Արամայիս Գրիգորյան

Ամուլսարի քննիչն ու նախկին նախարարն ազգականներ են. Քննչական կոմիտեն չի հերքում

346
(Թարմացված է 14:24 30.09.2019)
ՀՀ Քննչական կոմիտեն նախկին նախարարի ազգակցական կապով Ամուլսարի գործի քննության օբյեկտիվությունը կասկածի տակ դնելը ողջամիտ չի համարում։

ԵՐԵՎԱՆ, 29 օգոստոսի — Sputnik. Ամուլսարի հանքավայրի շահագործման հետ կապված քրեական գործով քննիչ Յուրա Իվանյանը հանքշահագործման թույլտվություն տված բնապահպանության նախկին նախարար Արամայիս Գրիգորյանի համագյուղացին ու ազգականն է։

ՀՀ Քննչական կոմիտեն անդրադարձել է մամուլում տարածված այս տեղեկությանը` հաստատելով այն։

«Հիշյալ հրապարակման վերաբերյալ հայտնում ենք, որ ՀՀ քննչական կոմիտեի ՀԿԳ քննության գլխավոր վարչության կոռուպցիոն, սեփականության դեմ ուղղված հանցագործությունների և կիբեռհանցագործությունների քննության վարչության պետ Յուրա Իվանյանը ծնվել է Արարատի մարզի Ավշար գյուղում և ազգակցական կապ ունի Բնապահպանության նախկին նախարար Արամայիս Գրիգորյանի հետ։ Սակայն հարկ ենք համարում նշել, որ հնչող կարծիքները, որ այս ազգակցական կապով պետք է կասկածի տակ դնել Ամուլսարի գործի քննության օբյեկտիվությունը ողջամիտ չէ»,– ասված է կոմիտեի տարածած հաղորդագրության մեջ։

Քննչական կոմիտեն հայտնում է նաև, որ գործն այս վարչությանն ու անձամբ Իվանյանին է հանձնարարվել ոչ թե հաշվի առնելով ինչ-որ ազգակցական կապերը, այլ գործի հասարակական մեծ հնչեղությունն ու մեծածավալ, առանձնակի բարդ լինելը։

Քննչական կոմիտեն նաև հիշեցնում է, որ քննիչ Իվանյանի վարույթում քննված գործով Քննչական մարմինն իրավասու չէ Ամուլսարի հանքի շահագործմանը դրական եզրակացություն տալ, կամ ինչպես նշված է հիշյալ նյութում` «հաստատել դրական եզրակացությունը»։

Իշխանությունն արդյոք պե՞տք է մտածի և որոշի միայն վարկանիշից ելնելով. Միրզոյանը` Ամուլսարի մասին

Հիշեցնենք, infocom.am կայքն այսօր հոդված է հրապարակել՝ «Ամուլսարի գործով քննիչ Յուրա Իվանյանը և նախկին բնապահպանության նախարարը ազգակցական կապ ունեն» վերտառությամբ: Հոդվածում նշվում է, որ Ամուլսարի հանքի շահագործման թույլտվությունը 2016թ.–ին տվել էր Արարատի մարզի Ավշար գյուղում ծնված բնապահպանության նախկին նախարար Արամայիս Գրիգորյանը։

Միաժամանակ հոդվածագիրը մեջբերել էր Ամուլսարի գործով քննիչ Յուրա Իվանյանի կենսագրությունը, որից պարզ էր դառնում, որ նա ևս ծնվել է Ավշարում ու ազգակցական կապ ունի Արամայիս Գրիգորյանի հետ։

Հիշեցնենք` օգոստոսի 19–ին Facebook–ում ուղիղ եթերի ժամանակ ՀՀ վարչապետն ասել էր, որ Ամուլսարի հանքը կարող է գործարկվել, քանի որ «Էլարդ» ընկերության եզրակացության համաձայն` հավանական ռիսկերը կարող են ոչ էական լինել Սևանա լճի կամ Ջերմուկի ջրերի համար, եթե ընդունվեն կանխարգելիչ այն 16 միջոցները, որոնց մասին խոսվում է եզրակացության մեջ։ Դա բնապահպանների ու ակտիվիստների շարքերում բողոքի կտրուկ ալիք է բարձրացրել։

Օգոստոսի 14-ին, վկայակոչելով նույն միջազգային փորձաքննության արդյունքները, Քննչական կոմիտեն հայտարարել էր, հանքի շահագործման դեպքում ՀՀ օդի, ջրի, հողի աղտոտման չափերն այնքան փոքր կլինեն, որ «չափելի չեն լինի»։ Կենսաբազմազանության վրա բացասական ազդեցության հիմքեր ևս չէին հայտնաբերվել։ Այս փորձաքննության հիման վրա քննչական խումբը եկել է այն եզրակացության, որ շրջակա միջավայրի աղտոտման մասին տեղեկությունները դիտավորյալ թաքցնելու, հետևաբար և նախկին պաշտոնյաների նկատմամբ քրեական հետապնդման հիմքեր չկան։

