iPhone XS

Այ քեզ բան․ Apple-ի «եռաչքանի» սմարթֆոնը մեմերի է վերածվել. լուսանկարներ

158
(Թարմացված է 09:46 15.09.2019)
Ամերիկյան ընկերության նորույթը ոմանք հումորի են վերածել, Huawei-ի ապագա սմարթֆոնները խոցելի են դարձել, իսկ որոնումների «հայրը» հայտարարել է, որ շուտով նոր ծառայություն կներկայացնի։

ԵՐԵՎԱՆ, 15 սեպտեմբերի – Sputnik, Գոռ Մարգարյան․ Այս շաբաթ պարզվեց, որ Apple-ի նոր սմարթֆոնը հումորի անսպառ աղբյուր կարող է դառնալ ՝ չնայած իր հզորությանը, Google-ը «կծած խնձորի» ծառայություններից մեկի մրցակից է պատրաստում, իսկ ծալվող սմարթֆոնը Play Store հավելվածների խանութ չի ունենա։ Հիմա ամեն ինչի մասին` հերթով։

Սեպտեմբերը՝ Apple-ի ամիս

Այս շաբաթ տեղի ունեցավ ինովիացիոն աշխարհի ամենասպասված իրադարձությունը, որին շահառուներն ու երկրպագուները «տոն» են կոչում։ Վերջապես կայացավ Apple-ի այդքան սպասված սեպտեմբերյան ցուցադրությունը։ Սկսենք նրանից, որ ներկայացվեց նոր սերնդի iPhone-ը՝ համար 11-ը։ Իր նոր արտադրանքն ընկերությունը հռչակեց այս պահի դրությամբ աշխարհի ամենահզոր և ամենաարագ սմարթֆոնը։

Մյուս նորույթը iPhone 11 Pro-ն էր։ Սա առաջին դեպքն է, երբ ընկերությունն իր սմարթֆոնների անվան կողքին ավելացրեց Pro անվանումը, բայց առաջին դեպքը չէ, որ ընկերության արտադրանքն արժանացավ լայնածավալ արձագանքի։ Այս անգամ պատճառը գաջեթի, շատերի կարծիքով, ոչ այնքան էսթետիկ կառուցվածքն էր ու «եռաչքանի» հիմնական տեսախցիկը։

Մի քանի օր է անցել ցուցադրությունից, բայց համացանցը չի դադարում լռել և շատերի գրառումները վերաբերում են հենց այս թեմային։ Անսահման շատ են տեսախցիկի վերաբերյալ ծաղրական «մեմերը»։

​Pro գաջեթը նախատեսված է նրանց համար, ովքեր սիրում են տեսանյութեր նկարահանել։ Սմարթֆոնը կարողանում է միաժամանակ նկարել և՛ դիմային տեսախցիկով, և՛ հիմնական երեք տեսախցիկներից մեկով, որոնցից յուրաքանչյուրը կրկին 12 ՄՊ է։

​Սարքը 4 անգամ ավելի երկար է մնալու «ոտքի վրա», այսինքն, ավելի ուշ է լիցքաթափվելու, քան iPhone XS-ը։ Նշված արժանիքների համար գնորդները բավական թանկ կվճարեն. այն արժենալու է գրեթե 1400 դոլար։

​Անդրադառնանք նոր՝ 5-րդ սերնդի Apple Watch-երին։ Ամեն անգամ դրանց մասին խոսելիս ընկերություն հիշատակում էր, որ ամենակարևորը առողջությունն է, բայց կոնկրետ այս սարքի հիմնական հաղթաթուղթը մշտապես միացված էկրանն է։ «Կծած խնձորի» աշխատակիցները վերջապես մտան վարկ ու պարտքով iPhone գնած երևանցիների դրության մեջ ու հասկացան, որ երթուղայինում մի կերպ կծկված ուսանողին բացարձակապես հարմար չէ դիպչել էկրանին` ժամանակն իմանալու համար։ Մեկ լիցքավորումը ժամացույցին ուժ կտա աշխատելու 18 ժամից ոչ պակաս։ Սարքը կարժենա մոտավորապես 520 դոլար։

Huawei-ն այլևս առաջվանը չէ

Շատերն են հետևում չինական Huawei-ի դեմ ԱՄՆ-ի հայտարարած պատերազմին։ Հիշեցնեմ, որ ԱՄՆ-ն չինական ընկերությանը մեղադրում է իր քաղաքացիներին գաղտնալսելու մեջ և ընդգրկել է «սև ցուցակում», իսկ ամերիկյան ընկերություններին էլ արգելել է համագործակցել չինացիների հետ։

Այս ամենի հետևանքն այն է, Huawei-ի ապագա երեք սմարթֆոնները՝ Mate 30-ը, Mate 30 Pro-ն և ծալվող Mate X-ը, զրկվելու են Google-ի սպասարկումից, այդ թվում նաև Play Store-ից։ Այս մասին հայտնում է Nikkei-ն։

