցիների երկխոսության մասին