ԵՐԵՎԱՆ, 29 օգոստոսի — Sputnik. Կոտայքի մարզի Զովունի գյուղում գտնվող Ներքին զորքերի զորամասի հարևանությամբ խոտածածկ տարածք է այրվում. հայտարարվել է հրդեհի «Բիս-1» աստիճան։ Այս մասին հայտնում է ՀՀ արտակարգ իրավիճակների նախարարությունը։
«Օգոստոսի 29-ին, ժամը 10:00-ին «911» ահազանգ է ստացվել, որ Կոտայքի մարզի Զովունի գյուղում գտնվող Ներքին զորքերի զորամասի հարևանությամբ այրվում է խոտածածկ տարածք: Դեպքի վայր է մեկնել ԱԻՆ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ»,–նշված է հաղորդագրության մեջ:
Վերջին տարիներին նման բարդ հրդեհ չէր եղել. ինչպես մարեցին «Ձյունիկ սառնարանի» հրդեհը
Այսօր ժամը 10:24-ին հայտարարվել է հրդեհի բարդության «Բիս-1» աստիճան. դեպքի վայր են մեկնել ԱԻՆ Երևան քաղաքի փրկարարական վարչության հրշեջ-փրկարարական ջոկատից ևս երեք մարտական հաշվարկ։ Այրվում է 5 հա բուսածածկույթ:
Կտրվի լրացուցիչ տեղեկություն:
