Զոհրաբ Մնացականյան

Ադրբեջանում գտնվող հայ զինվորի հարցը մտահոգիչ է. Զոհրաբ Մնացականյան

162
(Թարմացված է 14:17 22.08.2019)
ՀՀ ԱԳ նախարար Զոհրաբ Մնացականյանն այսօր լրագրողների հետ զրույցում անդրադարձել է ժամկետային զինծառայող Արայիկ Ղազարյանի պատանդառության հարցին։

ԵՐԵՎԱՆ, 22 օգոստոսի — Sputnik. Ադրբեջանում գտնվող ժամկետային զինծառայող Արայիկ Ղազարյանի հարցը  մտահոգիչ է։ Այսօր կառավարության նիստից հետո, լրագրողների հետ զրույցում հայտարարեց ՀՀ ԱԳ նախարար Զոհրաբ Մնացականյանը։

Նախարարը նշեց, որ այդ հարցով, սակայն, նորություն ու ասելիք այս  պահին չկա։

«Մենք` և՛ ԿԽՄԿ–ն, և՛ ՊՆ–ն , ովքեր առնչվում են այդ խնդրին, զբաղվում ենq այդ ուղղությամբ։ Հարցի զգայունությունը նախատեսում է կանոնակարգված աշխատանք»,– ասաց Մնացականյանը։

Լրագրողները հետաքրքրվեցին նաև, թե երբ է նախատեսվում Ադրբեջանի պաշտոնյաների հետ հանդիպում։ Նախարարը վստահեցրեց, որ այդ մասին կհայտարարվի, երբ պայմանավորվածություն կլինի։

Ինչ վնասվածք է Ադրբեջանում հայտնված զինվորի ձեռքի վրա. նոր մանրամասներ

Հիշեցնենք` Արցախի ՊԲ–ն օգոստոսի 12–ին հայտնել էր, որ ժամը 12:00-ի սահմաններում, ՊԲ հարավարևելյան ուղղությամբ տեղակայված զորամասերից մեկի պահպանության տեղամասից, դեռևս չպարզված հանգամանքներում, մարտական դիրքը լքել է զինծառայող, 2000թ. ծնված Արայիկ Ղազարյանը։ ՀՀ պաշտպանության նախարար Դավիթ Տոնոյանն էլ հայտնել էր, որ զինծառայողն, ամենայն հավանականությամբ, մոլորվել է։

162
թեգերը:
Արայիկ Ղազարյան, զինծառայող, Զինվոր, Ադրբեջան, ՀՀ Արտաքին գործերի նախարարություն. ԱԳՆ, Զոհրաբ Մնացականյան, Հայաստան
Ըստ թեմայի
Մասիս Մայիլյանն Անջեյ Կասպշիկի հետ քննարկել է Ադրբեջանում գտնվող Արայիկ Ղազարյանի հարցը
Զինվորին ինքնաձիգով հարվածել են ու քարշ տվե՞լ. ինչի՞ մասին են խոսում լուսանկարները
ՀՀ ՊՆ անելու է ամեն ինչ, որ Ադրբեջանում հայտնված հայ զինծառայողը չխոշտանգվի. Հովհաննիսյան
Արցախի ԱԳՆ–ն Կարմիր խաչի ներկայացուցչի հետ քննարկել է Ադրբեջանում հայտնված զինվորի հարցը
Կարմիր խաչի ներկայացուցիչներն Ադրբեջանում այցելել են Արայիկ Ղազարյանին