Հայկ Մարության. արխիվային լուսանկար

Հայկ Մարությանը դատի է տվել Սոնա Աղեկյանին

465
(Թարմացված է 11:29 21.08.2019)
Երևանի քաղաքապետը պահանջում է, որ Սոնա Աղեկյանը հատուցի իր պատվին և արժանապատվությանը պատճառած վնասը։

ԵՐԵՎԱՆ, 21 օգոստոսի — Sputnik. Երևանի քաղաքապետ Հայկ Մարությանը օգոստոսի 15–ին դատական հայց է ներկայացրել Երևանի ավագանու նախկին անդամ Սոնա Աղեկյանի դեմ: Այս մասին տեղեկանում ենք Դատական տեղեկատվական համակարգից:

Մարությանը պահանջում է, որ Աղեկյանն իր պատվին և արժանապատվությանը պատճառված վնասը հատուցի, ինչպես նաև հերքի ասածները։

Դատական գործը մակագրվել Երևան քաղաքի ընդհանուր իրավասության դատարանի դատավոր Տաթևիկ Ստեփանյանին:

«Այլընտրանքային քաղաքապետարան» նախաձեռնության անդամ Սոնա Աղեկյանը Հայկ Մարությանին քանիցս քննադատել է, իսկ վերջերս Աղյուսագործների փողոցում  բնակիչների կոյուղագծերի խնդրի մասին բարձրաձայնելու համար քաղաքապետարանի մոտ էր գնացել հենց կոյուղաջրերով։ Նա բերման էր ենթարկվել, իսկ մի քանի ժամ անց` ազատ արձակվել։

«Բուրավետ» պերֆորմանս. Երևանի քաղաքապետարանի դիմաց աղբ թափեցին` ի նշան բողոքի. տեսանյութ

Աղեկյանը երեկ` օգոստոսի 20–ին, ՀՀ-ում մարդու իրավունքների ոտնահարման վերաբերյալ ահազանգող նամակ հանձնեց Եվրամիության գրասենյակ: Նամակում նշվում է, որ ոտնահարվում են մարդկանց իրավունքները, բռնապետական ռեժիմը ճնշումներ է գործադրում` մարդկանց ազատությունները սահմանափակելու համար նրանց բերման ենթարկելով։

Աղբահանության հարցը բարձրացնելով էլ Սոնա Աղեկյանը Հայկ Մարությանի լուսանկարն էր փակցրել աղբամանի վրա, քաղաքապետարանի դիմաց աղբ թափել ու գործող քաղաքապետին հիշեցրել նախընտրական շրջանում տված խոստումները։

Վատ իրականացվող աղբահանությունը չի՞ պատժվում, կամ ջարդոնի համար բողոքողները լավ են պրծել

Օգոստոսի 9–ին կայացած մամուլիսի ասուլիսի ժամանակ Աղեկյանը պնդել էր, որ իրեն որևէ մեկը չի կարող համոզել, որ Երևանի քաղաքապետարանում կոռուպցիա չկա։ Ավելին՝ նա հայտարարել էր, որ կոռուպցիոն գործարքների մեջ է նաև քաղաքապետ Հայկ Մարությանը:

465
թեգերը:
Սոնա Աղեկյան, Հայկ Մարության
Ըստ թեմայի
Վարչապետն ուղիղ եթերում աշխատանքային հանդիպման է հրավիրել Երևանի քաղաքապետին. թեման աղբն է
Աղբի հա՞րց, թե՞ քարոզչություն. լրագրող վարչապետն ու դերասան քաղաքապետը PR ակցիա՞ էին անում
Երեք նոր աղբահավաք ավտոմեքենա հայ–վրացական սահմանին է