Գեղեցկության սրահ

Մետրոսեքսուալներ և հիստերիկներ. ո՞ւմ չեն սիրում Հայաստանի գեղեցկության սրահներում

472
(Թարմացված է 09:46 12.09.2019)
«Մազերիս այս հատվածն այդքան լավ չի նայվում», «մազերիս գույնն անբնական է ստացվել», «այնպիսի սանրվածք եմ ուզում, ինչպես Բեյոնսեն այս լուսանկարում»... Սա պատմություն է այն մասին, թե ինչպիսի զգացողություններ են առաջացնում գեղեցկության սրահների աշխատակիցների մոտ հաճախորդների քմահաճույքներն ու ցանկությունները:

ԵՐԵՎԱՆ, 11 սեպտեմբերի-Sputnik, Լիլիթ Հարությունյան. Ծառայությունների ոլորտը շատ յուրահատուկ է: Այստեղ գործում են կոշտ կանոններ, որոնք խախտելու դեպքում կարելի է զրկվել եկամուտից: Այդ ոլորտի աշխատակիցները պետք է միշտ ժպտան՝ չնայած վատ տրամադրության և պահպանեն ինքնատիրապետումը ցանկացած իրավիճակում: Sputnik Արմենիան հոդվածաշարում կպատմի, թե ինչ է թաքնված մատուցողների, վարսավիրների, սանիտարների և սպասարկման ոլորտի այլ աշխատակիցների ժպիտի հետևում:

Չորս տարի Մոսկվայում և վեց տարի Գյումրիում աշխատած վարսավիրը, որը չուզեց ներկայանալ, Sputnik Արմենիային պատմեց հաճախորդների տարօրինակությունների և մասնագիտական բարդությունների մասին:

«Գրեթե տասը ժամ ոտքի վրա վատ օդափոխվող տարածքում, տարբեր քիմիական նյութերի մշտական ազդեցության տակ. այդպիսին է մեր աշխատանքը»,- ասաց նա:

Իսկապես, այս մասնագիտության ներկայացուցիչների շարքում տարածված հիվանդությունների ցուցակը բավական մեծ է: Դրանց թվում են ռադիկուլիտը և օստեոխոնդրոզը, չէ որ նրանք ստիպված են լինում հաճախակի կռանալ կամ երկար ժամանակ անշարժ դիրքում աշխատել: Բացի դրանից, վարսավիրները հաճախ են տառապում վարիկոզ, ինչպես նաև տարբեր ալերգիկ և մաշկային հիվանդություններով, որոնք առաջանում են աշխատանքի մեջ ներկեր, օքսիդներ, քիմիական գանգրացման համար խառնուրդներ, լաքեր, աերոզոլներ և այլ նյութեր հաճախակի օգտագործելու հետևանքով:

Մեր զրուցակցի խոսքով՝ վարսավիրի մասնագիտությունը նաև ահռելի հոգեբանական դիմացկունություն է պահանջում: Չէ՞ որ հաճախորդները տարբեր են լինում...

Ասում է` ավելի բարդ է աշխատել միջին եկամուտ ունեցող այցելուների հետ, որովհետև նրանք ամենից հաճախ են անհնարին սպասարկում ակնկալում:

«Նման հաճախորդները կարծում են, որ եթե ինչ-որ գումար են վճարել, ապա մենք պետք է նրանց հուրի-փերիներ դարձնենք, դրանից պակասին համաձայն չեն», - նշեց աղջիկը:

Նրա կարծիքով՝ կատարյալ հաճախորդը պետք է հստակ ներկայացնի իր ցանկությունները, ըմբռնումով մոտենա նրան, որ սանրվածքի ինչ-որ դետալներ օբյեկտիվ պատճառներով կարող են տարբերվել պատկերացրածից և երբեք չսակարկի:

Գեղեցկության սրահում՝ ինչպես շուկայո՞ւմ

Պարզվում է` կան այնպիսի հաճախորդներ, որոնք չեն համաձայնում սահմանված գնացուցակի հետ և սեփական գներն են առաջարկում: Շատ կանայք, օրինակ` ընտրում են ամենաթանկ միջոցները և սկսում սակարկել: Սակայն վարպետներին ձեռնտու չէ զեղչ անելը, քանի որ նյութերի գինն անփոփոխ է մնում, նվազում է միայն նրանց երկարատև աշխատանքի արժեքը:

Ի՞նչ են անում վարսավիրները, որ փոքրիկը հանկարծ չլացի. զվարճալի տեսանյութ

Ժլատ հաճախորդը վատ է, բայց ավելի վատ է, երբ նա հանդուգն է...