Թավշյա վերմակ՝ ծծմբական թթվում լողալ կարողացողների համար. հավակնորդները շատ են

Քրեական գործը հարուցվել էր Ամուլսարի ոսկեբեր քվարցիտների հանքավայրի շահագործման հետ կապված՝ շրջակա միջավայրի աղտոտման մասին տեղեկությունները ՀՀ բնապահպանության նախարարության պաշտոնատար անձանց կողմից դիտավորությամբ թաքցնելու դեպքի առթիվ։

Քննության ընթացքում անհրաժեշտություն էր առաջացել նշանակելու համալիր փորձաքննություն, որը հանձնարարվեց «Էլարդ» միջազգային ընկերությանը։

346
թեգերը:
ՀՀ քննչական կոմիտե, քննիչ, Լիդիան, Ամուլսար
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (87)
Ըստ թեմայի
Ամուլսարի փորձաքննություն իրականացնողները հանք չեն գնացել, ուսումնասիրել են միայն փաստաթղթերը. ՔԿ
Ամուլսարը չի աշխատում, բայց ներդրումների հոսքը դեպի Հայաստան աճել է
Ամուլսարը մտել է իշխանության «մատի ու մատանու արանքը». ի՞նչ է կատարվում «Իմ քայլում»
Զինծառայող

Որտեղ և ինչպես կիրականացվի զինծառայողների բուժսպասարկումը. տեղեկացնում է ՊՆ-ն

84
(Թարմացված է 18:00 20.10.2020)
Ժամանակավորապես գործող կարգը վերաբերում է զորահավաքով զորակոչվածներին և կամավորականներին։

ԵՐԵՎԱՆ, 20 հոկտեմբերի - Sputnik. Ժամանակավորապես դադարեցվում է զինծառայողների կողմից առողջական վիճակի վերաբերյալ ԶՈւ ռազմաբժշկական վարչություն ուղարկվող դիմում-բողոքների ընդունումը: Տեղեկությունը հայտնում է ՀՀ պաշտպանության նախարարության մամուլի ծառայությունը։

«Սա վերաբերում է նաև զորահավաքով զորակոչվածներին և կամավորականներին»,– նշված է հաղորդագրության մեջ։

ՊՆ–ն տեղեկացնում է, որ ռազմական դրության պայմաններում բոլոր զինծառայողների, այդ թվում՝ զորահավաքով զորակոչվածների և կամավորականների բուժսպասարկումը հավասարաչափ իրականացվում է ԶՈւ բուժտարհանիչ միջոցառումների ընդհանուր համակարգում, զորամասերում կամ տեղակայման վայրերում գործող կարգի համաձայն։

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները

84
թեգերը:
զինծառայող, Հայաստան
Ըստ թեմայի
Ինչո՞ւ ահաբեկիչները չեն կռվում Արցախի հյուսիսում, կամ ինչ կանեն նրանք Իրանի հետ
«Ուզում եմ` խաղաղություն լինի և հայրիկները գան տուն». արցախցի երեխաները` նախագահականում
Արցախի վիրավորների հետ աշխատում են նաև հոգեբանները. Արմեն Մուրադյան
Պատերազմի սարսափները. ինչպես են հոգեբաններն աշխատում վիրավոր զինծառայողների հետ
«Սուրբ Աստվածամայր» ԲԿ

Արցախում վիրավորված փոքրիկ Արծվիկը դուրս է գրվել հիվանդանոցից. լուսանկար

40
(Թարմացված է 15:09 20.10.2020)
Մի խումբ սրտացավ մարդկանց շնորհիվ Արծվիկի ու նրա ընտանիքի համար բնակարան է վարձակալվել բժշկական կենտրոնի մոտակայքում:

ԵՐԵՎԱՆ, 20 հոկտեմբերի — Sputnik. Մարտունի քաղաքում ծանր ռմբակոծությունից հետո վիրավորված 2-ամյա Արծվիկը դուրս է գրվել «Սուրբ Աստվածամայր» ԲԿ-ից: Տեղեկությունը Facebook–ի իր էջում հայտնել է բժշկական կենտրոնի մամուլի քարտուղար Գևորգ Դերձյանը։

«Փոքրիկի վիճակն արդեն լավ է: Ինքնազգացողությունը՝ հրաշալի»,–գրել է նա:

Դերձյանը տեղեկացրել է, որ երեխան դեռ որոշ ժամանակ կշարունակի մնալ բժիշկների հսկողության տակ: Նա գլխի շրջանում բարդ վիրահատություն էր տարել, վնասվածքներ ուներ նաև վերջույթներում։

