Стройка компании Лидиан Армения

Ամուլսարը համայն հայության խնդիրն է. ջերմուկցիներն ավտոերթով կշարժվեն Երևան

97
(Թարմացված է 14:53 18.08.2019)
Երևանում նախատեսված է հանդիպում ՀՀ վարչապետ Նիկոլ Փաշինյանի հետ։

ԵՐԵՎԱՆ, 18 օգոստոսի - Sputnik. Ամուլսարի հանքի շահագործմամբ մտահոգ ջերմուկցիները վաղը` օգոստոսի 19-ին կհանդիպեն վարչապետ Նիկոլ Փաշինյանի հետ։ Կառավարության շենք հասնելու համար նրանք առավոտ կանուխ Ջերմուկից ավտոերթով կշարժվեն Երևան։ Այդ մասին Facebook-ի իր էջում հայտնել է Ջերմուկի բնակիչ Շիրակ Բունիաթյանը։

«Ամուլսարի հարցով քննարկում է լինելու կառավարությունում։ Նշանակվել է հանդիպում Ջերմուկ համայնքի համայնքապետի, ավագանու, անդամների ուսուցիչների և տնօրենների, առողջարանների և հյուրանոցների տերերի, ինչպես նաև հինգ հոգի հանքի դեմ պայքարող բնակիչների հետ։ Մենք բնակիչներով նպատակահարմար գտանք հինգ հոգու փոխարեն գնալ հիսունից ավել մեքենաներից կազմված ավտոերթով»,-գրել է նա:

Նա նաև իր հայրենակիցներին կոչ է արել միանալ ավտոերթին և միասնական երթով շարժվել Բաղրամյան 26։

«Հարգելի հայրենակիցներ Ամուլսարը դա հայրենիք է և համահայության խնդիրն է։
Բոլոր հայրենասեր մարդիկ կարող են և ցանկալի է, որ միանան ավտոերթին, ինպես Ջերմուկից այնպես էլ ճանապարհից։ Ինչպես նաև մարդիկ կարող են Երևանում միանալ մեզ»,-գրել է նա։

Ամուլսարի ոսկու հանքավայրերի ճանապարհը փակելու փաստով հարուցվել է քրեական գործ

Ավտոերթը կմեկնարկի Ջերմուկի Տաքսիների Կանգառ հրապարակից առավոտյան ժամը 07։00։
Հանդիպումը նախատեսված է Երևանում Բաղրամյան 26 հասցեում ժամը 12։00։

97
թեգերը:
Ջերմուկ, Ամուլսար, Նիկոլ Փաշինյան, Հայաստան
Ըստ թեմայի
Թերի փաստաթղթեր, թերի եզրակացություն. բնապահպանները չեն վստահում փորձաքննությանը
Ամուլսարի ոսկու հանքավայրերի ճանապարհը փակելու փաստով հարուցվել է քրեական գործ
Ամուլսարի գործը կկարճվի՞. ինչ է պարզվել փորձաքննության արդյունքում
Ամուլսարի հարցով հրապարակված եզրակացությունը սպասելի էր. «Լիդիանի» տնօրեն
«Ոչ մի հետ քայլ Ամուլսարի հարցում». ակտիվիստները փորձեցին կառավարության շենք մտնել