Սամվել Կարապետյան (Օգանովսկի)

«Ես չեմ կարա հավատամ, որ Օգանովսկին կրակելու հրաման տված լինի». Սեյրան Սարոյան

68
(Թարմացված է 14:39 20.08.2019)
Սեյրան Սարոյանը նշում է, որ իր ու Մանվել Գրիգորյանի բախտը բերել է, որ Մարտի 1–ի քննարկմանը չեն մասնակցել, թե չէ հիմա ամեն ինչ «ֆռցնելու էին» իրենց դեմ։

ԵՐԵՎԱՆ, 20 օգոստոսի — Sputnik. ԱԺ նախկին պատգամավոր, գեներալ Սեյրան Սարոյանը չի հավատում, որ գեներալ Սամվել Կարապետյանը (Օգանովսկին) 2008–ի Մարտի 1–ի դեպքերի ժամանակ ժողովրդի վրա կրակելու հրաման է տվել։ Այս մասին Սարոյանը հայտնեց Էջմիածնի իր տանն անցկացվող մամուլի ասուլիսի ժամանակ։

Ով է գեներալ Սամվել Կարապետյանը, և ինչպես նա դարձավ «Օգանովսկի»
«Չեմ կարա հավատամ, որ Օգանովսկին ժողովրդի վրա կրակելու հրաման տված լինի»,–ասաց Սարոյանը։

Հարցին, թե BBC-ն նման հոդված էր հրապարակել ու գրել, որ Մարտի 1–ին Արցախից զինվորականներ են եկել, գեներալը պատասխանեց, թե ինքն է նոր եկել ԱՄՆ–ից, BBC–ն պիտի ասի՞, թե ոնց է եղել։

«Էդ օրը սաղս էլ տեսել ենք, որ բոլորն էլ Երևանում են եղել: Հիմա պիտի խաբե՞նք իրար: Բախտներս բերեց, որ ես Մանվելի հետ եկել էինք տուն, Մարտի 1–ի հարցով քննարկմանը չմասնակցեցինք, թե չէ հիմա էդ էին մեր գլխին կապել, քրքրել էին մեզ։ Մի կողմից իշխանությունն էր ուզում, որ խառնվենք, ու մենք հասկացանք, որ ամեն ինչը «ֆռցնում» են մեր դեմ` թողեցինք եկանք տուն»,-ասաց Սարոյանը:

Հիշեցնենք, որ Մանվել Գրիգորյանը հրաժարվել էր ցուցմունք տալ Մարտի 1–ի գործով։ Մանվել Գրիգորյանի փաստաբան Լևոն Բաղդասարյանը հայտնել էր, որ Մարտի 1-ի գործի շրջանակում առկա է մի փաստաթուղթ, որում երևում է, որ այդ օրերին ՀՀ երկրորդ նախագահ Ռոբերտ Քոչարյանը հրավիրել է Մարտի 1-ի գործով խորհրդակցության, սակայն Մանվել Գրիգորյանը չի մասնակցել այդ խորհրդակցությանը:

Իսկ ինչ վերաբերում է Օգանովսկուն, ապա օգոստոսի 7–ին BBC–ի ռուսական լրատվական գործակալությունը համացանցում հոդված էր հրապարակել, որում նշվում էր, որ խմբագրության տնօրինության տակ է հայտնվել Արցախի հերոս, գեներալ–մայոր Սամվել Կարապետյանի (Օգանովսկու) հարցաքննության արձանագրությունը։

BBC–ի լրագրողը պնդում էր, որ քննության վարկածով, Կարապետյանն իր ենթակայության տակ գտնվող անձանցից 20 հոգանոց խումբ է ձևավորել, որը 2008 թվականի մարտի 1-ի դեպքերի ժամանակ տեղակայվել է Մարշալ Բաղրամյան պողատայում գտնվող նախագահական նստավայրի նկուղում։ Քննության վարկածով` մարտի 1-ին ցուցարարների ուղղությամբ հենց այդ խումբն է կրակել։

BBC-ի հայտնի հոդվածի նյութերը տվել է կա՛մ դատախազությունը, կա՛մ ՀՔԾ-ն. Քոչարյանի փաստաբան
Նշենք, որ այսօր մամուլում լուրեր էին տարածվել, թե ոստիկանները հետախուզել են Սարոյանի տունը, իսկ նա հասցրել է փախչել հետնամուտքով։ Սարոյանը ասուլիս էր հրավիրել՝ հերքելու այդ լուրերը։

68
թեգերը:
Մանվել Գրիգորյան, Սամվել Կարապետյանի (Օգանովսկի), Սեյրան Սարոյան
Ըստ թեմայի
Անվտանգության խորհրդի քարտուղարը չգիտի` ինչպես են քննչական փաստաթղթերն ընկել BBC–ի ձեռքը
Չգիտեմ՝ որքանով է իրականությանը համապատասխանում. Ավինյանը՝ BBC-ի հրապարակման մասին
BBC-ի հայտնի հոդվածի նյութերը տվել է կա՛մ դատախազությունը, կա՛մ ՀՔԾ-ն. Քոչարյանի փաստաբան
Հայոց բանակի գեներալը հայի վրա կրակելու հրաման չէր տա. Միքայելյանն` Օգանովսկու մասին
«Հոդվածը պատվիրված է». Բաբայանի գրասենյակը պատասխանել է «սոցցանցերում թափառող լուրերին»