Թեղուտի հանք

Թեղուտի հանքի պոչամբարի պատվարը չփլուզվեց անգամ երկրաշարժից. Փաշինյանի հակափաստարկները

134
(Թարմացված է 11:31 12.09.2019)
Տեսչական մարմինները գնացել և մանրամասն ստուգում են իրականացրել Թեղուտում, որի արդյունքում եզրակացրել են, որ պատվարի փլուզման վտանգ չկա։

ԵՐԵՎԱՆ, 12 սեպտեմբերի— Sputnik. Պնդումները, թե Թեղուտի հանքի պոչամբարի պատվարը փլուզման եզրին է, ճշմարիտ չեն, քանի որ նախորդ օրը տեղի ունեցած երկրաշարժի հետևանքով այն արդեն փլուզված կլիներ։ Այս մասին Facebook սոցիալական ցանցի իր էջում գրել է ՀՀ վարչապետ Նիկոլ Փաշինյանը։

«Հուլիսի վերջին մեծ աղմուկ բարձրացավ այն մասին, թե իբր Թեղուտի հանքի պոչամբարի պատվարը փլուզման եզրին է և ամեն պահի կարող է փլվել: Միանգամից ասեմ, որ եթե այդ պնդումները ճշմարիտ լինեին, Թեղուտի պոչամբարի պատվարը պիտի նախորդ օրը տեղի ունեցած երկրաշարժի հետևանքով փլված լիներ, որովհետև հանքի շրջանում 4 բալ երկրաշարժ է գրանցվել»,–գրել է նա։

Նրա խոսքով` հենց սա նկատի ուներ, երբ ասում էր՝ մինչեւ վերջ գնալ ճշմարտության հետևից: Ըստ նրա` այդ օրերին կառավարության վրա շատ մեծ ճնշում կար՝ դադարեցնել Թեղուտի հանքի աշխատանքը: Իսկ կառավարությունը, Փաշինյանի խոսքով, եթե այդպես վարվեր, ապա ավելի քան 900 մարդ կրկին առանց աշխատանքի կմնար։

«Չշահագործվող հանքը ավելի մեծ պրոբլեմ կդառնար, որովհետև չէր լինի նրա համար պատասխանատու որևէ սուբյեկտ, որի առաջ հնարավոր կլիներ պահանջներ դնել, այդ թվում` անվտանգությունն ու բնապահպանական նորմերն ապահովելու իմաստով: Եվ մենք որոշեցինք գնալ այլ ճանապարհով»,–գրել է վարչապետը։

Նա նշել է, որ տեսչական մարմինները գնացել և մանրամասն ստուգում են իրականացրել, որի արդյունքում եզրակացրել են, որ պատվարի փլուզման վտանգ չկա և  երկրաշարժը ապացուցեց այդ պնդման ճշմարտացիությունը:

Վարչապետը նշում է, որ ստուգումներից հետո հանքը շահագործողի առաջ պահանջ է դրվել՝ իրականացնել պոչամբարի պատվարի փորձաքննություն և  ապահովել դրա երկարաժամկետ անվտանգությունը:

«Եթե այս պայմանն ապահովվի, հանքը կշահագործվի, ինչքան էլ այն ինձ դուր չգա։ Եթե այս պայմանը չապահովվի, հանքը չի շահագործվի, ինչքան էլ այն ինձ դուր գա: Սա է ճշմարտության իրավական ճանապարհը»,–իր գրառման մեջ նշել է Փաշինյանը:

Նրա մեկնաբանմամբ` նրանք, ովքեր պնդում էին, որ Թեղուտի հանքը փլուզվելու է, հիմա որևէ պատասխանատվություն, բնականաբար, չեն կրելու: Որովհետև, ըստ վարչապետի, նրանք ամեն ինչ կարող են պնդել: Իսկ եթե կառավարությունը ճնշումներին տրվեր, ապա առնվազն Հայաստանի ներդրումային վարկանիշը նվազեցնելու, գործազուրկ մնացած 940 աշխատողների, նվազած հարկերի և տնտեսական ցուցանիշների համար պետք է պատասխանատվություն կրեր:

Հիշեցնենք, որ հունիսի 20–ին Փաշինյանն ԱԺ ամբիոնից հայտարարեց, որ Թեղուտի հանքավայրը հունվարին փակվել էր, սակայն հանքում աշխատանքներն արդեն իսկ սկսվել են։ Նա հայտնել էր, որ այնտեղ մի քանի հարյուր մարդ աշխատանքի է անցել նորից։

 

134
թեգերը:
Երկրաշարժ, հանք, «Թեղուտ» ընկերություն, Նիկոլ Փաշինյան, Հայաստան
Ըստ թեմայի
Թեղուտի պոչամբարը կարող է քանդվել. միջազգային փորձագետներն ուսումնասիրում են վիճակը
«Թեղուտը» կվերաբացվի. հայտնի է` ով է նոր տնօրենը. «Ժողովուրդ»
Թեղուտի ներդրումների ընդհանուր ծավալը գերազանցել է 400 մլն ԱՄՆ դոլարը
Թեղուտի շահագործումը դադարեցվել է փլուզման եզրին հայտնված պոչամբարների պատճառով
«Վալլեքսը» հերքում է. դատարան չի դիմել, «Թեղուտից» գումար չի պահանջել
Արխիվային լուսանկար

1–5 մլն դրամ. պետությունն աջակցություն կտրամադրի զոհերի ընտանիքներին ու հաշմանդամներին

4
(Թարմացված է 11:26 03.12.2020)
Կառավարության որոշմամբ սահմանված աջակցության տրամադրման կարգը կներկայացվի մինչև 2020 թվականի դեկտեմբերի 9-ը:

ԵՐԵՎԱՆ, 3 դեկտեմբերի – Sputnik. Արցախյան պատերազմական գործողությունների հետևանքով զոհված ու հաշմանդամություն ձեռք բերած քաղաքացիական անձինք ու նրանց ընտանիքները ևս պետությունից ֆինանսական աջակցություն կստանան: Այս մասին այսօր կառավարության նիստում հայտարարեց ՀՀ աշխատանքի և սոցիալական հարցերի նախարար Մեսրոպ Առաքելյանը՝ ներկայացնելով համապատասխան որոշման նախագիծը:

Նրա խոսքով՝ որոշմամբ սահմանված աջակցության տրամադրման կարգը կներկայացվի մինչև 2020 թվականի դեկտեմբերի 9-ը:
Իսկ չափերն արդեն հատնի են:

Որոշման համաձայն` առաջին խմբի հաշմանդամություն ձեռք բերած անձինք կստանան՝ 3.000.000, երկրորդ խմբի հաշմանդամություն ձեռք բերածները՝ 2.000.000, երրորդ խմբի հաշմանդամություն ձեռք բերած անձինք՝ 1.000.000 ՀՀ դրամ աջակցություն: Հաշմանդամ երեխաներին կտրվի 3.000.000 ՀՀ դրամ, զոհված քաղաքացիական անձանց ընտանիքներին՝ 5.000.000 ՀՀ դրամ:

«Հիշեցնեմ, որ զինծառայողների պարագայում հարցը կարգավորվում է զինծառայողների հիմնադրամի միջոցով: Մենք ամիսների առաջ նման կարգավորում ունեցանք այս որոշմաը համարժեք՝ սահմանամերձ գյուղերում տեղի ունեցող դեպքերի համար: Իսկ հիմա, փաստորեն, կարգավորում ենք տալիս նաև այս հարցին»,- նախագծի քաննարկման ժամանակ ասաց ՀՀ վարչապետ Նիկոլ Փաշինյանը:

Քննարկումից հետո որոշումն ընդունվեց:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Համացանցում լուր տարածվեց, որ հայկական կողմն ունի 4750 զոհ ու անհետ կորած։  ՀՀ առողջապահության նախարար Արսեն Թորոսյանը նոյեմբերի 18-ին ԱԺ–ում լրագրողներին հայտնեց, որ պատերազմի առաջին օրվանից մինչև նոյեմբերի 17-ի երեկոյան պաշտոնապես հաստատված զոհված զինծառայողների թիվը 2425 է։ 

Դեկտեմբերի 2-ի տվյալներով՝ Արցախի ՊԲ-ն հրապարակել է 1746 զոհվածների անունները։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ 

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

4
թեմա:
Իրադրությունը Հայաստանում և Արցախում հայտարարության ստորագրումից հետո
Կրկես

Երևանը հաջորդ տարի էլ կրկես չի ունենա. շինարարության ավարտը դարձյալ հետաձգվեց

14
Երևանյան կրկեսի շենքի շինարարական աշխատանքներն ի սկզբանե նախատեսված էր ավարտել 2015թ-ի դեկտեմբերի 31-ին: Բայց ամեն տարի նոր որոշումներով այդ ժամկետը հետաձգվում է:

ԵՐԵՎԱՆ, 3 դեկտեմբերի – Sputnik. Երևանի կրկեսն այս տարի էլ չավարտեց շինարարությունը: ՀՀ կառավարության այսօրվա նիստում որոշվեց «Երևանյան կրկես» սահմանափակ պատասխանատվությամբ ընկերությանը ներել պայմանագրով ստանձնած 7.200.000 դրամի ներդրումային պարտավորությունների չկատարումը:

Փոխարենն ընկերությունը նոր պարտավորություն է ստանձնում շենքի շինարարական աշխատանքները այս տարվա փոխարեն ամբողջությամբ ավարտել 2021 թվականի դեկտեմբերի 31-ին:

Կառավարության որոշումն ընդունվեց առանց քննարկման ու զեկուցման, միաձայն:

Այսպիսով, Երևանի կրկեսի նոր շենքի շինարարությունը կարժենա ընդհանուր 6 միլիարդ ՀՀ դրամ:

Շինարարական աշխատանքների ավարտից հետո, մեկ տարվա ընթացքում կրկեսի ղեկավարությունը պետք է աշխատանքային պայմանագրեր կնքի 30 աշխատակիցների հետ՝ պայմանագրերի կնքելու պահին սահմանված նվազագույն աշխատավարձի չափով։

Հիշեցնենք, որ կրկեսի շենքի շինարարական աշխատանքներն ի սկզբանե նախատեսված էր ավարտել 2015թ-ի դեկտեմբերի 31-ին: Իսկ 2016թ-ին կրկեսը պետք է աշխատողների հետ պայմանագրեր կնքեր:

«Ինձ լավ ծեծում էին, բայց ես մնացի կրկեսում». բացառիկ հարցազրույց Միխայիլ Բաղդասարովի հետ

Բայց շինաշխատանքներն այդպես էլ չավարտվեցին, ու ամեն տարի կառավարությունը նոր որոշումներով ստիպված հետաձգում է դրանց ավարտը՝ ևս մեկ տարով:

14
թեգերը:
Ներդրում, ՀՀ կառավարություն, Երևան, կրկես
Ըստ թեմայի
Երբ կբացվի Երևանի կրկեսը, և ինչ կապ ունի դրա հետ կորոնավիրուսը
Կորոնավիրուսի պատճառով Երևանում ուկրաինական ջրային կրկեսի շոու ծրագիրը կհետաձգվի
Երևանի կրկեսին հարակից պուրակն անվանակոչվեց Լեոնիդ Ենգիբարյանի անունով