Ապրիլյան պատերազմի հերոս Ադամ Սահակյանի ծննդյան օրն Է

Ինչ էր թաքցրել Ադամ Սահակյանը ծառայության ընթացքում. քառօրյայի հերոսը կդառնար 23 տարեկան

2755
(Թարմացված է 17:39 19.08.2019)
Ապրիլյան պատերազմի զոհերից Ադամ Սահակյանն ուզել էր առաջնագծում լինել` ավելի վտանգավոր պայմաններում գտնվողների կողքին։ Ադամը դրա համար «հնարքի» է դիմել։

ԵՐԵՎԱՆ, 19 օգոստոսի — Sputnik. Ապրիլյան պատերազմի զոհերից Ադամ Սահակյանը զորամասում չէր ասել, որ կարողանում է լավ նկարել կամ նախագծել (նա մասնագիտությամբ ճարտարապետ–դիզայներ էր), որպեսզի նրան առաջնագիծ տանեն։ Այս մասին Sputnik Արմենիայի հետ զրույցում ասաց Ադամի հայրը` Խաչատուր Սահակյանը։

Ապրիլյան պատերազմի հերոս Ադամ Սահակյանի ծննդյան օրն Է։  Ադամի հայրը` Խաչատուր Սահակյան
© Sputnik / Karine Harutyunyan
Ադամ Սահակյանի հայրը` Խաչատուր Սահակյանը

Այսօր Ադամի ծննդյան օրն է. նա կդառնար 23 տարեկան։ Ադամի ընտանիքը, ընկերները, հարազատներն այցելել էին Եռաբլուր, որտեղ նաև օրհնության կարգ կատարվեց` ինչպես Ադամի, այնպես էլ մյուս բոլոր զոհերի հիշատակին։

Ապրիլյան պատերազմի հերոս Ադամ Սահակյանի ծննդյան օրն Է։
© Sputnik / Karine Harutyunyan
Ադամ Սահակյանի գերեզմանին

«Ադամն անվախ էր ու պատրաստ էր կյանքը տալ ոչ միայն հայրենիքի, այլ նաև իր հարազատների, ընկերների համար։ Դրա համար էլ նա առաջնագծում էր ուզում լինել` նրանց կողքին, ովքեր կարող են վտանգի տակ լինել։ Ադամը դեռ մանկուց նայում էր մարտական ֆիլմեր. ֆիլմեր, որոնք գուցե նաև իր մասին էին»,–ասաց Խաչատուր Սահակյանը։

Ապրիլյան պատերազմի հերոս Ադամ Սահակյանի ծննդյան օրն Է։  Ադամի մայրը` Գայանե Սահակյան
© Sputnik / Karine Harutyunyan
Ադամ Սահակյանի մայրը` Գայանե Սահակյան

Նրա հոր խոսքով` եթե հանկարծ Ադրբեջանը որոշի մարտական գործողություններ սկսել և ինչ-որ տարածքներ գրավել, առաջիններից մեկն ինքն է մեկնելու սահման։ Խաչատուր Սահակյանը նշում է, որ վստահ է` իրեն նաև բոլոր զոհերի հայրերն են միանալու։ «Եթե հակառակորդը շփոթվի անգամ 10 սմ կամ կես քայլ ուզենա առաջ գալ, 10 վայրկյան հետո ես կլինեմ 102 բարձունքում` Ադամի դիրքում։ Կխորտակենք Ադրբեջանը ծովի խորքերը, ու վերջում ջրի վրա կգրենք` այստեղ միշտ ծով է եղել»,–ասաց նա։

Ապրիլյան պատերազմի հերոս Ադամ Սահակյանի ծննդյան օրն Է։  Ադամի եղբայրը` Մուշեղ Սահակյանն
© Sputnik / Karine Harutyunyan
Ադամ Սահակյանի եղբայրը` Մուշեղ Սահակյանը