«Մի անգամ Ամանորի նախաշեմին մեր սրահ (Գյումրիի ամենահայտնի սրահներից մեկը) զանգահարեց մի աղջիկ և համառորեն խնդրեց հերթագրել իրեն, թեև մեզ մոտ ազատ տեղ չկար: Ասաց, որ իր մազերը հասնում են ուսերին, և մենք ընդառաջ գնացինք նրան՝ նշելով վարսահարդարման նվազագույն արժեքը: Իսկ նա ուղղակի խաբեց: Նրա մազերը հասնում էին մինչև գոտկատեղ և աներևակայելի խիտ էին: Ես ստիպված էի կոպեկների դիմաց մեկ ժամ ծախսել նրա վրա»,- պատմեց մեր զրուցակիցը:

Բայց անբարեխիղճ հաճախորդի պատմությունը դրանով չի ավարտվել: Հաջորդ անգամ նա սրահում հիստերիա է բարձրացրեց սանրվածքի գնի պատճառով: Դա միակ դեպքն է, որ հաճախորդին այլևս չենք հերթագրում մեր սրահում:

«Ամենահետաքրքիրն այն է, որ մենք ավելի ուշ իմացանք, որ նա ՏՏ ոլորտի մասնագետ է և վատ չի վաստակում: Մինչև հիմա սարսափում եմ, երբ հանդիպում եմ նրան քաղաքում»,- ասաց նա:

Ամենաանցանկալի հաճախորդները

Գեղեցկության սրահներում վարսավիրների համար խնդիրներ են ստեղծում ոչ միայն ժլատ, այլ նաև մշտապես դժգոհ և չափից դուրս մանրախնդիր հաճախորդները:

«Կա մարդկանց տեսակ, որն աշխատանքի ամբողջ ընթացքում աչքը չի կտրում հայելուց՝ սևեռուն հետևելով վարսավիրի յուրաքանչյուր շարժմանը: Եվ նույնիսկ, երբ ակնհայտ է, որ սանրվածքը հավանել են, անպայման հեռանում են դեմքի դժգոհ արտահայտությամբ», - բողոքեց մեր զրուցակիցը:

Թեև ամենաբարդը մետրոսեքսուալների հետ աշխատելն է. նրանք արական սեռի այնպիսի ներկայացուցիչներ են, որոնք մեծ նշանակություն են տալիս իրենց արտաքին տեսքին, հետևում են նորաձևությանը: Նրանք հազվադեպ են հանդիպում Հայաստանի հյուսիսային մայրաքաղաքի առնական տղամարդկանց շարքում, բայց մեր զրուցակցի հաճախորդների ցանկում նման մի տղա եղել է: Նրա խոսքով՝ երիտասարդին չի գոհացնում սրահի մեծ հայելին, և նա ձեռքում ևս մեկն է պահում, որպեսզի ավելի լավ վերահսկի մկրատի աշխատանքը:

Եվս մեկ խնդրահարույց տեսակ՝ անպատասխանատու հաճախորդները:

«Քանի անգամ ենք խնդրում նախօրոք գրանցվել, բայց կան անուղղելի մարդիկ: Նրանք գալիս են առանց զանգելու, բայց վստահ, որ նույն պահին սպասարկելու են իրենց և նեղացած են հեռանում, եթե հանկարծ իրենց չեն սպասարկում»,- նեղսրտեց աղջիկը:

 Ամենասիրելի հաճախորդները

«Ես մի հաճախորդ ունեմ, մենեջեր է աշխատում: Նա այնքան վառ է, դրական, անհավանական էներգետիկա և խարիզմա ունի: Նրա հետ աշխատելիս լիցքաթափվում ես, պատրաստ ես աշխատել ու ստեղծագործել ամբողջ օրը: Նրա սանրվածքները ամենաանհավանականն ու ամենաոճայինն են ստացվում»,- նշեց վարսավիրը:

Իսկական «սովետ»՝ Գյումրու ամենակոլորիտային վարսավիրանոցում

Վարսավիրի խոսքով՝ շատ հաճելի է, երբ հաճախորդը լարվածություն չի առաջացնում, ուղղակի հանգիստ նստում է, ինչ-որ բան է պատմում կամ հեռախոսով զբաղվում, մի խոսքով՝ թույլ է տալիս մասնագետին հանգիստ աշխատել, իսկ վերջում` գոհ ու երջանիկ է հեռանում:

Թեյավճարների մշակույթը կամ ինչով են տարբերվում Մոսկվայի հաճախորդները գյումրեցիներից

«Ոչ մի աշխատավարձ այնքան չի ուրախացնում, որքան հաճախորդի թողած թեյավճարը: Դա շնորհակալություն է աշխատանքի համար, քո անձնական աշխատավարձը, որը չես կիսում սրահի ղեկավարության հետ», - ասաց մեր հերոսուհին:

Նրա խոսքով՝ Գյումրում, որպես կանոն, թեյավճար են թողնում տղամարդիկ. «Ես մի հաճախորդ ունեմ, գործարար է, նա մազերը կտրելու համար 15-20 հազար դրամ է թողնում պահանջվող 2000-ի փոխարեն»:

Մոսկվայում, հակառակը` տղամարդիկ հազվադեպ են թեյավճար թողնում: Իսկ կանայք բավական առատաձեռն են: Բացի դրանից, մոսկվացի տիկնայք սիրում են երես տալ իրենց վարսավիրներին ու դիմահարդարներին՝ տարբեր նվերներ անելով:

Մոսկվայի ևս մեկ առավելություն. այստեղ մարդիկ` ի տարբերություն հայերի մեծամասնության ոչ այդքան խիտ մազեր ունեն։ Նման մազերի հետ աշխատելն ավելի հեշտ է:

 Իսկ ի՞նչ է տեղի է ունենում հայկական գյուղերում

Եթե քաղաքներում ամեն քայլափոխի կարելի է տեսնել գեղեցկության սրահների ցուցանակներ, ապա գյուղերում դրանք բացակայում են: Որոշ տեղերում պահպանվել են հնաոճ վարսավիրանոցներ, առավելապես` տղամարդկանց համար:

«Սրահ պահելու համար պետք է հարկ վճարել, իսկ գյուղում այդքան գումար չես վաստակի», - Sputnik Արմենիայի թղթակցի հետ զրույցում ասաց Ախուրիկ գյուղի բնակիչներից մեկը:

85-ամյա վարսավիրը և ավելի ծեր վարսավիրանոցը.ինչպես է գյումրեցի պապը հոգում ընտանիքի հոգսը

Նրա խոսքով՝ գյուղերի վարսավիրները հաճախ աշխատում են «փոխանակման» սկզբունքով:

«Հաճախորդները գումարի փոխարեն որպես շնորհակալություն ուղարկում են ձու, կաթ, պանիր և այլ գյուղատնտեսական մթերքներ», - ասաց կինը:

Պետք է հավելել, որ «նորաոճ» գյուղաբնակները նախընտրում են  օգտվել մոտակա քաղաքի գեղեցկության սրահներից:

472
թեգերը:
հայեր, հայ, Մոսկվա, սանրվածք, հաճախորդ, գեղեցկության սրահ, Գյումրի, Հայաստան
Ըստ թեմայի
«Սանրվածք էի անում և հանկարծ...». Լոպիրյովան պատմել է ծննդաբերության մասին
Պարոն ոսկե ձեռքեր․12-ամյա Էրիկը հրաշքներ է գործում վարսահարդարման ոլորտում․տեսանյութ
Ինչ է անում բանգլադեշցի Անդոն ԱՄՆ–ում. երևանցին ոչ մի կերպ չի ընտելանում «գործ տալուն»
Արմեն Սարգսյանը որոշել է մազերը հարդարել Գյումրու վարսավիրանոցում. լուսանկար
ԱԱԾ շենք

