Սահմանային ուղեկալ հայ-թուրքական սահմանին

Այստեղից է սկսվում Հայաստանը… Երեք սահմանների խաչմերուկում ապրողների մասին

1052
(Թարմացված է 21:36 02.09.2019)
Այս սահմանային ուղեկալը հայկական, վրացական ու թուրքական սահմանների հատման կետում է․ այստեղ տարբեր ազգության սահմանապահներ են ծառայում:

ԵՐԵՎԱՆ, 2 սեպտեմբերի — Sputnik. Հայաստանի հյուսիս-արևմուտքում՝ Արփա լեռնային լճի մոտ են հատվում երեք սահմանները՝ Հայաստանի, Վրաստանի ու Թուրքիայի: Մի քանի ամիս առաջ տեղացիներն այստեղ զբոսաշրջիկների էին «ձերբակալել»: Ի պատասխան հարցերի` «ո՞վ եք, ու՞ր եք գնում, ինչի՞ համար» զբոսաշրջիկները թույլտվություն էին խնդրել «Արփա լիճ» ազգային պարկ մուտք գործելու համար, ու ինչ-որ բան բացատրել: Բայց նրանց ոչ ոք չէր հասկացել՝ դե արի ու գյուղում խոտհարքի ժամանակ գերմաներենի կամ անգլերենի գիտակ գտի: Ստիպված էին ազգային պարկի տեսուչների և սահմանապահների կանչել: Հետո, հասկանալով, ինչն ինչոց է,  գյուղացիները երկար ներողություն էին խնդրել ու նրանց լավ հանգիստ մաղթել:

Пограничная застава на армяно-турецкой границе
© Sputnik / Asatur Yesayants
Սահմանային ուղեկալ հայ-թուրքական սահմանին

Ոմանք կծիծաղեն՝ մարդկանց կյանքը կյանք չէ ու խոտից բացի ոչինչ չեն տեսնում, ահա և ինքնահաստատվում են՝ իրենց թուրքերի դեմ կռվողների դեր վերապահելով: Իրականում գյուղացիների մոտ «հին երևանյան» սովորություն է մնացել, որին երևանցիներն արդեն հետ են վարժվել: Այստեղ տան դռները չեն փակում, ով մտավ՝ հյուր է:

Село Еризак, Ширакская область, Армения
© Sputnik / Asatur Yesayants
Երիզակ գյուղ, Շիրակի մարզ

«Երբ ԽՍՀՄ-ը փլուզվում էր, ու Ղարաբաղում արդեն ամեն ինչ սկսվել էր, մեզ սահմանապահներն ասացին, որ թուրքերը սահմանով մեկ գնդացրորդներ են շարել», - պատմում է Սոս Մուրադյանը` Երիզակ գյուղից: Թուրքիայի ներկայիս սահմանն այստեղից երկու կիլոմետր հեռավորության վրա է: Այն կողմը Կարսի բերդն է: Այստեղի բնակիչներից շատերն այնտեղ կոտորածից փրկվածների թոռներն ու ծոռներն են:

«Ասացի՝ «Ո՞ր պոստում մարդ չի հերիքում: Ինձ ինքնաձիգ տվեք, ես դեռ չեմ մոռացել՝ ինչպես են կրակում: Տվեցին, բարձրացա, տեսնեմ՝ այն կողմից արդեն տանկ են բերել, ու թնդանոթի փողը մեր կողմ ուղղել: Ծնկներս լարել կանգնել եմ: Սպան ասում է՝ մի վախեցիր, ուղղակի այդպես վախ են ներշնչում: Պարզվեց՝ այդպես էլ կա, տանկը կանգնեց, ցուցադրական դեսուդեն պտտվեց ու գնաց: Խորհրդային սահմանին այն չէր կրակի: Բայց ես մտածում եմ, որ մենք էլ այն ժամանակ պոստերում ավելորդ չէինք»,- ասում է Մուրադյանը:

Ռուսաստանի Անվտանգության դաշնային ծառայության սահմանային վարչությունում բազում հայ սահմանապահներ կան: Ոմանք մոտակա գյուղերից են, ոմանք՝ Գյումրիից, Սևանից, նաև Երևանից, այն էլ՝ «Երրորդ մասից»: Այնտեղ ապրող Սոսի ընկերներն ու հարևաններն ամբողջ ամառ տանջվում են շոգից: «Դե, իսկ ես էլ այստեղ եմ փրկվում, - ժպտում է, նրա ուղեկալում ամռանը 7-8 աստիճան է: - Գնանք մեզ մոտ, սուրճ խմենք:

Сос Мурадян, житель села Еризак, Ширакская область, Армения
© Sputnik / Asatur Yesayants
Սոս Մուրադյան, Երիզակ գյուղի բնակիչ, Շիրակի մարզ

  Աշնան վերջից մարդաբոյ ու անծայրածիր ձյուն է դնում: Դրսում պետք է բահով ճանապարհ բացել, իսկ ներսում, նեղ սենյակներում` չորս-հինգ ամիս ապրել։

Մարդիկ հաճախ են չեղած բանի համար կռվում, աննշան առիթներով: Քաղաքում դա ամենուր է, ու, արդեն, չես էլ նկատում...Կերեք՝ ձեզ համար սեխ ու ձմերուկ ենք կտրել...»

Լուկա Դուդկա

Խորհրդային տարիներից երևանյան դպրոցներում պաստառներ են մնացել ԽՍՀՄ հայաստանցի հերոսների անուններով: Դպրոցներից մեկում լուսանկարների վրա գրիչով նկարել են: Ինչ-որ մեկը ծիծաղելի է համարել Լազար Չափչախովի ազգանունը:

Бюст Героя Советского Союза Луки Дудки на заставе  пограничных войск РФ в Армении
© Sputnik / Asatur Yesayants
ԽՄ հերոս Լուկա Դուդկայի կիսանդրին

Այդ կործանիչ օդաչուն մահացել է 42 թվականի ապրիլին՝ Նովգորոդի մոտ, ընկերոջը փրկելիս, ու առաջին հայն էր, որը պատերազմի ժամանակ հերոսի կոչում ստացավ: Իսկ ինչ-որ մեկը ծիծաղել է «Լուկա Դուդկա» անուն-ազգանվան վրա: Այդ սպան Լենինականի սահմանային ջոկատից ճակատ էր մեկնել ու զոհվել 45թ-ի ապրիլին:

Արդեն մարտի սկզբին Լուկա Մինովիչը ծանր վիրավոր էր, բայց նա չթողեց իր զինվորներին: Անձամբ նրանց հարձակման տարավ: Նա նվազագույն կորուստներով իրականացրեց Դնեպրի գետանցումը: Այդ փայլուն գործողության մեջ Լուկա Դուդկան առանձնացավ ոչ միայն հրամանատարի հասունությամբ, այլև անձնական խիզախությամբ: Ուղեկալում մինչ այժմ պահում են հին թերթը՝ իրենց հրամանատարի սխրանքի նկարագրությամբ։ Արփի լճի մոտ գտնվող Լենինականի ջոկատ երիտասարդ սահամանապահին տեղափոխել էին 30-ականների սկզբին: Հրամանատարի ու նրա ընտանիքի կյանքը միաձուլվել էր Հայաստանի հետ, տեղացիները դարձել էին նրա ընկերներն ու օգնականները: Նա մահացավ հաղթանակից երկու շաբաթ առաջ:

Музей одной из застав пограничных войск РФ в Армении
© Sputnik / Asatur Yesayants
Թանգարան Հայաստանում Ռուսաստանի Դաշնության սահմանապահ զորքերի կայաններից մեկում

«Մեզ մեծ վստահություն են ցուցաբերել ու դա պատիվ է՝ ծառայել Խորհրդային Միության հերոս Լուկա Դուդկայի անվան ուղեկալում: Մենք այստեղ թանգարան ունենք, որտեղ նրա անձնական իրերն ենք պահում», - ասում է սպաներից մեկը: Լուկա Դուդկան ուկրաինացի էր, գեղջկական ընտանիքից: Այստեղ՝ Լենինականի ջոկատում, նա պաշտպանում էր Խորհրդային Հայաստանի բնակիչներին ավազակների խմբերից, որոնք գալիս էին թուրքական կողմից անասուն և ունեցվածք գողանալու: Մինչ այդ նույն ծառայությունը կատարում էին տարբեր ազգությունների կարմիր բանակայինները:

Бойцы, служившие в Ленинаканском пограничном отряде в Армянской ССР
© Sputnik / Asatur Yesayants
ՀԽՍՀ Լենինականի սահմանային ջոկատում ծառայած զինվորները

Այժմ այստեղ ծառայում են սահմանապահներ Շիրակից և Հայաստանի մյուս մարզերից, ինչպես նաև Մոսկվայից, Կալինինգրադից, Խակասիայից, Թաթարստանից:

Հազարավոր սահմանապահներ

Տեղացիները սահմանապահների լավագույն օգնականներն ու դաշնակիցներն են: Եթե տարածքում անծանոթ կամ կասկածելի մարդիկ են հայտնվում, սահմանապահներն այդ մասին միանգամից են իմանում: Ուղեկալի պատմության մատյանում և Դուդկայի կենսագրականում այդ առիթով գրված է․ «Ճիշտ հասկանալով սահմանապահ զորքերի խնդիրները՝ նա հաճախ էր հանդիպում տեղացիների հետ, բացատրական աշխատանքներ իրականացնում»:

Герой Советского Союза Лука Дудка (справа) с фронтовыми товарищами
© Sputnik / Asatur Yesayants
ԽՄ հերոս Լուկա Դուդկան` ֆրոնտի ընկերների հետ

Դա ձևական աշխատանք չէր: Մյուս էջում մենք տեղեկանում ենք, որ միայն չորս տարվա ընթացքում (1932-1935 թթ) սահմանապահ գյուղերի ու շրջանների բնակիչները 102 սահմանախախտ են ձերբակալել: Ուղեկալի թանգարանում պահվում է ժողովրդական կամավորական ջոկատների անդամ, սահմանապահ Մեղրաշատ գյուղի բնակիչ Հովակիմ Քոչարյանի շնորհակալագիրը:

Այստեղի ռուս սահմանապահները տեղացիների մոտ «դասընթացներ» են անցել: Բոլորը գոնե մի քանի բառ հայերեն գիտեն (թեև տեղացիները շատ լավ խոսում են ռուսերեն): Բացի այդ, նրանք սովորել են խորոված անել ու նարդի խաղալ: Իսկ ամենակարևորը սովորեցնելու կարիք չկա:

«Արդեն ավելի քան տասը տարի է այստեղ եմ: Կարծում եմ՝ իսկական Հայաստանը կարելի է տեսնել ոչ թե մայրաքաղաքում, այլ այստեղ», - ասում է կալինինգրադցի սպան:

«Այստեղ դռները չեն փակում: Անծանոթների առաջ էլ միանգամից սեղան են բացում: Չեն հարցնում՝ ինչի համար է եկել ու ինչ է ուզում: Նույնիսկ անծանոթը քեզ կարող է անհրաժեշտ ամեն ինչ տալ: Առանց փոխադարձ օգնության այս վայրերում անհնար է ապրել: Եթե մարդ գոնե մեկ անգամ «մինուս երեսունի» ժամանակ ձնաբքի մեջ է ընկել, նա կհասկանա՝ ինչի մասին է խոսքը»:

Застава погранвойск РФ в Армении
© Sputnik / Asatur Yesayants
Հայաստանում Ռուսաստանի սահմանապահների պահակակետը

