Փոլ Ռոմեո

Heroes of Might&Magic-ի սաունդթրեքը հայկական երաժշտության վրա է հիմնվել. ով է կոմպոզիտորը

258
(Թարմացված է 11:19 18.09.2019)
Հայտնի համակարգչային խաղի ամենահիշվող մեղեդիներից մեկի հիմքում հայկական երաժշտություն է։ Շատերը երաժշտությունը խաղից էլ լավ են հիշում։

ԵՐԵՎԱՆ, 18 սեպտեմբերի - Sputnik. Heroes of Might & Magic լեգենդար խաղային սերիայի երաժշտությունը գրվել է հայկական մեղեդիների ազդեցության տակ, խոստովանել է երաժշտության հեղինակը՝ mirf.ru–ին տված հարցազրույցում։ Երաժշտության հեղինակն ամերիկացի կոմպոզիտոր է Փոլ Ռոմեոն է, որը մասնագիտանում է համակարգչային խաղերի համար ստեղծվող երգերի վրա։

Heroes of Might & Magic խաղի սերիայի կախարդական մթնոլորտի համար պետք է շնորհակալ լինենք Փոլ Ռոմեոյին։ Որոշ խաղամոլներ երաժշտությունը նույնիսկ խաղից էլ լավ են հիշում։

New World Computing  խաղային ընկերությունում որպես ձայնային ռեժիսոր աշխատող Փոլ Ռոմեոյի խոսքով` սկզբում նա «Թրի ու կախարդանքի հերոսների» ներքո է գրել խաղի երաժշտությունը։ Ընկերության ղեկավարները հավանել են այն, ու շուտով նա ստացել է Might & Magic–ի պատվերը։

Այդ խաղի ամենահիշվող երաժշտություններից մեկը Might & Magic–ի երրորդ մասի Rampart քաղաքի երաժշտությունն է։

«Այդ երաժշտությունը գրելու հարցում ինձ ոգեշնչել է շփումը Առաքել ու Աստրիկ Դավթյանների հետ. նրանք իմ մտերիմ ընկերներն են։ Ծնունդով Հայաստանից են, Մոսկվայում են սովորել, հետո տեղափոխվել են Լոս Անջելես, որտեղ մենք ծանոթացել ու ընկերացել ենք։ Ես հաճախ էի նրանց տուն գնում, ու նրանք սիրով ծանոթացնում էին ինձ հայկական երաժշտությանը։ Նրանք ինձ  պարտիտուրա էին տալիս, որ նվագեմ ու նվագակցում էին ինձ ջութակով ու ֆլեյտայով։ Ինձ գրավում էր այդ երաժշտության էկզոտիկ հնչեղությունը, ու դա ոգեշնչեց ինձ Rampart–ը ստեղծելու», – ասում է  Ռոմեոն։

Փոլը շատ զբաղված մարդ է. նա քիչ ժամանակ ունի։ Բացի հիմնական աշխատանքից՝ նա երաժշտություն է գրում, բազում հոբբիներ ունի` հին ճենապակի, սպասք, սրբապատկերներ ու նկարներ է հավաքում։ Նա նաև օղակներով մարմնամարզությամբ է զբաղվում։ Վերջին հինգ տարվա մեջ շաբաթը մեկ  անգամ լատինական պարերի դասեր է այցելում։

Չնայած այդ ամենին՝ նա ժամանակ է գտնում հայ ընկերներին հյուր գնալու համար: Հնարավոր է՝ նման այցելություններից մեկն ավարտվի ևս մեկ հիանալի մեղեդի գրելով։

258
թեգերը:
կոմպոզիտոր, հայ, երաժշտություն, Heroes of Might & Magic համակարգչային խաղ
Ըստ թեմայի
Այ քեզ բան. թռչող մեքենաները կմրցեն օդում, «տպած» մեքենայով կերթևեկեն ու ռոբոտին չեն նկատի
Հայաստանը՝ տեսախաղում. ԱԳՆ-ն հաղթողին հատուկ մրցանակ է խոստանում
Tesla-ի վարորդները կկարողանան իրենց մեքենայի հետ շախմատ խաղալ ու սերիալ դիտել
Այ քեզ բան. 16 տարեկան միլիոնատերը, սմարթֆոն «հրեշն» ու գրպանում տեղավորվող սրտագրիչը
Ֆիրդուսի

Սրճարաններ, թանգարաններ և ոչ միայն․ ինչպիսի՞ն է իրականում լինելու Ֆիրդուսի թաղամասը

