Մերի Ալեքսանդրյան, Անտոն Չեխովի անվան թիվ 55 դպրոցի նախկին տնօրեն

«Մեզ մոտ ոչ թե դպրոց էր, այլ իսկական տուն». նախկին տնօրենի դպրոցական հիշողությունները

197
Անտոն Չեխովի անվան թիվ 55 դպրոցի նախկին տնօրեն Մերի Ալեքսանդրյանը ուսուցիչների ու աշակերտների շփման մեջ կարևորում է սերն ու ըմբռնումը։

ԵՐԵՎԱՆ, 1 սեպտեմբերի — Sputnik, Նանա Մարտիրոսյան․ Մերի Ալեքսանդրյանը 1952 թվականին հենց սերը Մոկվայից վերադարձրեց Հայաստան։ Նա բարձրագույն կրթություն է ստացել Ռուսաստանում ու պետք է բաշխումով աշխատեր կա՛մ Սախալինի, կա՛մ Ռյազանի մարզում։ Իսկ այդ ժամանակ հայրենիքում նրան սպասում էր իր սիրելին, որի հետ նրանք մի բակում էին մեծացել։ Ու նա, առանց մտածելու, գնացել է դեսպան Լևոն Խաչատուրյանի մոտ և խնդրել իրեն Հայաստան ուղարկել։

Бывший директор школы им Чехова Александрян Мери Аршавировна
© Sputnik / Asatur Yesayants
Մերի Ալեքսանդրյան, Անտոն Չեխովի անվան թիվ 55 դպրոցի նախկին տնօրեն

Դեսպանը գործերը դասավորեց, ում պատվին տիկին Ալեքսանդրյանն ու ամուսինը որդուն Լևոն անվանեցին։ Կարծես սովորական պատմություն է, բայց իրականում սա պատմություն է այն մասին, թե ինչպես կոչումով մանկավարժը ճիշտ ժամանակին ճիշտ տեղում հայտնվեց։ Շուտով նա գլխավորեց Երևանի ամենահեղինակավոր դպրոցներից մեկը։ Իսկ այժմ՝ պաշտոնը լքելուց 25 տարի անց նա ապրում է դպրոցի մասին հիշողություններով ու ուրախանում իր աշակերտների այցելություններով։

Бывший директор школы им Чехова Александрян Мери Аршавировна
© Sputnik / Asatur Yesayants
Մերի Ալեքսանդրյան, Անտոն Չեխովի անվան թիվ 55 դպրոցի նախկին տնօրեն

Սկզբում նա պատմության շարքային ուսուցիչ էր, բայց 15 տարի անց տնօրեն դարձավ։ Առաջին իսկ օրվանից հավատարիմ էր «խիստ, բայց արդար լինելու» սկզբունքին։ Նրա աշակերտները հիշում են, որ նա կշտամբում էր ոչ միայն իրենց, այլև ուսուցիչներին, եթե սխալ էին, ու հենց աշակերտների ներկայությամբ։

 «Երեխաներս շատ լավն էին, ուսուցիչներս էլ էին հիանալի, բայց բարդ իրավիճակներ էին լինում, ու ես միշտ փորձում էի արդար լինել ու պատժել մեղավորին։ Կարևոր է, որ տնօրենը անաչառ մարդու համբավ ունենա։ Խիստ, բայց բարի»,- ասում է նա։

Удостоверение о присвоении звания почетного учителя
© Sputnik / Asatur Yesayants
ՀՀ պատվավոր մանկավարժի կոչման հավաստագիր

Տիկին Ալեքսանդրյանը երկու զվարճալի պատմություն է հիշում։ Մի անգամ դասարաններից մեկի աշակերտները փախել էին դասից։ Միայն մեկ տղա էր մնացել։ Նա հենց այդ տղային է կշտամբել, քանի որ դասարանցիների հետ համերաշխ չի եղել։ Բնականաբար, այդ միջադեպից հետո ծնողական ժողով էր հրավիրել։ Բայց զուտ կարգապահության համար։

Бывший директор школы им Чехова Александрян Мери Аршавировна
© Sputnik / Asatur Yesayants
Մերի Ալեքսանդրյան, Անտոն Չեխովի անվան թիվ 55 դպրոցի նախկին տնօրեն

