Գյուղ

Էպիլեպսիայով հիվանդ աղջնակի կորչելը հանելուկ է գյուղի համար. ինչպե՞ս է եղել. մանրամասներ

485
(Թարմացված է 15:53 08.09.2019)
Կուտական գյուղի համայքապետի խոսքով` Արեգային փնտրում է ողջ գյուղը, անգամ` դրոնով են տարածքը նայել։

ԵՐԵՎԱՆ, 8 սեպտեմբերի — Sputnik. Գեղարքունիքի մարզի Կուտական գյուղում 15–ամյա Արեգայի կորելու փաստը ամբողջ համայնքի համար հանելուկ է մնացել։ Այս մասին Sputnik Արմենիայի հետ զրույցում ասաց Գեղամասար համայնքի ղեկավար Հակոբ Ավետյանը (Կուտականը մտնում է խոշորացված Գեղամասար համայնքի կազմում)։

«Երեկ երեկոյան ժամը 7–ի կողմերը, երբ հանդից անասունները բերել են, աղջկա մայրը գոմ է տարել անասուններին։ Այդ ընթացքում է կորել երեխան։ Մայր ու աղջիկ կանգնած են եղել, մայրն աղջկան ասել է, թե 5 րոպե սպասի, մինչև գոմ մտցնի անասուններին, իսկ երբ դուրս է եկել, երեխան տարածքում չի եղել»,–ասաց նա։

Ավետյանի խոսքով` աղջիկը, բացի էպիլեպսիայից, նաև հոգեկան առողջության խնդիրներ ունի։ Ըստ նրա` երբեմն, երբ աղջկա մոտ առողջական վիճակը վատթարացել է, նա ծնողներին ասել է` տնից գնալու է, սակայն ծնողները շատ ուշադիր են և կանխել են դա։

Համայնքի ղեկավարն ասաց, որ Արեգան առողջական խնդիրների պատճառով դպրոց չի հաճախել` տանն է անհատական ուսուցում կազմակերպվել։ Աղջկա ընտանիքը դպրոցահասակ տղա էլ ունի։

«Ընտանիքի հայրը նույնպես էպիլեպսիա ունի, ու հիմա առողջությունը չի էլ ներում, որ որոնողական աշխատանքներին մասնակցի»,–ասաց նա։

Երևանում 6-րդ հարկից ընկած 2.5 տարեկան երեխայի ծնողներն օգնության կարիք ունեն

Ավետյանը նշեց նաև, որ երեկվանից ողջ գյուղը փրկարարների ու ոստիկանների հետ որոնողական աշխատանքներ է տանում, անգամ Կուտականի վարչական ղեկավարն է միացել նրանց։ Նրա խոսքով` երեկ դրոնով էլ են տեղանքը նայել, սակայն աղջկան գտնել դեռ չի հաջողվում։

Հիշեցնենք, որ սեպտեմբերի 6-ին, ժամը 21:07-ին «911» ծառայությունն ահազանգ է ստացել, որ Գեղարքունիքի մարզի Կուտական գյուղում երեխա է կորել: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը:

485
թեգերը:
ՀՀ արտակարգ իրավիճակների նախարարություն (ԱԻՆ), Կուտական, Գյուղապետ, աղջիկ, երեխա, Հայաստան
Ըստ թեմայի
Կուտական գյուղում 15-ամյա աղջիկ է կորել. նա տառապում է էպիլեպսիայով
Վանաձորում 20 տարեկան երիտասարդի են դանակահարել
Կայծակի հետևանքով Կոտայքում 10 կով է սատկել. հանդում նաև հովիվն է եղել
 Facebook

Ադրբեջանի իշխանությունն արգելափակել է գրեթե բոլոր սոցիալական ցանցերը

134
(Թարմացված է 11:40 27.09.2020)
Ադրբեջանում վաղ առավոտից սոցցանցային օգտատերերը բողոքում են, որ Facebook, Youtube, Whatsapp, TikTok սոցցանցային հարթակները չեն աշխատում։