Ակնհայտ սուտ է. ԱԱԾ-ն հերքում է Միքայել Մինասյանի մեղադրանքներն Արարատ Միրզոյանի հասցեին

224
(Թարմացված է 00:09 17.01.2021)
ԱԱԾ-ն զգուշացնում է, որ քրեադատավարական կառուցակարգեր են գործադրվելու Մինասյանի հրապարակման հիման վրա։

ԵՐԵՎԱՆ, 17 հունվարի - Sputnik. Հայաստանի Ազգային անվտանգության ծառայությունն արձագանքել է ՀՀ նախկին դեսպան Միքայել Մինասյանի մեղադրանքներին՝ ուղղված ԱԺ նախագահ Արարատ Միրզոյանի հասցեին։

ԱԱԾ-ն հերքում է Մինասյանի մեղադրանքներն ու ընդգծում, որ նրա «Արարատ Միրզոյանի՝ հատուկ ծառայությունների գործակալ լինելուն և տարածված այլ փաստաթղթերին վերաբերող տեղեկատվությունն ակնհայտ սուտ է ու իրականության հետ որևէ աղերս չունի»։

«ՀՀ ազգային անվտանգության ծառայությունն ինչպես տվյալ անձին, այնպես էլ համանման անթույլատրելի գործելաոճ կիրառող բոլոր անհատներին ու կազմակերպություններին կոչ է անում բացառել հանրությանն ապատեղեկատվություն հրամցնելու կամ մոլորության մեջ գցելու վարքագիծը, իսկ մեր հայրենակիցներին հորդորում՝ այս պարագայում ևս տուրք չտալ մտացածին և ստահոդ նմանօրինակ հրապարակումներին ու ապավինել Հայաստանի Հանրապետության պատկան մարմինների կողմից տրամադրվող պաշտոնական տեղեկությունների բովանդակությանը»,- նշված է հաղորդագրության մեջ։

ՀՀ ազգային անվտանգության ծառայությունը զգուշացնում է Միքայել Մինասյանին. օրենքով նախատեսված թույլատրելի գործիքակազմի կիրառմամբ գործադրվելու են քրեադատավարական կառուցակարգեր։ ԱԱԾ-ն նաև հորդորում է ցուցաբերել բացառապես իրավահպատակ վարքագիծ:

224
թեգերը:
ՀՀ ազգային անվտանգության ծառայություն. ԱԱԾ, Արարատ Միրզոյան, Միքայել Մինասյան
Ըստ թեմայի
Փաշինյանը 1.5 տարի առաջ Արցախի նախագահին պատմել է Արցախի հետ կատարվելիքի մասին. Մինասյան
Սուրեն Պապիկյանը Միքայել Մինասյանի «սուտ մատնության» հարցով դիմելու է դատախազություն
«Արարատ Միրզոյանը Թուրքիայի հատուկ ծառայությունների գործակալ է». Միքայել Մինասյան
Արարատ Միրզոյան

Մինասյանը պետք է պատասխան տա. Արարատ Միրզոյանը՝ լրտեսության մեղադրանքի մասին

254
(Թարմացված է 23:27 16.01.2021)
Ավելի վաղ Վատիկանում ՀՀ նախկին դեսպանը մեղադրել էր ԱԺ նախագահին կրկնակի գործակալ լինելու մեջ։

ԵՐԵՎԱՆ, 16 հունվարի - Sputnik. ՀՀ Ազգային ժողովի նախագահ Արարատ Միրզոյանը Facebook-ի իր էջում արձագանքել է Վատիկանում ՀՀ նախկին դեսպան Միքայել Մինասյանի՝ իր հասցեին հնչեցրած մեղադրանքներին։ Մինասյանի պնդումները նա «ցնդաբանություն» է անվանել։

