Դավիթ Անանյան

ԱԱԾ–ն ՊԵԿ–ից Գագիկ Խաչատրյանի վերաբերյալ փաստաթղթեր է պահանջել

144
(Թարմացված է 14:49 29.08.2019)
ՊԵԿ նախագահն իր նախկին պաշտոնակցի նկատմամբ հարուցված քրեական գործի մասին այսօր զրուցել է լրագրողների հետ։

ԵՐԵՎԱՆ, 29 օգոստոսի — Sputnik. Ազգային անվտանգության ծառայությունը ՊԵԿ նախկին նախագահ, Ֆինանսների նախկին նախարար Գագիկ Խաչատրյանի նկատմամբ հարուցված քրեական գործով որոշ փաստաթղթեր է պահանջել ՊԵԿ ներկա ղեկավարությունից։ Այս մասին այսօր կառավարության նիստից հետո լրագրողներին հայտնեց ՊԵԿ նախագահ Դավիթ Անանյանը։

«Մեկնաբանություն չեմ կարող տալ, բնականաբար, քրեական գործ կա հարուցված։ Ընդ որում, քրեական գործի նախաքննությունն իրականացնող մարմինը` ԱԱԾ–ն, կարծում եմ որոշակի քննչական գործողությունների արդյունքում ինչ–որ փաստեր է բացահայտել։ Այդ թվում` ՊԵԿ–ից ինչ–որ փաստաթղթեր են պահանջել, ստացել։ Այդ փաստաթղթերի ուսումնասիրության արդյունքում, միգուցե քննչական մարմինն այդպիսի հետևություն է արել»,– ասաց Անանյանը։

ՊԵԿ նախագահը հստակեցրեց, որ ԱԱԾ–ին տրամադրած  փաստաթղթերը վերաբերում են տարբեր տնտեսվարող սուբյեկտների գործունեությանը։

Թե կոնկրետ ինչ տվյալներ, ու, որ թվականներին վերաբերող տեղեկություններ է պահանջել ԱԱԾ–ն, Դավիթ Անանյանը հրաժարվեց հայտնել։

Գագիկ Խաչատրյանի դեմ քրգործով 800 միլիոն դրամի վերականգնում է եղել. մանրամասներ

Հիշեցնենք, որ Գագիկ Խաչատրյանը ձերբակալվել էր օգոստոսի 27-ին` իրեն պատկանող տարածքներում ԱԱԾ–ի կատարած խուզարկությունից հետո։

Գագիկ Խաչատրյանը կասկածվում է առանձնապես խոշոր չափերի վատնման և պաշտոնեական դիրքի չարաշահման մեջ: ԱԱԾ–ից հայտնել էին, որ Խաչատրյանին պատկանող տարածքներում տեղի ունեցած խուզարկությունն իրականացվել է դեռևս 2019թ–ի փետրվարի 2-ին հարուցված քրեական գործի շրջանակներում։ Ի դեպ, խուզարկություններ էին կատարվել ինչպես Գագիկ Խաչատրյանի, այնպես էլ վերջինիս հետ փոխկապակցված մի շարք անձանց առանձնատներում և բնակարաններում, այդ թվում` ՀՀ ՊԵԿ նախկին բարձրաստիճան պաշտոնյա, Խաչատրյանի եղբորորդու` Կարեն Խաչատրյանի տանը։

144
թեգերը:
Քրեական գործ, ՀՀ Ազգային Անվտանգության ծառայություն. ԱԱԾ, Պետական եկամուտների կոմիտե (ՊԵԿ), Դավիթ Անանյան, Գագիկ Խաչատրյան, Հայաստան
Ըստ թեմայի
Գագիկ Խաչատրյանի ձերբակալությունն իշխանության վարկանիշի հարց է. քաղաքագետ Ստեփան Դանիելյան
ԱԱԾ–ն ձերբակալեց Գագիկ Խաչատրյանին
Միլիոնավոր դոլարների չարաշահումներ. Վանեցյանը մանրամասներ է ներկայացնում. տեսանյութ