Բեզոարյան այծ

Նորավանքի մոտ բեզոարյան այծն ընկել է թակարդն ու կտրված ոտքով փախել. լուսանկարներ

206
(Թարմացված է 09:00 15.09.2019)
Տեսչական մարմնի աշխատակիցները WWF–հայաստանյան մասնաճյուղի աշխատակիցների հետ ամբողջ գիշեր օպերատիվ որոնողական աշխատանքներ են իրականացրել որսագողերին և այլ թակարդներ հայտնաբերելու նպատակով։

ԵՐԵՎԱՆ, 14 սեպտեմբերի – Sputnik. Հայաստանի Կարմիր գրքում գրանցված բեզոարյան այծը Վայոց Ձորի մարզում՝ Նորավանք վանական համալիրի հարակից տարածքում, հայտնվել է թակարդում, որի հետևանքով ոտքի մի մասը կտրվել է: Այս տեղեկությունը տարածել է Facebook-ի օգտատեր Սամվել Հակոբյանը, որը լուսանկարներ է հրապարակել դեպքի վայրից:

Թակարդում հայտնված այծը

«Ժողովուրդ ջան, այսօր իմ ձեռքով եմ հանել այս խեղճ կենդանուն թակարդից, ոտքը կտրված էր»,- գրել է նա:

Sputnik Արմենիան զրուցել է Հակոբյանի հետ և պարզել դեպքի մանրամասները:

«Սպասում էի իմ տուրիստական խմբին: Տեսա, որ բեզոարյան այծը հայտնվել էր ձորակում տեղադրված թակարդում և ոտքի մի մասը կտրվել էր: Կարողացա նրան հանել թակարդից, և կաղալով փախավ»,- ասաց Հակոբյանը, որը տուրիստական ընկերություններից մեկում վարորդ է աշխատում։

Գրառմանն արձագանքել են Բնապահպանության և ընդերքի տեսչական մարմնի Վայոց Ձորի տարածքային բաժնի աշխատակիցները, որոնք անմիջապես մեկնել են դեպքի վայր, առգրավել թակարդը, սակայն բեզոարյան այծին չեն հայտնաբերել, հետևաբար կենդանուն անասնաբուժական օգնություն չի ցուցաբերվել։

Տեսչական մարմնի աշխատակիցները WWF–հայաստանյան մասնաճյուղի աշխատակիցների հետ ամբողջ գիշեր որոնողական աշխատանքներ են իրականացրել որսագողերին և այլ թակարդներ հայտնաբերելու նպատակով։

«Քանի որ Հակոբյանը բեզոարյան այծի թակարդն ընկնելու մասին տեղեկությունը և լուսանկարները տեղադրել է համացանցում, այդ իսկ պատճառով որսագողերն առայժմ հայտնաբերված չեն»,- գրված է տեսչական մարմնի Facebook-յան էջում։

Նախապատրաստվող նյութերը կփոխանցվեն իրավապահ մարմիններին՝ համապատասխան ընթացք տալու համար։

Sputnik Արմենիան այս թեմայով զրուցել է նաև «Էկո-Մեդիա» լրագրողական ցանցի համահիմնադիր Նարինե Կիրակոսյանի հետ:

«Ճիշտ կլինի, որ նման դեպքերում քաղաքացիները զանգահարեն 911ծառայություն կամ բնապահպանական որևէ կենտրոն, որպեսզի վնասվածքներ ստացած կենդանիներին մասնագիտական աջակցություն ցուցաբերվի»,-ասաց Կիրակոսյանը և ավելացրեց՝ ցանկալի կլինի, որ նման դեպքերում մարդիկ չշտապեն համացանցում լուսանկարներ հրապարակել, որպեսզի համապատասխան կառույցները կարողանան իրենց գործառույթները կատարել և հայտնաբերել որսորդներին:

Կիրակոսյանը ցավով նշեց` ունեն փաստեր, որ Սյունիքի մարզում էլ են հաճախակի նման դեպքեր գրանցվում:

«Այդ թակարդը պրոֆեսիոնալ որսորդի գործիք է: Կենդանին ոչ մի շանս չի ունեցել չվնասվելու»,-ասաց Կիրակոսյանը և համոզմունք հայտնեց, որ մեղավորին չեն գտնի:

Արամյան․ «Կենդանիների հանդեպ դաժան վերաբերմունքի դիմաց պատիժ նախատեսելը շատ կարևոր է»

Բնապահպանության և ընդերքի տեսչական մարմինը ևս մեկ անգամ խնդրում և հորդորում է բնապահպանական իրավախախտումներ արձանագրելիս անհապաղ կապ հաստատել Տեսչական մարմնի տարածքային ստորաբաժանումների հետ, ինքնուրույն ոչինչ չնախաձեռնել, հետևել աշխատակիցների ցուցումներին և կենդանիներին փրկելու հնարավորություն ընձեռել:

206
թեգերը:
բեզոարյան այծ, թակարդ, Նորավանք, Հայաստան
Ըստ թեմայի
Բեզոարյան այծերը զբոսնում են Նորավանքի տանիքին. տեսանյութ
Ինչ արկածներով են ազնվացեղ եղջերուները Իրանից հասել Հայաստան. լուսանկարներ
Կովկասյան ընձառյուծի հերթական «սելֆին». այս անգամ էլ նրան ֆիքսել են Ուրցաձորում
Hummer մակնիշի ավտոմեքենայով անձինք բեզոարյան այծ են որսացել Վայոց Ձորում
Նորածին

