Սիրահարներ

Այ քեզ բան. Facebook-ը ճակատագրեր է կապելու, սպորտային բրենդը` իր ժամացույցը, իսկ ծալվող սմարթֆոնը «թռցրել» են

443
(Թարմացված է 19:56 07.09.2019)
Ամերիկյան սոցցանցը որոշել է ծանոթացնել մարդկանց, ժամադրության գնացողների կծկումների հաճախականությունը կարողանալու է հաշվել գերմանական ընկերությունը, իսկ կորեական արտադրողի` շուկա հանած նոր սարքն արդեն հայտնվել է ծալվող սմարթֆոնների 1000 սիրահարների գրպանում։

ԵՐԵՎԱՆ, 7 սեպտեմբերի – Sputnik, Գոռ Մարգարյան․ Այս շաբաթ պարզվեց, որ Մարկ Ցուկերբերգը ցանկանում է սրտեր միավորել, իսկ Puma-ն ստեղծել է սեփական «խելացի» ժամացույցը, իսկ ծալվող սմարթֆոնների առաջին խմբաքանակը վաճառվել է ընդամենը մի քանի ժամում։ Հիմա ամեն ինչի մասին՝ հերթով։

Ֆեյսբուքը Կուպիդո՞ն է դարձել

Աշխարհի ամենախոշոր սոցցանցը թողարկել է սեփական ծանոթությունների ծառայությունը՝ Facebook Dating-ը։ Հավելվածը թույլ կտա գտնել ձեզ համապատասխան մարդուն՝ հիմնվելով ընդհանուր հետաքրքրությունների, այցելած միջոցառումների և խմբերի վրա։ Ցուկերբերգի թիմը տարիքային սահմանափակում է դրել իր այս ծառայության վրա, և դրանից կարող են օգտվել միայն 18 տարեկան դարձած և Facebook հավելվածի վերջին տարբերակն ունեցող մարդիկ։ Այս մասին սոցցանցը հայտնել է իր պաշտոնական բլոգում։

Facebook Dating-ի անձնական հաշիվը ստեղծվում է սոցցանցի հիմնական հաշվից առանձին։ Նորույթի մեխանիզմը չի տարբերվում նմանատիպ ծառայություններից՝ այստեղ էլ են հայտնվում տարբեր օգտատերերի լուսանկարներ, որոնք պետք է հավանել կամ հակառակը։ Հաղորդագրություններն անմիջապես ուղարկվում են հավանած օգտատիրոջ անձնական հաշիվ։ Այս համակարգը շատ հետաքրքիր առանձնահատկություն ունի, որը կոչվում է «Secret Crush»: Գործառույթի միջոցով հնարավոր է շփվել մարդկանց հետ «գաղտնի երկրպագուի» ռեժիմով։

Facebook Dating-ը աշխատում է Instagram-ի հետ և թույլատրում է այնտեղից լուսանկարներ ավելացնել։ Նախագծողները խոստանում են տարվա վերջին ավելացնել գործառույթ, որի միջոցով հնարավոր կլինի Facebook-ի և Instagram-ի «սթորիները» նույնպես ավելացնել ծանոթությունների համար նախատեսված ծառայության մեջ։

Նոր սերնդի Android-ն արդեն հասանելի է. ինչ նորամուծություններ կլինեն սմարթֆոններում

Այս պահին նորույթը հասանելի է ԱՄՆ-ում, Հարավային Ամերիկայի և Ասիայի մի շարք երկրներում։ Facebook Dating-ը Եվրոպայում կհայտնվի 2020 թվականի սկզբին։

Թե Հայաստանում երբ հասանելի կլինի, այս պահին դժվար է ասել, բայց մի բան հաստատ է. երբ և ինչ ձևաչափով էլ այն գործի մեզ մոտ, ոմանց դեպքում ունենալու է խիստ հայկական առանձնահատկություն։ Օրինակ` երիտասարդը տեսնելու է հաճելի, գեղեցիկ աղջկա լուսանկար, բարձրաձայն կամ մտքում ասելու է` «ուխ, ինչ լավն ա» , և սկսելու է ընդհանուր ծանոթներ փնտրել` ճշտելու համար «մաքուր» աղջիկ է, թե չէ։ Եթե ամեն ինչ լավ ընթանա, անցնելու է երկրորդ փուլ` «ախպորը տեսնել», «պապայի հետ ծանոթանալ» և այլն։