«Մի անգամ էլ ինձ դասասենյակ կանչեցին։ Մտա ու տեսա, որ դասատուն վրդովված է, իսկ աշակերտները՝ վախեցած։ Հանկարծ աշակերտի ծնկին հիանալի մի շան ձագ տեսա։ Բնականաբար, չդիմացա, խաղացի դրա հետ ու տարա իմ աշխատասենյակ։ Դասերից հետո տղային վերադարձրեցի շանը, բնականաբար, դա դուր չեկավ ուսուցչին։ Ավելի ուշ նրան ասացի, որ դա երեխայի կողմից սիրո դրսևորում էր կենդանու հանդեպ։ Իսկ նման բանի համար չի կարելի պատժել»,- պատմեց նախկին տնօրենը։

Նա ընդգծեց, որ հիշում է  իր բոլոր աշակերտներին անկախ այն բանից՝ հայտնի են նրանք, թե ոչ։ Ահա, օրինակ` երջանկահիշատակ Վահան Հովհաննիսյանը գերազանցիկ չէր, բայց մտածող տղա էր ու գրեթե խուլիգանություն չէր անում, իսկ հանրային խորհրդի նախագահ Վազգեն Մանուկյանը լավ էր սովորում, դերասան Նարեկ Դուրյանը հումորիստ էր ու անընդհատ չարաճճի բաներ էր անում։ Նա առանձնահատուկ քնքշությամբ է հիշում Մեծ Բրիտանիայում Հայաստանի դեսպան, երջանկահիշատակ Արման Կիրակոսյանին, որը դպրոցական տարիքից ինտելեգենտ էր ու համեստ։

© Sputnik / Asatur Yesayants
90 ամյակ

«Աշակերտներս ինձ հյուր են գալիս, նրանց շարքում արդեն գրեթե 70 տարեկանները կան։ Իրենք արդեն տատեր ու պապեր են։ Իսկ ես հաճախ եմ երազումս տեսնում դպրոցը, մեր ուսուցիչներին ու աշակերտներին։ Մեզ մոտ ոչ թե դպրոց էր, այլ իսկական տուն», - ասում է մանկավարժը։

Տիկին Ալեքսանդրյանն ասում է, որ դպրոցում տարբեր ավանդույթներ կային, օրինակ` առաջին դասարանցիներին «Ես էլ եմ չեխովցի» կրծքանշան էին նվիրում։ Նա ուրախանում էր նաև, երբ աղջիկներն ու տղաները սիրահարվում էին, բայց պնդում էր, որ այնպես ընկերություն անեն, որ ուսմանը չխանգարի։ Իսկ տարիներ անց սիրով խնամված ձեռքերում պահում է ամուսնացած «չեխովցիների» լուսանկարն ու հավատում, որ հենց սերն է դարձրել դպրոցն այդքան հեղինակավոր ու համախմբված։

197
թեգերը:
Տնօրեն, դպրոց, հայեր, հայ, Հայաստան
Ըստ թեմայի
Վարչապետի կալավանցի խորհրդականը հրապարակել է համագյուղացի միակ 1-ին դասարանցու լուսանկարը
Նիկոլ Փաշինյանը հարազատ դպրոցում է. վարչապետի առաջ դռները չբացվեցին
Կառավարությունը նախակրթարաններ է բացել Գեղարքունիքի մարզի դպրոցներում. լուսանկարներ
Եվգենի Պետրոսյանն ու Տատյանա Բրուխանովան, արխիվային լուսանկար

Իզո՞ւր է նեղացել երիտասարդ կնոջ պատճառով․ ինչո՞ւ է Պետրոսյանը դատի տվել Կոկլյուշինին

30
(Թարմացված է 00:43 07.07.2020)
Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այս թվում՝ «Ծուռ հայելի» հաղորդման ընթացքում՝ համատեղ համարներով։ Բայց երիտասարդ կնոջ պատճառով նրանց միջև սև կատու է անցել։

ԵՐԵՎԱՆ, 6 հուլիսի – Sputnik. Հայտնի հումորիստ Եվգենի Պետրոսյանը դատարանում գրող-երգիծաբան Վիկտոր Կոկլյուշինի դեմ հայց է ներկայացրել սխալմամբ։ Այդ մասին ՌԻԱ Նովոստիին հայտնել է ինքը՝ Կոկլյուշինը։