43
(Թարմացված է 00:12 11.08.2020)
Իշխանությունը կարծում է, որ աշխատանքներն ավարտելուց հետո Երևանում ևս մեկ զբոսաշրջային գոտի կբացվի։

ԵՐԵՎԱՆ, 10 օգոստոսի – Sputnik․ Մշակույթի ու արվեստի անվանի գործիչների թանգարան, հուշանվերների խանութներ և փայտե պատշգամբներով քարե շենքեր․ ահա այն հիմնական կետերը, որոնք նախատեսված են Երևանի Ֆիրդուսի թաղամասի վերականգնման ու կառուցապատման նախագծով։ Sputnik Արմենիայի հարցմանն ի պատասխան հայտնեցին ՀՀ փոխվարչապետ Տիգրան Ավինյանի գրասենյակից։

Ավելի վաղ ՀՀ գրասենյակի Տիգրան Ավինյանի աշխատակազմի ղեկավար Վարագ Սիսեռյանը ցույց էր տվել՝ ինչ տեսք է ունենալու Ֆիրդուսին վերականգնումից ու կառուցապատումից հետո, նա քաղաքի այդ հատվածի 3D մոդելը հրապարակել էր Facebook-ում։

Կառուցապատման ընդհանուր մակերեսը 58 հազար քառակուսի մետր է, աշխատանքներն իրականացվել են 49 հազար քառակուսի մետրում, իսկ մնացած 9 հազարը դեռ իրականացման փուլում են։

Օրերս ՀՀ վարչապետ Նիկոլ Փաշինյանի մոտ տեղի ունեցած խորհրդակցության ժամանակ նշվել է, որ արդեն իսկ փոխհատուցվել է 378 ընտանիք (60 միլիոն դոլարի չափով), ընթացքի մեջ է 50 ընտանիքի փոխհատուցման գործընթացը։

«Ֆիրդուսում այժմ ընթանում են քանդման աշխատանքներ։ Շինարարության մեկնարկը ծրագրվում է 2020 թվականի վերջին, ավարտը՝ 2024 թվականի սկզբին», - նշված է գերատեսչության պատասխանում։

Այս պահին 70 միլիոն դոլար է ներդրվել նախագծում։ Ծրագրված է ևս 200 միլիոն դոլար ներդնել։ Ենթադրվում է, որ 6-ից 8 հազար աշխատատեղ է բացվելու։

Կառուցապատման հատակագծի հեղինակը Նարեկ Սարգսյանն է (Երևանի նախկին գլխավոր ճարտարապետը – խմբ․), գլխավոր ճարտարագետը՝ Հովհաննես Մութաֆյանը։ Տարածքը բաժանվել է 18 լոտերի, յուրաքանչյուր լոտ ունենալու է իր ճարտարապետը։

Նշվում է, որ հուշարձանային տարածքում գտնվող Հանրապետության և Տիգրան Մեծ փողոցներին հարակից հուշարձանները պահպանվելու են իրենց տեղերում, և վերարժևորվելու են շենքի բակային ճակատները։ Այս հուշարձանային շենքերին հաջորդելու են 2-4 հարկանի շենքերը՝ փայտե պատշգամբով։

«Արդյունքում տվյալ տարածքում կստեղծվի նոր, համահունչ զբոսաշրջային միջավայր։ Այս տարածքը կեզրագծվի 250 մ հետիոտնային ճանապարհով, որից այն կողմ արդեն կլինեն նորակառույց շենքեր», - նշված է պատասխանի մեջ։

1–ին և 2–րդ հարկերում նախատեսվում է սրճարաններ ու հուշանվերների խանութներ բացել։ Քննարկվում է նաև պատմական միջավայրի տարածքում 2–րդ և 3–րդ հարկերում ստեղծել մշակույթի հայտնի գործիչների թանգարաններ։

Ֆիրդուսին, որտեղ ժամանակին բավականին մեծ շուկա կար և մի քանի տասնյակ բնակելի տներ, Երևանում վերջին «հյուղակների թաղամասերից» էր։ Շուկան բազում դարերի պատմություն ունի, սկզբում այստեղ մեծ մասամբ իրանցիներն էին առևտուր անում։ Հենց այդ պատճառով էլ այդ հատվածը պահպանել է պարսիկ բանաստեղծ Ֆիրդուսիի անունը։