Սպորտային ապրանքանիշը «խելացի» ժամացույց է ներկայացնում

Գրեթե բոլոր տեխնոհսկաները ստեղծում են հատուկ աքսեսուարներ սպորտով զբաղվելու համար, հարց է ծագում` իսկ ինչու՞ դրանով չզբաղվեն հենց սպորտային ընկերությունները։ Երևի հենց այս հարցն է մտահոգել նաև Puma-ին, որը ներկայացրել է իր առաջին «խելացի» ժամացույցը։ Այս մասին տեղեկացնում է theverge-ը։

Սարքը ստեղծել են նորաձև ժամացույցներ արտադրող ամերիկյան Fossil Group ընկերության ինժեներները։ «Կատվառյուծի» նորույթը նախատեսված է պրոֆեսիոնալ մարզիկների և սպորտի սիրահարների համար։ Դրանք ջրակայուն են և հագեցած են շատ բարդ անվանում կրող չիպսեթով` Qualcomm’s Snapdragon Wear 3100։

Ժամացույցն աշխատում է Google Wear օպերացիոն համակարգով, որի շնորհիվ կարելի է շփվել Google ընկերության ձայնային օգնականի հետ։ Սպորտով զբաղվելու կամ այլ ակտիվություն ցուցաբերելու ընթացքում սարքը Google Fit-ի միջոցով կարող է հետևել օգտատիրոջ սրտի կծկումների հաճախականությանը։

Նոր հավելվածի միջոցով հնարավոր է դառնալ Դի Կապրիո և ոչ միայն․ տեսանյութ

Կորպուսը պատրաստված է թեթև ալյումինից, իսկ գոտին՝ ձգվող և «շնչող» տեքստուրային սիլիկոնից։ Սարքն ունի NFC չիպ, որը հնարավոր է դարձնում ժամացույցի միջոցով անհպում վճարումները։ Puma-ի խելացի ժամացույցը կհայտնվի շուկայում նոյեմբերին և կարժենա 275 դոլար։

Ծալվող Galaxy-ն մեկ օր է` շուկայում է, բայց արդեն սպառվել է

Հիշու՞մ եք կորեական Samsung-ի ծալվող սմարթֆոնի մասին, հիշու՞մ եք՝ ինչպես արտադրողը ձախողեց սարքի շուկա մուտք գործելը։ Լրագրողներն այնքան թերություն էին գտել սմարթֆոնում, որ Samsung-ը ստիպված եղավ անորոշ ժամանակով հետաձգել վաճառքը։

Մի քանի օր առաջ կորեական ընկերությունը հայտարարեց, որ ծալվող էկրանով Galaxy Fold սմարթֆոնի վաճառքը պաշտոնապես մեկնարկում է։ Երեկ այն արդեն հասանելի էր իր «ծննդավայր» Հարավային Կորեայում։

Իսկ գլխավոր նորությունն այն է, որ կորեական Korea Herald պարբերականի հաղորդմամբ` սմարթֆոնի առաջին խմբաքանակը վաճառվել է ընդամենը մի քանի ժամում։ Բոլոր երեք հիմնական կորեական օպերատորները արդեն պահեստներում Galaxy Fold չունեն։

Վաճառքի պաշտոնական վիճակագրությունը դեռ հայտնի չէ, բայց նախնական տվյալներով՝ առաջին խմբաքանակում 1000 սմարթֆոն է եղել։ Իհարկե, 1000 սմարթֆոնը այդքան էլ տպավորիչ չի հնչում, բայց պետք է հաշվի առնել, որ ծալվող սարքն արժի 2000 դոլար։

Instagram-ը սեփական մեսենջերը կունենա․ ինչ գործառույթներ է ունենալու նոր գործիքը

Տեղեկություն կա, որ մոտակա շաբաթների ընթացքում Galaxy Fold սմարթֆոնը կհայտնվի Ֆրանսիայում, Գերմանիայում, Սինգապուրում, Մեծ Բրիտանիայում, ԱՄՆ-ում և այլ երկրներում։ Մի քանի երկրներում հասանելի կլինի սմարթֆոնի 5-րդ սերնդի բջջային ցանցերը սպասարկող մոդելը, իսկ միջազգային մասշտաբով կառաջարկեն 4G տարբերակը։

443
թեգերը:
ժամացույց, Այ քեզ բան, սեր, սմարթֆոն, Facebook
թեմա:
Տեխնիկա և նորարարություններ (170)
Ըստ թեմայի
Անմոռանալի ճամփորդություն. միկրոավտոբուսների պատուհանների փոխարեն էկրաններ կլինեն
Disney-ը պատրաստվում է թողարկել «Առյուծ արքա» և «Ալադին» խաղերի HD ռիմեյքները
«Յանդեքս. Տաքսի» հավելվածի միջոցով հնարավոր կլինի ուղղաթիռ պատվիրել
Զվարթնոց օդանավակայան, արխիվային լուսանկար

