Շարմ էլ Շեյխի օդանավակայանը

Շարմ Էլ Շեյխի ավելի քան 100 հայ զբոսաշրջիկի «բախտը չի բերել»

362
(Թարմացված է 11:32 10.09.2019)
Ի տարբերություն նախորդ դեպքերի,  այս անգամ, տուրընկերության պնդմամբ, ինքնաթիռն օդանավակայանում է, սպասում է չվերթի թույլտվությանը։

ԵՐԵՎԱՆ, 10 սեպտեմբերի – Sputnik. Հայաստանից հանգստի մեկնած ավելի քան հարյուր զբոսաշրջիկ գիշերել է Շարմ էլ Շեյխի օդանավակայանում`սպասելով իրենց չվերթին։

Sputnik Արմենիայի հետ զրույցում չվերթը կազմակերպած Sky Tour ընկերության ներկայացուցիչն ասաց, որ հետաձգման պատճառը եգիպտական ավիացիոն իշխանության անսպասելի ստուգումներն են։

«Չվերթը 5 ժամով հետաձգվել է, բայց ամեն ինչ նորմալ է։ Ինքնաթիռը 20 րոպեից պետք է մեկնի։ Եգիպտական ավիացիոն ղեկավարությունն ինքնաթիռների ընտրովի ստուգում էր անցկացնում։ Մի փաստաթուղթ էր պակասում, մենք այն ուղարկել ենք։ Այժմ այն ստուգում են, սպասում ենք դրական պատասխանի, որ ինքնաթիռն օդ բարձրանա»,–ասաց զբոսաշրջային գործակալության աշխատակիցը։

Նրա խոսքով` ինքնաթիռը Շարմ էլ Շեյխում է, օդաչուներն ու ուղևորներն արդեն 4 –ժամ է՝ սպասում են, պարզապես, նրանց բախտը չի բերել։

Նշենք, որ Եգիպտոսից եկող ինքնաթիռին «Զվարթնոցում» սպասում են նաև մարդիկ, ովքեր նոր պետք է հանգստի մեկնեն։

Երևանից Շարմ էլ Շեյխ չվերթը պետք է կայանար 08:30–ին, այժմ այն հետաձգվել է մինչև 12:10։

Ինչ է տեղի ունեցել հայերի հետ Եգիպտոսում. պատասխանում է զբոսաշրջային ընկերությունը

Հիշեցնենք, որ հուլիսի 25-ին Հուրգադա-Երևան թիվ OTF 3703 չվերթի չեղարկման պատճառով ՀՀ քաղաքացի զբոսաշրջիկները մնացել էին Եգիպտոսում։

Չվերթը չեղարկվել էր A&R հայկական տուր օպերատորի կողմից հունական Orange to Fly ավիաընկերության նկատմամբ ունեցած ֆինանսական պարտականությունները չկատարելու պատճառով։

362
թեգերը:
ինքնաթիռ, օդանավակայան, Շարմ Էլ Շեյխ, չվերթ, Զբոսաշրջիկ
Ըստ թեմայի
Երևան-Շարմ Էլ Շեյխ չվերթի 2 ուղևորի մոտ փամփուշտներ են հայտնաբերել
Փոքր երեխաների հետ օդանավակայանում ենք. հայ զբոսաշրջիկները կրկին մնացել են Եգիպտոսում
Եգիպտոսի Շարմ էլ Շեյխից ավիաչվերթերը վերականգնվել են