«Մ.Մինասյանի հերթական ցնդաբանությունը պետք է արժանանա պատշաճ քրեաիրավական գնահատականի և Մինասյանը պետք է պատասխան տա նաև այս սուտ մատնության համա»,- գրել է Արարատ Միրզոյանը։

Հիշեցնենք՝ Facebook-ի իր էջի ուղիղ եթերում Միքայել Մինասյանն ասել էր, թե Արարատ Միրզոյանը Թուրքիայի հատուկ ծառայությունների գործակալ է։ Նրա պնդմամբ՝ այդ մասին իմացել է Հայաստանի Ազգային անվտանգության ծառայությունն ու Միրզոյանն սպառնացել՝ կամ դառնալու двойной агент և աշխատելու է ԱԱԾ-ի համար, կամ պատասխան է տալու պետական դավաճանության համար։

Միքայել Մինասյանը նաև հրապարակել էր մի ձեռագիր դիմում, որն, ըստ նրա, գրել է հենց Արարատ Միրզոյանը 2007 թվականին։ Դիմումում Միրզոյանը խոստանում է «ՀՀ Սահմանադրության և օրենքների շրջանակում և իմ հնարավորությունների սահմանում աջակցելու ՀՀ Ազգային անվտանգության ծառայությանը»։

ԱԱԾ–ն Արարատ Միրզոյանի ծեծի թեմայով գաղտնալսված խոսակցություններ է հրապարակել. տեսանյութ

254
թեգերը:
լրտես, Արարատ Միրզոյան, Միքայել Մինասյան
Ըստ թեմայի
Արարատ Միրզոյանը հանդիպել է Գարեգին Բ-ի հետ
Ազգային ժողովը շարունակում է հերթական քառօրյան. նիստը վարում է Արարատ Միրզոյանը
ՀՀ նախագահն այցելել է ԱԺ, Արարատ Միրզոյանի հետ քննարկել երկրում ստեղծված իրավիճակը
C-400 «Տրիումֆ

Ռուսական C-400-ը «գրավում է» չորրորդ երկիրը. իսկ հետո՞

176
(Թարմացված է 00:11 17.01.2021)

Ռուսական արտադրության C-400 զենիթահրթիռային համակարգերի խաղաղ էքսպանսիան Եվրասիայի նորանոր երկրներ է ընդգրկում։  Չինաստանից, Թուրքիայից, Հնդկաստանից հետո «Տրիումֆ»-ով վերազինման են պատրաստվում Բելառուսի Հանրապետության Ռազմաօդային ուժերն ու ՀՕՊ-ը։ C-400 համակարգերի ձեռքբերման գործընթացում են նաև Իրաքը, Քաթարը և Մարոկկոն (Աֆրիկյան մայրցամաքի հյուսիս-արևմուտք): Մոլորակում C-400 զենիթահրթիռային համակարգի հաջող տարածման հիմքը մոտ անալոգների բացակայությունն է, բացառիկ մարտական բնութագրերը։

Ալեքսանդր Խրոլենկո, ռազմական վերլուծաբան

Բելառուսի Հանրապետության զինված ուժերի ռազմաօդային ուժերի և հակաօդային պաշտպանության զորքերի հրամանատար, գեներալ-մայոր Իգոր Գոլուբը հունվարի 14-ին հայտարարել է C-400 «Տրիումֆ» նորագույն համակարգերով ՀՕՊ ստորաբաժանումների վերազինման մասին, որոնք հատուկ մշակված են ԱՄՆ-ի ռազմաօդային ուժերի հինգերորդ սերնդի F-22 և F-35 կործանիչների մարտական հնարավորությունների հաշվառմամբ (ՆԱՏՕ-ն պլանավորում Է Եվրոպայում հարյուրավոր F-35-ներ տեղակայել):

