«Փոթորիկ մի բաժակ ջրում». ո՞վ է կազմել Քոչարյանի գործով ՍԴ դիմումը, և ի՞նչ կապ ունի Elawphant–ը
(Թարմացված է 14:45 09.09.2019)
Հայկական ԶԼՄ–ները գրել են, որ Սահմանադրական դատարանի դիմումը Մարդու իրավունքների եվրոպական դատարան կազմել է իրավաբանական ընկերություն, որը կապված է Ռոբերտ Քոչարյանի փաստաբանի հետ։ԵՐԵՎԱՆ, 9 սեպտեմբերի — Sputnik. Ինչ–որ մեկն ուզում է «խաղալ» Հայաստանում հայտնի իրավաբանական ընկերության բարի անվան հետ։ Այդ մասին Sputnik Արմենիա մուլտիմեդիոն մամուլի կենտրոնում կայացած մամուլի ասուլիսում հայտարարեց «Կոնցեռն դիալոգ» փաստաբանական գրասենյակի տնօրեն Սեդրակ Ասատրյանը` մեկնաբանելով իր ղեկավարած ընկերության շուրջ ստեղծված սկանդալը, որը որոշ ԶԼՄ–ներ կապում են Սահմանադրական դատարանի կողմից Վենետիկի հանձնաժողով և Մարդու իրավունքների եվրոպական դատարան Ռոբերտ Քոչարյանի գործով ներկայացրած դիմումների հետ։
©
Sputnik / Andranik Ghazaryan
Անցած շաբաթ 1in.am–ը գրել էր, որ ՍԴ դիմումները վերոնշյալ եվրոպական ատյաններ կազմված են եղել խախտումներով։ Պարբերականը հրապարակել էր դիմումների ֆայլի բնութագրերի պատճենները (սքրինշոթ), որում որպես ֆայլի հեղինակ նշված է «Elawphant»։
Բանն այն է, որ գոյություն ունի համանուն փաստաբանական գրասենյակ, որը գլխավորում է Գևորգ Հակոբյանը։ Վերջինս ընկերությունը հիմնել է 2016թ–ին, իսկ մինչ այդ աշխատել է «Կոնցեռն դիալոգում»։ «Կոնցեռնի» բաժնետերերից է Արամ Օրբելյանը` Քոչարյանի փաստաբաններից մեկը։ Բացի դրանից, Elawphant ընկերության ավագ աշխատակից է Ռուզաննա Աբրահամյանը, որն էլ զբաղեցվում է ՍԴ նախագահ Հրայր Թովմասյանի օգնականի պաշտոնը։
1in.am–ի հրապարակումը մեծ աղմուկ է բարձրացրել լրատվական դաշտում, որից հետո «Կոնցեռնի» տնօրենը որոշել է հանդես գալ պարզաբանումներով։
©
Sputnik / Andranik Ghazaryan
Ասատրյանը զրպարտություն որակեց իր ընկերության մասին խոսակցությունները, ինչպես նաև այն, որ Վենետիկի հանձնաժողով ուղարկած ՍԴ դիմումը Օրբելյանն է կազմել։ Նա հայտարարեց, որ «Կոնցեռն դիալոգը» գործում է 2003թ–ից և այնտեղ աշխատել են բազմաթիվ հայտնի իրավաբաններ։ Նրանցից մեկը Գևորգ Հակոբյանն է, որը հետագայում որոշեց բացել սեփական ընկերությունը։
«Եթե այդ ընկերության անվանումը կա փաստաթղթերում, ընդհանրապես ի՞նչ կապ ունի «Կոնցեռն դիալոգը»։ Մեզ այդ պատմության մեջ ներքաշելու փորձն ուղղակի անհեթեթություն է։ Հետո էլ ինչի՞ց են վերցրել, որ դիմումը կազմել է Elawphant ընկերությունը։ Խոսքն ընդամենը համակարգչում ֆայլի «յուզերի» անվանման մասին է», – ասաց Ասատրյանը։
Եթե «Կոնցեռն դիալոգը» փորձում են կապել Քոչարյանի հետ, ապա, Ասատրյանի խոսքով` ինչպես կարելի է բացատրել այն հանգամանքը, որ հենց ֆիրմայի իրավաբանը` ներկայիս արդարադատության նախարար Ռուստամ Բադասյանը, 2018թ–ին պաշտպանել է վարչապետ Նիկոլ Փաշինյանի շահերը։ Բողոքի ցույցերի ժամանակ Փաշինյանին ձերբակալել էին և տարել անհայտ ուղղությամբ, և մեկ օր նրա գտնվելու վայրն անհայտ էր։ Ասատրյանը նաև հաղորդեց, որ վարչապետի խորհրդական Եղիշե Կիրակոսյանը նույնպես ժամանակին աշխատել է «Կոնցեռնում», բայց ոչ ոք ընկերությունն «իշխանամետ» չի անվանում։
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։