Նա նշել է, որ մի խումբ սրտացավ մարդկանց շնորհիվ Արծվիկի ու նրա ընտանիքի համար բնակարան է վարձակալվել բժշկական կենտրոնի մոտակայքում: Դերձյանը ևս մեկ անգամ շնորհակալ ենք այս օրերի ընթացքում ցուցաբերված ուշադրության, նվերների ու սիրո համար:

Հիշեցնենք, որ Մարտունի քաղաքի ռմբակոծության հետևանքով փոքրիկի 9-ամյա քույրը մահացել էր:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 20-ի ժամը 14:30-ի դրությամբ` հակառակորդի կրակոցների հետևանքով զոհվել են 772 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6309 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 200 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 576 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները

40
թեգերը:
Արցախ, Ղարաբաղյան հակամարտություն, Լեռնային Ղարաբաղ, Մարտունի, հիվանդանոց, երեխա
թեմա:
Ադրբեջանական ագրեսիան Արցախում - 2020
Ըստ թեմայի
Նահանջը պարտություն չէ. Արծրուն Հովհաննիսյան
Կհաղթենք, հետո կտեսնենք, թե ինչ հարգանքով մեզ կվերաբերվեն միջազգային կառույցները. Քոչարյան
Հայաստանը խաղաղություն է ուզում, Թուրքիան՝ մարդասպանություն. հայերը Մադրիդի փողոցներում են
ԵԱՀԿ

Ղարաբաղի հարցում ԵԱՀԿ որոշման հետ պիտի համաձայն լինեն անդամ 57 երկրները

0
(Թարմացված է 18:20 20.10.2020)
Հոկտեմբերի սկզբին ԵԱՀԿ-ում ծանոթացել են Արցախի ԱԳՆ հայտարարությունը Հանրապետության անկախության ճանաչման անհրաժեշտության մասին։

ԵՐԵՎԱՆ, 20 հոկտեմբերի — Sputnik. ԵԱՀԿ բոլոր որոշումները, այդ թվում ՝ Լեռնային Ղարաբաղի վերաբերյալ, պահանջում են բոլոր 57 մասնակից երկրների համաձայնությունը, ՌԻԱ Նովոստիին հայտնել են կազմակերպության մամուլի ծառայությունից:

«ԵԱՀԿ-ն չի մեկնաբանում խորհրդարանի անդամների առանձին քաղաքական գործիչների հայացքները կամ գործողությունները։ ԵԱՀԿ բոլոր որոշումները պահանջում են բոլոր մասնակից երկրների կոնսենսուսը»,-հայտնել են կազմակերպության մամուլի ծառայությունից։

Նշենք, որ հոկտեմբերի 19–ին հայտնի դարձավ, որ Լեռնային Ղարաբաղի ճանաչման օրինագիծը կներկայացվի Ֆրանսիայի Սենատին։ Այս մասին Facebook սոցցանցի իր պաշտոնական էջում գրել է Ֆրանսիայի խորհրդարանի պատգամավոր Վալերի Բուայեն։

«Հակազդել Լեռնային Ղարաբաղի վրա Ադրբեջանի գրոհին, նշանակում է հակազդել թուրքական իսլամիզմի ներթափանցմանը Եվրոպա։ Այս շաբաթ ես Սենատ ներկայացրի Լեռնային Ղարաբաղի ճանաչման ու Թուրքիայի և Ադրբեջանի գործողություները դատապարտող նախագիծը», – գրել էր նա։

Հոկտեմբերի սկզբին ԵԱՀԿ-ում ծանոթացել են ԼՂՀ ԱԳՆ հայտարարությունը Հանրապետության անկախության ճանաչման անհրաժեշտության մասին:

Իր հերթին Ֆրանսիայի ԱԳՆ ղեկավար Ժան Իվ Լե Դրիանը, ելույթ ունենալով Սենատում, ընդգծել էր, որ օտարերկրյա միջամտությունը, մասնավորապես, Թուրքիային միջամտությունը Լեռնային Ղարաբաղի հակամարտության հարցում, անթույլատրելի է և միայն ուժեղացնում է էսկալացիան:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 20-ի ժամը 14:30-ի դրությամբ` հակառակորդի կրակոցների հետևանքով զոհվել են 772 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6309 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 200 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 576 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները

0
թեգերը:
Հայաստան, Ադրբեջան, ԵԱՀԿ Մինսկի Խումբ, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Իրանը զանգվածային զորավարժություններ կանցկացնի
Որտեղ և ինչպես կիրականացվի զինծառայողների բուժսպասարկումը. տեղեկացնում է ՊՆ-ն
Զինվորների մոտ ընդհանրապես հեռախոս չպետք է լինի. դա շատ ու շատ վտանգավոր է