Ավելի վաղ հայտնի էր դարձել, որ Եվգենի Պետրոսյանը որոշել է պաշտպանել իր երիտասարդ կնոջը՝ Տատյանա Բրուխունովային և պատասխանատվության կանչել գործընկերոջը՝ Վիկտոր Կոկլյուշինին։ Բանն այն է, որ Տատյանան շարունակ խիստ քննադատությունների կիզակետում է հայտնվում։ Մեկ նա բոլորին դուր չի գալիս, մեկ նրա ընտրությունները դուր չեն գալիս, հագուստը չի սազում և այլն։

Մի քանի օր առաջ ԶԼՄ-ները հայտնել էին, որ նրա հասցեին ոչ կոռեկտ է արտահայտվել երգիծաբան Վիկտոր Կոկլյուշինը։ Ռուսական պարբերականների տվյալներով՝ Կոկլյուշինը հայտարարել է, որ Պետրոսյանը դադարել է հայտնվել հեռուստաէկրաններին, իսկ Տատյանան բոլորովին այն մարդը չէ, որը պետք է լինի հումորիստի կողքին։

Դրանից հետո Պետրոսյանը սկսեց պաշտպանել կնոջը և որոշեց պատասխանատվության կանչել Կոկլյուշինին։ Արտիստի փաստաբան Սերգեյ Ժորինը համապատասխան հայց ներկայացրեց դատախազություն։ «Պետրոսյանը խիստ վրդովված էր, մենք էլ որոշեցինք անպատիժ չթողնել այս ամենը և պաշտպանել Տատյանային։ Նշված արտահայտությունները միանշանակ վիրավորական են, քանի որ ուղղված են նրա արժանապատվությանը և պատվին»,-մեջբերում է պարբերականը արտիստի ներկայացուցչի խոսքերը։ Կոկլյուշինին սպառնում է մի քանի հարյուր հազար ռուբլի տուգանք։

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

Մեկնաբանելով այդ զարգացումները, Կոկլյուշինն ասել է, որ իր խոսքերում որևէ վիրավորական բան չի եղել։ Հուլիսի 6-ին նա հանդիպել է փաստաբան Ժորինի հետ և բացատրել է թյուրիմացության պատճառները։

««Собеседник» պարբերականում հոդված էր հրապարակվել, որը երկու մասից էր բաղկացած։ Առաջին հատվածում ես էի պատասխանում թղթակցի հարցերին, երկրորդում՝ մի արտիստ, որը չէր ցանկացել իր անունը հրապարակել։ Եվ ահա, երկրորդ մասը բավականին կտրուկ է, այնտեղ արտահայտություններ կան, որոնք չեն կարող դուր գալ։ Իսկ երբ տարբեր այլ պարբերականներ սկսեցին արտատպել, ուրիշի խոսքերը վերագրեցին ինձ»,-ասել է Կոկլյուշինը։

Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այդ թվում՝ «Ծուռ հայելի» հաղորդման ընթացքում՝ համատեղ համարներով։

Հիշեցնենք, որ անցած տարվա դեկտեմբերին Եվգենի Պետրոսյանն ամուսնացել է իր օգնականի՝ Տատյանա Բրուխունովայի հետ։ Հանուն Տատյանայի նա 30 տարի համատեղ կյանքից հետո  բաժանվել է իր չորրորդ կնոջից՝ Ելենա Ստեպանենկոյից։ Մամուլը բազմիցս գրել է, որ Պետրոսյանն ու Բրուխունովան երեխա ունեն, սակայն առայժմ կողմերից ոչ մեկը չի հաստատել այդ տեղեկությունը։ 74-ամյա երգիծաբանը հասուն դուստր ունի՝ Վիկտորիան։ Կարանտինի պատճառով վերջինս մնացել է Մոսկվայում է ինքնամեկուսացել է Ստեպանենկոյի բնակարանում, որին աջակցում է ամուսնալուծությունից հետո։

«Երջանկության ալբոմ»․ Պետրոսյանի երիտասարդ կինը նրան սեր խոստովանելու նոր ձև է գտել

