Արարատյան ավտոմաքսատուն (արխիվային լուսանկար)

ՊԵԿ-ը կոչ է անում ավտոմեքենաները դուրս բերել ավտոմաքսատան տարածքից

55
(Թարմացված է 19:19 13.09.2019)
Երբ քաղաքացիները արդեն իսկ մաքսազերծված ավտոմեքենան տարբեր պատճառներով ավտոմեքենան թողնում են մաքսային հսկողության գոտում, եղածին ավելանում են նորերը և կուտակումներ առաջացնում։

ԵՐԵՎԱՆ, 13 սեպտեմբեր- Sputnik. Պետական եկամուտների կոմիտեն շարունակում է խիստ հսկողությունը Արարատյան մաքսատուն-վարչության բացթողնման թիվ 2 բաժնի կողմից վերահսկվող մաքսային հսկողության գոտու տարածքում (Նորագավիթի ավտոմաքսատանը)  տեղակայված՝ մաքսային ձևակերպումներ ստացած ավտոտրանսպորտային միջոցների նկատմամբ: Այս մասին հայտնում են ՊԵԿ տեղեկատվության և հասարակայնության հետ կապերի բաժնից:

«Այստեղ կուտակված ավտոմեքենաների մի մասը դեռ պետք է մաքսային ձևակերպումների փուլն անցնի, իսկ մյուս մասը, թեպետ արդեն մաքսային ձևակերպում ունի, սակայն սեփականատերերը չեն շտապում մեքենաները դուրս բերել ավտոմաքսատան տարածքից»,- նշված է ՊԵԿ տարածած հաղորդագրության մեջ։

Հաշվի առնելով վերոնշյալը` ՊԵԿ-ը հորդորում է` մաքսային ձևակերպումների ավարտից հետո բաց թողնված տրանսպորտային միջոցները խելամիտ ժամկետում (48 ժամվա ընթացքում) դուրս բերել մաքսային հսկողության գոտու տարածքից: Մաքսային ձևակերպումների իրականացման արդյունքում բաց թողնված ավտոտրանսպորտային միջոցների պահպանման համար մաքսային հսկողության գոտին չի կարող օգտագործվել որպես պահեստ կամ կայանատեղի։

Ե՞րբ շահագործման կհանձնվի Գյումրիի ավտոմաքսատունը. հայտնի է բացման օրը

Նշենք, որ Նորագավիթի ավտոմաքսատանն օրական մաքսային ձևակերպում է ստանում 550-ից 600 ավտոմեքենա, և երբ քաղաքացիները տարբեր պատճառներով մեքենան թողնում են մաքսային հսկողության գոտում, եղածին ավելանում են նորերը՝ ստեղծելով կուտակումներ։ Դրանից խուսափելու միակ ճանապարհը մաքսային ձևակերպում ունեցող մեքենաները տարածքից ժամ առաջ հանելն է, որպեսզի մյուսները ևս կարողանան առանց խոչընդոտների անցնել մաքսային ձևակերպման ընթացակարգը:

ՊԵԿ տվյալների համաձայն` այժմ Նորագավիթի ավտոմաքսատան տարածքում մաքսային ձևակերպում ստացած 80-ից 100 տրանսպորտային միջոց ենթակա է դուրս բերման մաքսային հսկողության գոտուց:

Երկու քարի արանքում. ՊԵԿ–ը ՀԴՄ սարք չունեցողներին ծայրահեղ դեպքերում կտուգանի

55
թեգերը:
ավտոմաքսատուն, Պետական եկամուտների կոմիտե (ՊԵԿ), հայեր, հայ, Հայաստան
Ըստ թեմայի
Եթե հարկեր թաքցրած լինեի, հիմա ինձ գնդակահարել էին. Բարսեղ Բեգլարյան
ՊԵԿ-ը տուգանել է մի քանի խոշոր ընկերությունների. ո՞րն է խնդիրը
ԱԱԾ–ն ՊԵԿ–ից Գագիկ Խաչատրյանի վերաբերյալ փաստաթղթեր է պահանջել
Երկու քարի արանքում. ՊԵԿ–ը ՀԴՄ սարք չունեցողներին ծայրահեղ դեպքերում կտուգանի