ԵՐԵՎԱՆ, 27 սեպտեմբերի - Sputnik. Ադրբեջանի իշխանությունները արգելափակել են գրեթե բոլոր սոցիալական ցանցերը: Տեղեկությունը հայտնում է երկրի տրանսպորտի, կապի և բարձր տեխնոլոգիաների նախարարությունը:

Ադրբեջանի իշխանությունները պարզաբանել են, որ սոցիալական ցանցերի արգելափակումը պայմանավորված է «Հայաստանի կողմից լայնածավալ սադրանքները կանխելու համար»:

«Հուսով ենք, որ Ադրբեջանի քաղաքացիները ըմբռնում կցուցաբերեն՝ կապված այն սահմանափակումների հետ, որոնք կարող են ծագել սոցցանցային տիրույթում ՝ հակամարտության համատեքստում»,- նշել են նախարարությունից:

Նշենք, որ Ադրբեջանում սոցցանցային օգտատերերը վաղ առավոտից բողոքում են, որ Facebook, Youtube, Whatsapp, TikTok սոցցանցային հհարթակները չեն աշխատում:

Մեկ կին և մեկ երեխա. Մարտունիում խաղաղ բնակիչներ են զոհվել

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

«Պատերազմ են ուզում, պատերազմ էլ կստանան». Արցախի նախագահ

134
թեգերը:
Արցախ, հայ-ադրբեջանական, Ադրբեջան, Facebook
թեմա:
Ադրբեջանական ագրեսիա Արցախում. 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Ինչպես է հայկական զինուժը ոչնչացնում ադրբեջանական տանկերը. տեսանյութ
Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ
Երևան

Քանի՞ օր անձրև չի գա Հայաստանում. եղանակի տեսություն

39
(Թարմացված է 22:41 26.09.2020)
Օդերևութաբանների կանխատեսումներով` հանրապետության տարածքում առաջիկա օրերին օդի ջերմաստիճանի էական փոփոխություն չի գրանցվի։

ԵՐԵՎԱՆ, 27 սեպտեմբերի — Sputnik. Հայաստանի տարածքում սեպտեմբերի 27-ին տեղումներ չեն լինի։ Չոր եղանակը կշարունակվի մինչև սեպտեմբերի 30-ը։ Տեղեկությունը հայտնում է ՀՀ արտակարգ իրավիճակների նախարարությունը։

«Օդի ջերմաստիճանն էապես չի փոխվի»,– նշված է հաղորդագրության մեջ։

Երևանում սեպտեմբերի 27-ի ցերեկային ժամերին սպասվում է 28–30, երեկոյան՝ 23–25, գիշերը՝ 14+16 տաքություն։

Հայաստանի հյուսիսում` Շիրակում, սեպտեմբերի 27-ին ցերեկը սպասվում է 20–25, գիշերը՝ 6–10 տաքություն։ Հարավում` Սյունիքում, ցերեկը կլինի 22–25, գիշերը՝ 12–16 տաքությունը։ Արցախում նույնպես տաք աշուն է, ցերեկը օդի ջերմաստիճանը կտատանվի +20–ից +25–ի, գիշերը՝ +6–ից +10–ի սահմանում։

 Եղանակի կանխատեսում
Եղանակի կանխատեսում
39
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց
Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել
ՀՀ ոստիկանությունը մարտից ի վեր ավելի քան 145 հազար վարչական տույժ է նշանակել

Ադրբեջանական տանկերը հերթով խոցվում են. ՊՆ–ն նոր տեսանյութ է հրապարակել

0
(Թարմացված է 13:13 27.09.2020)
Պաշտպանության նախարարությունը հերթական տեսանյութն է հրապարակել, որում երևում է, թե ինչպես է խոցվում ադրբեջանական զրահատեխնիկան։

Հայկական զինուժը շարունակում է խոցել ադրբեջանական մարտական տեխնիկաները։ Տեղեկությունը հայտնում է ՀՀ ՊՆ մամուլի խոսնակ Շուշան Ստեփանյանը, որը տեսանյութ է հրապարակել Facebook–ում։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

Արցախում և Հայաստանում ռազմական դրություն և համատարած զորահավաք է հայտարարվել։

0
թեգերը:
Ադրբեջան, տեսանյութ, տանկ