Աննախադեպ. իրականացվել է Լոս Անջելես-Երևան առաջին հատուկ չվերթը

5
(Թարմացված է 21:58 12.07.2020)
Չվերթն իր տեսակով աննախադեպ է հայկական ավիափոխադրումների պատմության մեջ։

ԵՐԵՎԱՆ, 12 հուլիսի - Sputnik. Իրականացվեց Լոս Անջելես-Երևան առաջին հատուկ չվերթը։ Լուրը Facebook-ի պաշտոնական էջում հայտնել է «Զվարթնոց» միջազգային օդանավակայանի մամուլի ծառայությունը։

Օդաչու չեն, բայց առանց նրանց «թռչել» չի լինի. լուսանկարներ բորտուղեկցորդուհիների առօրյայից

«Լոս Անջելեսի «Թոմ Բրեդլի» օդանավակայանից Երևան ուղևորվող իսլանդական ազգային ավիափոխադրող Icelandair ավիաընկերության Boeing 767-300ER տիպի օդանավը, վառելիքի վերալիցքավորման նպատակով մեկ կանգառ կատարելով Ռեյկյավիկի օդանավակայանում, քիչ առաջ վայրէջք կատարեց «Զվարթնոց» միջազգային օդանավակայանում»,- նշված է հաղորդագրության մեջ։


Նշվում է, որ այս չվերթն իր տեսակով աննախադեպ է հայկական ավիափոխադրումների պատմության մեջ։ Մոտ 15 ժամ տևած հատուկ չվերթով Հայաստան են տեղափոխվել 265 ուղևոր։ Նրանցի 240-ը COVID-19 համաճարակի պատճառով Լոս Անջելեսում մնացած մեր հայրենակիցներն էին։

Հիշեցնենք, որ հուլիսի 13-ին ծրագրված է Երևան-Լոս Անջելես, իսկ հուլիսի 17-ին՝ Երևան-Բոստոն-Լոս Անջելես չվերթերը։ Այս դեպքում թռիչքի տևողությունը 17 ժամ է, Բոստոնում կանգառի տևողությունը՝ 3 ժամ։ Ինքնաթիռը Բոստոնում կկատարի տեխնիկական կանգառ, որի ընթացքում ուղևորները, ստանալով ուղեբեռը, պարտադիր պետք է անցնեն միգրացիոն և մաքսային ստուգում, ապա, Լոս Անջելես շարունակող ուղևորները ևս մեկ անգամ կհաշվառվեն և հանձնելով ուղեբեռը՝ կվերադառնան նույն ինքնաթիռ՝ չվերթը շարունակելու համար։

Չվերթերն իրականացնում է IcelandAir ավիաընկերությունը։ Չվերթից կարող են օգտվել ԱՄՆ քաղաքացիները, ԱՄՆ-ում մշտական բնակության իրավունք ունեցողները (Green Card), ներգաղթային վիզայով ճանապարհորդողները, ինչպես նաև այն օտարերկրյա քաղաքացիները,որոնք ունեն ԱՄՆ-ում բնակվող ընտանիքի անդամներ (ամուսին/կին/ծնող/երեխա)։

Դոնի Ռոստով-Երևան չարտերային թռիչք կիրականացվի

Ըստ հայաստանյան զբոսաշրջային ընկերությունների՝ Երևան-Լոս Անջելես ուղիղ չվերթի արժեքը էկոնոմ կարգի ավիատոմսի համար 1350$-ին համարժեք դրամ է, բիզնես դասինը՝ 2350$-ին համարժեք ՀՀ դրամ: Երևան-Բոստոն-Լոս Անջելես չվերթի համար էկոնոմ կարգի ավիատոմսի արժեքն է 1450$-ին, բիզնես դասինը՝ 2450$ -ին համարժեք ՀՀ դրամ:

Երկու չվերթերի դեպքում էլ մինչև 2 տարեկան երեխաների ավիատոմսն արժե 100$ -ին համարժեք դրամ:

Ռուսաստանի ավելի քան 2 հազար քաղաքացի Հայաստանից հայրենիք է վերադարձել. դեսպանատուն

5
թեգերը:
տոմս, ուղևոր, «Զվարթնոց» օդանավակայան, Երևան, Լոս Անջելես, չվերթ
Ըստ թեմայի
Երևան-Մոսկվա չվերթն անորոշ ժամանակով հատաձգվել է
Առաջիկա օրերին 4 չվերթ է նախատեսված Ռուսաստանից ու Բելառուսից
Մոսկվայից և Վորոնեժից դեպի Երևան չվերթեր կիրականացվեն
Նոր չարտերային չվերթով Հայաստան են վերադարձել 248 քաղաքացի
Ռեջեփ Թայիփ Էրդողան

