«RyanAir»–ը շատ է հետաքրքրված Հայաստանով

«RyanAir»–ը շատ է հետաքրքրված Հայաստանով. ե՞րբ ընկերությունը մուտք կգործի հայկական շուկա

295
(Թարմացված է 16:31 03.09.2019)
Նոր ավիաընկերության մուտքի հնարավորությունը հայկական շուկա երբեք այսքան մեծ չի եղել։

ԵՐԵՎԱՆ, 3 սեպտեմբերի — Sputnik. Իռլանդական RyanAir ավիաընկերության ներկայացուցիչները մեկ ամսվա ընթացքում որոշում կկայացնեն` Հայաստանի ավիաշուկա մուտք կգործեն, թե ոչ։ Այս մասին այսօր լրագրողների հետ զրույցում ասաց ՀՀ քաղաքացիական ավիացիայի կոմիտեի նախագահ Տաթևիկ Ռևազյանը։

Արդեն հայտնել էինք, որ RyanAir ավիաընկերության ներկայացուցիչներն այցելել էին Հայաստան, հանդիպել ինչպես ՀՀ վարչապետ Նիկոլ Փաշինյանի, այնպես էլ Ռևազյանի հետ։

«Ավիաընկերության ներկայացուցիչների հետ զրույցից հետո որոշվեց, որ նրանք առաջիկա մեկ ամսվա ընթացքում կասեն իրենց դիրքորոշման մասին։ Սակայն այն, որ նրանք շատ են հետաքրքրված Հայաստանով, ակնառու է, այլապես չէին գա Հայաստան»,–ասաց նա։

Հարցին` մե՞ծ է հավանականությունը, որ RyanAir–ը կմտնի շուկա, Ռևազյանը պատասխանեց, որ երբեք այն այսքան մեծ չի եղել, որքան հիմա։

Գինի, կոնյակ, մրգեր, կամ «Armenia» ավիաընկերությունը գտել է ռուսաստանցիների «թույլ տեղը»

Հիշեցնենք, որ RyanAir-ի գլխավոր կոմերցիոն տնօրեն Դեյվիդ Օ’Բրայընին Փաշինյանի հետ հանդիպման ժամանակ նշել էր, որ ընկերությունը մտադրություն ունի առաջիկայում մուտք գործել հայկական ավիաշուկա, և Քաղավիացիայի կոմիտեի, «Զվարթնոց» օդանավակայանի հետ գործընթացի շուրջ քննարկումներ են ընթանում: Նա ներկայացրել էր մեր երկրում գործունեություն ծավալելու տեսլականը՝ խոսելով Հայաստանից նոր ուղղություններով չվերթերի, սակագնային քաղաքականության և այլ հարցերի շուրջ:

Ryanair–ը Եվրոպայի խոշորագույն լոուքոստերն է։

295
թեգերը:
Հայաստան, «Զվարթնոց» օդանավակայան, թռիչք, վայրէջք, Տաթևիկ Ռևազյան, Քաղավիացիայի կոմիտե
Ըստ թեմայի
Մոսկվայի օդանավակայաններում 31 չվերթ է հետաձգվել, 12-ը՝ չեղարկվել
Նոր լոուքոսթերներ և «օդի հարկի» վերացում. ՀՀ ավիացիայի ոլորտում բարեփոխումներ կլինեն
Նոր ավիաընկերությո՞ւն մուտք կգործի շուկա. քննարկում է եղել
Պատվաստում

Ինչ սահմանափակումներ են առաջարկում գործի դնել պատվաստված չլինելու դեպքում

259
(Թարմացված է 19:53 30.07.2021)
Առողջապահության նախարարությունը քննարկում է կազմակերպել` անդրադառնալով սահմանափակումների և պատվաստումների թեմային։

ԵՐԵՎԱՆ, 30 հուլիսի – Sputnik. ՀՀ առողջապահության նախարարությունն առաջարկում է` մի շարք հաստատություններում աշխատող կամ այնտեղ հաճախող 18 տարեկանից բարձր անձինք կա՛մ պետք է ներկայացնեն կորոնավիրուսի դեմ պատվաստված լինելը հավաստող սերտիֆիկատ, կա՛մ յուրաքանչյուր 14 օրը մեկ ներկայացնեն ՊՇՌ թեստի բացասական արդյունք, տեղեկանում ենք նախարարության ֆեյսբուքյան էջից։

Այսօր կայացել է առողջապահության նախարարին կից կորոնավիրուսի դեմ պայքարի մասնագիտական հակահամաճարակային խորհրդատվական խմբի հանդիպում-քննարկումը, որին առցանց մասնակցել են նաև ՀՀ–ից դուրս աշխատող մասնագիտական խմբի անդամները:

Առաջարկվում է, որ պետական կառավարման և ՏԻՄ–երի, այլ կազմակերպությունների աշխատակիցների, ինչպես նաև հյուրանոցային ծառայությունից օգտվող 18 տարեկանից բարձր անձինք և նախնական մասնագիտական, միջին, բարձրագույն և հետբուհական մասնագիտական կրթական ծրագրեր իրականացնող ուսումնական հաստատություններ հաճախող 18 տարեկանից բարձր ուսանողները, արտադպրոցական դաստիարակության և լրացուցիչ կրթություն իրականացնող ուսումնական հաստատություններ հաճախող 18 տարեկանից բարձր սովորողները կա՛մ պետք է ներկայացնեն կորոնավիրուսի դեմ պատվաստված լինելը հավաստող սերտիֆիկատ, կա՛մ յուրաքանչյուր 14 օրը մեկ ներկայացնեն ՊՇՌ թեստի բացասական արդյունք` առավելագույնը 72 ժամ վաղեմության:

Անվճար պոնչիկ, շահումով կով, թատրոնի տոմս. ուրիշ ինչե՞ր են խոստանում պատվաստվողներին

«Ի դեպ, ՊՇՌ հետազոտությունն անձն իրականացնում է իր միջոցների հաշվին: Միաժամանակ, պատվաստվելու բժշկական հակացուցումներ ունեցող անձը կարող է ներկայացնել հակացուցումների մասին բժշկական փաստաթուղթ»,–նշված է հաղորդագրության մեջ:

Հանդիպում-քննարկմանը շեշտադրվել է նաև բնակչության շրջանում իրազեկվածության բարձրացման, փակ տարածքներում դիմակների պարտադիր դնման պահանջի, ինչպես նաև պատվաստումային գործընթացի ակտիվացման անհրաժեշտությունը:

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 264–ով և դարձել 229 867:

259
թեգերը:
Հայաստան, պատվաստումներ, կորոնավիրուս
թեմա:
Կորոնավիրուսը Հայաստանում և Արցախում
Եկեղեցի

Արմեն Շեկոյանին վերջին հրաժեշտը կտան օգոստոսի 1-ին

69
(Թարմացված է 19:04 30.07.2021)
Գրող Արմեն Շեկոյանին կհուղակավորեն Երևանի քաղաքային պանթեոնում։

ԵՐԵՎԱՆ, 30 հուլիսի – Sputnik. Գրող, լրագրող Արմեն Շեկոյանի հոգեհանգստի արարողությունը տեղի կունենա հուլիսի 31-ին։ Տեղեկանում ենք ԿԳՄՍ նախարարության պաշտոնական կայքից։

«Շեկոյանի հոգեհանգստի արարողությունը տեղի կունենա հուլիսի 31-ին՝ ժամը 18:00-ից, Կոնդի Սբ. Հովհաննես եկեղեցում: Հուղարկավորությունը կկայանա օգոստոսի 1-ին՝ ժամը 11:00-13-00՝ Գրողների միությունից Երևանի քաղաքային պանթեոնում»,–նշված է հաղորդագրության մեջ։

Նշենք, որ վարչապետի պաշտոնակատար Նիկոլ Փաշինյանի որոշմամբ՝ ստեղծվել էր գրող Շեկոյանի հուղարկավորության հանձնաժողով: Շեկոյանը մահացել է երեկ` հուլիսի 29-ին։

69
թեգերը:
Արմեն Շեկոյան, հուղարկավորություն, հոգեհանգիստ, Երևան
Армянский боксер Ованнес Бачков против азербайджанца Джавида Чалабиева в поединке 1/8 финала (63кг) на Олимпийских игр (31 июля 2021). Токио

Հովհաննես Բաչկովը Տոկիո-2020-ում փայլուն հաղթանակ տարավ ադրբեջանցու նկատմամբ

9
(Թարմացված է 08:46 31.07.2021)
Հովհաննես Բաչկովը մտավ մտավ Տոկիո-2020 32–րդ օլիմպիական խաղերի քառորդ եզրափակիչ։

ԵՐԵՎԱՆ, 31 հուլիսի – Sputnik. Եվրոպական խաղերի չեմպիոն, 63 կգ քաշային Հովհաննես Բաչկովը Տոկիո-2020-ի բռնցքամարտի մրցաշարի 1/8 եզրափակիչում մենամարտեց ադրբեջանցի Ջավիդ Չալաբիևի հետ և փայլուն հաղթանակ տարավ։

Մրցավարների որոշեցին 4-1 հաշիվ, և մեր բռնցքամարտիկը դուրս եկալ Օլիմպիադայի բռնցքամարտի մրցաշարի քառորդ եզրափակիչ։

Այստեղ արդեն Բաչկովը կմենամարտի Ուզբեկստանի ներկայացուցիչ Էլնուր Աբդուրալինովի հետ։ Քառորդ եզրափակիչի մենամարտը կկայանա օգոստոսի 3-ին։

Նշենք, որ Ջավիդ Չալաբիևը 2013 թվականի աշխարհի չեմպիոն է: Նա նախկինում հանդես է եկել 56 կգ քաշային կարգում և 2016 թվականի օլիմպիական խաղերի վարկանիշային մրցաշարում Սամսունում հաղթել է Արամ Ավագյանին։

Հիշեցնենք՝ Հովհաննես Բաչկովը տպավորիչ հաղթանակով մեկնարկեց Տոկիոյում ընթացող օլիմպիական խաղերում։

Հայ բռնցքամարտիկը հսկայական առավելությամբ պարտության մատնեց Անտիգուան ներկայացնող Ռայան Ալստոնին։

Գյումրեցի մարզիկը բոլոր ռաունդներում նախաձեռնողի դերում էր, իսկ առաջին և երկրորդ ռաունդներում նույնիսկ նոկդաունի ենթարկեց մրցակցին:

9