«Գիշերային գայլերի» առաջնորդն իր «Ռուսական Ռեակտորը» ցուցադրեց Հայաստանում
(Թարմացված է 21:03 09.09.2019)
Ալեքսանդր Զալդոստանովը համարում է, որ իր ֆիլմը Ռուսաստանի պատմության տարեգրությունն է։ ԵՐԵՎԱՆ, 9 սեպտեմբերի — Sputnik. Այսօր Երևանում կայացավ «Գիշերային գայլեր» մոտոակումբի առաջնորդ Ալեքսանդր Զալդոստանովի (հայտնի է «Խիրուրգ» մականունով) «Ռուսական Ռեակտոր» ֆիլմի պրեմիերան։
«Այս ֆիլմը մեր հայացքն է` ուղղված Ռուսաստանի պատմությանը, որը մենք գրում ենք մեր մոտոցիկլետներով։ Մենք, ինչպես և մեր նախնիները 100 տարի առաջ, տեսել ենք` ինչպես է մեր պետությունը փլուզվում, նորից հառնում Փյունիկի պես, երկար սպասված վերածննդի հույս պարգևում, որն անհնար է բացատրել միայն մարդկանց ջանքերով կամ քաղաքական դոկտրիններով», – ասաց ռեժիսորը։
Ֆիլմի որոշ դրվագներում նա ցույց է տվել ակումբի պատմության մեջ ամենաաղմկահարույց «Ռուսական Ռեակտոր 2017» բայք–շոուի հարթակը։ Այնտեղից նա տեղափոխվում է պատմական տարբեր շրջաններ։ Զալդոստանովը վստահ է, որ ֆիլմը ռուսական ճակատագրի տարեգրությունն է. այնտեղ ներկայացված է Ռուսաստանի պատմությունը Հոկտեմբերյան հեղափոխությունից մինչև մեր օրեր։
«Ամեն մի դրվագում արտացոլվել է ռուսների դժվարություններն ու դժբախտությունը, որոնք, սակայն, չնայած այդ ամենին` ապրելու ուժ էին գտնում։ Ու ոչ միայն ապրելու, այլև տնտեսության, գիտության մեջ, տիեզերքը նվաճելու գործում հաջողության հասնելու։ «Ռեակտորի» կերպարը էներգիան ու ռուսական ոգին», – ասում է Խիրուրգը։
Ռուսաստանի հայկական ժառանգությունը կզետեղվի միասնական էլեկտրոնային բազայում. Տողանյան
Ֆիլմի պրեմիերան կայացել է 2018 թվականի մարտի 16–ին` Ռուսաստանի ու Ղրիմի վերամիավորման չորրորդ տարեդարձին, Սևաստոպոլում։ «Ռուսական Ռեակտորը» մեծ իրարանցում էր առաջացրել. այդ օրը ֆիլմն անդադար ցուցադրվել էր չորս անգամ։ Այդ ժամանակ ֆիլմը ցուցադրվել էր Ռուսաստանի բազում քաղաքներում, Դոնեցկի Ժողովրդական Հանրապետությունում, Լուգանսկի Ժողովրդական Հանրապետությունում, Սերբիայում։ Բացի սրանից, սահմանափակ ցուցադրություններ են եղել մայիսի 9–ին Գերմանիայում, Ռումինիայում, Սլովակիայում, Չեռնոգորիայում, Ավստրալիայում և մի շարք այլ երկրներում։
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։