Yerevan.am նստարան

Նստարանները լինեն, դնելու տեղ կգտնվի. քաղաքապետարանը 82 մլն-ի նստարան է պատվիրել

165
(Թարմացված է 18:17 01.09.2019)
Քաղաքապետարանի պատվիրած նստարանների տեղադրման հասցեները դեռ հայտնի չեն: Դրանք պարզ կլինեն միայն պատվիրված նստարանների տեղադրման աշխատանքների ընթացքում:

ԵՐԵՎԱՆ, 1 սեպտեմբերի — Sputnik. Երևանի քաղաքապետարանն օգոստոսի 20-ին պայմանագիր է կնքել «Նիկոլ Դուման» ձուլարանի հետ: Պետգնումների հրապարակման պաշտոնական կայքում տեղադրված պայամանգրի համաձայն, քաղաքային իշխանությունը ձուլարանին Yerevan.am գրությամբ 500 թուջե նստարան է պատվիրել:

Ամբողջ պատվերը քաղաքային բյուջեին արժեցել է 82 200 000 դրամ, յուրաքանչյուր նստարանը» 164 000 դրամ: Պատվերը ձուլարանը պետք է իրականացնի փուլ առ փուլ: Վերջին 200 նստարանի պատվերի իրականացման վերջնաժամկետն, ըստ պայմանագրի` 2019թ-ի դեկտեմբերի 10-ն է: Իսկ թե Երևանի ո՞ր հատվածներում են տեղադրվելու պատվիրված 500 նստարանները, դեռ պարզ չէ: Ինչպես նշված է հրապարակված տվյալներում` «հասցեները պարզ կդառնան նստարանների տեղադրման աշխատանքների ընթացքում»:

Նշենք, որ Yerevan.am գրությամբ նստարաններ մայրաքաղաքում սկսել են տեղադրել 2012թ-ից: Դրանք միշտ գնվել են նույն «Նիկոլ Դուման» ընկերությունից: Ի դեպ, նույն նստարանների մանրածախ գինն արտադրող ընկերությունում 174 000 դրամ է:

165
թեգերը:
նստարան, Երևանի քաղաքապետարան, Երևան, Հայաստան
Ըստ թեմայի
Որը քանդել, որը՝ ոչ. Հայկ Մարությանն ու ավելորդ ասեկոսեների ճամփաբաժանը
«Սանիթեքն» ասաց ու արեց. Երևանի վիճակն ավելի է վատացել. իսկ ի՞նչ է անելու քաղաքապետարանը
Երևանի փողոցներից մեկում մեծ քանակությամբ սնդիկ են հայտնաբերել
Զվարթնոց օդանավակայան, արխիվային լուսանկար

Աննախադեպ. իրականացվել է Լոս Անջելես-Երևան առաջին հատուկ չվերթը

2
(Թարմացված է 21:58 12.07.2020)
Չվերթն իր տեսակով աննախադեպ է հայկական ավիափոխադրումների պատմության մեջ։

ԵՐԵՎԱՆ, 12 հուլիսի - Sputnik. Իրականացվեց Լոս Անջելես-Երևան առաջին հատուկ չվերթը։ Լուրը Facebook-ի պաշտոնական էջում հայտնել է «Զվարթնոց» միջազգային օդանավակայանի մամուլի ծառայությունը։

Օդաչու չեն, բայց առանց նրանց «թռչել» չի լինի. լուսանկարներ բորտուղեկցորդուհիների առօրյայից

«Լոս Անջելեսի «Թոմ Բրեդլի» օդանավակայանից Երևան ուղևորվող իսլանդական ազգային ավիափոխադրող Icelandair ավիաընկերության Boeing 767-300ER տիպի օդանավը, վառելիքի վերալիցքավորման նպատակով մեկ կանգառ կատարելով Ռեյկյավիկի օդանավակայանում, քիչ առաջ վայրէջք կատարեց «Զվարթնոց» միջազգային օդանավակայանում»,- նշված է հաղորդագրության մեջ։


Նշվում է, որ այս չվերթն իր տեսակով աննախադեպ է հայկական ավիափոխադրումների պատմության մեջ։ Մոտ 15 ժամ տևած հատուկ չվերթով Հայաստան են տեղափոխվել 265 ուղևոր։ Նրանցի 240-ը COVID-19 համաճարակի պատճառով Լոս Անջելեսում մնացած մեր հայրենակիցներն էին։

Հիշեցնենք, որ հուլիսի 13-ին ծրագրված է Երևան-Լոս Անջելես, իսկ հուլիսի 17-ին՝ Երևան-Բոստոն-Լոս Անջելես չվերթերը։ Այս դեպքում թռիչքի տևողությունը 17 ժամ է, Բոստոնում կանգառի տևողությունը՝ 3 ժամ։ Ինքնաթիռը Բոստոնում կկատարի տեխնիկական կանգառ, որի ընթացքում ուղևորները, ստանալով ուղեբեռը, պարտադիր պետք է անցնեն միգրացիոն և մաքսային ստուգում, ապա, Լոս Անջելես շարունակող ուղևորները ևս մեկ անգամ կհաշվառվեն և հանձնելով ուղեբեռը՝ կվերադառնան նույն ինքնաթիռ՝ չվերթը շարունակելու համար։

Չվերթերն իրականացնում է IcelandAir ավիաընկերությունը։ Չվերթից կարող են օգտվել ԱՄՆ քաղաքացիները, ԱՄՆ-ում մշտական բնակության իրավունք ունեցողները (Green Card), ներգաղթային վիզայով ճանապարհորդողները, ինչպես նաև այն օտարերկրյա քաղաքացիները,որոնք ունեն ԱՄՆ-ում բնակվող ընտանիքի անդամներ (ամուսին/կին/ծնող/երեխա)։

Դոնի Ռոստով-Երևան չարտերային թռիչք կիրականացվի

Ըստ հայաստանյան զբոսաշրջային ընկերությունների՝ Երևան-Լոս Անջելես ուղիղ չվերթի արժեքը էկոնոմ կարգի ավիատոմսի համար 1350$-ին համարժեք դրամ է, բիզնես դասինը՝ 2350$-ին համարժեք ՀՀ դրամ: Երևան-Բոստոն-Լոս Անջելես չվերթի համար էկոնոմ կարգի ավիատոմսի արժեքն է 1450$-ին, բիզնես դասինը՝ 2450$ -ին համարժեք ՀՀ դրամ:

Երկու չվերթերի դեպքում էլ մինչև 2 տարեկան երեխաների ավիատոմսն արժե 100$ -ին համարժեք դրամ:

Ռուսաստանի ավելի քան 2 հազար քաղաքացի Հայաստանից հայրենիք է վերադարձել. դեսպանատուն

2
թեգերը:
տոմս, ուղևոր, «Զվարթնոց» օդանավակայան, Երևան, Լոս Անջելես, չվերթ
Ըստ թեմայի
Երևան-Մոսկվա չվերթն անորոշ ժամանակով հատաձգվել է
Առաջիկա օրերին 4 չվերթ է նախատեսված Ռուսաստանից ու Բելառուսից
Մոսկվայից և Վորոնեժից դեպի Երևան չվերթեր կիրականացվեն
Նոր չարտերային չվերթով Հայաստան են վերադարձել 248 քաղաքացի
Ռեջեփ Թայիփ Էրդողան

«Նա չարիք է». հայազգի հաղորդավարը կկանգնի դատարանի առջև Էրդողանին «վիրավորելու» համար

25
Տեր-Հարությունյանի արտահայտությունները իրարանցում են առաջացրել թուրքական դիվանագիտական ներկայացուցչությունում. տասնյակ ցուցարարներ են հավաքվել Al Jadeed հեռուստաալիքի շենքի մոտ:

ԵՐԵՎԱՆ, 12 հուլիսի - Sputnik. Լիբանանյան Al Jadeed հեռուստաալիքի «Անա Հեք» թոք-շոուի հաղորդավար, հայազգի Նշան Տեր-Հարությունյանը դատարանի առաջ կկանգնի՝ Թուրքիայի նախագահ Ռեջեփ Թայիփ Էրդողանին «վիրավորելու» համար։

Arab Weekly-ի հաղորդմամբ՝ հանդիսականներից մեկը Տեր-Հարությունյանին փախստական էր անվանել և մեղադրել ռասիզմի մեջ նրա համար, որ նա Էրդողանին չարիք էր անվանել։ Տեր-Հարությունյանն էլ պատասխանել է8 հանդիսատեսին. «Նա հենց չարիք է,  միլիոնավոր չար մարդկանց որդին»։

Ավելի ուշ նա պարզաբանել էր իր արտահայտությունը՝ նշելով, որ այն վերաբերում էր Էրդողանին, նրա ռեժիմին, թուրք-օսմաններին և թուրքերին։

«Եթե դուք կարծում եք, որ ես փախստական եմ, ապա ասեմ՝ ես ավելի շատ ծագումով լիբանանցի եմ, քան դուք, և ես հպարտանում եմ Լիբանանով ավելի շատ, քան դուք»,- ասել էր նա:

Տեր-Հարությունյանի արտահայտություններն իսկական իրարանցում են առաջացրել թուրքական դիվանագիտական ներկայացուցչությունում։ Տասնյակ ցուցարարներ են հավաքվել Al Jadeed հեռուստաալիքի առջև և բողոքի ակցիա կազմակերպել «Օսմանյան պետությանն ու Թուրքիայի նախագահ Ռեջեփ Թայիփ Էրդողանին ուղղված «վիրավորանքի» համար:

Թուրքիայի իշխանությունները մտադիր են «փակել» Սուրբ Սոֆիայի տաճարի որմնանկարները

Իսկ Թուրքիայի իշխանությունները կապվել են Լիբանանի արտաքին գործերի նախարարության հետ և պահանջել, որ պետական մակարդակով «անհրաժեշտ միջոցներ» ձեռնարկվեն հաղորդավարի դեմ ։

Լիբանանի ազգային լրատվական գործակալությունը (NNA) հայտարարել է, որ «դատախազությանը տրամադրված տեղեկության համաձայն՝ Տեր-Հարությունյանի գործը կներկայացվի Բեյրութի հրապարակումների պալատ»:

Տեր-Հարությունյանն իր խոսքերի համար պատասխան կտա հոկտեմբերին։

Ի դեպ, մի շարք լրատվամիջոցներ պաշտպանել ենՏեր-Հարությունյանին, գործընկերներից շատերն ի աջակցություն նրա՝ Twitter-ում գրառումներ են արել։ Նրանց թվում է հայտնի լիբանանցի երգչուհի, դերասանուհի և մոդել Սիրին Աբդելնուրը։

Որոշ մասնագետներ անանուն մնալու պայմանով հայտնել են առաջադրված մեղադրանքների ոչ իրավաչափության մասին: Նրանց կարծիքով այս ամենի պատճառը այն է, որ Թուրքիան չի ուզում ճանաչել Օսմանյան կայսրությունում հայերի դեմ իրականացված հանցագործությունները։

25
թեգերը:
Բողոքի ակցիա, Լիբանան, Դատարան, Ռեջեփ Թայիփ Էրդողան, հաղորդավար, հայ
Ըստ թեմայի
Այդ «սրից փրկվածները» դեռ կան․ Էրդողանը գռեհիկ է արտահայտվել հույների և հայերի հասցեին
Ասադի «հրաժարականի» լուրերի ֆոնին․ Պուտինն ու Էրդողանը քննարկել են իրավիճակը Սիրիայում
Էրդողանն ընդդեմ Հայոց ցեղասպանության, կամ ինչից է այդքան վախենում Անկարան
Վերադարձ դեպի անցյալ. ինչո՞ւ է Էրդողանը աչք դրել Սուրբ Սոֆիայի տաճարի վրա