Ադամի մայրը` Գայանե Սահակյանը, նշեց, որ ամեն օր սպասում է Ադամի վերադարձին, բացի այդ, կարծում է, որ Ադամն «ավելի շատ կա ու ներկա է», քան շատ–շատերը։ Տիկին Գայանեի խոսքով` օգոստոսի 19–ին ինքը միշտ իրեն երջանիկ է զգացել` այդպես է նաև հիմա, քանի որ Ադամն իր ներկայությունը միշտ զգացնել է տալիս։ Ըստ նրա` դեռ երեկ կեսգիշերից սկսած շնորհավորանքներ է ստացել տղայի ծննդյան օրվա կապակցությամբ։

Брат Адама - Мушег с женой Ани
© Sputnik / Karine Harutyunyan
Ադամ Սահակյանի եղբայրը` կնոջ հետ

«Երեկ կեսգիշերից հետո, երբ օրը փոխվեց, աշխարհի տարբեր ծայրերից շնորհավորանքներ էին հղում ինձ։ Ամենաշատն ինձ հուզեց մի կնոջ նամակ, որն ասում էր, թե երեք որդի ունի, որոնց մեծացնում է շատ ազատ` այնպես, ինչպես կուզեր Ադամը։ Ես հպարտ եմ, որ այդ կինն իր տղաների համար Ադամին որպես օրինակ է ընտրել»,–ասաց տիկին Գայանեն։

Ապրիլյան պատերազմի հերոս Ադամ Սահակյանի ծննդյան օրն Է
© Sputnik / Karine Harutyunyan
Ադամի գերեզմանի մոտ

Տիկին Գայանեի հարսը` Անի Ամիրջանյանը, կիրառական արվեստով է զբաղվում և սիրում Ադամի դիմանկարը նկարել։ Անին հիմա էլ գորգ է գործում ու մտածում` Ադամին նվիրված բոլոր աշխատանքները մի օր ցուցադրելու մասին։ Անին, ի դեպ, հենց Ադամի միջոցով էլ ծանոթացել է Ադամի եղբոր` Մուշեղի հետ, սիրահարվել ու ամուսնացել։ «Ադամի նկարն էի նկարել, և ուզում էի այն ոչ թե փոխանցել Ադամի ծնողներին, այլ ինքս գնալ ու տեսնել` ինչ պայմաններում է ապրում նրա ընտանիքը, որ այդքան լույս է ճառագում Ադամից։ Ճիշտ է, դժվար է անծանոթի նկարը նկարել, սակայն Ադամի դեպքում այդպես չէր. ինձ թվում էր` ես նրան ճանաչել եմ»,–ասաց նա։

Յուրաքանչյուր տարիքում երջանկությունը մի տեսք ունի. զրույց` Ադամ Սահակյանի մոր հետ

Անին պատմեց, որ Ադամի` զինվորական համազգեստով նկարած իր նկարով այցելել է նրանց տուն, տեսել Ադամի եղբորը, Մուշեղին ու այդտեղից էլ կամաց–կամաց սկսվել է ամեն ինչ...

Ի դեպ, զույգը որոշել է` իրենց որդուն Ադամի անունով են անվանակոչելու։

2755
թեգերը:
Եռաբլուր պանթեոն, Երևան, Ապրիլյան քառօրյա պատերազմ, Ադամ Սահակյան
Ըստ թեմայի
Քառօրյա պատերազմ. հիշում և խոնարհվում ենք
Ովքե՞ր են ՔՊ–ից մասնակցել ապրիլյան քառօրյային. բացահայտում է Փաշինյանը
Ապրիլյան քառօրյայում զոհված զինվորների շիրիմաքարերի վրա ինչ-որ հեղուկ են լցրել. տեսանյութ
Ֆիրդուսի

Սրճարաններ, թանգարաններ և ոչ միայն․ ինչպիսի՞ն է իրականում լինելու Ֆիրդուսի թաղամասը

117
(Թարմացված է 00:12 11.08.2020)
Իշխանությունը կարծում է, որ աշխատանքներն ավարտելուց հետո Երևանում ևս մեկ զբոսաշրջային գոտի կբացվի։

ԵՐԵՎԱՆ, 10 օգոստոսի – Sputnik․ Մշակույթի ու արվեստի անվանի գործիչների թանգարան, հուշանվերների խանութներ և փայտե պատշգամբներով քարե շենքեր․ ահա այն հիմնական կետերը, որոնք նախատեսված են Երևանի Ֆիրդուսի թաղամասի վերականգնման ու կառուցապատման նախագծով։ Sputnik Արմենիայի հարցմանն ի պատասխան հայտնեցին ՀՀ փոխվարչապետ Տիգրան Ավինյանի գրասենյակից։