Չնայած այս հանգամանքին` սմարթֆոնները կաշխատեն Android օպերացիոն համակարգով, սակայն բաց ելքային կոդ ունեցող տարբերակով։ Սա նշանակում է, որ Huawei-ի օգտատերերին Android-ն անվտանգության երաշխիքներ չի տալիս, ու միջին կարգի հաքերը կարող է կոտրել անպաշտպան համակարգը։

Վերլուծաբանները կարծում են, որ սա ծանր հարված կհասցնի Huawei-ի սմարթֆոնների վաճառքի ցուցանիշներին։ Վարկած կա, որ Չինաստանից դուրս մատակարարումները կնվազեն 30 տոկոսով։ Mate 30 շարքը ընկերությունը պատրաստվում է ներկայացնել սեպտեմբերի 19-ին, իսկ ծալվող սմարթֆոն Mate X-ի վաճառքը կսկսվի 2019–ի վերջին։

Մնում է հուսալ, որ Huawei-ին կհաջողվի պակաս կորուստներով դուրս գալ այս պատերազմից։

Փող տուր՝ փողով ծառայություններն անվճար դարձնեմ

Google ընկերությունը Twitter-ում հայտնել է, որ շուտով կներկայացվի Play Pass ծառայությունը։

Հստակ ժամկետը դեռ նշված չէ, բայց հստակ է, որ ծառայությունը որոշակի բաժանորդավճարի դիմաց Play Store-ի վճարովի խաղերի և հավելվածների հասանելիություն կտա, այնպես որ այն դառնում է մի քանի օր առաջ՝ սեպտեմբերի 9-ին թողարկված Apple Arcade-ի անմիջական մրցակիցը, որն ամսական կարժենա 4,99 դոլար ու արդեն հասանելի է 150 երկրում։ Ամենայն հավանականությամբ, բաժանորդագրությունն արժենալու է ամսական 5 դոլար։ Նմանատիպ Apple Arcade ծառայությունը թողարկվել է արդեն միանգամից 150 երկրում։

Իր հայտարարությամբ Google–ն ընդունում է, որ Play Pass-ի թողարկման հարցում ուշացել է, ու Apple-ն այս անգամ առաջ է անցել։ Բայց քանի որ խաղերի շուկան զարգանում է ահռելի արագությամբ, երկուսն էլ իրենց այս նոր ծառայությունից շահող դուրս կգան։

Տեղեկատվական տեխնոլոգիաների և նորարարությունների ոլորտում շաբաթվա ընթացքում այլ իրադարձություններ էլ են տեղի ունեցել, որոնց մասին մենք արդեն գրել ենք, այնպես որ խորհուրդ կտամ կարդալ ևս մի քանի լուր, որոնք չեն վրիպել մեր աչքից։

Ներկայացվել է անլար լիցքավորման՝ աշխարհի ամենաարագ տեխնոլոգիան

Xiaomi-ի նոր «բրելոկը» կօգնի գտնել օգտատերերի «անհետացած» բանալիները, դրամապանակն ու իրերը

Ներկայացվեց նոր սերնդի iPhone-ը. սմարթֆոնի գինը սկսվում է 699 դոլարից

158
թեգերը:
Google, iPhone, Huawei, սմարթֆոն, Այ քեզ բան
թեմա:
Տեխնիկա և նորարարություններ (170)
Երեխա

Մասիսի բնակչուհին 1–ամյա որդուն 500 000 դրամով վաճառել է. հարուցվել է քրգործ

137
(Թարմացված է 19:25 14.08.2020)
Մեկ տարեկան տղայի գնորդը ճանաչել է երեխայի հայրությունը, վերցրել են նրա ազգանունով նոր ծննդյան վկայական։

ԵՐԵՎԱՆ, 14 օգոստոսի — Sputnik. Դատախազությունը տեղեկացնում է, որ Արարատի մարզում մեկամյա երեխայի առուվաճառքի դեպք է բացահայտվել. հարուցվել է քրեական գործ։

«Ոստիկանության Մասիսի  բաժնում օպերատիվ տվյալներ են ստացվել, որ  2020թ. մայիսին Մասիսի բնակչուհին իր մեկամյա երեխային վաճառել է: Իրականացված աշխատանքի արդյունքում այս տարվա մայիսի 13-ին Մասիսի բնակչուհին հաղորդում է տվել, որ իր որդուն 500 000  դրամ  դիմաց վաճառել է Երևանում բնակվող ամուսիններին։ Վերջիններս մաս-մաս վճարել են ընդամենը 300 000 դրամ»,–նշված է հաղորդագրության մեջ։

Պարզվել է` նշված կինը 2019թ. ապրիլին ծննդաբերել է տղա երեխա: Վերջինս Երևանի բնակիչ հանդիսացող ամուսինների հետ նախապես համաձայնության գալով իր մեկամյա որդուն 500 000 դրամի դիմաց նրանց վաճառելու շուրջ՝ 2020թ. մայիսի 5-ին գնացել է Մասիսի ՔԿԱԳ տարածքային բաժին։ Այնտեղ գնորդը  ճանաչել է երեխայի հայրությունը և ստացել է վերջինիս ազգանունով երեխայի՝ նոր ծննդյան պետական վկայականը։