30
թեգերը:
փաստաբան, դատ, Տատյանա Բրուխունովա, Եվգենի Պետրոսյան
Ըստ թեմայի
«Իհարկե օրիգինալն է»․ Եվգենի Պետրոսյանի երիտասարդ կինը պարծեցել է Dior-ի գլխարկով
Եվգենի Պետրոսյանի երիտասարդ կինը փոխել է իմիջը. տեսանյութ
Եվգենի Պետրոսյանն առաջին ընտանեկան լուսանկարն է հրապարակել Տատյանա Բրուխունովայի հետ
«Բոլորը կպատժվեն ըստ արժանվույն». Եվգենի Պետրոսյանի կինն արձագանքել է մեղադրանքներին
Երևան, արխիվային լուսանկար

«Իմ քայլն» առաջարկում է բարձրացնել դիմակ չդնողների տուգանքները

91
(Թարմացված է 00:44 07.07.2020)
Ավտոմեքենաներում դիմակ չդնելու համար տուգանքն առաջարկվում է հասցնել 50 000 դրամի: Նույն արարքը կրկնելու դեպքում տուգանքը կկրկնապատկվի:

ԵՐԵՎԱՆ, 6 հուլիսի - Sputnik. ԱԺ «Իմ քայլը» խմբակցությունը շջանառության մեջ է դրել դիմակ չդնելու համար նախատեսված տուգանքները բարձրացնելու մասին օրենքի նախագիծ:

ԱԺ պաշտոնական կայքում հրապարակված «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ ու լրացումներ կատարելու մասին» նախագծով նախատեսվում է բաց տարածքներում դիմակ չդնելու համար ներկայում գործող տուգանքը 10 000 ՀՀ դրամից դարձնել 20 000 դրամ, իսկ փակ տարածքներում (խանութ, տրանսպորտ և այլն) դիմակ չդնելու համար՝ ներկայիս 10 000 դրամի փոխարեն՝ 50 000 դրամ:

Հայաստանում արտակարգ դրությունը ևս մեկ ամսով կերկարաձգվի. Նիկոլ Փաշինյան

Հիշեցնենք, այս օրենքը փոխվել էր ընդամենը 2 ամիս առաջ: Մայիսի 19-ին ԱԺ-ն դիմակ չդնելու համար տուգանքները սահմանեց 10 000 դրամ՝ բոլոր դեպքերի համար՝ նախկին 100-250 հազարի փոխարեն:

Այսօր պարետատան նիստից հետո կայացած ճեպազրույցում ՀՀ վարչապետ Նիկոլ Փաշինյանը հայտնել էր, որ գործադիրը մտադիր է առաջիկա ամսվա ընթացքում կատարելագործել արտակարգ դրության մասին ՀՀ օրենսդրությունն այնպես, որ արտակարգ դրության ռեժիմը վերացնելուց հետո կառավարությունը հակահամաճարակային քաղաքականություն վարելու որոշակի գործիքներ ունենա:

Հաղորդավար Վարդան Սարգսյանին տուգանել են. նա պնդում է`անտեղի էր ու չի վճարելու. տեսանյութ

91
թեգերը:
Տուգանք, նախագիծ, «Իմ քայլը» խմբակցություն, դիմակ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ինչո՞ւ դիմակով չեք․ ճապոնացին ոտքով հասել է Հայաստան ու համավարակի պատճառով մնացել այստեղ
«Միակ պատվաստանյութը մնում է դիմակը. մեզ ոչ մի նոր ռեկոմենդացիա չի տրվել ԱՀԿ-ից»․ Փաշինյան
«Առանց դիմակ, իրար վրա...». Սուրբ Հովհաննես մատուռում դարձյալ կուտակումներ են
Ոստիկանները դիմակներ են բաժանում փողոցում և արձանագրություն կազմում. տեսանյութ
 Ջեններ քույրերը, արխիվային լուսանկար

Կորոնավիրուսային սկանդալ․ Ջեններ քույրերը ժխտել են աշխատակիցների շահագործման մասին լուրերը