Բացի այդ, զորքերում ընթանում են «Панцирь-С» զենիթահրթիռային-հրանոթային համալիրի յուրացման նախապայմանագրային աշխատանքները։ Կնքվել են Մի-35 բազմանպատակային հարվածային ուղղաթիռների և ռուսական արտադրության Սու-30ՍՄ կործանիչների երկրորդ խմբաքանակի մատակարարման պայմանագրեր: Բելառուսական զորքերը 2021 թվականին սպառազինության մեջ կներառեն  «Противник-Г» և «Восток» նոր ռադարները:

Ավելի վաղ երկրի օդային տարածքի պահպանության մարտական հերթապահության էր անցել (Բարանովիչի շրջանում) ռուսական արտադրության S-դիապազոնի նոր «Сопка-2» եռակոորդինատային ռադիոլոկացիոն համալիրը: Արևմուտքի պատժամիջոցներն ու տնտեսական դժվարությունները Ռուսաստանը բելառուսական բանակի համար դարձնում են սպառազինության միակ մատակարարը։

Բելառուսի Հանրապետության երկինքն անառիկ ամրություն է դառնում ցանկացած ագրեսորի համար։ ՌՕՈւ-ի և ՀՕՊ-ի զորքերը սովորում են մարտական խնդիրներ լուծել ամենաբարդ իրադրությունում՝ հաշվի առնելով հակառակորդի կողմից հրթիռային զենքի և անօդաչու թռչող սարքերի կիրառման սիրիական, լիբիական և ղարաբաղյան փորձը:

Լավատեսական դինամիկա

Ռուսաստանի հետ ակտիվ ռազմատեխնիկական համագործակցությունն ամրապնդում է աշխարհի հիսուն երկրների, այդ թվում՝ ԱՊՀ յոթ երկրների անվտանգությունն ու ինքնիշխանությունը։ Արտերկրի մասնագետներն առավել արդյունավետ պաշտպանական գործիքներ են համարում ՌԴ արտադրության մարտական ինքնաթիռներն ու ՀՕՊ համակարգերը։

Չինաստանը դարձավ  С-400 «Триумф» զենիթահրթիռային համակարգերի առաջին արտասահմանյան պատվիրատուն։ С-400 ԶՀՀ-ների երկու գնդային փաթեթների մատակարարման ռուս-չինական պայմանագրի մասին հայտնի է դարձել 2014 թվականի նոյեմբերին: Մեկ փաթեթի կազմում են շարժական հրամանատարական կետը, արձակման կայանքների երկու դիվիզիոնը, ռադիոլոկացիոն կայանները և երկու տեսակի ավելի քան 120 նորագույն զենիթային կառավարվող հրթիռներ:

«Տրիումֆներից» առաջին հաջող կրակոցները չինացի մասնագետները կատարել են 2018 թվականի դեկտեմբերին, և մոտ 250 կմ հեռավորության վրա խոցել են 3000 մ/վ արագությամբ թռչող բալիստիկ թիրախը: С-400 համակարգերի երկրորդ գնդային կոմպլեկտը Չինաստանը ստացել է 2019 թվականի դեկտեմբերին։

Չինաստանում ռուսական «Տրիումֆների» հիմնական առավելություն են համարում մինչև 400 կիլոմետր գործողության հեռահարությունը (ինչը չի կարող աշխարհի ոչ մի «երկիր-օդ» հրթիռային համակարգ), հակառակորդի անօդաչու թռչող սարքերի ոչնչացման ունակությունը՝ մարտական գործողությունների ընթացքում թիրախավորումը  և մեծ հեռավորությունից լրտեսությունը կանխելու համար: C-400 համակարգերը թույլ են տալիս հուսալիորեն վերահսկել ծայրամասային և վիճելի շրջանները ՉԺՀ-ի շուրջ։

Ռուսաստանն ու Թուրքիան С-400 «Триумф» ԶՀՀ մատակարարումների մասին պայմանավորվել են 2017 թվականին, պայմանագրի գինը՝ 2,5 մլրդ դոլար: Դա լուրջ ճգնաժամ առաջացրեց թուրք-ամերիկյան հարաբերություններում։ Սպառնալով պատժամիջոցներ կիրառել, ինչպես նաև հանել Թուրքիային ամերիկյան F-35 կործանիչների արտադրության ծրագրից՝ Վաշինգտոնը պահանջում էր հրաժարվել գործարքից և ձեռք բերել բացառապես ամերիկյան Patriot համալիրները։ Անկարան չկատարեց ԱՄՆ-ի վերջնագրային պահանջները, և 2019 թվականի ամռանը ստացավ C-400 զենիթահրթիռային համակարգերի չորս դիվիզիոն (առաջին փաթեթ):

Թուրքիան մտադիր է ձեռք բերել երկրորդ փաթեթը և ձևավորել  ամենահուսալի և ժամանակակից համակարգը՝ երկրում կարևոր օբյեկտները պաշտպանելու համար: Անկարայի մոտ տեղակայված C-400 համակարգը փորձարկումների ընթացքում F-16 Fighting Falcon կործանիչ է հայտնաբերել ՌՏԿ-ի գործողության գոտու սահմանին՝ 600 կիլոմետր հեռավորության վրա:

Ինչպես զսպել ԱՄՆ-ի և ՆԱՏՕ-ի «ախորժակը»․ ՌԴ միջուկային ուժերի զորավարժությունները

Այսինքն, մարտական հերթապահության ռեժիմում, երբ օդային թիրախների հայտնաբերումն ու ոչնչացումն իրականացվում է ավտոմատ ռեժիմով, F-16 Fighting Falcon կործանիչները կարող են «Տրիումֆի» կողմից ոչնչացվել Անկարայից 400 կմ հեռավորության վրա։ Թուրքիային С -400 զենիթահրթիռային համակարգերի երկրորդ փաթեթ (գնդի) մատակարարելու վերաբերյալ սկզբունքային համաձայնություն է ձեռք բերվել 2020 թվականի հունիսին:

Հնդկաստանը 2018 թվականի հոկտեմբերին C-400-ի հինգ գնդային փաթեթների մատակարարման 5,43 մլրդ դոլարի պայմանագիր է կնքել: Դելիում վճռական են տրամադրված՝ չնայած ԱՄՆ-ի աննախադեպ ճնշմանը։ The Times Of India հրատարակության տվյալներով՝ ռուսական «Տրիումֆները» կտեղակայվեն Հնդկաստանի արևմտյան, հյուսիսային և արևելյան շրջաններում (հաշվի առնելով Չինաստանի եւ Պակիստանի կողմից սպառնալիքների դաշտը) և հեղափոխություն կդառնան երկրի ՀՕՊ համակարգում:

С-400 զենիթահրթիռային համակարգի շահագործման և մարտական կիրառման ուսուցման համար 100 հնդիկ մասնագետներից կազմված առաջին խումբը Ռուսաստան կժամանի մինչև 2021 թվականի հունվարի վերջը: Հնդկաստանում «Տրիումֆների» առաջին գնդային փաթեթը նախատեսվում է սպառազինության վերցնել 2021 թվականի վերջին: Ռուսաստանը մտադիր է մինչև 2025 թվականը մատակարարել C-400 ԶՀՀ-ների բոլոր հինգ գնդային փաթեթներ:

Հաղթական հեռանկարներ

«Տրիումֆների» ձեռքբերման բանակցություններ են վարում Մարոկկոն, Քաթարը, Իրաքը։ Ավելի վաղ ռուսական C-400 զենիթահրթիռային համակարգի ձեռքբերման հարցում շահագրգռվածություն էին հայտնել Ալժիրը, Վիետնամը, Եգիպտոսը, Սաուդյան Արաբիան, ընդհանուր առմամբ՝ 12 երկիր:

Արտասահմանյան պահանջարկը գերազանցում է արտահանողի առաջարկը (վերազինման գերակայությունը շարունակում են մնալ Ռուսաստանի Օդատիեզերական ուժերը)։ Թեև ԱՄՆ-ի Պատժամիջոցների միջոցով հակառակորդներին հակազդելու մասին օրենքով (նախագահ Դոնալդ Թրամփի կողմից ստորագրվել է 2017 թվականի օգոստոսին) այդ պետությունների դեմ կարող են պատժամիջոցներ սահմանել: Ոչինչ չի կանգնեցնի աշխարհի լավագույն C-400 մեծ հեռահարության հակաօդային պաշտպանության համակարգին իր ճանապարհին։

