Թադևոս Ավետիսյան

Ինչի՞ վրա դնել հույսը. համակարգային մոտեցումների՞, թե՞ իրավապահ մարմինների

66
(Թարմացված է 22:30 10.09.2019)
Շա՞տ է արդյոք 3,8 միլիարդի խնայողությունը, եթե խոսքը վերաբերում է աշխատանքի և սոցիալական հարցերի նախարարության գործունեությանը: Գուցե: Բայց ՀՅԴ Բյուրոյի տնտեսական հետազոտությունների գրասենյակի ծրագրերի համակարգող Թադևոս Ավետիսյանի կարծիքով` նախ խնայողությունը կարող էր ավելին լինել, երկրորդ՝ կարևոր է խնդրի որակական կողմը:

ԵՐԵՎԱՆ, 10 սեպտեմբերի — Sputnik. Facebook-ի հերթական գրառմամբ վարչապետ Նիկոլ Փաշինյանը հանրությանը հայտնեց, որ 2019-ի առաջին կիսամյակում կենսաթոշակների և նպաստների համակարգում աշխատանքի և սոցիալական հարցերի նախարարությունը խնայել է 3.8 միլիարդ դրամ:

«Կարո՞ղ ենք ասել, որ սրանք այդ ոլորտներում կոռուպցիայի դեմ հետևողական պայքարի և արդյունավետության բարձրացման արդյունք են: Այո, կարող ենք»,- նշել է վարչապետը։

Վարչապետի կարծիքի հետ մասամբ համամիտ է նաև Sputnik Արմենիայի զրուցակիցը` ՀՅԴ Բյուրոյի տնտեսական հետազոտությունների գրասենյակի ծրագրերի համակարգող և սոցիալական հարցերի նախկին փոխնախարար Թադևոս Ավետիսյանը:

«Դա ոչ թե սոցիալական ոլորտի համակարգային բարեփոխումների կամ աշխատանքի արդյունք է, այլ՝ իրավապահների աշխատանքի։ Շնորհակալություն պիտի հայտնենք իրավապահ մարմիններին, որոնք հետևողականորեն բացահայտելով տարբեր կոռուպցիոն ռիսկեր, նաև այսպիսի արդյունք են ապահովել: Իսկ համակարգային բարեփոխումները, որոնց մասին արդեն մեկ տարուց ավել, գրեթե ամեն օր խոսում ենք, և որոնք կբերեին կոռուպցիոն ռիսկերի կրճատման, օրինակ՝ թոշակների ոլորտում, կյանքի չեն կոչվել, և անընդհատ հետաձգվում են»,- ասաց Ավետիսյանը:

Դատավորներին թոշակի ուղարկելու ծախսը կառավարությունը դեռ չի հաշվել

Խոսքը աշխատանքային գրքույկների թվայնացման մասին է: Տնտեսագետը նշում է, որ աշխատանքային գրքույկների թվայնացումը կոչված էր աշխատանքային ստաժերի հավելագրումներին վերջ տալու համար:

«Աշխատանքային գրքույկների թվայնացումն սկսվել է 2016-ի կեսերից (իրավական հիմքն է դրվել), 2017-ին սկսվել է բուն գործընթացը, որը 2018-ին պիտի ավարտվեր:

Մինչդեռ օրվա իշխանությունը, չգիտես ինչով զբաղված լինելով, կարևորագույն համակարգային բարեփոխումը (որը բերելու էր կոռուպցիոն ռիսկերի իրական ու համակարգային նվազեցմանը, նաև օբյեկտիվ ձևավորված որոշակի խնայողությունների, որոնք կծառայեին կենսաթոշակների բարձրացմանը), անելու փոխարեն, այն մեկ տարով հետաձգեց: Եվ մեր ունեցած տվյալներով` 2019-ին էլ չեն ավարտի  այդ բարեփոխումը ու էլի անորոշ ժամկետով կհետաձգեն»,- նշեց Ավետիսյանը:  

Նրա խոսքով՝ բավարար թվով աշխատակիցներ կան այդ գործն անելու համար, բացի այդ, ընդամենը մոտ 200 հազար աշխատանքային գրքույկ է մնացել, որ թվայնացվի: Իսկ ո՞րն է պատճառը, որ այն ձգձգվում է:

Ինչքա՞ն են բարձրացել աշխատավարձերն ու կենսաթոշակները Հայաստանում

«Համակարգային մոտեցում չկա։ Կարող եմ ասել` կամ չեն հասկանում դրա կարևորությունը և հնարավոր դրական ազդեցությունը, կամ չեն ցանկանում, որոշակի այլ շահերից ելնելով, որովհետև առանց այդ բարեփոխման շարունակվում են  հավելագրումները և որոշ պաշտոնյաներ օգտում են դրանից»,- համոզված է Ավետիսյանը:

Նա կարծում է, որ իշխանությունը հույսը դրել է իրավապահների վրա, և դա է պատճառը, որ պարբերաբար ականատես ենք լինում հենց այդ ոլորտում ձերբակալությունների՝ թոշակների հավելագրման համար:

Իսկ վարչապետ Փաշինյանի Facebook-ում նշած 3,8 միլիարդ դրամ խնայողության մասին հարցին, Ավետիսյանը հարցով է արձագանքում։

«Հարցս ուղղում եմ պետական պատասխանատու պաշտոնյաներին. որքա՞ն կխնայվեր, եթե աշխատանքային գրքույկները թվայնացվեին: Տարբեր գնահատականներով, դա մի քանի անգամ ավելին կլիներ, քան թիվը, որ այսօր հնչեցվել է: Երկրորդ՝ արդյո՞ք մենք իրավունք ունենք խնայելու այսօր բաժանվող 35-40 միլիարդ նպաստները` այն պարագայում, երբ 100 հազար ընտանիք նպաստառու է, բայց նպաստի համակարգից դուրս մնացած 30 հազարից ավել ընտանիք կա:

Ավետիսյանի խոսքով` այդ համակարգում իրական աղքատների ավելացման փոխարեն (ինչը կբերի նաև որոշակիորեն ծայրահեղ աղքատության կրճատման, սոցխնդիրների որոշակի լուծման)  խնայողության մասին են մտածում, որը նախ բավարար չէ, մանավանդ, երբ խոսում ենք չիրականացած բարեփոխումների մասին, որոնք կարող էին բերել բազմապատիկ ավելի մեծ խնայողություն, երկրորդ՝ տարբեր ֆիլտրեր մտցնելով, մարդկանց նպաստների համակարգից դուրս են թողնում, այդ թվում` մարդկանց, որոնք օբյեկտիվորեն աղքատ են, և անունը դնում են խնայողություն:

Ռուսաստանը Հայաստանից մեկնած աշխատանքային միգրանտներին կենսաթոշակ կվճարի

«Եկեք ավելի խստացնենք, 5 անգամ խստացնենք մոտեցումը և տարին ամփոփենք խնայողություններով: Տեսեք, 2018-ին էլ զբաղվածության պետական ծրագրերի 1,7 միլիարդից ծախսվել էր 400 միլիոնը, և 1,3 միլիարդի անունը կարող էին դնել խնայողություն: Բայց արդյո՞ք այդպիսի խնայողությունները սոցիալական պետությանը հարիր են և իրենց առաջ դրված նպատակներից են բխում»,-ընդգծեց Ավետիսյանը:

Այլ կերպ ասած՝ խնայողությունն, իհարկե, իր տեղն ունի, մանավանդ, երբ խոսքը բյուջեի միջոցների մասին է, սակայն էական է նաև խնդրի որակական կողմը, որի մասին մեզանում կարծես մոռանում են, վերջերս ավելի՝ հաճախ:

Առանց նպաստի, 31 000 դրամ թոշակով. 65–ամյա կնոջ տունը սկսվում և ավարտվում է ննջասենյակով

66
թեգերը:
թոշակառու, Թոշակ, Նպաստ, տնտեսագետ, Թադևոս Ավետիսյան, Նիկոլ Փաշինյան, Հայաստան
Ըստ թեմայի
Առողջապահության համընդհանուր ապահովագրումը կարող է գործել 2021 թվականից. Թորոսյան
Հայաստանում կենսաթոշակները 2020–ին կբարձրանան. փոխնախարար
Երևանը հայտնվել է ռուսաստանցի թոշակառուների նախընտրած քաղաքների ցանկում
Անվճար իրավաբանական խորհրդատվություն՝ կենսաթոշակառուներին․ նոր նախագիծ կներկայացվի
Աննա Հակոբյան

Վերադարձրու զարդերս ու վճարիր պատվիրածդ հագուստի գումարը. Սոֆյա Խուդոյանը` Աննա Հակոբյանին

134
(Թարմացված է 17:42 27.11.2020)
ՀՀ վարչապետի կնոջ նախկին վարսահարդար Սոֆյա Խուդոյանն Աննա Հակոբյանից պահանջել է չջնջել իր մեկնաբանություններն ու պատասխան տալ։

ԵՐԵՎԱՆ, 27 նոյեմբերի - Sputnik. Վերադարձրու զարդերս ու վճարիր պատվիրածդ հագուստի գումարը։ ՀՀ վարչապետ Նիկոլ Փաշինյանի կնոջը` Աննա Հակոբյանին, այսպիսի պահանջ է ներկայացրել նրա նախկին վարսավիրը` Սոֆյա Խուդոյանը։ Նա մեկնաբանություն է գրել Հակոբյանի գրառումներից մեկի տակ։

«Մի ջնջիր, նորից ու նորից կգրեմ, մինչև ուշքի գաս, Աննա: Շրջայցերի ժամանակ նամուսդ թե գտնես, զանգիր, վերադարձրու զարդերս ու վճարիր պատվիրածդ հագուստի գումարը: Ամոթ ա: Մի ջնջիր»,–գրել է նա:

Ինչ է իրականում տեղի ունեցել Մովսես Հակոբյանի և Աննա Հակոբյանի միջև. պատմում է գեներալը

Վարսահարդարը Facebook-ի էջում նշել է, որ արդեն մեկ տարի է, ինչ փորձում է կապ հաստատել պետության ղեկավարի օգնականների հետ, բայց ապարդյուն։ Խուդոյանը նաև խոստացել է հանրությանը ներկայացնել ստացված պատասխանը։

59 ժողով` Հարավսլավիայի 1-ին տիկնոջ թեմայով, կամ Աննա Հակոբյանի՞ն ենք ընտրել, թե՞...

134
թեգերը:
Աննա Հակոբյան, Հայաստան
Ըստ թեմայի
Վահրամ Պողոսյանը հերքում է Արամ Գաբրելյանովի պատմածն Աննա Հակոբյանի և Սեմյոն Պեգովի մասին
«Իմ քայլը» հիմնադրամը 1 մլն դոլար է նվիրել «Զինծառայողների ապահովագրության» հիմնադրամին
«Սանատորիա՞ էր հրթիռակոծվող Ստեփանակերտը». վարչապետը խոսեց իր տիկնոջ շուրջ լուրերի մասին
Ջուր

Սպառողների համար խմելու ջրի սակագինը կմնա անփոփոխ

127
(Թարմացված է 16:48 27.11.2020)
ՀՀ հանրային ծառայությունները կարգավորող հանձնաժողովը, «Վեոլիա Ջուր» ՓԲԸ-ն ու փոխվարչապետի գրասենյակը քննարկել են նաև 2020թ-ին սակագնի բարձրացումը կանխելու հարցը:

ԵՐԵՎԱՆ, 27 նոյեմբերի - Sputnik. ՀՀ հանրային ծառայությունները կարգավորող հանձնաժողովն այսօր սահմանել է «Վեոլիա Ջուր» ՓԲԸ-ի կողմից բաժանորդներին խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման 2021 թվականի սակագները:

Սպառողների համար ջրի սակագինը կմնա անփոփոխ՝ մեկ խորանարդ մետրի համար 180 դրամ:

Հանձնաժողովի կատարած հաշվարկների համաձայն՝ ջրամատակարարման ու ջրահեռացման ծառայությունների գումարային մեծությունը յուրաքանչյուր 1 խորանարդ մետրի համար կազմում է 178,247 դրամ (ներառյալ ԱԱՀ-ն), ինչը գործող սակագներից պակաս է 1,753 դրամով:

Բանն այն է, որ 2022 թվականին նախատեսվում է ջրամատակարարման ու ջրահեռացման սակագների աճ, որը մեղմելու համար ՀՀ փոխվարչապետի գրասենյակը, ՀՀ տարածքային կառավարման և ենթակառուցվածքների նախարարությունն ու «Վեոլիա ջուր» ընկերությունը քննարկել են 2021 թվականի համար հաշվարկված սակագների տարբերությունը՝ 1.761 դրամը, 2022թ տեղափոխելու ու այդպիսով 2022 թվականին սպասվող սակագինը ևս անփոփոխ պահելու հարցը:

Հանձնաժողովի որոշումն ուժի մեջ կմտնի 2021 թվականի հունվարի 1-ից:

127
թեգերը:
Հանրային ծառայությունները կարգավորող հանձնաժողով (ՀԾԿՀ), սպառող, գին, ջուր
Ըստ թեմայի
Հայ ռազմագերիներ. ԿԽՄԿ–ն հերքում է, Արտակ Բեգլարյանը` նախազգուշացնում
Եթե Ադրբեջանի կողմից տարածվող տեսանյութերում ճանաչել եք հարազատի, դիմեք Քննչական կոմիտե
«Վերադարձրեք մեր էրեխեքին». ժամկետային զինծառայողների ծնողները մեծ ակցիա կիրականացնեն

«Փաշինյանի հրաժարականը շատ կարճ ժամանակում իրականություն է դառնալու». Վանեցյան

0
Արթուր Վանեցյանը Sputnik Արմենիայի հետ զրույցում անդրադարձել է վարչապետ Նիկոլ Փաշինյանի հրաժարականին ուղղված ընդդիմադիր ուժերի հետագա գործողություններին, ԼՂ հարցի վերաբերյալ եռակողմ հայտարարության մասին իրենց մոտեցումներին, վարչապետ դառնալու իր նկրտումներին։

«Հայրենիք» կուսակցության ղեկավար, ԱԱԾ նախկին տնօրեն, գեներալ-մայոր Արթուր Վանեցյանը վստահեցնում է, որ ակտիվորեն աշխատում են վարչապետ Նիկոլ Փաշինյանի հրաժարականի ուղղությամբ։

«Հասարակության մեջ ձևավորվել է գրեթե 100 տոկոսանոց կոնսենսուս այն հարցի շուրջ, որ Նիկոլ Փաշինյանն այլևս ո՛չ բարոյական, ո՛չ քաղաքական առումով իրավունք չունի զբաղեցնելու երկրի ղեկավարի պաշտոնը և պետք է օր առաջ հեռանա»,-Sputnik Արմենիային ասաց Վանեցյանը։

ԱԱԾ նախկին տնօրենը համաձայն չէ այն կարծիքի հետ, որ վարչապետի հրաժարականի պահանջով ընդդիմադիր ուժերի զանգվածային ակցիաները որևէ արդյունքի չեն հանգեցրել։

«Պատերազմի սկզբից ի վեր Նիկոլ Փաշինյանի բոլոր քայլերը միտված են իր իշխանությունն ամեն կերպ պահպանելուն։ Բայց հավատացեք` նրա հրաժարականը շատ կարճ ժամանակում իրականություն է դառնալու, և նրա` վարչապետի պաշտոնին մնալու յուրաքանչյուր օրն ու վայրկյանը լրջագույն սպառնալիք է Հայաստանի Հանրապետության համար»,- շեշտեց Վանեցյանը։

Ըստ «Հայրենիք» կուսակցության ղեկավարի` Փաշինյանի հրաժարականի հարցն ի վերջո լուծելու է Ազգային ժողովը։

Վանեցյանը կարծում է, որ «Իմ քայլը» խմբակցության պատգամավորներն արդեն իսկ ունեն այդ որոշումը։

Հարցին, թե ինչո՞ւ չի հավաքվում կրիտիկական այն զանգվածը, որի ճնշմամբ Փաշինյանը կարող է հեռանալ, Վանեցյանը պատասխանեց` կրիտիկական զանգվածը որոշվում է ոչ թե հրապարակում հավաքված մարդկանց քանակով, այլ մարդկանց ուղեղներում առկա ցանկություններով։ ԱԱԾ նախկին տնօրենը խոստովանեց, որ իրենց համար ևս դեռ հստակ չէ, թե Փաշինյանի հնարավոր հրաժարականի դեպքում ով է փոխարինելու նրան։

 

0