ԵՐԵՎԱՆ, 24 օգոստոսի — Sputnik. «Ձյունիկ սառնարանում» հրդեհաշիջման աշխատանքները ղեկավարող ԱԻՆ Փրկարար ծառայության ճգնաժամային կառավարման ազգային կենտրոնի պետի տեղակալ, փրկարար ծառայության գնդապետ Արթուր Ոսկանյանը հավաստիացնում է` վերջին տարիներին այսքան բարդ հրդեհ չէր գրանցվել ՀՀ–ում։ Այս մասին Ոսկանյանը նշեց Sputnik Արմենիայի հետ զրույցում։

© Sputnik / Asatur Yesayants

Երբ պատերը կրակից հալվում են. «Ձյունիկ սառնարան» կոմբինատի հրդեհի մարման կադրերը

12

Ինչպես ավելի վաղ տեղեկացրել ենք, ԱԻՆ-ն այսօր հայտարարել էր, որ «Ձյունիկ սառնարանի»՝ դեռ օգոստոսի 19–ին բռնկված հրդեհը մարվել է։

«Այսքան բարդ հրդեհ մեկ էլ 2002թ.–ին էր եղել, երբ օպերայի թատրոնի շենքի բեմահարթակն էր այրվում։ Այն ժամանակ էլ կարևոր էր ամեն ինչ անել, որ շենքը չփլվի, ինչին մեր փրկարարները հասան»,–ասաց փրկարար ծառայության գնդապետը:

Ոսկանյանի խոսքով` «Ձյունիկ սառնարանում» բռնկված հրդեհը մարելը բարդ էր, քանի որ հենց շենքի կառուցվածքն էր բարդ` այն փակ կառույց է, որը չունի պատուհաններ։ Ըստ նրա` շենքի դրսի պատերը մի քանի շերտից են բաղկացած` առաջին շերտը երկաթբետոնե է, որին հաջորդում է «տոլի», պենոպլաստի և փայտյա ճաղավանդակի շերտերը։ Բռնկված հրդեհի հետևանքով այրվում էր պատերի պենոպլաստի և փայտի շերտը` ջերմահարելով նաև շենքի ներսի պատերը։ «Պատերի ջերմահարումը նպաստում էր սառնարանային տնտեսությունում գտնվող ապրանքների ջերմահարմանն ու բռնկմանը։ Իսկ հրդեհաշիջման աշխատանքներին խոչընդոտում էր ջերմահարման արդյունքում շենքի ներսում եղած բարձր ջերմությունը, որն ուղղակի թույլ չէր տալիս հրշեջներին մոտենալ կրակին»,–ասաց նա։

© Sputnik / Asatur Yesayants

«Ձյունիկ սառնարանում» 6 օր տևած հրդեհը մարվել է. տեսանյութ

Բաղդասարյանի խոսքով` կրակը մարելու համար իրենք մի քանի մարտավարություն են իրականացրել` նախ փակել են բոլոր սենյակների դռները, որպեսզի օդ չներթափանցի ու այրմանը նպաստի։ Դրան հաջորդել է դրսի կողմից ամբողջ շենքի սառեցման աշխատանքները և, զուգահեռ, պատերին փոքր անցքեր բացելն ու այնտեղից ներս ջուր ցողելը։ Այդ ընթացքում, սակայն, այն հատվածներից, որտեղ դեռ հրդեհ չէր բռնկվել, փրկարարները կարողացել են մի քանի տոննա գույք դուրս բերել` այդպիսով և՛ գույքը փրկելով, և՛ գույքի բռնկմամբ հրդեհի տարածումը կանխարգալելով։

«Ձյունիկ սառնարանի» շենքից հաջողվել է մի քանի տոննա ապրանք դուրս բերել
«Ամեն օր 70-80 փրկարար էր տեղում աշխատում։ Ես ինքս էլ 5 օր ու գիշեր աշխատել եմ, տուն չեն գնացել, որպեսզի կարողանանք հրդեհը մարել։ Այս ընթացքում միայն մեկ փրկարար է մի փոքր տուժել` սանդուղքով բարձրանալիս ոտքը ճիշտ չէր դրել աստիճանին ու ոտքի մատն էր վնասել»,–ասաց նա։

Հիշեցնենք, որ օգոստոսի 19-ին, ժամը 13:54-ին Երևան քաղաքի Արշակունյաց պողոտայի 9/2 հասցեում գտնվող «Ձյունիկ սառնարան» ՍՊԸ-ի սառնարանային շինության 3-5 հարկերում (յուրաքանչյուր հարկը՝ 740 քմ) հրդեհ էր բռնկվել։ Ամենադժվարը 5–րդ հարկում բռնկված կրակը մարելն է եղել, քանի որ այնտեղ ջերմաստիճանը 1000 աստիճանի էր հասնում։

ԵՐԵՎԱՆ, 5 մարտի – Sputnik, Արմենուհի Մխոյան. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:

Пресс-служба МИД РФ

Զախարովան խորհուրդ է տվել գերիների թվի հարցով դիմել ոչ թե իրեն, այլ Երևանին և Բաքվին

Նրանք, սակայն,  հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:

Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:

Մարտի 3-ին, սակայն, նրանք աշխատակիցների ելումուտը չէին արգելել:

Հիշեցնենք` 2020–ի դեկտեմբերի 16-ին հայտնի դարձավ, որ Հադրութի Հին Թաղեր և Խծաբերդ գյուղերի ուղղությամբ տեղակայված մի քանի մարտական դիրքերից 62 զինծառայող են գերեվարվել, բոլորը` Շիրակի մարզից։

Հունվարի 28–ին նրանցից հինգը վերադարձել են հայրենիք, իսկ 3-ը հեռախոսով զրուցել են ծնողների հետ։