Ռոբերտ Քոչարյան

Օրենսգրքի բացի պատճառով խախտվում է Քոչարյանի անձնական ազատության իրավունքը․ Վարդևանյան

235
(Թարմացված է 11:15 26.08.2019)
Ռոբերտ Քոչարյանի գործով նոր մանրամասների մասին Sputnik Արմենիան զրուցել է Քոչարյանի պաշտպան Արամ Վարդևանյանի հետ։

ԵՐԵՎԱՆ, 26 օգոստոսի— Sputnik. ՀՀ 2-րդ նախագահ Ռոբերտ Քոչարյանի դատական գործի ընթացքը տրամաբանական փուլ է մտել այն պահից, ինչ կողմերը սպասում են Մարդու իրավունքների եվրոպական դատարանի ու Վենետիկի հանձնաժողովի արձագանքներին։ Այս կարծիքին է ՀՀ երկրորդ նախագահի պաշտպան, փաստաբան Արամ Վարդևանյանը։

«Այդ երկու հեղինակավոր կառույցների կարծիքները չափազանց օգտակար կլինեն գործի համար, թեև վերջնական որոշումը կայացնելու է Սահմանադրական դատարանը», - Sputnik Արմենիայի հետ զրույցում մանրամասնեց պաշտպանը։

Քոչարյանի գործով ՍԴ-ն հուլիսի 18–ին որոշել էր խորհրդատվական կարծիք ստանալու համար դիմել ՄԻԵԴ և Վենետիկի հանձնաժողով` Երևանի ընդհանուր իրավասության դատարանի և Քոչարյանի դիմումների հիման վրա։ ՍԴ–ն նաև որոշել էր Քոչարյանի գործի վարույթը կասեցնել` մինչև կառույցներից պատասխաններ ստացվեն։

Քոչարյանը պետք է անհապաղ ազատ արձակվի. ինչո՞ւ
Օգոստոսի 20-ին Վենետիկի հանձնաժողովը Սահմանադրական դատարանին հայտնել է, որ պատրաստ է խորհրդատվական կարծիք տրամադրել Ռոբերտ Քոչարյանի գործով։ ՄԻԵԴ-ից էլ հայտնել են, որ առաջնահերթության կարգով են քննելու Քոչարյանի դիմումը, սակայն դեռևս պետք է կարգավորվի վարույթն ընդունելու հարցը։

Օգոստոսի 29-ին ՍԴ-ն քննելու է Քոչարյանի մեկ այլ դիմում՝ ՀՀ քրեական օրենսգրքի 300.1-րդ հոդվածի` Սահմանադրությանը համապատասխանության հարցը որոշելու վերաբերյալ։

«Քրեական դատավարության օրենսգրքում չկա գեթ մեկ կետ, որով կարգավորվում է գործառույթային անձեռնմխելիություն ունեցող անձի քրեական պատասխանատվության ենթարկվելու հարցը։ Սա ոչ միայն պաշտոնաթող նախագահներին է վերաբերում, այլև պատգամավորներին, դատավորներին»,-հայտնեց Արամ Վարդևանյանը։

Պաշտպանի կարծիքով՝ Քոչարյանի գործով ընդհանուր կարգով քրեադատավարական նորմերի կիրառումը խախտում է նրա արդար դատաքննության իրավունքը և անձնական ազատության  իրավունքը։

Հնարավոր է` նաև ՄԱԿ դիմեն. Քոչարյանի պաշտպանները հայտնեցին հետագա քայլերի մասին

235
թեգերը:
Արամ Վարդևանյան, Ռոբերտ Քոչարյան
թեմա:
Ռոբերտ Քոչարյանի գործը (304)
Ըստ թեմայի
Մարդու ճակատին է գրված, որ նա դուխով է, ոչ թե գլխարկին. Քոչարյան
Դատարանի որոշմամբ պարզ դարձավ քննիչի ու դատախազների փնթի աշխատանքը. Լևոն Քոչարյան
Քոչարյան. «Քաղաքական ընդդիմության կոնսոլիդացիան չեմ բացառում»