«Նա չարիք է». հայազգի հաղորդավարը կկանգնի դատարանի առջև Էրդողանին «վիրավորելու» համար

30
Տեր-Հարությունյանի արտահայտությունները իրարանցում են առաջացրել թուրքական դիվանագիտական ներկայացուցչությունում. տասնյակ ցուցարարներ են հավաքվել Al Jadeed հեռուստաալիքի շենքի մոտ:

ԵՐԵՎԱՆ, 12 հուլիսի - Sputnik. Լիբանանյան Al Jadeed հեռուստաալիքի «Անա Հեք» թոք-շոուի հաղորդավար, հայազգի Նշան Տեր-Հարությունյանը դատարանի առաջ կկանգնի՝ Թուրքիայի նախագահ Ռեջեփ Թայիփ Էրդողանին «վիրավորելու» համար։

Arab Weekly-ի հաղորդմամբ՝ հանդիսականներից մեկը Տեր-Հարությունյանին փախստական էր անվանել և մեղադրել ռասիզմի մեջ նրա համար, որ նա Էրդողանին չարիք էր անվանել։ Տեր-Հարությունյանն էլ պատասխանել է8 հանդիսատեսին. «Նա հենց չարիք է,  միլիոնավոր չար մարդկանց որդին»։

Ավելի ուշ նա պարզաբանել էր իր արտահայտությունը՝ նշելով, որ այն վերաբերում էր Էրդողանին, նրա ռեժիմին, թուրք-օսմաններին և թուրքերին։

«Եթե դուք կարծում եք, որ ես փախստական եմ, ապա ասեմ՝ ես ավելի շատ ծագումով լիբանանցի եմ, քան դուք, և ես հպարտանում եմ Լիբանանով ավելի շատ, քան դուք»,- ասել էր նա:

Տեր-Հարությունյանի արտահայտություններն իսկական իրարանցում են առաջացրել թուրքական դիվանագիտական ներկայացուցչությունում։ Տասնյակ ցուցարարներ են հավաքվել Al Jadeed հեռուստաալիքի առջև և բողոքի ակցիա կազմակերպել «Օսմանյան պետությանն ու Թուրքիայի նախագահ Ռեջեփ Թայիփ Էրդողանին ուղղված «վիրավորանքի» համար:

Թուրքիայի իշխանությունները մտադիր են «փակել» Սուրբ Սոֆիայի տաճարի որմնանկարները

Իսկ Թուրքիայի իշխանությունները կապվել են Լիբանանի արտաքին գործերի նախարարության հետ և պահանջել, որ պետական մակարդակով «անհրաժեշտ միջոցներ» ձեռնարկվեն հաղորդավարի դեմ ։

Լիբանանի ազգային լրատվական գործակալությունը (NNA) հայտարարել է, որ «դատախազությանը տրամադրված տեղեկության համաձայն՝ Տեր-Հարությունյանի գործը կներկայացվի Բեյրութի հրապարակումների պալատ»:

Տեր-Հարությունյանն իր խոսքերի համար պատասխան կտա հոկտեմբերին։

Ի դեպ, մի շարք լրատվամիջոցներ պաշտպանել ենՏեր-Հարությունյանին, գործընկերներից շատերն ի աջակցություն նրա՝ Twitter-ում գրառումներ են արել։ Նրանց թվում է հայտնի լիբանանցի երգչուհի, դերասանուհի և մոդել Սիրին Աբդելնուրը։

Որոշ մասնագետներ անանուն մնալու պայմանով հայտնել են առաջադրված մեղադրանքների ոչ իրավաչափության մասին: Նրանց կարծիքով այս ամենի պատճառը այն է, որ Թուրքիան չի ուզում ճանաչել Օսմանյան կայսրությունում հայերի դեմ իրականացված հանցագործությունները։

30
թեգերը:
Բողոքի ակցիա, Լիբանան, Դատարան, Ռեջեփ Թայիփ Էրդողան, հաղորդավար, հայ
Ըստ թեմայի
Այդ «սրից փրկվածները» դեռ կան․ Էրդողանը գռեհիկ է արտահայտվել հույների և հայերի հասցեին
Ասադի «հրաժարականի» լուրերի ֆոնին․ Պուտինն ու Էրդողանը քննարկել են իրավիճակը Սիրիայում
Էրդողանն ընդդեմ Հայոց ցեղասպանության, կամ ինչից է այդքան վախենում Անկարան
Վերադարձ դեպի անցյալ. ինչո՞ւ է Էրդողանը աչք դրել Սուրբ Սոֆիայի տաճարի վրա