0
(Թարմացված է 00:50 07.07.2020)
Ակտիվիստներն ու իրավապաշտպանները կարծում են, որ ինչ-որ բան այն չէ և այս գործի բոլոր մասնակիցները ինչ-որ բան են թաքցնում։ Նրանք պահանջում են թույլ տալ իրենց մուտք գործել Բանգլադեշում գտնվող գործարաններ։

ԵՐԵՎԱՆ, 7 հուլիսի – Sputnik. Աշխարհահռչակ Քիմ Քարդաշյանը քույրերը՝ սուպերմոդել Քենդալ Ջենները և աշխարհի ամենաերիտասարդ միլիարդատեր Քայլի Ջենները պատասխանել են իրավապաշտպանների մեղադրանքներին։

Посмотреть эту публикацию в Instagram

Публикация от Kendall + Kylie (@kendallandkylie)

Բանն այն է, որ հունիսին ԶԼՄ-ներում տեղեկություն հայտնվեց, որի համաձայն Kendall + Kylie ապրանքանիշն իբրև թե պատկանում է Global Brands Group (GBG)-ին, որը Բանգլադեշի իր ֆաբրիկաների աշխատակիցներին չի վճարում փետրվար ամսից՝ կորոնավիրուսի համավարակի պատճառով սկսված ճգնաժամի պատճառով։

Նշվում էր, որ GBG-ի հետ բրենդները շահագործում են աշխատողներին։ Միաժամանակ Ջեններ քույրերի ապրանքանիշը ներկայացված է եղել GBG-ի կայքում։ Այժմ Քենդալն ու Քայլին որոշել են հանդես գալ հայտարարությամբ։ Քիմ Քարդաշյանի քույրերը ժխտում են, թե որևէ կապ ունեն GBG-ի հետ։

«Kendall + Kylie ապրանքանիշը պատկանում է Canada Inc.-ին։ Նախկինում բրենդը համագործակցել է GBG-ի հետ, բայց միմիայն վաճառքի և բիզնեսի զարգացման ոլորտներում»,-հայտարարել են քույրերը։

Այդ ընթացքում GBG-ն իր կայքից հեռացրել է Ջեններ քույրերի ապրանքանիշի լոգոտիպը։ ԶԼՄ-ների տվյալներով՝ լոգոն հեռացրել են հունիսի 24-ին։ Դրա հետևանքով սկանդալն ավելի է բորբոքվել, քանի որ ակտիվիստները և իրավապաշտպանները կարծում են, որ ինչ-որ բան այստեղ այն չէ և այս գործի բոլոր մասնակիցներն էլ թաքցնելու բան ունեն։ Նրանք պահանջում են իրավապաշտպան ընկերությունների ակտիվիստներին թույլ տակ մուտք գործել Բանգլադեշում գտնվող ֆաբրիկաներ։

Посмотреть эту публикацию в Instagram

Публикация от Kendall + Kylie (@kendallandkylie)

Հիշեցնենք, որ Քայլի Ջեններն ունի սեփական Kylie Cosmetics բրենդը, որը հիմնել է 2016թ․-ին։ Կարճ ժամանակում նա վաստակել է մեկ միլիարդ դոլար։ 2019թ․-ի մարտի 5-ին Forbes պարբերականը Քայլիին ճանաչեց աշխարհի ամենաերիտասարդ միլիարդատեր։ Այդպիսով 21-ամյա Ջեններն առաջ անցավ Facebook սոցիալական ցանցի հիմնադիր Մարկ Ցուկերբերգից, որը միլիարդատեր էր դարձել 23 տարեկանում։

0
թեգերը:
աշխատավարձ, կորոնավիրուս, ապրանքանիշ, գործարան, Քիմ Քարդաշյան
թեմա:
Կորոնավիրուսը Չինաստանում և աշխարհում
Ըստ թեմայի
Քիմ Քարդաշյանը կթողարկի իր սեփական պոդկաստը․ այն գլամուր կյանքի մասին չի լինելու
Քիմ Քարդաշյանի քրոջ` Քայլի Ջենների ավտոմեքենաների տեսականին
Քիմ Քարդաշյանի ամուսինը «Արարատ» անվանումով կոշիկ է արտադրել. լուսանկար
Քիմ Քարդաշյանի ու նրա քրոջ ռեփեր ամուսինները տեսահոլովակ են նկարահանել