Ավելի վաղ ՀՀ գրասենյակի Տիգրան Ավինյանի աշխատակազմի ղեկավար Վարագ Սիսեռյանը ցույց էր տվել՝ ինչ տեսք է ունենալու Ֆիրդուսին վերականգնումից ու կառուցապատումից հետո, նա քաղաքի այդ հատվածի 3D մոդելը հրապարակել էր Facebook-ում։

Կառուցապատման ընդհանուր մակերեսը 58 հազար քառակուսի մետր է, աշխատանքներն իրականացվել են 49 հազար քառակուսի մետրում, իսկ մնացած 9 հազարը դեռ իրականացման փուլում են։

Օրերս ՀՀ վարչապետ Նիկոլ Փաշինյանի մոտ տեղի ունեցած խորհրդակցության ժամանակ նշվել է, որ արդեն իսկ փոխհատուցվել է 378 ընտանիք (60 միլիոն դոլարի չափով), ընթացքի մեջ է 50 ընտանիքի փոխհատուցման գործընթացը։

«Ֆիրդուսում այժմ ընթանում են քանդման աշխատանքներ։ Շինարարության մեկնարկը ծրագրվում է 2020 թվականի վերջին, ավարտը՝ 2024 թվականի սկզբին», - նշված է գերատեսչության պատասխանում։

Այս պահին 70 միլիոն դոլար է ներդրվել նախագծում։ Ծրագրված է ևս 200 միլիոն դոլար ներդնել։ Ենթադրվում է, որ 6-ից 8 հազար աշխատատեղ է բացվելու։

Կառուցապատման հատակագծի հեղինակը Նարեկ Սարգսյանն է (Երևանի նախկին գլխավոր ճարտարապետը – խմբ․), գլխավոր ճարտարագետը՝ Հովհաննես Մութաֆյանը։ Տարածքը բաժանվել է 18 լոտերի, յուրաքանչյուր լոտ ունենալու է իր ճարտարապետը։

Նշվում է, որ հուշարձանային տարածքում գտնվող Հանրապետության և Տիգրան Մեծ փողոցներին հարակից հուշարձանները պահպանվելու են իրենց տեղերում, և վերարժևորվելու են շենքի բակային ճակատները։ Այս հուշարձանային շենքերին հաջորդելու են 2-4 հարկանի շենքերը՝ փայտե պատշգամբով։

«Արդյունքում տվյալ տարածքում կստեղծվի նոր, համահունչ զբոսաշրջային միջավայր։ Այս տարածքը կեզրագծվի 250 մ հետիոտնային ճանապարհով, որից այն կողմ արդեն կլինեն նորակառույց շենքեր», - նշված է պատասխանի մեջ։

1–ին և 2–րդ հարկերում նախատեսվում է սրճարաններ ու հուշանվերների խանութներ բացել։ Քննարկվում է նաև պատմական միջավայրի տարածքում 2–րդ և 3–րդ հարկերում ստեղծել մշակույթի հայտնի գործիչների թանգարաններ։

Ֆիրդուսին, որտեղ ժամանակին բավականին մեծ շուկա կար և մի քանի տասնյակ բնակելի տներ, Երևանում վերջին «հյուղակների թաղամասերից» էր։ Շուկան բազում դարերի պատմություն ունի, սկզբում այստեղ մեծ մասամբ իրանցիներն էին առևտուր անում։ Հենց այդ պատճառով էլ այդ հատվածը պահպանել է պարսիկ բանաստեղծ Ֆիրդուսիի անունը։

Հայաստանի նախկին իշխանությունը նախատեսում էր քանդել թաղամասի բոլոր հին շենքերը և մոտ հինգ հեկտար տարածքում նոր թաղամաս կառուցել, որում կլինեին բնակելի շենքեր, բիզնես կենտրոններ ու հյուրանոցներ։

