Xiaomi-ն ներկայացրել է անլար լիցքավորման` աշխարհի ամենաարագ տեխնոլոգիան
(Թարմացված է 19:27 09.09.2019)
Նոր տեխնոլոգիայի միջոցով հնարավոր կլինի սմարթֆոնը լիցքավորել մոտ մեկ ժամում։
ԵՐԵՎԱՆ, 9 սեպտեմբերի – Sputnik. Չինական Xiaomi ընկերությունը ներկայացրել է աշխարհի ամենաարագ անլար լիցքավորման տեխնոլոգիան, որի հզորությունը կազմում է 30 վատտ։ Այս մասին հայտնում է gizmochina-ն։
©
Sputnik / Andranik Ghazaryan
Արտադրողը հայտնում է, որ Mi Charge Turbo անվանումը կրող տեխնոլոգիան սմարթֆոնները կլիցքավորի ավելի արագ, քան 27 Վտ հզորություն ունեցող լարային լիցքավորիչը, որը մտնում է Xiaomi-ի ֆլագմանային սմարթֆոնների հետ վաճառվող լրակազմի մեջ։ Օրինակ՝ 4000 մԱ·ժ տարողությամբ մարտկոցի 50 տոկոսը հնարավոր է լիցքավորել 25 րոպեում, իսկ 100 տոկոսը՝ 69 րոպեում։
Xiaomi-ն իր սմարթֆոնները կվաճառի հյութերի ու սուրճի պես. լուսանկար
Բացի դրանից, Mi Charge Turbo տեխնոլոգիայի միջոցով հնարավոր է լիցքավորել նաև այլ սմարթֆոններ, խելացի ժամացույցներ, ինչպես նաև ականջակալներ։
©
AFP 2020 / Mike Stobe / Getty Images / AFP
Օրինակ՝ iPhone XS-ը Xiaomi-ի միջոցով լիցքավորելիս, 20 տոկոս լիցքի է հասնում ընդամենը 30 րոպեում։ Համեմատության համար նշենք, որ Huawei P30 Pro-ն Apple-ի սարքի լիցքը կես ժամում հասցնում է ընդամենը 13 տոկոսի։
Ընդամենը 17 րոպե, և սմարթֆոնն ամբողջությամբ լիցքավորված է. տեսանյութ
Առաջին սմարթֆոնը, որը կստանա Mi Charge Turbo, լինելու է Xiaomi Mi 9 Pro 5G մոդելը։ Այս մասին Twitter-ում գրառում է կատարել ընկերության փոխնախագահը։
Thrilled to share that today we introduced major breakthroughs in the wireless charging industry, including the world’s first 30W fast wireless charging device with high power reverse-charging capabilities. Mi 9 Pro 5G will sport this technology soon! #5GIsHere #Xiaomi pic.twitter.com/oHT7TLAJ0L
— Wang Xiang (@XiangW_) September 9, 2019
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։