Կարեն Խաչանով

Լույս աշխարհ է եկել Կարեն Խաչանովի առաջնեկը. թենիսիստը լուսանկար է հրապարակել

66
(Թարմացված է 12:31 15.09.2019)
Հայտնի մարզիկը սոցցանցում հուզիչ լուսանկար է հրապարակել ու ընկերներին և երկրպագուներին հայտնել է ուրախալի լուրը։

ԵՐԵՎԱՆ, 15 սեպտեմբերի — Sputnik. Աշխարհի իններորդ ռակետը հայր է դարձել։ Այս մասին մարզիկը հայտնել է Instagram-ի իր էջում և սրտաճմլիկ լուսանկար հրապարակել։

«14.09.2019․ տղա է»,- լուսանկարին կից գրել է թենիսիստը։

Посмотреть эту публикацию в Instagram

Публикация от Karen Khachanov |Карен Хачанов (@karenkhachanov)

Գործընկերներն արդեն հասցրել են շնորհավորել Խաչանովին։ Սերբ թենիսիստ Նովակ Ջոկովիչը մի քանի ուրախ էմոջի է դրել, իսկ ավստրալացի թենիսիստ Տանասի Կոկինակիսը գրել է․ «Շնորհավորում եմ, եղբայր»։

Խորվաթ մարզիկ Բորն Չորիսը նույնպես անտարբեր չի մնացել։

«Շնորհավորում եմ, եղբայր, ամենայն բարիք», - գրել է նա։

Իսկ ամերիկացի թենիսիստ Թեյկրո Հարի Ֆրիցն այսպես է մեկնաբանել ուրախալի իրադարձությունը․

«Բարի գալուստ ակումբ, ընկեր»։

Խաչանովի ընկերներն ու բազմաթիվ երկրպագուները ևս շնորհավորել են մարզիկին։

«Երջանկություն։ Ուժեղ տղա մեծանա», «Շնորհավորանքներս քեզ ու կնոջդ», «Շնորհավորում ենք որդուդ ծննդյան առթիվ», «Առողջություն` մայրիկին ու փոքրիկին», «Եվս մեկ թենիսիստ ավելացավ», Խաչանովի էջը հեղեղված է նման մեկնաբանություններով։

Կարենն այնքա՜ն գեղեցիկ է. ամերիկացիները Խաչանովին հոլիվուդյան աստղի նմանակ են անվանել

Սա 23-ամյա թենիսիստի ու նրա կնոջ՝ Վերոնիկա Շկլյաևայի առաջին երեխան է։ Զույգն ամուսնացել է 2016 թվականին։ Ավելի վաղ, իր հարցազրույցներում Խաչանովը չէր բացառում, որ տղայի անունը Դավիթ կդնեն։

66
թեգերը:
շնորհավորանք, համացանց, օգտատեր, երեխա, թենիս, Կարեն Խաչանով
Ըստ թեմայի
Նա ամեն ինչ ունի․ աշխարհի առաջին ռակետ Նադալը հիացել է հայ թենիսիստով
Հայազգի թենիսիստը հաղթել է միջազգային մրցաշարում
Ազգությամբ հայ ռուսաստանցի թենիսիստ Խաչանովն առաջին անգամ ցույց է տվել կնոջը
Կարեն Խաչանովը հուզիչ գրառում է կատարել Australian Open-ից դուրս մնալուց հետո