Արցախում վնասվածքներ ստացած հղի կինն արու զավակ է լույս աշխարհ բերել. լուսանկար

174
(Թարմացված է 01:50 29.09.2020)
Ադրբեջանական հրետակոծության հետևանքով վնասվածքներ ստացած մայրը հերոսի անուն է տվել որդուն։ Հանրայինը հրապարակել է փոքրիկի լուսանկարը։

ԵՐԵՎԱՆ, 28 սեպտեմբերի – Sputnik. Արցախում հակառակորդի կրակից վիրավորված հղի կինն արու զավակ է ծնել։ Տեղեկությունը հայտնում է Հայաստանի հանրային հեռուստաընկերությունը։

Տղայի անունը Մոնթե են դրել։ 

Արցախի ՄԻՊ Արտակ Բեգլարյանը այսօր լրագրողների հետ ունեցած ճեպազրույցում հայտնել էր, որ ադրբեջանական զինված ուժերի կողմից քաղաքացիական բնակավայրերի հրետակոծության հետևանքով մեկ հղի կին էլ է լրջորեն վիրավորվել:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 36 անօդաչու թռչող սարք, 47 տանկ և ՀՄՄ, 2 ինժեներական զրահատեխնիկա։ Մարտերը շարունակվում են։

Մոմեր, քաղցրեղեն, երգ. ապաստարանում նշել են 6-ամյա Արմենի ծննդյան տոնը. տեսանյութ

Հակառակորդի կրակոցների հետևանքով զոհվել են 58 զինծառայողներ և 2 քաղաքացիական անձինք։ Հայկական կողմը շուրջ 200– վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

Գարեգին Բ–ն կմեկնի Արցախ. Պարգև արքեպիսկոպոս

174
թեգերը:
նորածին, երեխա, հղի, Հայաստան
Ըստ թեմայի
«Երեկ որ տվել էին, թե Մռավը գրավել են, այսօր արդեն հարձակվել են». Արցախի նախագահ
Հրապարակվել են Ադրբեջանի խոցված ԱԹՍ-ի լուսանկարները
Հայկական ԶՈՒ–ն հակառակորդի ինքնաթիռ է խոցել
«Զվարթնոց» օդանավակայան

Ո՞ր դեպքում 18-55 տարեկան տղամարդիկ կարող են մեկնել Հայաստանից

923
(Թարմացված է 21:43 28.09.2020)
Հայաստանում հայտարարված ռազմական դրությունը սահմանափակում է տղամարդկանց ելքը երկրից։

ԵՐԵՎԱՆ, 28 սեպտեմբերի – Sputnik. Հայաստանից մեկնելու ցանկություն ունեցող 18-55 տարեկան տղամարդիկ պետք է զինկոմի թույլտվություն ունենան։ Տեղեկությունը Sputnik Արմենիայի հարցմանն ի պատասխան հայտնեցին  ՀՀ Քաղաքացիական ավիացիայի կոմիտեից։

«Տեղեկացնում ենք, որ համաձայն  27.09.2020 թվ. կառավարության 1586֊Ն որոշման հայտարարված է մինչև 55 տարեկան անձանց զորակոչ, ՀՀ  արական սեռի 18-55 տարեկան քաղաքացիների ելքը թույլատրվում է միայն տարածքային զինկոմների գրավոր թույլտվությամբ»,–նշված է պատասխանում:

Հիշեցնենք` սեպտեմբերի 27-ի ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 36 անօդաչու թռչող սարք, 47 տանկ և ՀՄՄ, 2 ինժեներական զրահատեխնիկա։ Մարտերը շարունակվում են։

Աստված վերևում է, մենք՝ ներքևում. կամավորական խմբերը շարունակում են Շիրակից մեկնել Արցախ

Հակառակորդի կրակոցների հետևանքով զոհվել են 58 զինծառայողներ և 2 քաղաքացիական անձինք։ Հայկական կողմը շուրջ 200– վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

ՀՀ ԶՈւ–ն կասեցրել է թշնամու գրոհը և ի վիճակի է մարտերը տեղափոխել Ադրբեջանի տարածք

923
թեգերը:
տղամարդ, «Զվարթնոց» օդանավակայան, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Բաքուն ազգային փոքրամասնություններին օգտագործում է որպես կենդանի պատնեշ. Վարդանյան
Գարեգին Բ–ն կմեկնի Արցախ. Պարգև արքեպիսկոպոս
Հակառակորդը սկսել է լայնամասշտաբ հարձակում Արաքսի հովտի և Մատաղիս-Թալիշ հատվածներում
Հրապարակվել են Ադրբեջանի խոցված ԱԹՍ-ի լուսանկարները
Ադրբեջանական զրահատեխնիկա, արխիվային լուսանկար

Ինչ կորուստներ ունի Ադրբեջանը

341
(Թարմացված է 01:50 29.09.2020)
Ադրբեջանն իր իսկ սանձազերծած ռազմական գործողությունների հետևանքով արդեն 80 զրահատեխնիկայից է զրկվել։

ԵՐԵՎԱՆ, 29 սեպտեմբերի – Sputnik. ՀՀ ՊՆ մամուլի խոսնակ Շուշան Ստեփանյանը Facebook–ի իր էջում ներկայացրել է հայկական զինուժի կողմից խոցված սպառազինությունը սեպտեմբերի 28-ի, ժամը 21:00-ի դրությամբ։ 

Ըստ այդմ` Ադրբեջանը կորցրել է 19 ԱԹՍ, 4 ուղղաթիռ, 80 զրահատեխնիկա, 1 ինքնաթիռ և 82 ավտոտրանսպորտ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

341
թեգերը:
ինքնաթիռ, անօդաչու թռչող սարք, տանկ, Ադրբեջան
թեմա:
Ադրբեջանական ագրեսիա Արցախում. 2020