Այստեղ սպաների լրացուցիչ ճաշաբաժին հասկացություն չկա, նրանք սերժանտների ու շարքայինների հետ մի ճաշարանում են սնվում: Ձմեռային ամսիների համար այստեղ մթերք են բերում ու հավասար բաժանում: Ինչպես և`տարվա մյուս եղանակներին:  Ամփոփում Բնականաբար, այստեղ ամեն ինչ չէ, որ կարելի է տեսնել ու իմանալ: Բայց կարելի է ու պետք է խոսել սպայի ու մարդու պատվի, բարոյականության, սեփական անձի մասին մոռանալու և ուրիշներին օգնելու կարողության մասին՝ ազգությունների չբաժանելով:

1052
թեգերը:
հայեր, հայ, սահմանապահ, Սահման, Վրաստանի Հանրապետություն, Թուրքիա, Հայաստան
Ըստ թեմայի
Զորակոչվել էին Հայաստանից, զոհվել` նացիստական ճամբարներում. անհետ կորածների անվանացանկը
Հայաստանի ասորական համայնքը դատարանի միջոցով կփորձի հասնել արդարության. ումն է Սբ Աստվածածինը
Հայաստանում էլ խուրմա կա. հայ մասնագետների նոր համակարգը կօգնի գյուղացիներին
Հայաստանում 10 անգամ կավելանա արևային էներգիայի արտադրությունը. նոր նախագծեր են քննարկվում
Արարատը կհասնի Արարատին. Սուդանում ծնված իտալացի հայը էսկիմոսական սահնակավազքի վարպետ է
 Արծրուն Հովհաննիսյան

Զոհված ժամկետային զինծառայողներն առաջնագծում չեն եղել․ Արծրուն Հովհաննիսյան

646
(Թարմացված է 19:46 14.07.2020)
Հովհաննիսյանը նշել է, որ հայ–ադրբեջանական սահմանի Տավուշի հատվածում մարտական գործողություններ են ընթանում, դա նշանակում է, որ բոլոր օղակներն ու բնագծերը մարտի մեջ են։

ԵՐԵՎԱՆ, 14 հուլիսի - Sputnik. Այսօր Տավուշում ադրբեջանական կրակոցից զոհված ժամկետային երկու զինծառայողներն առաջնագծում չեն եղել։ Այս մասին Sputnik Արմենիայի հետ զրույցում ասաց Իջևանում լրատվական ճգնաժամային կենտրոնի պատասխանատու Արծրուն Հովհաննիսյանը։

«Զոհված զինծառայողներն առաջնագծում չեն եղել, բայց այժմ մարտական գործողություններ են ընթանում, և բոլոր օղակներն ու բնագծերը մարտի մեջ են»,- ասաց նա։

Նշենք, ավելի վաղ ՊՆ ռազմական վերահսկողական ծառայության պետ գեներալ-գնդապետ Մովսես Հակոբյանը հայտարարել էր, որ Տավուշում գործողություններում պարտադիր ժամկետային ոչ մի զինծառայող ներգրավված չէ:

Ադրբեջանը 120 մմ ականանետներից կրակել է «Տավուշ տեքստիլի» ուղղությամբ

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Սին «հերոսություն» է. մասնագիտական ապտակ ադրբեջանցի հաքերներին

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Ադրբեջանի պաշտպանության նախարարի տեղակալ Քերիմ Վելիևն այսօր հայտնել է, որ հայ-ադրբեջանական սահմանին մարտական գործողությունների հետևանքով սպանվել են գեներալ-մայոր Փոլադ Հաշիմովը և գնդապետ Իլգար Միրզեևը։


ԱՊԱ գործակալությունն էլ տեղեկացրել են, որ սպանվել են նաև մայոր Ահմեդով Նամիգ Խաժանօղլուն, մայոր Նովրուզով Անար Գյուլվերդիօղլուն, ենթասպա Զեյնալլա Իլգար Այազօղլուն, ենթասպա Բաբաև Յաշար Վասիֆօղլուն, գերժամանակակից ծառայության զինծառայող, զինվոր Մուստաֆազադե Էլչին Արիֆօղլուն:

Հայկական կողմից կա 5 վիրավոր և չորս զոհ։ Հակառակորդի կրակոցից մահացել են մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը, ժամկետային զինծառայողներ` կրտսեր սերժանտներ Սմբատ Գևորգի Գաբրելյանն ու Գրիշա Վահանի Մաթևոսյանը։

Արցախի ՊԲ–ն նոր հաղորդագրություն է տարածել սահմանին տիրող իրավիճակի մասին

646
թեգերը:
առաջնագիծ, Զոհ, հայ-ադրբեջանական, զինծառայող, Տավուշ, Արծրուն Հովհաննիսյան
Ըստ թեմայի
Հայկական ԶՈւ-ն ադրբեջանական հերթական ԱԹՍ-ն է խոցել
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Ցնծության ճիչ․ ՀՀ ԶՈՒ–ն ադրբեջանական հերթական անօդաչուն է խոցել
Ադրբեջանն իր բնակչությանը շրջապատել է հրետանային մարտկոցներով՝ դարձնելով թիրախ. լուսանկար
Ֆելիկս Ցոլակյան

Նախարարը հանձնարարել է պատրաստ լինել Տավուշի բնակավայրերից բնակչության տարհանմանը

610
(Թարմացված է 18:57 14.07.2020)
Փրկարարները պետք է հասանելի լինեն յուրաքանչյուր բնակչի, անհրաժեշտության դեպքում օգնեն պարենի ձեռքբերման և այլ հարցերով՝ ելնելով բնակիչների անվտանգությունից:

ԵՐԵՎԱՆ, 14 հուլիսի - Sputnik. Հուլիսի 14-ին Արտակարգ իրավիճակների նախարար Ֆելիքս Ցոլակյանը խորհրդակցություն է անցկացրել, որին մասնակցել է նաև Տավուշի մարզային փրկարարական վարչության պետ փ/ծ գնդապետ Փիրումյանը: Նա ներկայացրել է սահմանում տիրող իրավիճակը և ձեռնարկվող առաջնահերթ միջոցառումները:

Նախարար Ցոլակյանը հանձնարարել է բոլոր գործողությունները համաձայնեցնել տեղի զինված ուժերի ղեկավար կազմի հետ, առավելագույն ինտենսիվությամբ նախապատրաստվել, ըստ անհրաժեշտության, բնակչության պատսպարման աշխատանքներին:

«Անհրաժեշտ է հասանելի լինել յուրաքանչյուր բնակչին, կապի և հեռահաղորդացության միջոցներով աշխատել մեր քաղաքացիների հետ, նույնիսկ, եթե պետք է՝ օգնել պարենի ձեռքբերման և այլ հարցերով՝ ելնելով բնակիչների անվտանգությունից»,-ասել է նախարարը:

Արցախի ՊԲ–ն նոր հաղորդագրություն է տարածել սահմանին տիրող իրավիճակի մասին

Խորհրդակցության ընթացքում անդրադարձ է եղել նաև հուլիսի 13-ին Շիրակի մարզում տեղացած աննախադեպ ծավալի անձրևներին: Մարզային փրկարարական վարչության պետ փ/ծ գնդապետ Գյոզալյանը հայտնել է, որ հնարավոր բոլոր միջոցներով իրականացվում են ջրահեռացման աշխատանքներ, տարհանվել են հարյուրավոր տրանսպորտային միջոցներ, բացվել են դիտահորեր, փրկվել տասնյակ տներ: Վիճակը կառավարելի է:

Նախարարը մտահոգիչ է համարել նաև 2020 թվականի առաջին կիսամյակի ընթացքում գրանցված ջրահեղձումների թիվը և հանձնարարել է խստացնել հսկողությունը Սևանի ափամերձ և այլ ջրային տարածքներում:

610
թեգերը:
Տավուշ, ՀՀ արտակարգ իրավիճակների նախարարություն (ԱԻՆ), Ֆելիքս Ցոլակյան
Ըստ թեմայի
Սու-30-ներն օդ են բարձրացել, բայց Ադրբեջանի գործողությունների հետ կապ չունեն. ՀՀ ՊՆ
Ինչպես է հայկական ԶՈւ–ն ոչնչացնում ադրբեջանական հենակետերը. ՊՆ–ն տեսանյութ է հրապարակել
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Հայկական ԶՈւ-ն ադրբեջանական հերթական ԱԹՍ-ն է խոցել
Արծրուն Հովհաննիսյան

Օպերատիվ իրավիճակը համեմատաբար հանգիստ է, լարվածության նվազում կա․ Արծրուն Հովհաննիսյան

39
(Թարմացված է 23:33 14.07.2020)
Արծրուն Հովհաննիսյանը լրագրողների հետ հանդիպման ընթացքում ներկայացրեց սահմանին տիրող իրավիճակն ու կատարված քայլերը։

ԵՐԵՎԱՆ, 14 հուլիսի- Sputnik. Հայ-ադրբեջանական սահմանի Տավուշի հատվածում վերջին օրերին ստեղծված լարվածության նվազում կա, օպերատիվ իրավիճակը համեմատաբար հանգիստ է, կրակոցները քիչ են։ Այս վիճակը սկսվել է այսօր, ժամը 18։00-ից։ Տեղեկությունը Տավուշի ճգնաժամային տեղեկատվական կենտրոնում ընթացող առաջին բրիֆինգի ժամանակ հայտնեց ռազմական փորձագետ Արծրուն Հովհաննիսյանը։

«Այսօրվա դրությամբ թիրախավորվել են հայկական բնակավայրերը՝ Տավուշի Չինարի, Ագեպար, Պառավաքար, Ներքին Կարմիրաղբյուր գյուղերը, նաև Բերդ քաղաքը՝ 2 գործարաններով, վնասվել են տներ, գազատարը»,-օրվա ընթացքում կատարվածը ներկայացրեց Հովհաննիսյանը՝ հավելելով, որ փաստորեն թիրախավորվում է խաղաղ բնակչությունը։

Հովհաննիսյանը հատուկ ընդգծեց, որ բարեբախտաբար, քաղաքացիական բնակչության շրջանում զոհեր չունենք։ ՀՀ ԶՈւ-ն լռեցրել է հակառակորդին բոլոր հանարվոր ձևերով։ Նրա խոսքով՝ կիրառվել են հրետանային միջոցներ, նաև տանկեր։

Անդրադառնալով 5 վիրավորին՝ Հովհաննիսյանը նշեց, որ բարեբախտաբար, մեր վիրավորների կյանքին վտանգ չի սպառնում, հիմնականում միջին ու թեթև վնասվածքներ են ստացել։

Պատասխանելով ադրբեջանական կողմի ԱԹՍ-ների մասին հարցին՝ Հովհաննիսյանը նշեց, որ այս օրերի ընթացքում մեր կողմից խոցվել է մոտ 10-ին ԱԹՍ։

«Արցախի և ՀՀ սահմանի ողջ երկյանքով այլ լարվածության օջախներ չեն առաջացել»,-հայտնեց նա։

Պատասխանելով Sputnik Արմենիայի՝ հակառակորդի զինտեխնիկայի շարժի մասին հարցին՝ Հովհաննիսյանն ասաց, որ հայկական կողմը հստակ տիրապետում է իրավիճակին և հետևում Ադրբեջանի ԶՈւ բոլոր տեղաշարժերին, բայց այս պահին չի կարող ասել, թե ինչ ուժեր և ինչ տեղաշարժեր են գրանցվել։

Նա նշեց, որ ՀՀ ԶՈւ-ն այս պահին կատարում է իր խնդիրը և պահեստային ուժերի օգտագործման անհրաժեշտություն չկա։

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել:

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը 4 զոհ և 5 վիրավոր։

39