«Տրիումֆ» համակարգերը փոխում են աշխարհը։ Եթե C-400 զենիթահրթիռային համակարգերը ձեռք բերի, օրինակ, Իրանը, Պարսից ծոցի գոտում ԱՄՆ-ի ավիակիրներն անօգուտ խաղալիքների կվերածվեն։ Վաշինգտոնն անխուսափելիորեն ստիպված կլինի շտկել աշխարհայացքի հայեցակարգը, «վերաիմաստավորել իր ոճը» Իրանի հետ երկխոսության հարցում։ Եվ դա արդեն տեղի է ունենում Իրաքում։

Իրաքում ԱՄՆ դեսպանատունն ու ռազմակայանները պարբերաբար հրթիռակոծվում են։ Ամերիկյան զենիթահրթիռային համալիրները չեն կարողացել անդրադարձնել հրթիռային հարձակումները։ Հրթիռները պայթել են Բաղդադի «կանաչ գոտում», ինչը ԱՄՆ-ին ստիպել է տարհանել դիվանագիտական անձնակազմի մեծ մասը և իրաքցիներից վարձակալել Ռուսաստանից ձեռք բերված «Панцирь-С» ԶՀՀ-ն:

Սակայն վերադառնանք C-400 զենիթահրթիռային համալիրներին։ «Տրիումֆի» կարևոր առավելություններն են ՌՏԿ-ի շրջանաձև տեսադաշտը և չորս տեսակի հրթիռների կիրառման ճկունությունը (բազմամակարդակ ՀՕՊ-ի ձևավորում): Տարբեր տիպի հրթիռների օգտագործումը թույլ է տալիս արդյունավետ կերպով խոցել գերձայնային թիրախները, մարտական ավիացիան, անօդաչու սարքերը, թևավոր, տակտիկական և բալիստիկ հրթիռները բարձրությունների ողջ մատչելի տիրույթում՝ 5 մետրից մինչև 30 կմ, և հեռահարության տիրույթում՝ 400 կմ-ից մինչև 2 կմ:

Ադրբեջանում թուրքական ավիաբազաների տեղակայումն ուղղակի մարտահրավեր է ՌԴ–ին և Իրանին

«Տրիումֆի» մեկ մարտկոցը կարող է ունենալ մինչև 72 հրթիռ և միաժամանակ գնդակոծել մինչև 36 թիրախ, որոնք թռչում են մինչև 4800մ/վրկ արագությամբ: С -400 համակարգը կարող է ինտեգրել տարբեր տիպի զենիթահրթիռային համակարգերը (С-300, Панцирь-С1, Тор-М1) և կառավարել տարբեր հեռահարության ՀՕՊ միջոցների ցանցը՝ ռադիոէլեկտրոնային հակազդման ցանկացած պայմաններում:

Ի դեպ, արդեն 2021 թվականին ռուսական զորքերը կստանան C-500 հեղափոխական համակարգը, որը պատրաստ է պատերազմի մինչև 200 կմ բարձրություններում: Ռազմատեխնիկական համագործակցության գծով Ռուսաստանի գործընկերներին ժամանակն է տեղ զբաղեցնել նոր հերթում:

176
թեգերը:
սպառազինություն, Ռուսաստան, զենիթահրթիռային համալիր
Ըստ թեմայի
Ամենակարևորն այն է, որ Արցախում կողմերին ստիպեն չկրակել. նախկին խաղաղապահ Դեմուրենկո
Ի հեճուկս մարտահրավերների․ հետագա ինտեգրումը ոչ միայն Երևանին է պետք, այլև Մոսկվային
2020-ի արդյունքները․ ինչպես Ղարաբաղը Կովկասը վերադարձրեց լրահոսի առաջին հորիզոնական