Օրեր անց գնորդ ամուսիները հարազատների հետ գնացել են երեխայի կենսաբանական մոր տուն, որտեղ երեխայի առքի համար նախատեսված պայմանավորված 500 000 դրամից վճարել են 200 000 դրամ  գումար, մնացած մասը՝ 300 000 դրամը, պայմանավորվել են վճարել հետագայում։ Նրանք երեխային տարել են իրենց հետ, իսկ հաջորդ ամիսներին վճարել ևս 50 000 դրամ։

Նորածին վաճառելու նոր փորձ է եղել. ինչքա՞ն է «գնահատվում» Հայաստանում երեխան

Հարուցվել է քրեական գործ՝ ՀՀ քրեական օրենսգրքի 168-րդ հոդվածի 1-ին մասով, այն է` խնամքը ստանձնելու նպատակով երեխայի առքը կամ ստանձնողի խնամքին հանձնելու նպատակով երեխայի վաճառքը։ Նախաքննություն կատարելու համար քրեական գործն ուղարկվել է ՀՀ քննչական կոմիտեի Մասիսի քննչական բաժին:

Միջոցներ են ձեռնարկվում դեպքի լիարժեք հանգամանքները պարզելու ուղղությամբ:

Հիշեցնենք, որ վերջին օրերին նորածնի վաճառքի դեպքեր էին գրանցվել Արարատի մարզում։ Ավելին` հուլիսի 29-ին զարհուրելի դեպք էր տեղի ունեցել Երևանում. կինը ծննդաբերել է, հետո երեխային փաթեթավորելով պոլիէթիլենային տոպրակի մեջ՝ նետել աղբարկղը։

137
թեգերը:
Մասիս, Քրեական գործ, ՀՀ դատախազություն, վաճառք, երեխա
Ըստ թեմայի
Երկու երեխայի վաճառք կազմակերպելու կասկածանքով ձերբակալված կա. ՔԿ
Ոստիկանները երեխայի վաճառքի դեպք են բացահայտել
Ավտոբուս, արխիվային լուսանկար

Ժամանակավոր կասեցվել է մի շարք երթուղայինների գործունեությունը

69
Երթուղայինների աշխատանքները վերահսկելու համար ստուգայցերի ժամանակ պարզվել է, որ մի շարք երթուղայիններ երթևեկել են գերբեռնված։

ԵՐԵՎԱՆ, 14 օգոստոսի - Sputnik. ՀՀ կառավարությունը տեղեկացնում է, որ ժամանակավոր կասեցվել են մի շարք երթուղայինների գործունեությունը` հակահամաճարակային կանոնները չպահպանելու համար։

«Օգոստոսի 14-ին, ՀՀ պարետի որոշմամբ 24 ժամով կասեցվել է կանոնավոր ուղևորափոխադրում իրականացնող N 8, N 57, N 44, N 42, N 39 համարի երթուղիները սպասարկող թվով 18 տրանսպորտային միջոցի գործունեություն։ Դրանք պարբերաբար երթևեկել են գերբեռնված»,– նշված է հաղորդագրության մեջ։

Կասեցման աշխատանքներին զուգահեռ, շարունակվել է ուժեղացված վերահսկողություն իրականացվել Երևանի Կենտրոն վարչական շրջան մուտք գործող հանրային տրանսպորտի նկատմամբ։ Բաղրամյան պողոտայում, Աբովյանի պուրակի հարակից կանգառներում, Ծովակալ Իսակովի պողոտայի ողջ երկայնքով իրականացված վերահսկողական աշխատանքների արդյունքում մարդատար տաքսի ավտոմոբիլներով ուղևորափոխադրում իրականացնող տրանսպորտային միջոցներում խախտումներ չեն հայտնաբերվել։ Իսկ կանոնավոր երթուղիներում ուղևորափոխադրում իրականացնող տրանսպորտային միջոցներում հայտնաբերվել են սահմանված քանակից ավելի ուղևորների նստեցումով փոխադրում իրականացնելու դեպքեր։

Վարորդները չեն վախենում կորոնավիրուսից․ նրանց ավելի շատ անհանգստացնում է եկամուտի պակասը

Արձանագրված խախտումների դեպքերով կազմվել են արձանագրություններ։

ՀՀ քաղաքաշինության, տեխնիկական և հրդեհային անվտանգության տեսչական մարմնի մասնագետները մշտադիտարկումների և վերահսկողության հետ իրականացրել են բացատրական և իրազեկման աշխատանքներ։

69
թեգերը:
պարետ, ուղևոր, վարորդ, երթուղային, երթուղի, Երևան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Երթուղայինների վարորդներն աջակցություն են պահանջում. ինչ են ասում քաղաքապետարանից
Երևանում միկրոավտոբուսային երթուղիներից ևս մեկի սպասարկումը կդադարեցվի
Բողոքի ակցիա Երևանում. երթուղայինների վարորդները չգիտեն՝ ինչպես տունը պահեն
Երթուղայինների վարորդներն առանձին աջակցություն չեն ստանա. նախարար

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