Հայաստանի նախկին իշխանությունը նախատեսում էր քանդել թաղամասի բոլոր հին շենքերը և մոտ հինգ հեկտար տարածքում նոր թաղամաս կառուցել, որում կլինեին բնակելի շենքեր, բիզնես կենտրոններ ու հյուրանոցներ։

Նոր Ֆիրդուսիի նախագիծը բուռն քննարկումների թեմա դարձավ, հատկապես երբ 2020 թվականի հունիսի 10-ին քանդեցին «կարմիր շենքը»։ Հունիսի 13-ին Երևանի ավագանին արտահերթ նիստ հրավիրեց։ Քաղաքապետարանի առջև Ֆիրդուսիի պաշտպանությանն ուղղված ակցիա անցկացվեց։

Ավելի ուշ ակտիվիստները բաց նամակ հղեցին վարչապետ Նիկոլ Փաշինյանին ու Երևանի քաղաքապետ Հայկ Մարությանին` պահանջելով անհապաղ դադարեցնել շինարարական աշխատանքները Ֆիրդուսիում, չեղարկել Նարեկ Սարգսյանի  նախագիծը, մայրաքաղաքի կենտրոնում նախատեսվող ցանկացած նոր շինարարության համար հանրային քննարկումներ անցկացնել ու այդ հին թաղամասի համար պատմամշակութային տեսքի պահպանությամբ նախագիծ մշակել։

Նամակը ստորագրել էին մի շարք հայտնի մարդիկ` գրողներ Նարինե Աբգարյանն ու Արամ Պաչյանը, օպերային երգիչներ Հասմիկ Պապյանն ու Աննա Մայիլյանը, ռեժիսորներ Աշոտ Ադամյանը, Լևոն Աթայանը, Սեդա Գրիգորյանն ու Դավիթ Մաթևոսյանը, նկարիչներ Զարուհի Մուրադյան ու Մարինա Դիլանյանը, ճարտարապետներ Արմեն Աբրոյանն ու Աշոտ Սիմոնյանը, լրագրողներ Արտավազդ Եղիազարյանն ու Լուսինե Հովհաննիսյանը, հասարակական գործիչ Հրանուշ Խառատյանը և ուրիշներ։

43
թեգերը:
Ֆիրդուսի, Երևան, Հայաստան
Ըստ թեմայի
Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան
Սթրիթ արտ սահմանամերձ գոտում. ինչպես Բալայանի «բլոճիկները» զվարճացրին Բերդի տղաներին
Սահմանամերձ Բերդավանի և Այգեպարի փողոցները հիմնանորոգվում են
Ի՞նչ աշխատանքներ են կատարվում Լոռիում. Փաշինյանը հերթական տեսանյութն է հրապարակել
NordStar

Հայաստանից ևս 400 մարդ է մեկնել Ռուսաստան

81
(Թարմացված է 20:57 10.08.2020)
ՌԴ քաղաքացիություն ունցող անձինք Հայաստանից մեկնել են Մոսկվա, Կալուգա և Սանկտ Պետերբուրգ։

ԵՐԵՎԱՆ, 10 օգոստոսի – Sputnik. Օգոստոսի 10-ին 3 չարտերային չվերթ է կայացել, և ՌԴ քաղաքացիների հերթական խումբը Հայաստանից մեկնել է Ռուսաստան։ Տեղեկությունը հայտնում է Հայաստանում Ռուասաստանի դեսպանությունը։

««NordStar ավիաընկերության (Գյումրի - Մոսկվա) և «Արմենիա» ավիաընկերության երկու հատուկ չարտերային չվերթերով (Երևան-Կալուգա և Երևան-Սանկտ Պետերբուրգ) Ռուսաստան է վերադարձել ևս 339 մարդ »,– նշված է հաղորդագրության մեջ։

Արտակարգ դրությունից հետո Հայաստանից ՌԴ է մեկնել 4440 մարդ։

ՌԴ քաղաքացիություն ունեցող անձանց վերադարձը կազմակերպելու աշխատանքը շարունակվում է։

81
թեգերը:
Ռուսաստան, չվերթ, Հայաստան
Ըստ թեմայի
Ի՞նչը կարող է փրկել ավիացիան․ ավիաընկերություններն անհամբեր սպասում են օգոստոսի 12-ին
«Աերոֆլոտը» չեղարկել է մի շարք քաղաքներ, այդ թվում՝ դեպի Երևան կանոնավոր չվերթերը
Մոսկվայից Երևան ևս մեկ չարտերային չվերթ նախատեսված է օգոստոսի 11-ին