Նոր Ֆիրդուսիի նախագիծը բուռն քննարկումների թեմա դարձավ, հատկապես երբ 2020 թվականի հունիսի 10-ին քանդեցին «կարմիր շենքը»։ Հունիսի 13-ին Երևանի ավագանին արտահերթ նիստ հրավիրեց։ Քաղաքապետարանի առջև Ֆիրդուսիի պաշտպանությանն ուղղված ակցիա անցկացվեց։

Ավելի ուշ ակտիվիստները բաց նամակ հղեցին վարչապետ Նիկոլ Փաշինյանին ու Երևանի քաղաքապետ Հայկ Մարությանին` պահանջելով անհապաղ դադարեցնել շինարարական աշխատանքները Ֆիրդուսիում, չեղարկել Նարեկ Սարգսյանի  նախագիծը, մայրաքաղաքի կենտրոնում նախատեսվող ցանկացած նոր շինարարության համար հանրային քննարկումներ անցկացնել ու այդ հին թաղամասի համար պատմամշակութային տեսքի պահպանությամբ նախագիծ մշակել։

Նամակը ստորագրել էին մի շարք հայտնի մարդիկ` գրողներ Նարինե Աբգարյանն ու Արամ Պաչյանը, օպերային երգիչներ Հասմիկ Պապյանն ու Աննա Մայիլյանը, ռեժիսորներ Աշոտ Ադամյանը, Լևոն Աթայանը, Սեդա Գրիգորյանն ու Դավիթ Մաթևոսյանը, նկարիչներ Զարուհի Մուրադյան ու Մարինա Դիլանյանը, ճարտարապետներ Արմեն Աբրոյանն ու Աշոտ Սիմոնյանը, լրագրողներ Արտավազդ Եղիազարյանն ու Լուսինե Հովհաննիսյանը, հասարակական գործիչ Հրանուշ Խառատյանը և ուրիշներ։

117
թեգերը:
Ֆիրդուսի, Երևան, Հայաստան
Ըստ թեմայի
Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան
Սթրիթ արտ սահմանամերձ գոտում. ինչպես Բալայանի «բլոճիկները» զվարճացրին Բերդի տղաներին
Սահմանամերձ Բերդավանի և Այգեպարի փողոցները հիմնանորոգվում են
Ի՞նչ աշխատանքներ են կատարվում Լոռիում. Փաշինյանը հերթական տեսանյութն է հրապարակել
NordStar

Հայաստանից ևս 400 մարդ է մեկնել Ռուսաստան

98
(Թարմացված է 20:57 10.08.2020)
ՌԴ քաղաքացիություն ունցող անձինք Հայաստանից մեկնել են Մոսկվա, Կալուգա և Սանկտ Պետերբուրգ։

ԵՐԵՎԱՆ, 10 օգոստոսի – Sputnik. Օգոստոսի 10-ին 3 չարտերային չվերթ է կայացել, և ՌԴ քաղաքացիների հերթական խումբը Հայաստանից մեկնել է Ռուսաստան։ Տեղեկությունը հայտնում է Հայաստանում Ռուասաստանի դեսպանությունը։

««NordStar ավիաընկերության (Գյումրի - Մոսկվա) և «Արմենիա» ավիաընկերության երկու հատուկ չարտերային չվերթերով (Երևան-Կալուգա և Երևան-Սանկտ Պետերբուրգ) Ռուսաստան է վերադարձել ևս 339 մարդ »,– նշված է հաղորդագրության մեջ։

Արտակարգ դրությունից հետո Հայաստանից ՌԴ է մեկնել 4440 մարդ։

ՌԴ քաղաքացիություն ունեցող անձանց վերադարձը կազմակերպելու աշխատանքը շարունակվում է։

98
թեգերը:
Ռուսաստան, չվերթ, Հայաստան
Ըստ թեմայի
Ի՞նչը կարող է փրկել ավիացիան․ ավիաընկերություններն անհամբեր սպասում են օգոստոսի 12-ին
«Աերոֆլոտը» չեղարկել է մի շարք քաղաքներ, այդ թվում՝ դեպի Երևան կանոնավոր չվերթերը
Մոսկվայից Երևան ևս մեկ չարտերային չվերթ նախատեսված է օգոստոսի 11-ին