Հայաստանի ազգային պոլիտեխնիկական համալսարան

Ինչ խախտումներ է հայտնաբերել ՊՎԾ–ն պոլիտեխնիկում. ուսումնասիրությունն ավարտվել է

41
ՊՎԾ–ն ուսումնասիրել է պոլիտեխնիկի չորս տարվա գործունեությունը։

ԵՐԵՎԱՆ, 22 օգոստոսի — Sputnik. ՀՀ պետական վերահսկողական ծառայությունը Հայաստանի ազգային պոլիտեխնիկական համալսարանում իրականացրած ուսումնասիրությունների ժամանակ խախտումներ է հայտնաբերել։ Այս մասին տեղեկանում ենք ՊՎԾ–ի Facebook–յան պաշտոնական էջից։

«Ուսումնասիրության ենթակա ժամանակահատվածը ներառել է 2015-2019 թվականները: Ուսումնասիրության արդյունքում արձանագրվել են խնդիրներ գնումների որոշ ընթացակարգերի, ձեռք բերված գույքի նպատակային օգտագործման, ինչպես նաև ուսանողական սննդի կետում սննդապահովման կազմակերպման գործընթացներում»,–նշված է հաղորդագրության մեջ։

Ուսումնասիրության արդյունքում կազմված տեղեկանքը և վերջինիս վերաբերյալ վերահսկվող օբյեկտի կարծիքն ուղարկվել է ՀՀ կրթության, գիտության, մշակույթի և սպորտի նախարարություն։ Գրությունն ուղարկվել է նախարարություն՝ առկա խնդիրները վերացնելու ուղղությամբ միջոցներ ձեռնարկելու նպատակով։

41
թեգերը:
խախտում, ստուգումներ, Հայաստանի ազգային պոլիտեխնիկական համալսարան, Պետական վերահսկողական ծառայություն (ՊՎԾ), Հայաստան
Ըստ թեմայի
Բժշկական համալսարանում խնդիրներ են արձանագրվել.ՊՎԾ–ի հայտարարությանը պատասխանել են ԵՊԲՀ–ից
Ծառայել, թե չծառայել. Ֆրանսիական համալսարանում տարկետում ստանալն անհնա՞ր է
Կոլապս Տնտեսագիտական համալսարանում. դասախոսները ռեկտորին մեղադրում են գրագողության մեջ